AP 9th Class Social Important Questions Chapter 7 భారతదేశంలో పరిశ్రమలు

These AP 9th Class Social Important Questions 7th Lesson భారతదేశంలో పరిశ్రమలు will help students prepare well for the exams.

AP Board 9th Class Social 7th Lesson Important Questions and Answers భారతదేశంలో పరిశ్రమలు

9th Class Social 7th Lesson 1 Mark Important Questions and Answers in Telugu Medium

ప్రశ్న 1.
మౌలిక వనరులు అనగానేమి?
జవాబు:
పరిశ్రమలకు అవసరమయ్యే వివిధ ముడి సరుకుల తయారీకి ఖనిజాలు, ‘ముడిలోహాలు మౌలిక వనరులువుతాయి.

ప్రశ్న 2.
మౌలిక పరిశ్రమలు అనగానేమి?
జవాబు:
ఈ అవసరమైన సరుకులను, యంత్రాలు, విద్యుత్తు, ఖనిజాలు, ముడిలోహాలు, రవాణా సౌకర్యాలను తయారు చేసే పరిశ్రమలను మౌలిక పరిశ్రమలు అంటారు.

ప్రశ్న 3.
బృహత్ పారిశ్రామిక వ్యవస్థలు అని వేటిని అంటారు?
జవాబు:
పట్టణ కేంద్రాలు కల్పించే అనేక సేవలను ఉపయోగించుకోవటానికి అనేక పరిశ్రమలు అక్కడ కేంద్రీకృతమయ్యే ధోరణి కనపడుతుంది. వీటిని బృహత్ పారిశ్రామిక వ్యవస్థలంటారు.

ప్రశ్న 4.
వ్యవసాయాధారిత పరిశ్రమలేవి?
జవాబు:
వ్యవసాయ ఉత్పత్తులపై ఆధారపడిన పరిశ్రమలను వ్యవసాయ ఆధారిత పరిశ్రమలు అంటారు.
ఉదా : వస్త్ర పరిశ్రమ, పంచదార పరిశ్రమ.
AP 9th Class Social Important Questions Chapter 7 భారతదేశంలో పరిశ్రమలు

ప్రశ్న 5.
ఖనిజ ఆధారిత పరిశ్రమలు అని వేటిని అంటారు?
జవాబు:
ఖనిజాలు, లోహాలను ముడి సరుకులుగా ఉపయోగించే పరిశ్రమలను ఖనిజ ఆధారిత పరిశ్రమలు అంటారు.

ప్రశ్న 6.
NALCO ను విస్తరించండి.
జవాబు:
NALCO (నాల్కో) – నేషనల్ అల్యూమినియం కార్పొరేషన్.

ప్రశ్న 7.
BALCO ను విస్తరించండి.
జవాబు:
BALCO (బాల్కో) – భారత్ అల్యూమినియం కార్పొరేషన్.

ప్రశ్న 8.
కింది పటాన్ని పరిశీలించి ప్రశ్నకు జవాబు రాయండి.
AP 9th Class Social Important Questions Chapter 7 భారతదేశంలో పరిశ్రమలు 1
కర్ణాటక రాష్ట్రం నందు ఎక్కడెక్క ఇనుము-ఉక్కు కర్మాగారాలు వున్నాయి?
జవాబు:
భద్రావతి, విజయనగర్

9th Class Social 7th Lesson 4 Marks Important Questions and Answers in Telugu Medium

ప్రశ్న 1.
దిగువ – పై చార్టుని చదివి ఈ క్రింది ప్రశ్నలకు సమాధానాలు రాయండి.
AP 9th Class Social Important Questions Chapter 7 భారతదేశంలో పరిశ్రమలు 2
i) “పై – చిత్రాలు” దేనిని తెలుపుతున్నాయి?
ii) అత్యధిక శాతంలో ఉపాధి కల్పిస్తున్న రంగం ఏది?
iii) ఏ రంగంలో ఉపాధి రెండింతలు పెరిగింది?
iv) 2009 – 2010 నాటికి ఉపాధి కల్పనలో రెండవ స్థానంలో ఉన్న రంగమేది?
జవాబు:
i) పై చిత్రాలు 1972-73 మరియు 2009-10 సంవత్సరాలలో వివిధ రంగాలలో ప్రజలు పొందుతున్న ఉపాధిని తెలియచేస్తున్నాయి.
ii) వ్యవసాయరంగం అత్యధికంగా ఉపాధిని కల్పిస్తుంది.
iii) పరిశ్రమల రంగంలో ఉపాధి రెండింతలు పెరిగింది.
iv) 2009-10 నాటికి ఉపాధికల్పనలో రెండవ స్థానంలో ఉన్న రంగం సేవల రంగం.

AP 9th Class Social Important Questions Chapter 7 భారతదేశంలో పరిశ్రమలు

ప్రశ్న 2.
“మానవులు వ్యవసాయం, పశుపాలన మొదలు పెట్టినపుడు పర్యావరణాన్ని మరింతగా ప్రభావితం చేయసాగారు. ఇత్తడి, ఇనుము వంటి లోహాల వినియోగం, నగరాల నిర్మాణంతో పర్యావరణంతో మానవ సంబంధాలు మారిపోయాయి. అనతికాలంలోనే ప్రజలు నీళ్ళు నిల్వచేయడానికి చెరువులు, పొలాలకు నీళ్లు మళ్లించడానికి కాలువలు, ఆనకట్టలు నిర్మించారు.”
ప్రశ్న : “అభివృద్ధి పర్యావరణ కాలుష్యానికి దారి తీస్తున్నదా?” వ్యాఖ్యానించండి.
జవాబు:
అభివృద్ధి పర్యావరణ కాలుష్యానికి దారి తీస్తుంది. దానికి గల కారణాలు :

  1. అభివృద్ధి ప్రక్రియలో మనం చాలా రకాల వనరులను ఉపయోగిస్తాం. ఉదా : పరిశ్రమలలో మనం చాలా రసాయనాలను వాడి మనం అభివృద్ధి చెందుతున్నాం. కాని అదే తరుణంలో ఆ పరిశ్రమలు విడుదల చేసే వ్యర్థాల వలన కాలుష్యం పెరిగిపోతుంది.
  2. అభివృద్ధి చెందుతున్నామనే భావనలో అవసరం ఉన్నా లేకపోయినా వివిధ రకాల వాహనాలను, ఎలక్ట్రిక్ పరికరాలను ఉపయోగిస్తూ పర్యావరణ కాలుష్యానికి మనం కారణం అవుతున్నాము.
  3. అభివృద్ధి అనే పదాన్ని వాడుతూ ప్రతి చిన్నదానికి వాడే ఎలక్ట్రానిక్ పరికరాల వలన మనకు తెలియకుండానే పర్యావరణ కాలుష్యం పెరిగిపోతుంది. ఉదా : రిఫ్రిజిరేటర్లు, ఎ.సి.లు మొ||వి.
  4. మనం ఉపయోగించి వదిలివేసే ప్లాస్టిక్ వ్యర్థాల వలన పర్యావరణం చాలా కలుషితమవుతుంది.
  5. సాధ్యమైనంత వరకు మనం పర్యావరణ కాలుష్యానికి దారితీసే పనులు చేయకుండా ఉంటే మనకు మంచిది.

ప్రశ్న 3.
క్రింద ఇచ్చిన ‘పై’ చార్టులను పరిశీలించి, ప్రశ్నలకు జవాబులు వ్రాయండి.
AP 9th Class Social Important Questions Chapter 7 భారతదేశంలో పరిశ్రమలు 2
ఎ) పైన చూపబడిన ‘పై’ చార్టులు ఏ విషయం గురించి తెలియచేస్తున్నాయి?
బి) పరిశ్రమలలో ఉపాధి 1972-73 సం||తో పోలిస్తే 2009-10 సంవత్సరమునకు ఎంత శాతం పెరిగింది?
సి) 2009-10 నాటికి ఎక్కువ ఉపాధిని కల్పించిన రంగం?
డి) సేవారంగంలోని ఏవైనా రెండు ఉపాధులను రాయండి.
జవాబు:
ఎ) ‘పై’ చార్టులు పరిశ్రమలలో 1972-73 సం|| మరియు 2009-10 సం||లలో గల ఉపాధిని తెలియచేస్తున్నాయి.
బి) పరిశ్రమలలో ఉపాధి 1972-73లో పోల్చితే 2009-10 సం||రానికి రెండింతలు పెరిగింది. అనగా 11% నుండి 22% కి పెరిగింది.
సి) వ్యవసాయరంగం 2009-10 సం||రం నాటికి ఎక్కువ ఉపాధిని కల్పించింది.
డి) సేవారంగంలో ఉపాధిని కల్పించే అంశాలు :

  1. బ్యాంకులు
  2. రవాణా సదుపాయాలు
  3. టెలివిజన్, న్యూస్ పేపర్ మొ||వి.

ప్రశ్న 4.
“దేశాభివృద్ధికి పరిశ్రమలు అవసరమే. పారిశ్రామిక కార్యకలాపాలు పర్యావరణ సమస్యలకు దారితీస్తున్న విషయం కూడా వాస్తవమే” దీనిపై మీ అభిప్రాయాలను వివరించండి.
జవాబు:
దేశాభివృద్ధికి పరిశ్రమలు అవసరమే కాని వాటి కార్యకలాపాలు పర్యావరణ సమస్యలకు కూడా దారి తీస్తున్నాయి.

పై విషయంపై నా అభిప్రాయం ఏమిటంటే మొదటగా పరిశ్రమలు దేశానికి పట్టుకొమ్మలు. వాటి అభివృద్ధి లేనిదే మన అభివృద్ధి కూడా లేదు. అలాగని మన మనుగడకే ప్రమాదం తెచ్చేంతగా వాటిని అభివృద్ధి చేయవలసిన అవసరం లేదు. పరిశ్రమల నిర్మాణంలో ముఖ్యంగా ఈ క్రింది విషయాలను పాటించాలి.

  1. విడుదల చేసే వ్యర్థ పదార్థాలను పునరుత్పత్తికి వినియోగించాలి.
  2. ప్రతి పరిశ్రమ కాలుష్య నివారణ చర్యలు తీసుకోవాలి.
  3. పరిశ్రమలకు లైసెన్సులను పొందేటప్పుడు ప్రతి పరిశ్రమ కాలుష్య నివారణ నిబంధనలు పాటించున్నదో లేదో గమనించాలి.
  4. ఏదైనా పరిశ్రమ వలన మన పర్యావరణం దెబ్బతింటుంది అని మనకు అవగాహన కలిగితే సత్వరమే ఆ పరిశ్రమ మూసివేత చర్యలను చేపట్టాలి.