These AP 8th Class Biology Important Questions 8th Lesson మొక్కల నుండి ఆహారోత్పత్తి will help students prepare well for the exams.
AP Board 8th Class Biology 8th Lesson Important Questions and Answers మొక్కల నుండి ఆహారోత్పత్తి
ప్రశ్న 1.
రైతులు నాట్లు వేసి పండించే పంటలకు రెండు ఉదాహరణలు రాయండి.
జవాబు:
వరి, గోధుమ, మిరప
ప్రశ్న 2.
ఖరీఫ్, రబీ అంటే ఏమిటి ? ఈ కాలంలో పండే పంటలకు ఉదాహరణలు రాయండి.
జవాబు:
- వర్షాకాలంలో పండే పంటల్ని ఖరీఫ్ పంటలు అంటారు.
- ఖరీఫ్ పంట కాలం జూన్ – అక్టోబర్.
- ఖరీఫ్ లో పండించే పంటలు వరి, పసుపు, చెరుకు, జొన్న
- శీతాకాలంలో పండే పంటల్ని రబీ రబీ పంటలు అంటారు. రబీ పంటకాలం .అక్టోబరు, మార్చి.
- రబీలో పండించే పంటలు గోధుమ వరి, జీలకర్ర, ధనియాలు, ఆవాలు.
ప్రశ్న 3.
క్రింది చిత్రం చూడండి. అడిగిన ప్రశ్నలకు సమాధానం రాయండి.
ఎ) ఇది ఏరకమైన ఎరువు ?
బి) ఇందులో ఉన్న రసాయన పదార్థాలు ఏవి ?
సి) 20-5-10 దేనిని సూచిస్తుంది.
డి) ఇలాంటి ఎరువులు వాడడం వల్ల లాభమా ? నష్టమా ? ఎందుకు ?
జవాబు:
ఎ) రసాయనిక ఎరువు
బి) నైట్రోజన్ (N) ఫాస్పరస్ (P) పోటాషియం (K)
సి) 20 – నైట్రోజన్ శాతం 5 – ఫాస్పరస్ శాతం – 10 – పొటాషియం శాతం
డి) ఇలా ఈ రసాయనిక ఎరువులను అధిక మొత్తాలలో వాడటం వలన నేల ఆరోగ్యం తగ్గిపోతుంది.
ప్రశ్న 4.
కింది పట్టికను చదివి ప్రశ్నలకు సమాధానం రాయండి.
1. మొక్కలలో శిలీంధ్రాల ద్వారా వచ్చే వ్యాధులేవి ?
జవాబు:
చెరకు ఎర్రకుళ్ళు తెగులు, వేరుశనగ టిక్కా తెగులు.
2. ఏయే వ్యాధులు గాలి ద్వారా వ్యాపిస్తాయి ?
జవాబు:
ఎర్ర కుళ్ళు తెగులు, సిట్రస్ కాంకర్, వేరుశగన టిక్కా తెగులు.
3. వేరుశనగలో తిక్కా తెగులుకు కారణమైన సూక్ష్మజీవి ఏది ?
జవాబు:
శిలీంధ్రం
4. వైరస్టు దేని ద్వారా పొగాకులో మొజాయిక్ వ్యాధిని కలిగిస్తాయి ?
జవాబు:
కీటకాల ద్వారా
5. స్ప్రింక్లర్ మరియు బిందు సేద్యం మధ్య పోలిక ఏమి ?
జవాబు:
స్ప్రింకర్లు మరియు బిందు సేద్య పద్ధతులను నీరు తక్కువగా లభించే ప్రాంతాలలో పంటలను పండించడానికి . వినియోగించే సూక్ష్మ సేద్య పద్ధతులు.
1 మార్కు ప్రశ్నలు
ప్రశ్న 1.
రామయ్య తన పొలాన్ని చదునుగా దున్నాడు. సోమయ్య పొలం హెచ్చుతగ్గులు ఉంది. ఎవరు అధిక దిగుబడి సాధిస్తారు? ఎందుకు ?
జవాబు:
రామయ్య ఎక్కువ దిగుబడి సాధిస్తాడు. కారణం నేలను చదును చేయడం వలన పొలంలో నీరు అన్నివైపులకు సమానంగా ప్రసరించును. పొలంలో వేసిన పశువుల ఎరువు కూడా సమానంగా నేలలో కలిసి అన్ని మొక్కలకు అందును. విత్తనాలు వేయుటకు లేదా నారు మొక్కలు నాటడానికి వీలుగా ఉండును.
ప్రశ్న 2.
విత్తనాలు నేలలో విత్తే ముందర శిలీంధ్ర నాశకాల వంటి రసాయనిక పదార్థాలతో శుద్ధి చేస్తారు. ఎందుకు ?
జవాబు:
విత్తనాలు నేలలో విత్తే ముందర శిలీంధ్ర నాశకాల వంటి రసాయనిక పదార్థాలతో శుద్ధి చేస్తారు. ఎందుకంటే నేలలో ‘ఉన్న ఏవైనా శిలీంధ్రాలు, ఇతర సూక్ష్మజీవుల నుండి విత్తనాలను రక్షించుకొనుటకు.
ప్రశ్న 3.
వేసవి దుక్కులు అంటే ఏమిటి ?
జవాబు:
రైతులు వేసవికాలంలోనే తమ పొలాలను దున్నుతారు. వీటిని వేసవి దుక్కులు అంటారు.
ప్రశ్న 4.
మన దేశంలోని అన్ని ప్రాంతాలలో పండే పంటలు ఏవి ?
జవాబు:
వరి, గోధుమ, మొక్కజొన్న, పప్పు ధాన్యాలు, ప్రత్తి.
ప్రశ్న 5.
కొన్ని పంటలను అన్ని ప్రాంతాలలోనూ ఎందుకని పండించగలుగుతున్నారు ?
జవాబు:
సారవంతమైన భూమి, నీరు లభ్యత వలన.
ప్రశ్న 6.
గోధుమ పంటను నవంబర్ లో సాగుచేస్తే ఏమవుతుంది ?
జవాబు:
గోధుమ పంటను నవంబర్ లో సాగుచేస్తే పంట దిగుబడి ఎక్కువగా వస్తుంది. కారణం ఫిబ్రవరిలో రాత్రి సమయం 12 1/2 గంటలు ఉండి బాగా పుష్పిస్తాయి.
ప్రశ్న 7.
ఎందుకు కొన్ని విత్తనాలు నీళ్ళ పై తేలుతాయి ?
జవాబు:
కొన్ని విత్తనాలు నీళ్ళపై తేలుతాయి. కారణం అవి పుచ్చు విత్తనాలు అయి ఉండటం వలన విత్తనం లోపల ఖాళీగా ఉండి నీటికన్న తక్కువ సాంద్రత కలిగి ఉంటాయి. అందుకని నీటిపై తేలుతాయి.
ప్రశ్న 8.
తేలిన విత్తనాలను ఎందుకు తీసివేయాలి ?
జవాబు:
తేలిన విత్తనాలకు మొలకెత్తే సామర్థ్యం ఉండదు కాబట్టి వాటిని తీసివేయాలి.
ప్రశ్న 9.
విత్తనాలను ఒక రోజంతా నీళ్ళలో ఎందుకు నానబెట్టాలి ?
జవాబు:
విత్తనాలను ఒక రోజంతా నీళ్ళలో నానబెట్టడం వలన విత్తనం తేమగా అయ్యి విత్తనాలకు అంకురించే శక్తి వస్తుంది.
ప్రశ్న 10.
విత్తనాలను నేలలో విత్తిన తరువాత మట్టితో ఎందుకు కప్పుతారు ?
జవాబు:
విత్తనాలను నేలలో విత్తిన తరువాత మట్టితో కప్పుటకు కారణాలు మట్టి నుండి వాటికి కావలసిన తేమను, వేడిమిని పొందుటకు మరియు గుల్లగా ఉన్న నేల నుండి గాలిని తీసుకొనుటకు. మట్టిలో విత్తిన తర్వాత కప్పకపోతే పక్షులు, ఇతర జంతువులు ఆ విత్తనాలను తినేస్తాయి.
ప్రశ్న 11.
జపాన్లో అధిక దిగుబడి సాధించడానికి గల కారణాలేవి ?
జవాబు:
జపాన్ వ్యవసాయ రంగంలో ఆధునిక పద్ధతులు ఉపయోగించటం, జపాన్ అత్యధిక దిగుబడి నిచ్చే వరి విత్తనాలు ఉపయోగించటం.
ప్రశ్న 12.
భారతదేశంలో తక్కువ దిగుబడి సాధించడానికి గల కారణాలేవి ?
జవాబు:
భారతదేశం వ్యవసాయ రంగంలో ప్రాచీన పద్ధతులు ఉపయోగించటం, వ్యవసాయంలోనికి చదువుకున్న వాళ్ళు రాకపోవటం.
ప్రశ్న 13.
మూడవ పంట అన్ని ప్రాంతాలలో పండించకపోవడానికి కారణాలు ఏమిటి?
జవాబు:
నీటి పారుదల వసతి లేకపోవడం. నేల సారాన్ని కోల్పోవడం.
ప్రశ్న 14.
వరి పండించే పొలాన్ని చిన్న చిన్న మడులుగా ఎందుకు చేస్తారు ?
జవాబు:
పంటకు నీరు అందించుట సులభంగా ఉంటుంది. కాబట్టి వరి పండించే పొలాన్ని చిన్న చిన్న మడులుగా చేస్తారు.
ప్రశ్న 15.
వరిని ఎలా పండిస్తారు ?
జవాబు:
వరిని నారుపోసి, నాట్లు వేసి చిన్న చిన్న మడులలో పండిస్తారు.
ప్రశ్న 16.
ప్రస్తుతం సంప్రదాయంగా సాగుచేస్తున్న విత్తనాలు కనుమరుగవుతున్నాయి ? ఇలా ఎందుకు జరుగుతోంది ఆలోచించండి.
జవాబు:
ప్రస్తుతం సంప్రదాయంగా సాగుచేస్తున్న విత్తనాలు కనుమరుగవుతున్నాయి. ఎందుకు ఇలా జరుగుతోంది అంటే వాటి స్థానాన్ని సంకరణ జాతి విత్తనాలు ఆక్రమించటం వలన.
ప్రశ్న 17.
నారు నాటడం ద్వారా ఇంకా ఏ ఏ పంటలు పండిస్తారు?
జవాబు:
మిరప, వంగ, టమోటా మొదలైన పంటలు నారు నాటడం ద్వారా పండిస్తారు.
ప్రశ్న 18.
ఎందుకు నారు మొక్కలను దూరం దూరంగా నాటుతారు ?
జవాబు:
నారు మొక్కలు దూరం దూరంగా నాటుటకు కారణం అవి పెరిగి పెద్దగా అయిన తర్వాత స్థలం కోసం, నీటి కోసం, ఆహార పదార్థాల కోసం పోటీ లేకుండా ఉండుటకు.
ప్రశ్న 19.
అన్ని రకాల పంటలను నారు మొక్కల్లాగానే పీకి మళ్ళీ నాటుతారా ? అలా ఎందుకు చేయరు ?
జవాబు:
అన్ని రకాల పంటలను నారు మొక్కల్లాగా మళ్ళీ పీకి నాటరు. కారణం వాటి విత్తనాలు పెద్దవిగా ఉండటం.
ప్రశ్న 20.
వ్యాధి సోకిన పంటలోని మొక్కలను రైతు ఏం చేస్తాడు ?
జవాబు:
వ్యాధి సోకిన పంటలోని మొక్కల ఆకులు, అవసరం అనుకొంటే మొక్కలను రైతు తొలగిస్తాడు. అవి అన్నీ ఒకచోట వేసి కాలుస్తాడు.
ప్రశ్న 21.
కలుపు మొక్కలను ఎందుకు తొలగించాలి ?
జవాబు:
కలుపు మొక్కలు పోషక పదార్థాలు, నీరు, వెలుతురు కోసం పంట మొక్కలతో పోటీపడతాయి. దీనివల్ల సాగు మొక్కలు పెరగవు. అందుకే కలుపు మొక్కలు తొలగించాలి.
లక్ష్యాత్మక నియోజనము
ప్రశ్న 1.
ఈ కింది వాటిలో మొక్కలు పుష్పించడానికి రాత్రికాల – సమయానికి ప్రభావం ఏమాత్రం ఉండదు.
ఎ) వేరుశనగ
బి) పత్తి
సి) సోయా చిక్కుడు
డి) వరి
జవాబు:
సి) సోయా చిక్కుడు
ప్రశ్న 2.
నాగలితో నేలను దున్నినపుడు ఏ ఆకారంలో చాళ్ళు ఏర్పడతాయి?
ఎ) T
బి) S
సి) V
డి) W
జవాబు:
సి) V
ప్రశ్న 3.
విత్తనాలను ఎప్పుడు రసాయనిక పదార్థాలతో శుద్ధి చేస్తారు?
ఎ) ఏర్పడినప్పుడు
బి) నాటే ముందు
సి) దాచే ముందు
డి) కోతల ముందు
జవాబు:
డి) కోతల ముందు
ప్రశ్న 4.
వేరుశనగలో వచ్చే శిలీంధ్ర వ్యాధి
ఎ) తుప్పు తెగులు
బి) టిక్కా తెగులు
సి) ఏర్రకుళ్ళు తెగులు
డి) అగ్గి తెగులు
జవాబు:
బి) టిక్కా తెగులు
ప్రశ్న 5.
కలుపు మొక్కలను ద్విదళ బీజాలలో నిర్మూలించుటకు ఉపయోగించే రసాయనం పేరు
ఎ) నాప్తలీన్ ఎసిటికామ్లం
బి) ఇండోల్ బ్యూటరిక్ ఆమ్లం
సి) ఎసిటికామ్లం
డి) 2,4 – D
జవాబు:
డి) 2,4 – D
ప్రశ్న 6.
పంట నుండి గింజలను సేకరించుటను ఏమి అంటారు ?
ఎ) పంటకోతలు
బి) పంట నూర్పిళ్ళు
సి) నీటి పారుదల
డి) కలుపు తీయుట
జవాబు:
బి) పంట నూర్పిళ్ళు
ప్రశ్న 7.
మొదటి వరి పంట రైతులు ఎవరికి పెడతారు ?
ఎ) పిచ్చుకలు
బి) గ్రద్దలు
సి) కాకులు
డి) కోళ్ళు
జవాబు:
ఎ) పిచ్చుకలు
ప్రశ్న 8.
పంట అనగా
ఎ) మనకు ఉపయోగపడే మొక్కలను అధిక సంఖ్యలో పెంచడం
బి) ఆహారంగా ఉపయోగపడే మొక్కలను అధిక సంఖ్యలో పెంచడం
సి) తోటలు పెంచడం
డి) ధాన్యాన్ని పండించడం
జవాబు:
ఎ) మనకు ఉపయోగపడే మొక్కలను అధిక సంఖ్యలో పెంచడం
ప్రశ్న 9.
దీర్ఘకాలిక పంటలు పండించడానికి ఎన్ని రోజుల కన్నా ఎక్కువ సమయం పడుతుంది ?
ఎ) 90 రోజులు
బి) 180 రోజులు
సి) 270 రోజులు
డి) 360 రోజులు
జవాబు:
బి) 180 రోజులు
ప్రశ్న 10.
క్రింది వానిలో దీర్ఘ కాలిక పంట కానిది
ఎ) జొన్న
బి) కందులు
సి) మినుములు
డి) పైవేవీ కావు
జవాబు:
సి) మినుములు
ప్రశ్న 11.
క్రింది వానిలో స్వల్పకాలిక పంట ఏది?
ఎ) పెసలు
బి) మినుములు
సి) ఎ మరియు బి
డి) పైవేవీ కావు
జవాబు:
సి) ఎ మరియు బి
ప్రశ్న 12.
స్వల్పకాలిక పంటలు పండటానికి ఇంతకన్నా తక్కువ సమయం పడుతుంది.
ఎ) 60 రోజులు
బి) 100 రోజులు
సి) 120 రోజులు
డి) 150 రోజులు
జవాబు:
బి) 100 రోజులు
ప్రశ్న 13.
అరబిక్ భాషలో ఖరీఫ్ అనగా
ఎ) ఎండ
బి) గాలి
సి) వర్షం
డి) చలి
జవాబు:
సి) వర్షం
ప్రశ్న 14.
ఈ క్రింది వానిలో ఖరీఫ్ కాలం
ఎ) జూన్ నుండి అక్టోబర్
బి) అక్టోబర్ నుండి మార్చి
సి) ఆగస్టు నుండి అక్టోబర్
డి) ఆగస్టు నుండి మార్చి
జవాబు:
ఎ) జూన్ నుండి అక్టోబర్
ప్రశ్న 15.
ఈ క్రింది వానిలో ఖరీఫ్ పంట కానిది
ఎ) శనగలు
బి) పసుపు
సి) చెణకు
ది) జొన్న
జవాబు:
ఎ) శనగలు
ప్రశ్న 16.
రబీ కాలం అనగా
ఎ) జూన్ నుండి అక్టోబర్
బి) అక్టోబర్ నుండి మార్చి
సి) ఆగస్టు నుండి అక్టోబర్
డి) ఆగస్టు నుండి మార్చి
జవాబు:
బి) అక్టోబర్ నుండి మార్చి
ప్రశ్న 17.
అరబిక్ భాషలో రబీ అనగా
ఎ) వర్షం
బి) ఎండ
సి) గాలి
డి) చలి
జవాబు:
డి) చలి
ప్రశ్న 18.
ఈ క్రింది వానిలో రబీ పంట కానిది
ఎ) ఆవాలు
బి) ధనియాలు
సి) జీలకర్ర
డి) మీరపు
జవాబు:
డి) మీరపు
ప్రశ్న 19.
గోధుమ పంట పండే కాలము
ఎ) ఖరీఫ్
బి) రబీ
సి) వర్షాకాలం
డి) చలికాలం
జవాబు:
బి) రబీ
ప్రశ్న 20.
గోధుమ పంట బాగా పందాలంటే వాతావరణం ఇలా ఉండాలి.
ఎ) వేడి
బి) తేమ
సి) ఆర్ధత
డి) చల్లదనం
జవాబు:
ఎ) వేడి
ప్రశ్న 21.
విశ్వధాన్యపు పంట అని దేనినంటారు ?
ఎ) వరి
బి) గోధుమ
సి) చెఱకు
డి) మొక్కజొన్న
జవాబు:
ఎ) వరి
ప్రశ్న 22.
ప్రపంచంలో అధిక విస్తీర్ణంలో వరిని పండించే దేశం
ఎ) చైనా
బి) జపాన్
సి) భారత్
డి) అమెరికా
జవాబు:
సి) భారత్
ప్రశ్న 23.
ఒక హెక్టారుకు వరి దిగుబడి అధికంగా ఉన్న దేశం
ఎ) అమెరికా
బి) చైనా
సి) జపాన్
డి) భారత్
జవాబు:
సి) జపాన్
ప్రశ్న 24.
ఏరువాక పండుగలో
ఎ) వ్యవసాయ పనులు మొదలు పెడతారు.
బి) నారు పోస్తారు.
సి) నాట్లు వేస్తారు.
డి) పంట నూర్పిళ్ళు చేస్తారు.
జవాబు:
ఎ) వ్యవసాయ పనులు మొదలు పెడతారు.
ప్రశ్న 25.
అక్షయ తృతీయ పండుగతో
ఎ) వ్యవసాయ పనులు మొదలు పెడతారు.
బి) నాట్లు వేస్తారు.
సి) నీరు పెట్టి ఎరువులు వేస్తారు.
డి) పంట నూర్పిళ్ళు చేస్తారు.
జవాబు:
బి) నాట్లు వేస్తారు.
ప్రశ్న 26.
పంట నూర్పిళ్ళప్పుడు వచ్చే పందుగ
ఎ) ఓనం
బి) సంక్రాంతి
సి) ఎ మరియు బి
డి) పైవేవీ కావు
జవాబు:
సి) ఎ మరియు బి
ప్రశ్న 27.
కలుపు మొక్కలను తొలగించటానికి ఉపయోగపడేది
ఎ) నాగలిబి
బి) మల్లగొర్రు
సి) చదును పలక
డి) గుంటక
జవాబు:
బి) మల్లగొర్రు
ప్రశ్న 28.
నేలను చదును చేయుటకు దీనిని ఉపయోగిస్తారు.
ఎ) నాగలి
బి) మడ్ల గొర్రు
సి) చదును పలక
డి) పార
జవాబు:
సి) చదును పలక
ప్రశ్న 29.
మంచి విత్తనాలు యిలా ఉంటాయి.
ఎ) తేలికగా ముడుతలతో
బి) బరువుగా ముడుతలతో
సి) తేలికగా గుండ్రంగా
డి) బరువుగా గుండ్రంగా
జవాబు:
డి) బరువుగా గుండ్రంగా
ప్రశ్న 30.
ఆసియాలో పండించే వరి రకం
ఎ) ఒరైజా సటైవా
బి) ఒరైజా గ్లజెర్రిమా
సి) ఒరైజా గ్లుమోపాట్యులా
డి) ఒరైజా ఒరైజా
జవాబు:
ఎ) ఒరైజా సటైవా
ప్రశ్న 31.
అమృతసారి, బంగారుతీగ, కొల్లేటి కుసుమ, పొట్టి బాసంగి ఏ సాంప్రదాయ పంట రకాలు ?
ఎ) వరి
బి) గోధుమ
సి) జొన్న
డి) వేరుశనగ
జవాబు:
ఎ) వరి
ప్రశ్న 32.
సోనా రకం బియ్యం ఈ జిల్లాలో ఎక్కువగా పండుతాయి.
ఎ) కడప
బి) కర్నూలు
సి) నెల్లూరు
బి) గుంటూరు
జవాబు:
బి) కర్నూలు
ప్రశ్న 33.
నెల్లూరు జిల్లాలో పండే వరి రకం
ఎ) సోనా
బి) అమృతసారి
సి) మొలగొలుకులు
డి) పొట్టి బాసంగి
జవాబు:
సి) మొలగొలుకులు
ప్రశ్న 34.
రైతులకు మంచి విత్తనాలు అందించే సంస్థ
ఎ) ICRISAT
బి) NSDC
సి) IRRI
డి) NSRI
జవాబు:
బి) NSDC
ప్రశ్న 35.
శ్రీ వరి సాగులో SRI అనగా
ఎ) సిస్టమ్ ఆఫ్ రైస్ ఇంటెన్సిఫికేషన్
బి) సిస్టమ్ ఆఫ్ రైస్ ఇంటిగ్రిటి
సి) సీల్డింగ్ ఆఫ్ రైస్ ఇంటెన్సిఫికేషన్
డి) సీడ్లింగ్ ఆఫ్ రోస్ ఇంటెన్సిఫికేషన్
జవాబు:
ఎ) సిస్టమ్ ఆఫ్ రైస్ ఇంటెన్సిఫికేషన్
ప్రశ్న 36.
టిక్కా తెగులు ఈ పంటలో వస్తుంది.
ఎ) వరి
బి) చెటుకు
సి) నిమ్మ
డి) వేరుశనగ
జవాబు:
డి) వేరుశనగ
ప్రశ్న 37.
దైథేన్ ఎమ్ – 45 అనేది ఒక
ఎ) ఎరువు
బి) కలుపునాశిని
సి) కీటకనాశిని
డి) ఫంగి సైడ్
జవాబు:
సి) కీటకనాశిని
ప్రశ్న 38.
క్రిమి సంహారక మందు తయారుచేయటానికి ఉపయోగపడే మొక్క
ఎ) వేప
బి) పొగాకు
సి) చామంతి
డి) పైవన్నీ
జవాబు:
డి) పైవన్నీ
ప్రశ్న 39.
D.D.T ని విస్తరించగా
ఎ) డై క్లోరో డై ఫినైల్ టై క్లోరో ఈథేన్
బి) డై ఫినైల్ డై క్లోరో టై క్లోరో ఈథేన్
సి) డైక్లోరో డై ఫినైల్ టై క్లోరో మీథేన్
డి) డై ఫినైల్ డై క్లోరో టై క్లోరో మీథేన్
జవాబు:
ఎ) డై క్లోరో డై ఫినైల్ టై క్లోరో ఈథేన్
ప్రశ్న 40.
సైలెంట్ స్ప్రింగ్ పుస్తకాన్ని రచించినది
ఎ) స్వామినాథన్
బి) అమర్త్యసేన్
సి) రేచల్ కార్సన్
డి) అరుంధతీ రాయ్
జవాబు:
సి) రేచల్ కార్సన్
ప్రశ్న 41.
ఏరసాయనిక పదార్థం ఆహారపు గొలుసులోకి ప్రవేశించి పక్షుల గ్రుడ్లు పగిలిపోటానికి కారణమవుతుంది.
ఎ) D.D.T
బి) B.H.C
సి) ఎండ్రిన్
డి) ఎండోసల్ఫాన్
జవాబు:
ఎ) D.D.T
ప్రశ్న 42.
ఈ క్రింది వానిలో స్థూల పోషకం కానిది ఏది ?
ఎ) నత్రజని
బి) కాల్షియం
సి) పొటాషియం
డి) భాస్వరం
జవాబు:
బి) కాల్షియం
ప్రశ్న 43.
నీటిని మొక్కలకు పొదుపుగా అందించే పద్దతి
ఎ) స్ప్రింక్లర్
బి) బిందు సేద్యం
సి) పై రెండూ
డి) పైవేవీ కావు
జవాబు:
సి) పై రెండూ
ప్రశ్న 44.
స్ప్రింక్లర్ ఈ సూత్రంపై ఆధారపడి పని చేస్తుంది.
ఎ) గాలిపీడనం
బి) నీటి పీడనం
సి) విద్యుత్
డి) ప్రవాహవేగం
జవాబు:
బి) నీటి పీడనం
ప్రశ్న 45.
మనదేశానికి అమెరికా నుండి గోధుమలతో దిగుమతి చేయబడిన కలుపు మొక్క
ఎ) వరి ఎల్లగడ్డి
బి) వయ్యారిభామ
సి) గోలగుండి
డి) గడ్డిచామంతి
జవాబు:
బి) వయ్యారిభామ
ప్రశ్న 46.
2, 4 Dఒక
ఎ) ఏకదళబీజ కలుపునాశిని
బి) ద్విదళబీజ కలుపునాశిని
సి) కీటకనాశిని
డి) శిలీంధ్రనాశిని
జవాబు:
బి) ద్విదళబీజ కలుపునాశిని
ప్రశ్న 47.
తొందరగా చెడిపోయి రంగు మారిపోయే పంట ఉత్పత్తులను ఎక్కడ భద్రపరుస్తారు ?
ఎ) గారెలు
బి) గోదాములు
సి) శీతల గిడ్డంగులు
డి) భూమిలోపాతర
జవాబు:
సి) శీతల గిడ్డంగులు
ప్రశ్న 48.
రత్నబాబు, నీటి కొరత వున్న తన పొలంలో పంట పండించాలని అనుకున్నాడు. కింది వాటిలో ఏ పద్ధతిని ఉత్తమమైన పద్ధతిగా అతనికి సూచించవచ్చు.
(A) చాళ్ళ ద్వారా నీటి పారుదల
(B) మడుల ద్వారా నీటి పారుదల
(C) బిందు సేద్యం
(D) పంపునీరు
జవాబు:
(C) బిందు సేద్యం
ప్రశ్న 49.
కింది వాటిలో తక్కువ పగలు (లేదా) ఎక్కువ రాత్రి కాలపు పంట
(A) సోయాబీన్
(B) జొన్న
(C) బఠాణి
(D) గోధుమ
జవాబు:
(D) గోధుమ
ప్రశ్న 50.
ఖరీఫ్ ఈ మధ్య కాలంలో పెంచబడే పంట
(A) డిసెంబర్ – ఏప్రిల్
(B) నవంబర్ – మార్చి
(C) అక్టోబర్ – ఏప్రిల్
(D) జూన్ – నవంబర్
జవాబు:
(D) జూన్ – నవంబర్
ప్రశ్న 51.
సరైన క్రమంలో అమర్చండి
1. ఎరువులు అందించడం
2. నేలను సిద్ధం చేయడం
3. నీటి పారుదల సౌకర్యం కల్పించడం
4. విత్తనాలు నాటడం
(A) 1, 2, 3, 4
(B) 2, 4, 1, 3
(C) 3, 1, 4, 2
(D) 3, 1, 2, 4
జవాబు:
(B) 2, 4, 1, 3
ప్రశ్న 52.
వ్యవసాయంలో యంత్రాలు వాడటం వలన జరిగే పరిణామం
(A) సమయం వృధా అవుతుంది
(B) ధనం వృధా అవుతుంది
(C) శ్రమ అధికమవుతుంది.
(D) కూలీలు పని కోల్పోతారు.
జవాబు:
(D) కూలీలు పని కోల్పోతారు.
ప్రశ్న 53.
ప్రస్తుతం భారతదేశంలో సాగుబడిలో ఉండే వరి వంగదాల సంఖ్య
(A) 1 డజను
(B) 2 డజనులు
(C) 3 డజనులు
(D) 4 డజనులు
జవాబు:
(A) 1 డజను
ప్రశ్న 54.
బెల్లంలో ఉండే మూలకం
(A) కాల్షియం
(B) ఇనుము
(C) హైడ్రోజన్
(D) క్లోరిన్
జవాబు:
(B) ఇనుము
ప్రశ్న 55.
కృత్రిమ ఎరువు కానిది
(A) కుళ్ళిన వ్యర్థాలు
(B) యూరియా
(C) అమ్మోనియం ఫాస్పేట్
(D) అమ్మోనియం నైట్రేట్
జవాబు:
(A) కుళ్ళిన వ్యర్థాలు
ప్రశ్న 56.
కింది వాక్యాలను చదవండి.
P. అఫిడ్స్ మరియు తెల్లదోమలు మొక్కలనుండి రసాలను పీల్చడమేకాక మొక్కలకు వైరస్ వ్యాధులను కలుగజేస్తాయి.
Q. రెక్కలు లేని దక్కను జాతి గొల్లభామను రబీ సీజన్లోనే చూడగలము. పై వాటిలో సరైనవి
(A) P, Q రెండూ సరైనవి
(B) P,Q రెండూ సరికాదు
(C) P సరైనది, Q సరైనది కాదు
(D) P సరైనది కాదు. Q సరైనది
జవాబు:
(A) P, Q రెండూ సరైనవి
ప్రశ్న 57.
నేలను దున్నడం వల్ల కలిగే ప్రయోజనాలు
(A) వర్షం పడినప్పుడు నీరు బాగా శోషించబడుతుంది
(B) నేలలోకి గాలి బాగా ప్రసరిస్తుంది.
(C) నేలలోని అపాయకరమైన సూక్ష్మజీవులు చనిపోతాయి
(D) పైవన్నీ
జవాబు:
(D) పైవన్నీ
ప్రశ్న 58.
కింది వాక్యాలను చదవండి.
(A) : స్ప్రింక్లర్ ఒక ఆధునిక నీటి పారుదల పద్ధతి
(R) : నీటి ఎద్దడి గల ప్రాంతాలలో ‘బిందు సేద్యం’ అనువైన పద్ధతి
(A) A, R రెండూ సరైనవి. R, Aకి సరైన వివరణ
(B) A, Rలు రెండూ సరైనవి, R, Aకి సరైన వివరణ కాదు
(C) A సరికాదు. R సరియైనది.
(D) A, Rలు రెండూ సరికావు
జవాబు:
(B) A, Rలు రెండూ సరైనవి, R, Aకి సరైన వివరణ కాదు