AP Board 4th Class EVS Solutions 4th Lesson జ్ఞానేంద్రియాలు

Andhra Pradesh AP Board 4th Class EVS Solutions 4th Lesson జ్ఞానేంద్రియాలు Textbook Exercise Questions and Answers.

AP State Syllabus 4th Class EVS Solutions Lesson 4 జ్ఞానేంద్రియాలు

I. విషయావగాహన:

ప్రశ్న 1.
మనకు జ్ఞానేంద్రియాలు ఎన్ని? అవి ఏవి?
జవాబు.
మనకు ఐదు జ్ఞానేంద్రియాలు ఉన్నాయి. అవి

1. కళ్ళు (చూడడానికి)
2. ముక్కు (వాసన)
3. చెవులు – (వినికిడి)
4. నాలుక (రుచి)
5. చర్మర (స్పర్శ)

ప్రశ్న 2.
మనకు జ్ఞానేంద్రియాలు ఎందుకు ప్రధానమైనవి?
జవాబు.

1. జ్ఞానేంద్రియాలు మనం వివిధ అంశాలకు అనుగుణంగా ప్రతిస్పందించడానికి ఉపయోగపడతాయి.
2. ఈ జ్ఞానేంద్రియాలు చాలా సున్నితమైనవి.
3. జ్ఞానేంద్రియాల సహాయంతో మనం చూడ ఉగుతున్నాం, వినగలుగుతున్నాం, రుచి, వాసన, స్పర్శలు తెలుసుకోగలుగుతున్నాం.
4. ఈ జ్ఞానేంద్రియాలు చక్కగా పనిచేయడమే మన శరీరం ఆరోగ్యంగా ఉందనడానికి నిదర్శనం.
5. కాబట్టి మనకు జ్ఞానేంద్రియాలు ప్రధానమైనవి.

II. ప్రశ్నించడం – పరికల్పనలు చేయడం:

ప్రశ్న 3.
విభిన్న సామర్థ్యాలున్న వారు జీవిత సవాళ్ళను ఎలా ఎదుర్కొటున్నారో తెలుసుకోవడానికి మీరు ఏ ప్రశ్నలు అడుగుతారు?
జవాబు.
నేను చూపులేని (విభిన్న సామర్థ్యాలున్న) వ్యకిని ఈ క్రింది ప్రశ్నలు అడుగుతాను.

1. మీరు రోడ్డును ఎలా దాటతారు?
2. మీరు ఎలా చదువుతారు?
3. మీరు మీకు తెలిసిన వ్యక్తులను ఎలా గుర్తిస్తారు?
4. మీకు చెందిన వస్తువులను మీరు ఎలా గుర్తిస్తారు?

III. ప్రయోగాలు – క్షేత్ర పరిశీలనలు:

ప్రశ్న 4.
మీ వంట గదిలో ఉన్న ఆహార పదార్థాలను రుచి చూసి వాటి రుచులను పట్టిక రూపంలో రాయండి?
జవాబు.

క్రమ సంఖ్య	ఆహార పదార్థాలు	రుచి
1.	పంచదార	తీపి
2.	మిరపకాయ	కారం
3.	చింతపండు	పులుపు
4.	పచ్చడి	కారం
5.	ఉప్పు	ఉప్పు
6.	బియ్యం(అన్నం)	తీపి
7.	వెనిగర్	పులుపు
8.	కాకరకాయ, పసుపు	చేదు

ప్రశ్న 5.
మీ స్నేహితుల నుండి సమాచారాన్ని సేకరించి, క్రింది పట్టికలో నింపండి?
జవాబు.

క్రమ సంఖ్య	పేరు	అంగవైకల్యం
1.	హెల్లన్ కిల్లర్	మూగ – అంధత్వం
2.	సుధా చంద్రన్	ఒక కాలు జైపూర్ కాలు
3.	స్టిఫన్ హాకింగ్స్	మోటార్ న్యూరన్ డిసీజ్ (లేదా) ఎ ల్ ఎస్
4.	రవీంద్ర జైన్	అంధత్వం
5.	ఎస్. జైపాల్ రెడ్డి	పోలియో
6.	నిక్ వుజిసిక్	ఫోకోమిలియా (కాళ్ళు చేతులు, లేకుండా)

IV. బొమ్మలు గీయడం – నమునాలు తయారు చేయడం:

ప్రశ్న 6.
మీ ముఖాన్ని గీసి, దానిలో జ్ఞానేంద్రియాలను గుర్తించండి?
జవాబు.

VI. ప్రశంస:

ప్రశ్న 7.
నీవు చెడు స్పర్శకు గురైనట్లైతే నీ తల్లిదండ్రులకు ఏమని చెబుతావు?
జవాబు.

1. నేను చెడు స్పర్శకు గురైనట్లైతే దాని గురించి వెంటనే నా తల్లిదండ్రులకు చెప్తాను.
2. మరొక సారి ఆ వ్యక్తి కనబడితే వెంటనే తల్లిదండ్రులకు తెలియజేస్తాను.

కృత్యం 1 ( మన జ్ఞానములు): (TextBook Page No.29)

క్రింది వాటిని చూడండి. వీటిని తెలుసుకునేందుకు ఏ శరీర భాగాలను ఉపయోగిస్తారు. ఇచ్చిన గీతలపై రాయండి.

జవాబు.

కృత్యం 2: (TextBook Page No.36)

ఒక స్పర్శ నన్ను అభద్రతకు, భయానికి గురిచేసినట్టయితే నేను ఇలా చెప్తాను.
జవాబు.
వద్దు

వీరికి ఈ విషయాన్ని తెలియజేస్తాను.
జవాబు.
తల్లిదండ్రులు లేదా ఉపాధ్యాయులు

కృత్యం 3: (TextBook Page No.37)

క్రింది చిత్రాలను పరిశీలించి ఏవి మంచి స్పరో, ఏది చెడు స్పరో చెప్పండి.

జవాబు.

అదనపు ప్రశ్నలు:

ప్రశ్న 1.
ఏ అవయవం సహాయంతో చాక్లెట్ రుచిని గ్రహిస్తారు ?
జవాబు.
చాకెట్ల రుచిని గ్రహించడానికి నాలుకను ఉపయోగిస్తారు.

ప్రశ్న 2.
సెంట్ (పెర్ఫ్యూమ్) యొక్క సువాసను గ్రహించడానికి ఏ అవయవాన్ని ఉపయోగిస్తారు?
జవాబు.
సువాసనను గ్రహించడానికి ముక్కు ను ఉపయోగిస్తారు,

ప్రశ్న 3.
మన కళ్ళతో మనం ఏఏ పనులు చేయగలము?
జవాబు.

1. కళ్ళు మనకు చూడటానికి ఉపయోగపడుతున్నాయి.
2. కళ్ళతో మన చుట్టూ ఉన్న రంగుల ప్రపంచాన్ని చూడగల్గుతున్నాం.
3. మనం టీవి చూడటం, సినిమాలు చూడడం, పుస్తకాలు చదవడం’ కళ్లతో చేస్తున్నాము.

ప్రశ్న 4.
మన కంటిని మనం ఎలా సంరక్షించుకోవాలి ?
జవాబు.

1. తగినంత కాంతిలో చదవాలి. మసక లేదా దేదీప్యవంతమైన కాంతి కళ్ళకు హానికరం.
2. కనీసం 6 అడుగుల దూరం నుండి టీవిని వీక్షించాలి.
3. కంటిలో దురద కలిగినట్టయితే, కంటిని రుద్ద కూడదు. కంటిని నెమ్మదిగా, శుభ్రమైన, చల్లని నీటితో కడగాలి.
4. పదునైన వస్తువులతో ఆడకూడదు.
5. సూర్యుని ,వైపు లేదా తీవ్ర కాంతి వైపు ప్రత్యక్షంగా చూడరాదు. అలా చూడడం వల్ల కంటి చూపు దెబ్బతినవచ్చు.

ప్రశ్న 5.
ఒక వేళ కంటి చూపు లేని వ్యక్తి రోడ్డు దాటడానికి ప్రయత్నించడం నీవు చూసావనుకుందాం నీవేవి చేస్తావు ?
జవాబు.
ఒక వేళ కంటి చూపు లేని వ్యక్తి రోడ్డు దాటడానికి ప్రయత్నించటం నేను చూస్తే, నేను. అతని చేతిని పట్టుకుని జాగ్రత్తగా రోడ్డును దాటిస్తాను.

ప్రశ్న 6.
నీ ముక్కును సంరక్షించడానికి నీవు ఏ జాగ్రత్తలు తీసుకుంటావు ?
జవాబు.

1. ముక్కులో ఎటువంటి వస్తువులను ఉంచుకోకూడదు.
2. ఏదైనా వస్తువు ముక్కలోనికి వెళ్ళినట్లైతే ఆ వస్తువు బయటకు వచ్చేలా గాలి బయటకు వదలాలి. వీలైనంత త్వరగా వైద్యుడిని సంప్రదించాలి.
3. జలుబుతో ముక్కు పూడుకుపోయినట్లైతే ఆవిరి పట్టడం మంచి ఉపశమనాన్ని ఇస్తుంది.
4. ముక్కులో వేళ్ళను పెట్టుకోకూడదు.
5. ఎల్లపుడు ముక్కతోనే గాలిని పీల్చాలి. నోటితో పిల్చకూడదు.

ప్రశ్న 7.
మన వినికిడి జ్ఞానం ఏ విధంగా దెబ్బతింటుంది ?
జవాబు.

1. చెవిలో ఉండే కర్ణభేరి చాలా సున్నితంగా ఉంటుంది.
2. పెద్ద శబ్దాలైన ఉరుములు, పిడుగుల శబ్దాలు, దీపావళి బాంబులు, లౌడ్ స్పీకర్లు వినడం వల్ల మన వినికిడి శక్తి దెబ్బతింటుంది.

ప్రశ్న 8.
మన చెవుల పట్ల ఎటువంటి జాగ్రత్తలు తీసుకోవాలి?
జవాబు.

1. హెయిర్ పిన్నులు, అగ్గి పుల్లలు వంటి పదునైన వస్తువులతో చెవులను శుభ్రం చేయకూడదు. వాటి వల్ల చెవులకు హాని జరుగుతుంది.
2. స్నానం చేసిన తరువాత, మెత్తని పొడి గుడ్డతో చెవులను శుభ్రం చేసుకోవాలి. లేకపోతే చెవిలోనికి వెళ్ళిన నీరు హాని కలిగించవచ్చు.
3. చెవిలో పెన్సిళ్ళు, బలపాలను పెట్టుకోకూడదు.
4. మన చెవులకు హాని చేసే పెద్ద పెద్ద శబ్దాలను వినకూడదు.

ప్రశ్న 9.
మంచి రుచికరమైన ఆహారాన్ని తిన్నపుడు ఎలా అనుభూతి చెందుతావు ?
జవాబు.
తీపి, చేదు, పులుపు మొదలైన రుచులను నాలుక గ్రహిస్తుంది. నాలుక పై ఉండే రుచి మొగ్గలు మనకు వివిధ రకాల ఆహార పదార్థాల రుచిని కనుగొనడానికి సహాయపడతాయి.

ప్రశ్న 10.
వేరు వేరు జంతువులు వాటి నాలుకను ఎలా వినియోగించుకుంటాయి?
జవాబు.

1. కప్పలు, బల్లులు, ఊసరవెల్లులు ఆహారాన్ని పట్టుకోవడానికి తమ నాలుకను ఉపయోగిస్తాయి.
2. పములు నాలుక ద్వారా వాసనను పసిగడతాయి.

ప్రశ్న 11.
మన నాలుకను మనం ఏ విధంగా సంరక్షించుకోవాలి ?
జవాబు.

1. బ్రష్ చేసే సమయంలో ప్రతిరోజు నాలుక బద్దతో నాలుకను శుభ్రం చేసుకోవాలి.
2. బాగా వేడిగా ఉన్న లేదా బాగా చల్లగా ఉన్న ఆహారాన్ని తిన కూడదు. అలా తినడం వల్ల నాలుక లేదా దంతాలకు హాని కలగవచ్చు.

ప్రశ్న 12.
నీవు నీ వ్యక్తిగత శుభ్రతను ఎలా పాటిస్తావు?
జవాబు.

1. వ్యక్తిగత పరిశుభ్రత కలిగి ఉండటం ద్వారా శరీరాన్ని పరిశుభ్రంగా ఉంచుకోగలం.
2. వ్యక్తిగత పరిశుభ్రత అనగా స్నానం చేయడం, దంతాలు శుభ్రపరచుకోవడం, ఆ చేతులను కడుకోవడం.
3. వ్యక్తిగత పరిశుభ్రత మనల్ని ఆరోగ్యంగా ఉంచుతుంది.

ప్రశ్న 13
మీ స్నేహితులు ఎల్లప్పుడూ అనారోగ్యంగా బలహీనంగా ఉంటాడు. అతను బలంగా ఆరోగ్యంగా ఉండడానికి నీవేమి సలహాలు ఇస్తావు?
జవాబు.
ఆరోగ్యంగా, శక్తివంతంగా ఉండటానికి:

1. వారానికి కనీసం రెండూ సార్లు తలస్నానం చేయాలి.
2. క్రమం తప్పకుండా గోళ్ళను కత్తిరించుకోవాలి.
3. తుమ్మినపుడు ముక్కుకి, దగ్గినపుడు నోటికి చేతి రుమాలును అడ్డు పెట్టుకోవాలి.
4. ఆహారం తినేముందు తిన్న తరువాత చేతులను శుభ్రపరచుకోవాలి. . .
5. మరుగుదొడ్లను ఉపయోగించిన తరువాత సబ్బుతో చేతులను శుభ్రపరచుకోవాలి.

ప్రశ్న 14.
విభిన్న ప్రతిభ గల వ్యక్తులు ఎవరు?వారితో ఎలా ప్రపర్తించాలి?
జవాబు.

1. నడువలేని, చూడలేని, వినలేని, మాట్లాడలేని వారిని “దివ్యాంగులు” లేదా “విభిన్న ప్రతిభ గల వ్యక్తులు” అంటారు.
2. వీరిని తమ జీవితంలో ఏ సమస్యనైనా ధైర్యంగా ఎదుర్కోనేలా మనం ప్రోత్సహించాలి.
3. వీరికి కుటుంబ సభ్యులు, స్నేహితులు, ఉపాధ్యాయులు సహకారం అందించాలి.
4. వీరిని మనం అవహేళన చేయకూడదు. వారిని మారు పేరు పెట్టి పిలవకూడదు. వీరితో స్నేహంగా మెలగాలి.

ప్రశ్న 15.
మంచి స్పర్శ – చెడు స్పర్శలను వివరించండి?
జవాబు.
1. మంచి స్పర్శ :
భద్రతా భావాన్ని కలిగించే శారీరక స్పర్శను మంచి స్పర్శ అంటారు. ఈ
ఉదా :- ప్రేమగా తలను నిమరడం, అభినందనలతో హత్తుకోవడం.

2. చెడు స్పర్శ :
అభద్రతా భావాన్ని కలిగించే స్పర్శను చెడు స్పర్శ అంటారు.
ఉదా :- రహస్య భాగాలను స్పర్శించడం, ఛాతి, పిరుదులను స్పర్శించడం.

ప్రశ్న 16.
ఎవరైనా మిమ్మల్ని తప్పుడు విధానంతో తాకినట్లైతే మీరేం చేస్తారు?
జవాబు.
ఎవరైనా నన్ను తప్పుడు విధానంతో తాకితే

1. వద్దని చెప్తాను
2. వారి నుండి దూరంగా వెళ్తాను.
3. మా తల్లిదండ్రులకు లేదా ఉపాధ్యాయులకు, నమ్మకం ఉన్న వారికి దాని గురించి చెప్తాను.
4. సహాయం కోసం పిలుస్తాను లేదా గట్టిగా అరుస్తాను.

ప్రశ్న 17.
పిల్లలో చెడు స్పర్శ సంకేతాలను కుటుంబ సభ్యులు లేదా స్నేహితులు ఎలా గుర్తిస్తారు?
జవాబు.
చెడు స్పర్శకు గురైన పిల్లలు.

1. ఒంటరిగా విచారంగా ఉంటారు.
2. భయ పెట్టిన వ్యక్తుల పట్ల భయంతో బెరుకుగా ఉంటారు.
3. ఎక్కడకు వెళ్ళాలన్నా తోడు రమ్మంటారు.
4. చదువులో శ్రద్ధ చూపించరు.

బహుళైచ్ఛిక ప్రశ్నలు:

సరియైన సమాధానాలను గుర్తించండి:

ప్రశ్న 1.
క్రింది వానిలో వేరుగా ఉన్నదానిని గుర్తించండి ___________
A) ముక్కు
B) నాలుక
C) పళ్ళు
D) చర్మము
జవాబు.
C) పళ్ళు

ప్రశ్న 2.
చిమ్మ చీకటిలో కూడా చూడగల పక్షి ___________
A) గుడ్లుగూబ
B) గద్ద
C) గబ్బిలం
D) కాకి
జవాబు.
A) గుడ్లుగూబ

ప్రశ్న 3.
ఐదు కళ్ళను కలిగి ఉండే జీవి ___________
A) చీమ
B ) మిడత
C) తేనెటీగ
D) రాబందు
జవాబు.
C) తేనెటీగ

ప్రశ్న 4.
అంధులు చదవడానికి ఉపయోగించే లిపి ఏది ___________
A) తెలుగు
B) బ్రెయిలీ
C) దేవనాగరి
D) ఆంగ్లము
జవాబు.
B) బ్రెయిలీ

ప్రశ్న 5.
అంధుల కోసం ప్రత్యేకమైన లిపిని కనుగొన్నవారు ___________
A) న్యూటన్
B) ఐన్స్టీన్
C) గ్రహంబెల్
D) లూయిస్ బ్రెయిలీ
జవాబు.
D) లూయిస్ బ్రెయిలీ

ప్రశ్న 6.
మన శరీరంలో ___________ జ్ఞానేంద్రియాలు ఉన్నాయి.
A) 5
B) 6
C) 4
D) 10
జవాబు.
A) 5

ప్రశ్న 7.
రుచిని గ్రహించడానికి నాలుక పై ఉండే ___________ సహయపడతాయి.
A) రుచి విత్తులు
B) రుచి మొగ్గలు
C) రుచి పత్రాలు
D) రుచి పుష్పాలు
జవాబు.
B) రుచి మొగ్గలు

ప్రశ్న 8.
క్రింది వానిలో ఆహారాన్ని పట్టుకోవడానికి నాలుకను ఉపయోగించేవి ___________
A) కప్పలు
B) బల్లులు
C) ఊసరవెల్లులు
D) అన్ని
జవాబు.
D) అన్ని

ప్రశ్న 9.
మీ రహస్య భాగాలను తాకడం అనేది ___________ స్పర్శ.
A) మంచి
B) చెడు స్పర్శ
C) A మరియు B
D) చెప్పలేము
జవాబు.
B) చెడు స్పర్శ