Students can go through AP Board 6th Class Science Notes 1st Lesson మనకు కావలసిన ఆహారం to understand and remember the concept easily.
AP Board 6th Class Science Notes 1st Lesson మనకు కావలసిన ఆహారం
→ మన రోజువారీ జీవితంలో రకరకాల ఆహారాన్ని తీసుకుంటాము.
→ వంట తయారీ కోసం, మనకు వివిధ రకాల పదార్థాలు అవసరం.
→ ఆరోగ్యం మరియు శక్తి కోసం మనం ఆహారాన్ని తీసుకుంటాము.
→ మొక్కలు, జంతువులు మరియు ఇతర వనరుల నుండి మనకు ఆహార పదార్థాలు లభిస్తాయి.
→ మనం కాండం, వేర్లు, ఆకులు, పండ్లు మరియు పువ్వులు వంటి మొక్కల వివిధ భాగాలను ఆహారంగా ఉపయోగిస్తాము.
→ మనం మొక్కల నుండి ధాన్యాలు, కూరగాయలు మరియు పండ్లను పొందుతాము.
→ పాలు, మాంసం, గుడ్డు వంటి ఆహార పదార్థాలు జంతువుల నుండి లభిస్తాయి.
→ నీరు, ఉప్పు వంటి కొన్ని ఆహార పదార్థాలను ఇతర వనరుల నుండి పొందవచ్చు.
→ ఆహారం యొక్క రుచి దానిలో ఉపయోగించిన పదార్థాలు మరియు తయారీ విధానం మీద ఆధారపడి ఉంటుంది.
→ ఉడకబెట్టడం, ఆవిరి చేయడం, కిణ్వప్రక్రియ, వేయించుట వంటివి ఆహారాన్ని తయారు చేసే కొన్ని పద్దతులు.
→ ఆహార నిల్వ అనేది తయారు చేసిన ఆహారాన్ని చెడిపోవడాన్ని నివారించటం.
→ చెడిపోయిన ఆహారం అతిసారం, వాంతులు మొదలైన వాటికి కారణమవుతుంది.
→ మనం కొంతకాలం ఆహారాన్ని సంరక్షించడానికి ఆహార నిల్వ పదార్థాలను ఉపయోగిస్తాము.
→ ఉప్పు, నూనె, కారం పొడి, తేనె మరియు చక్కెర ద్రావణాన్ని ఆహారాన్ని సంరక్షించడానికి నిల్వ పదార్థాలుగా ఉపయోగిస్తారు.
→ బెంజోయేట్స్, నైట్రేట్స్, సల్ఫేట్స్ వంటి కొన్ని రసాయనాలను కూడా ఆహార నిల్వలకు ఉపయోగిస్తారు.
→ గడువుతేది తర్వాత ఆహార పదార్థాలు తినడం మన ఆరోగ్యాన్ని పాడు చేస్తుంది.
→ ఇంట్లో తయారుచేసిన ఆహారం ఎల్లప్పుడూ మంచిది, ఆరోగ్యకరమైనది మరియు పరిశుభ్రమైనది.
→ దినుసులు : ఆహారాన్ని తయారు చేయడానికి అవసరమైన పదార్థాలు.
→ వనరులు : మనకు కావలసిన ముడి పదార్థాలు ఎక్కడ నుండి లభ్యమవుతాయో వాటిని వనరులు అంటారు.
→ నిల్వ చేయు పదార్థాలు : ఆహారం పాడై పోకుండా నిరోధించే పదార్థం లేదా రసాయనం.
→ సుగంధ ద్రవ్యాలు : ఆహారానికి రుచిని, మంచి వాసనను ఇచ్చే పదార్థాలను సుగంధ ద్రవ్యాలు అంటారు.
ఉదా : మిరియాలు, లవంగాలు, జీలకర్ర.
→ మరిగించడం లేదా ఉడకబెట్టడం : ఆహారాన్ని మెత్తపర్చటానికి, నీరు ఆవిరి అయ్యే వరకు వేడి చేయడం.
→ ఆవిరితో ఉడికించటం (స్టీమింగ్) : ఆవిరిని ఉపయోగించి వంట చేసే పద్ధతి స్టీమింగ్.
→ పులియబెట్టుట లేదా కిణ్వ ప్రక్రియ : ఈ విధానంలో సేంద్రియ పదార్థం సరళమైన పదార్థంగా విచ్ఛిన్నమవుతుంది.
→ వంటకం లేదా రెసిపీ : ఆహార పదార్థ తయారీ విధానాన్ని వివరించే సూచనల జాబితా.
→ నిల్వ చేయటం : ఆహారాన్ని చెడిపోకుండా సురక్షితంగా ఉంచే ప్రక్రియ.
→ మెనూ చార్ట్ : భోజనంలో వడ్డించే వంటకాల జాబితా.
→ ప్రపంచ ఆహార దినం : అక్టోబర్ 16న ప్రపంచ ఆహార దినంగా జరుపుకుంటారు.
→ ఆసాఫోటిడా : ఇది పప్పు మరియు సాంబార్ తయారీలో ఉపయోగించే ఒక పదార్థం. పసుపు వంటి సుగంధ ద్రవ్యము.
→ తృణ ధాన్యాలు : జొన్న, రాగి, సజ్జ వంటి పంటలను తృణ ధాన్యాలు అంటారు. వీటిని వరి, గోధుమ మన వంటి ఆహార పంటలకు ప్రత్యామ్నాయంగా ఉపయోగిస్తారు.
→ పప్పుధాన్యాలు : కంది, మినుము, శనగ గింజలను పప్పుధాన్యాలుగా వాడతారు. పప్పుదినుసు మొక్కల ఎండిన విత్తనాలు.
→ వేయించుట : ఆహారాన్ని నూనెలో వేడి చేయటం.
→ వెజిటబుల్ కార్వింగ్ : కూరగాయలు మరియు పండ్లతో వివిధ రకాల నమూనాలు మరియు అలంకరణలను తయారు చేయడం.
→ సూక్ష్మక్రిములు : కంటికి కనబడని అతి చిన్న జీవులు. ఇవి కొన్నిసార్లు మానవులకు మరియు ఇతర జీవులకు వ్యాధులను కలిగిస్తాయి.
→ మన విరేచనాలు : బ్యాక్టీరియా వల్ల రోజుకు మూడు లేదా అంతకంటే ఎక్కువ వదులుగా మల విసర్జన జరగటం.
→ కాలుష్యం : మోతాదుకు మించి పరిసరాలలో హానికర పదార్థాల చేరిక.
→ సిరప్ : చక్కెర మరియు నీటితో చేసిన తీపి ద్రవం.
→ గడువు తేదీ : ఇది ఆహార వస్తువును ఉపయోగించటానికి గరిష్ఠ కాలాన్ని సూచిస్తుంది.
→ జంక్ ఫుడ్ : అనారోగ్యకరమైన మరియు తక్కువ పోషక విలువలు కలిగిన ప్యాకేజీ ఆహారం.
→ పరిశుభ్రత : ఆరోగ్యాన్ని కాపాడుకోవడానికి మరియు వ్యాధుల వ్యాప్తిని నివారించడానికి శుభ్రంగా ఉండటం.
