Students can go through AP Board 6th Class Science Notes 2nd Lesson మొక్కల గురించి తెలుసుకుందాం to understand and remember the concept easily.
AP Board 6th Class Science Notes 2nd Lesson మొక్కల గురించి తెలుసుకుందాం
→ ఒక మొక్క యొక్క ముఖ్యమైన భాగాలు వేర్లు, కాండం మరియు ఆకులు.
→ తల్లివేరు వ్యవస్థ మరియు గుబురువేరు వ్యవస్థ మొక్కలలో కనిపించే రెండు రకాల వేరు వ్యవస్థలు.
→ ద్విదళ బీజం మొక్కలకు తల్లివేరు వ్యవస్థ ఉంటుంది. ఏకదళ బీజం మొక్కలకు గుబురు వేరు వ్యవస్థ ఉంటుంది.
→ వేరు మొక్కను నేలలో స్థిరపర్చి, నీరు మరియు ఖనిజాలను గ్రహిస్తుంది.
→ కొన్ని మొక్కలలో వేర్లు అదనపు బలాన్ని ఇస్తాయి.
→ కొన్ని గుబురు వేర్లు ఆహారాన్ని నిల్వ చేయడానికి సహాయపడతాయి.
→ కాండం వ్యవస్థలో కాండం, ఆకులు, పువ్వులు మరియు పండ్లు ఉంటాయి. కాండం నీరు మరియు ఖనిజాలను వేర్ల నుండి మొక్కల పై భాగాలకు మరియు ఆహారాన్ని ఆకుల నుండి ఇతర భాగాలకు రవాణా చేస్తుంది.
→ బంగాళదుంప, పసుపు, వెల్లుల్లి, అల్లం మరియు చెరకు కాండంలో ఆహార పదార్థాలను నిల్వ చేస్తాయి.
→ పత్ర పీఠం, పత్ర వృంతము మరియు పత్రదళం ఒక ఆకు యొక్క భాగాలు.
→ జాలాకార మరియు సమాంతర ఈనెల వ్యాపనం ఆకులలో కనిపిస్తాయి.
→ తల్లి వేరు వ్యవస్థ కలిగిన మొక్కలు జాలాకార ఈనెల వ్యాపనంను, గుబురు వేర్లు కలిగిన మొక్కలు సమాంతర ఈనెల వ్యాపనం కల్గి ఉంటాయి.
→ ఆకులు ఆహారాన్ని తయారు చేయడంతో పాటు, వాయువుల మార్పిడి మరియు బాష్పోత్సేకంలో కూడా ఇవి సహాయపడతాయి.
→ పరాగసంపర్కం కోసం కీటకాలను ఆకర్షించడానికి పువ్వులో రంగురంగుల ఆకర్షక పత్రాలు ఉన్నాయి.
→ ప్రకృతికి అందం ఇచ్చే రంగురంగుల పువ్వుల కోసం మొక్కలను పెంచుదాం.
→ తల్లి వేరు : మధ్యలో ఒక ప్రధాన వేరు ఉండి దాని నుండి పార్శ్వ వేర్లు ఏర్పడే వేరు.
→ గుబురు వేర్లు : కాండం నుండి ఏర్పడే ఒకే మందం, పొడవు కలిగిన వేర్ల సమూహం.
→ ఏకదళ బీజ మొక్కలు : విత్తనంలో ఒకే ఒక బీజదళం మాత్రమే ఉండే మొక్కలు.
→ ద్విదళ బీజ మొక్కలు : విత్తనంలో రెండు బీజదళాలు ఉండే మొక్కలు.
→ కణుపు : కాండం యొక్క భాగం. ఇక్కడ ఆకు మరియు ఇతర భాగాలు ఉత్పత్తి అవుతాయి.
→ అగ్ర కోరకం : కాండం పై భాగాన ఉండే పెరుగుదల చూపే మొగ్గ.
→ పార్శ్వ కోరకం : ఆకు యొక్క అక్షం వద్ద పెరిగే మొగ్గ.
→ పత్రం : మొక్కలో ఉండే ముఖ్య భాగము పత్రం. దీనిద్వారా బాష్పోత్సేకం, కిరణజన్య సంయోగక్రియ జరుగుతాయి.
→ పత్ర వృంతము : కాండంతో ఆకును కలిపే కాడ వంటి నిర్మాణం.
→ పత్ర దళం : ఆకు యొక్క చదునైన ఆకుపచ్చ భాగం.
→ జాలాకార ఈనెల వ్యాపనం : ద్విదళ ఆకులలో ఉన్న ఈ నెలు పత్రదళం అంతటా వలలాగా అమర్చబడి ఉండే ఈనెల అమరిక.
→ సమాంతర ఈనెల వ్యాపనం : ఏకదళ బీజం ఆకులలో ఉన్న ఈ నెలు ఒకదానికొకటి సమాంతరంగా అమర్చబడి ఉండే ఈనెల అమరిక.
→ పత్ర రంధ్రము : పత్రదళంలో గల చిన్న రంధ్రాలు.
→ బాష్పోత్సేకము : ఆకులు నీటిని, ఆవిరి రూపంలో విడుదల చేసే ప్రక్రియ.
→ కిరణజన్య సంయోగక్రియ : మొక్కలలో ఆహార తయారీ ప్రక్రియ.
→ పార్శ్వ వేర్లు : తల్లి వేరు వ్యవస్థలో ప్రధాన వేరు నుండి ప్రక్కకు పెరిగే చిన్న వేర్లు.
→ విత్తన ఆకులు : అంకురోత్పత్తి సమయంలో విత్తనం నుండి వెలువడే మొదటి ఆకులు.
→ బీజ దళం : విత్తనంలో గల పప్పు బద్దలు. ఆకులు ఏర్పడే వరకు పెరిగే మొక్కకు ఆహారం అందిస్తాయి.
→ దుంప వేర్లు : ఆహార పదార్థాలను నిల్వ చేయటం వలన లావుగా ఉండే వేర్లు.
→ కాండం వ్యవస్థ : మొక్కలలో భూమి పైన పెరిగే భాగం.
→ కాండం : మొక్క యొక్క ప్రధాన అక్షం కాండం. ఇది భూమి పైభాగాన పెరుగుతుంది.
→ కణుపు మద్యమం : రెండు వరుస కణుపుల మధ్య కాండ భాగం.
→ ఈనెలు : ఆకు పత్రదళంలో గల గీతల వంటి నిర్మాణాలు.
→ మధ్య ఈనె : పత్ర దళం మధ్యలో ఉన్న పొడవైన ఈనె.
→ పార్శ్వ ఈనెలు : ఆకులోని మధ్య ఈనెల నుండి ఏర్పడే సన్నని నిర్మాణాలు.
→ ఈనెల వ్యాపనం : పత్ర దళంలో ఈనెల అమరిక.
→ మడ అడవులు : సముద్ర తీర ప్రాంత ఉప్పు నీటిలో పెరిగే చెట్లు.
→ పువ్వు : ఒక మొక్క యొక్క లైంగిక భాగం.
→ పూ ఆకర్షక పత్రాలు : పువ్వులో రంగురంగుల భాగాలు. వీటినే ఆకర్షక పత్రాలు అంటారు.
→ పరాగసంపర్కం : పువ్వు నుండి పువ్వుకు లేదా అదే పువ్వులో పుప్పొడి బదిలీ చేయబడడం.
→ వాయుగత వేర్లు : కొన్ని మొక్కలలో వేర్లు భూమి పైకి పెరుగుతాయి. వీటిని వాయుగత వేర్లు అంటారు.