AP 9th Class Biology Important Questions 7th Lesson జంతువులలో ప్రవర్తన

These AP 9th Biology Important Questions and Answers 7th Lesson జంతువులలో ప్రవర్తన will help students prepare well for the exams.

AP Board 9th Class Biology 7th Lesson Important Questions and Answers జంతువులలో ప్రవర్తన

9th Class Biology 7th Lesson జంతువులలో ప్రవర్తన 1 Mark Important Questions and Answers

ప్రశ్న 1.
జంతువుల ప్రవర్తనను శాస్త్రీయంగా ఎందుకు అధ్యయనం చేయాలి?
జవాబు:
జంతువులు తమలో తాము, ఇతర జీవులతో పర్యావరణంతో జరిపే పరస్పర చర్యలను అర్థం చేసుకోవడానికి జంతు ప్రవర్తనను శాస్త్రీయంగా అధ్యయనం చేయాలి.

ప్రశ్న 2.
జంతువులలో బాహ్య, అంతర్గత ప్రచోదనాలుగా పనిచేసేవి ఏవి?
జవాబు:
జంతువులలో ఇతర జంతువుల నుంచి ఆపద, ధ్వని, వాసన లేక తన చుట్టూ ఉన్న వాతావరణం మొదలైనవి బాహ్య ప్రచోదనలు (External Stimuli) గా పని చేస్తాయి. ఆకలి, భయం మొదలైనవి అంతర్గత ప్రచోదనాలు (Internal Stimuli) గా పని చేస్తాయి.

ప్రశ్న 3.
జంతువులలో ఇప్పటి వరకు పరిశోధించిన ప్రవర్తనారీతులు ఏవి?
జవాబు:
జంతువులలో ఇప్పటి వరకు పరిశోధించిన ప్రవర్తనారీతులు :

1. సహజాత ప్రవృత్తి (Instinct)
2. అనుసరణ (Imprinting)
3. నిబంధన (Conditioning)
4. అనుకరణ (Imitation)

ప్రశ్న 4.
సహజాత ప్రవృత్తి అంటే ఏమిటి? ఉదాహరణాలు ఇవ్వండి.
జవాబు:
పుట్టుకతో వచ్చే ప్రవర్తనలను సహజాత ప్రవృత్తి లేదా సహజాత లక్షణాలు అంటారు.

ప్రశ్న 5.
నిబంధన అంటే ఏమిటి?
జవాబు:
సహజంగా కాకుండా కృత్రిమంగా ఒక ఉద్దీపనకు ప్రతిచర్య చూపే ఒక రకమైన ప్రవర్తనను ‘నిబంధన’ అంటారు. ఇది నేర్చుకోవలసిన ప్రవర్తన. ఇది పుట్టుకతో రాదు.

ప్రశ్న 6.
అనుకరణ అంటే ఏమిటి?
జవాబు:
ఒక జంతువు యొక్క ప్రవర్తన వేరొక జంతువు ప్రదర్శిస్తే లేదా కాపీ చేస్తే అలాంటి ప్రవర్తనను ‘అనుకరణ’ అంటారు.

ప్రశ్న 7.
మానవుని ప్రవర్తన ఇతర జంతువుల కన్నా ఎందుకు సంక్లిష్టంగా ఉంటుంది?
జవాబు:
మానవుల ప్రవర్తన ఇతర జంతువులలో కన్నా సంక్లిష్టంగా ఉంటుంది. ఎందుకంటే మానవులు ఇతర జంతువుల కన్నా తెలివైనవారు. ఆలోచించగల శక్తి గలిగినవారు. మానవులకు వాళ్ళ గురించి వాళ్ళకు బాగా తెలుసు.

ప్రశ్న 8.
జంతువులు తమ శత్రువుల నుండి రక్షించుకోవడానికి చూపే భావాలు ఏవి?
జవాబు:
పాములు బుస కొట్టడం, కుక్కలు అరవడం (మొరగడం), ముళ్ళపంది దాని గట్టి రోమాలు (ముళ్ళు)ను నిక్కబొడుచుకునేలా చేయడం, టాస్మేనియన్ డెవిల్ అనే జంతువు శరీరం నుండి దుర్వాసన రావడం ఇవన్నీ కూడా ఆయా జంతువులు తమ శత్రువుల నుండి రక్షించుకోవడానికి చూపే భావాలు.

ప్రశ్న 9.
‘ఇథాలజీ’ అంటే ఏమిటి? దాని ముఖ్య ఉద్దేశ్యం ఏమిటి?
జవాబు:
జంతువుల ప్రవర్తనను శాస్త్రీయంగా అధ్యయనం చేయటాన్ని ఇథాలజీ (Ethology) అంటారు. ఇది జీవశాస్త్రంలో భాగం. ఇథాలజీ ముఖ్య ఉద్దేశ్యం సహజ వాతావరణంలో జంతువుల ప్రవర్తనను పరిశీలించడం.

ప్రశ్న 10.
జంతువుల ప్రవర్తనపై పరిశోధనలకు నోబుల్ పురస్కారం లభించినవారు ఎవరు?
జవాబు:
1930లో డచ్ జీవశాస్త్రవేత్త ‘నికోలస్ టింబర్ జన్’ జంతువులపై పరిశోధనలు ఆస్ట్రియా జీవశాస్త్రవేత్త ‘కొనార్డ్ లారెంజ్’ మరియు కార్లవాన్ ఫ్రితో కలసి నిర్వహించారు. 1973లో జంతువుల ప్రవర్తనపై పరిశోధనలకు గాను వీరికి నోబుల్ పురస్కారం లభించింది.

9th Class Biology 7th Lesson జంతువులలో ప్రవర్తన 2 Marks Important Questions and Answers

ప్రశ్న 1.
“గుర్తు కట్టడం” అంటే ఏమిటో వివరించండి.
జవాబు:

1. పక్షులలాగానే కొన్ని జంతువులు కూడా ఆహారం కోసం, గూడు కోసం చాలా దూరం వలస పోతాయి.
2. ఈ వలస జంతువులను గుర్తించడానికి వాటికి అన్వేషణ పరికరాలు కడతారు.
3. ఈ విధమైన గుర్తింపు సూచికలు జంతువులు ప్రయాణించే మార్గం అనుసరించడానికి శాస్త్రవేత్తలకు ఉపయోగపడతాయి.

ప్రశ్న 2.
స్క్రజ్ ఆహారాన్ని దాచే విధమును రాయండి.
జవాబు:

1. స్క్రజ్ అనే పక్షి దాని ఆహారం మరొక పక్షి సమక్షంలో దాచిపెడుతుంది.
2. కొద్దిసేపటి తరువాత ఆ పక్షి ఒక పథకం ప్రకారం దానిని దొంగిలిస్తుంది.
3. ఇది ప్రయోగపూర్వకముగా నిరూపించబడింది.

ప్రశ్న 3.
ప్రతీకార చర్యలకు రెండు ఉదాహరణలివ్వండి.
జవాబు:

1. ఏదైనా వేడివస్తువును లేదా మొనదేలిన దానిని తాకినప్పుడు చేతిని వెనక్కి తీసుకోవడం.
2. కంటికి ఆపద కలిగినట్లయితే కన్ను వెంటనే మూసుకోవడం.
3. కంటికి ఎక్కువ కాంతి తగిలినప్పుడు తారక కుదించుకుపోవడం.
4. ఏదైనా ముక్కులోనికి ప్రవేశించినపుడు చీదడం.
5. దుమ్ముని పీల్చినపుడు దగ్గడం మొదలైనవి.

9th Class Biology 7th Lesson జంతువులలో ప్రవర్తన 4 Marks Important Questions and Answers

ప్రశ్న 1.
జంతువులలో ప్రవర్తన అంటే ఏమిటి? అది ఏమి తెలియచేస్తుంది?
జవాబు:

1. జంతువుల ప్రవర్తన అనేది జంతువులు ఒకదానితో ఒకటి, ఇతర జంతువులతో, పరిసరాలతో ఎలా ప్రవర్తిస్తాయో తెలిపే శాస్త్రీయ అధ్యయనం.
2. ఇది జంతువులు తమ భౌతిక పరిసరాలతో, అదే విధంగా ఇతర జంతువులతో ఎలా సంబంధాలు ఏర్పరచుకుంటున్నాయో తెలుపుతుంది.
3. జంతువులు ఆవాసాలను, వనరులను ఎలా వెతుకుతాయి, సంరక్షిస్తాయి, శత్రువుల నుండి తమను తాము ఎలా కాపాడుకుంటాయి, ప్రత్యుత్పత్తి కొరకు భిన్న లింగ జీవిని ఎలా ఎన్నుకుంటాయి, తమ సంతతిని ఎలా కాపాడు కుంటాయనేవి కూడా వాటి ప్రవర్తనను తెలియచేస్తాయి.

ప్రశ్న 2.
ఇవాన్ పాషాప్ నిబంధనపై జరిపిన పరిశోధనను రాయుము.
జవాబు:

1. ఇవానా వోవ్ అనే రష్యన్ శాస్త్రవేత్త నిబంధనపై అనేక పరిశోధనలు చేశాడు.
2. అతను కుక్కకు ఆహారం చూపించిన వెంటనే అది లాలాజలం స్రవించడం గమనించాడు. ఇది ఒక సహజ ప్రతిస్పందన.
3. ఆహారం తీసుకొచ్చే వ్యక్తిని చూసినప్పుడు కూడా కుక్క నోటిలో లాలాజలం స్రవించడం పావ్లోవ్ గమనించాడు.
4. వ్యక్తి ఆహారం తీసుకురానప్పటికీ కుక్క నోటిలో లాలాజలం స్రవించడం గమనించాడు.
5. ఆహారంతో పాటు ఒక గంట శబ్దాన్ని వినిపించి ప్రయోగాలు చేశాడు.
6. గంట మోగినప్పుడు ఆహారం పెట్టడం అలవాటు చేశాడు.
7. ఆహారం పెట్టకపోయినా గంట శబ్దం వినిపించగానే కుక్క నోటినుండి లాలాజలం స్రవించడం మొదలైంది.
8. గంట మోగిన వెంటనే లాలాజలం స్రవించడం ఒక నిబంధన. లాలాజలం స్రవించడం ఆ నిబంధనకి ప్రతిచర్య అయితే ఆ ప్రతిచర్యను నిబంధన సహిత ప్రతిచర్య అంటారు.

ప్రశ్న 3.
మానవ ప్రవర్తనలో అనుకరణ వలన లాభమేమిటి? నష్టమేమిటి?
జవాబు:

1. అనుకరణ కొత్త విషయాలు నేర్చుకోవడంలో, పాఠ్యాంశాలలో మెలకువలు నేర్చుకోవడంలో, ఆటలో నైపుణ్యం పొందడంలో ఉపయోగపడుతుంది.
2. స్నేహితులతో జత కట్టడానికి కౌమార దశలో ఉన్న పిల్లలు పొగ తాగడం, మద్యం సేవించడం లేక మాదక ద్రవ్యాలు వాడడం వంటి దురలవాట్లకు బానిసలవుతారు. ఇది ఆరోగ్యానికి ప్రమాదకరం. ఇవి అనుకరణ వలన కలిగే నష్టాలు.

ప్రశ్న 4.
ప్రకటన రంగం వారు నిబంధన సహాయంతో ఒక వ్యక్తి ఆచరణలో మార్పు ఏ విధంగా తీసుకురావడానికి ప్రయత్నిస్తారు?
జవాబు:

1. ప్రకటన రంగంవారు నిబంధనను ఉపయోగించడంలో నిపుణులు.
2. తమ తమ ఉత్పత్తులను విక్రయించడానికి వాళ్ళు ఆకర్షణీయమైన ఉద్వేగపూరిత చిత్రాలను వినియోగించుకుంటుంటారు.
3. సినీ ప్రముఖులు, ప్రముఖ క్రీడాకారులతో తమ ఉత్పత్తుల గురించి ప్రచారం చేయిస్తారు.
4. ఆకర్షణీయమైన ఛాయాచిత్రాలను ఉపయోగించి వినియోగదారుడిని ఆ ఉత్పత్తులను వాడేలా నిబంధన కలుగచేస్తారు.
5. ప్రజలు ఆ ఉత్పత్తుల వైపు ఆకర్షితులౌతుంటారు. వాటిని కొని వాడుతుంటారు.

ప్రశ్న 5.
ఉడతలు ఆహారాన్ని దాచే విధానాన్ని వివరించండి.
జవాబు:

1. ఉడత ఆహారాన్ని అమితాశక్తి కలిగించే రీతిలో దాచిపెడుతుంది.
2. అవి ఎప్పుడూ వాటి ఆహారాన్ని ఎవరో దొంగిలించడానికి ప్రయత్నిస్తున్నారు అనే రీతిలో ప్రవర్తిస్తాయి.
3. వేరే వాటిని పక్కదారి పట్టించడానికి చాలా చోట్ల నేలలో రంధ్రాలు చేస్తాయి.
4. వాటిని ఆకులతో, ఇతర పదార్థాలతో కప్పుతాయి. నిజానికి చాలా రంధ్రాలలో ఆహారం ఉండదు.
5. ఈ విధంగా ఉడతలు మిగతా జీవులను ఆ రంధ్రాలలో ఆహారం ఉందని నమ్మేలా చేస్తాయి.

ప్రశ్న 6.
ఉత్తర అమెరికాలో నివసించే బీవర్ క్షీరదం గురించి రాయండి.
జవాబు:

1. బీవర్ క్షీరదం నీటి ప్రవాహానికి అడ్డంగా ఆనకట్ట నిర్మిస్తుంది.
2. అతి పెద్ద పెద్ద చెట్లను సైతం తన పదునైన పళ్ళతో కొరికి ప్రవాహానికి అడ్డంగా వేస్తుంది.
3. వీటి సహాయంతో బీవర్ నాలుగు అడుగుల గోడను నిర్మిస్తుంది.
4. చెట్ల కొమ్మలతో పాటు రాళ్ళను ఉపయోగించి అడ్డుగోడ కట్టి నీటిని నిల్వచేస్తుంది.
5. దానిలో తన కుటుంబంతో కలిసి నివసిస్తుంది.

ప్రశ్న 7.
కందిరీగ గూడు ఎలా కడుతుంది? ఆహార సేకరణ ఎలా చేస్తుంది?
జవాబు:

1. తెలివైన కందిరీగ తన భవిష్యత్ అవసరాలను దృష్టిలో పెట్టుకొని ఇంటిని నిర్మించుకుంటుంది. ,
2. బురద మట్టిని ఉపయోగించి గోడలపైన గూడు కట్టుకుంటుంది.
3. తరువాత ఆహారాన్ని వెదుకుతుంది.
4. ఆహారాలు ముఖ్యంగా లార్వాలు కనిపించగానే వాటిని కుట్టి విషాన్ని ఎక్కిస్తుంది.
5. దానిని సేకరించి, తయారుచేసుకున్న గూటిలో పెడుతుంది.
6. ఈ ఆహారంపైనే కందిరీగలు గుడ్లు పెడతాయి.
7. ఇది గుడ్ల నుండి ఏర్పడే కందిరీగల లార్వాలకు ఆహారంగా ఉపయోగపడుతుంది.

ప్రశ్న 8.
“డాల్ఫిన్లకు తార్కికంగా ఆలోచించే శక్తి ఉంటుంది” అని ప్రయోగ పూర్వకంగా నిరూపించినది ఎవరు? ఆయన పరిశోధనలేవి?
జవాబు:

1. డాల్ఫిన్లకు తార్కికంగా ఆలోచించే శక్తి ఉంటుందని హెర్మన్ ప్రయోగపూర్వకంగా నిరూపించాడు.
2. హెర్మన్ నాలుగు బాటిల్ నోస్ డాల్ఫిన్లపై అధ్యయనం చేశాడు.
3. ఈ పరిశోధనలు హవాయి ద్వీపంలోని “కవలో బేసిన్ మామల్ లాబొరేటరీ”లో జరిపాడు.
4. నాలుగు డాల్ఫిన్లకు అక్కికోమాయ్, ఫీనిక్స్, అలెన్, హిప్పో అని పేర్లు పెట్టాడు.
5. డాల్ఫిన్లకు ప్రత్యేక శిక్షణ ఇచ్చినట్లయితే అవి వాటి పేర్లను గుర్తించు కుంటాయని, సంక్లిష్ట సంకేత భాషకు సమాధానం ఇస్తాయని నిరూపించాడు.
6. ఉదాహరణకు మూసిన పిడికిలిని చూపించగానే తొట్టి అని, ఎత్తిన చేతులు చూపించగానే బంతి అని, ఎత్తిన ఒక చెయ్యి చూపించగానే తీసుకురమ్మని సంజ్ఞలు ఇచ్చి శిక్షణ ఇస్తే డాల్ఫిన్లు అన్నింటిని కలిపి కూడా అర్థం చేసుకున్నాయి.
7. ఈ సంజ్ఞలు అన్నీ సవ్యక్రమంలో కలిపి చేయగానే డాల్ఫిన్లు బంతిని తొట్టె నుండి తీసుకువచ్చాయి. సంజ్ఞలు అన్నీ వ్యతిరేకదిశలో చేస్తే బంతిని తొట్టిలోకి నెట్టివేశాయి.
8. ఏదేని డాల్ఫినను ప్రత్యేక ఈలతో పిలిస్తే అన్ని డాల్ఫిన్లు దానివైపు చూసేవి, ఏ డాల్ఫినను పిలిస్తే అదే డాల్ఫిన్ దగ్గరకు వచ్చేది.

ప్రశ్న 9.
అలెక్స్ అనే బూడిదరంగు ఆఫ్రికా చిలుక యొక్క ప్రవర్తనను వివరించండి.
జవాబు:

1. 1977లో ఇర్విన్ పెప్పర్ బర్గ్ అలెక్స్ అను ఒక చిలుకను తెచ్చి దానికి శిక్షణ ఇచ్చాడు. నెమ్మదిగా దానికి 100 పదాలు నేర్పాడు.
2. పదాలు ఉపయోగించి సొంతంగా వాక్యాలు తయారుచేయడం నేర్పాడు.
3. కొన్ని రోజుల తరువాత అలెక్సకు పసుపురంగు గిన్నె మరియు పసుపుపచ్చ చిప్ప చూపిస్తే ఆ రెండింటి మధ్య భేదాలు, చిన్న చిన్న పోలికలు గుర్తించగలిగింది.
4. ఇతర చిలకల గుంపునకు శిక్షణ ఇచ్చింది.
5. ఆపిలను బానరీ అని పిలిచేది. ఎందుకంటే అది అరటిలాగా రుచి, చెర్రీలాగా రంగుతో కనిపించేది. ఈ రకంగా రెండింటిని కలిపి పేరు పెట్టడం అలెక్స్ సృజనాత్మకతకు ప్రతీక.
6. అలెక్స్ చనిపోయేటప్పటికి 7వ ఎక్కం దాకా నేర్చుకుంది.

9th Class Biology 7th Lesson జంతువులలో ప్రవర్తన Important Questions and Answers

ప్రశ్న 1.
ఏవైనా రెండు ఉదాహరణల ద్వారా జీవుల్లో ప్రవర్తన అనుకూలనాలు ఎలా వుంటాయో తెలపంది.
జవాబు:

1. పక్షులు గూళ్ళు కట్టుకోవడం, సంతానోత్పత్తి కోసం భిన్న లింగజీవిని ఎంచుకోవడం, రక్షణ కొరకు సమూహాలు ఏర్పాటు చేసుకోవడం.
2. ఉత్తర అమెరికాలో నివశించే బీవర్ క్షీరదము నీటి ప్రవాహానికి అడ్డంగా చెట్టుకొమ్మల సాయంతో ఆనకట్టను నిర్మించి, ఆ నిలిచిన నీటిలో చేపలను వేటాడుతూ తన కుటుంబంతో జీవిస్తుంది.

ప్రశ్న 2.
జంతువులలో ప్రవర్తనలను ఎన్ని రకాలుగా పరిశీలించవచ్చు? ఏదైనా ఒక ప్రవర్తనను ఉదాహరణలతో వివరించండి.
జవాబు:

1. జంతువుల ప్రవర్తనను ప్రత్యక్షంగాను లేదా పరోక్షంగాను శాస్త్రవేత్తలు పరిశీలిస్తుంటారు.
2. ముఖ్యంగా జంతువుల జీవన విధానం, అవి ఇచ్చిపుచ్చుకునే సంకేతాలను వాటి అర్థాలను అవగాహన చేసుకోవడంలో శాస్త్రవేత్తలు ఎంతో ప్రగతిని కనబరిచారు.
3. గుర్తుకట్టడం విధానం ద్వారా పక్షుల వలస విధానం అది సుదూర తీరాలకు ఏ విధంగా ప్రయాణం చేయగలుగుతున్నాయి అన్న విషయాలను పరిశీలిస్తున్నారు. ఎన్నో అద్భుత విషయాలను తెలుసుకున్నారు.
4. మనం ఇంట్లో పెంచుకునే పెంపుడు కుక్కలు మన ఇంట్లోలోకి ఎవరన్నా ప్రవేశిస్తే అవి మొరుగుతాయి.
5. చీమలు ఆహారాన్వేషణలో సమాచారాన్ని పరస్పరం ఇచ్చి పుచ్చుకుంటాయి.
6. నిశాచర జీవులైన గబ్బిలాలు, గుడ్లగూబలు రాత్రివేళల్లో మాత్రమే ఆహారాన్వేషణకు బయలుదేరతాయి.

ప్రశ్న 3.
గుర్తు కట్టడం (Tagging) అనగానేమి ? ఇది శాస్త్రవేత్తలకు ఏవిధంగా ఉపయోగపడుతుంది?
జవాబు:
a) జంతువుల ఉనికిని, వలసలను గుర్తించడానికి శాస్త్రవేత్తలు అన్వేషణా పరికరాలను కడతారు. ఈ విధమైన గుర్తింపు సూచికలు కట్టడాన్ని గుర్తుకట్టడం అంటారు.
b) జంతువులు, పక్షులు ప్రయాణించే మార్గం అనుసరించడానికి శాస్త్రవేత్తలకు ఈ గుర్తింపు పరికరాలు ఉపయోగపడతాయి.

ప్రశ్న 4.
క్రింది సమాచారం ఆధారంగా ప్రశ్నలకు జవాబులు ఇవ్వండి. .
కోళ్ళు, బాతుల పిల్లలు గుడులో నుండి బయటకు వచ్చిన వెంటనే నడవగలుగుతాయి. బాతు పిల్లలైతే కొన్ని రోజుల తరువాత ఈదగలుగుతాయి. దీనినే అనుసరణ అంటారు.
ఎ) బాతు పిల్లలు కోడితో కలిసి ఉండగలుగుతాయి. ఎందుకు?
బి) అనుసరణ వలన కలిగే లాభం ఏమిటి?
జవాబు:
ఎ) బాతుపిల్లలు కోడిని తమ తల్లిగా భావించి, దానిని అనుసరిస్తూ తిరుగుతాయి. దీనికి కారణం ‘అనుసరణ’ అనే లక్షణం.
బి) అనుసరణ వల్ల బాతుపిల్లలు కోడి వెనుక తిరుగుతూ ఆహారాన్ని, రక్షణను పొందుతాయి.

ప్రశ్న 5.
ప్రక్క పటమును పరిశీలించి ప్రశ్నలకు సమాధానాలు రాయండి.

a) ఏ గదిలో ఎక్కువ బొద్దింకలు ఉన్నాయి?
b) ఏ గదిలో తక్కువ బొద్దింకలు ఉన్నాయి?
c) ఎక్కువ సంఖ్యలో నివసిస్తున్న బొద్దింకల గది పరిస్థితులు ఏమి?
d) బొద్దింకల ప్రవర్తన ఎలా ఉంది?
జవాబు:
a) చీకటి మరియు తడి ఉన్న గదిలో ఎక్కువ బొద్దింకలు ఉన్నాయి.
b) వెలుతురు, పొడిగా ఉన్న గదిలో తక్కువ బొద్దింకలు ఉన్నాయి.
c) తడి మరియు చీకటిగా ఉన్నాయి.
d) విభిన్న పరిస్థితులు కల్పించబడిన నాలుగు గదులలో బొద్దింకలు చీకటి మరియు తడి ప్రదేశం గల గదిని వెదుకుతూ ఆ గదిని చేరుకున్నాయి.

ప్రశ్న 6.
పై పటమును పరిశీలించి ప్రశ్నలకు సమాధానాలు రాయండి.
a) ఈ ప్రయోగంను ఎందుకొరకు నిర్వహించారు?
b) బొద్దింకల ప్రవర్తన ఎలా ఉన్నది?
c) ఒక గదిలో ఎక్కువ బొద్దింకలు, మరో గదిలో తక్కువ బొద్దింకలు చేరాయికదా. ఆ గదుల మధ్య భేదమేమిటి?
d) ఈ ప్రయోగంలో బొద్దింకలకు బదులుగా ఎలుకలను వదిలితే ఏమౌతుందో ఊహించి రాయండి.
జవాబు:
a) బొద్దింకల ప్రవర్తన అధ్యయనం కొరకు

b) బొద్దింకలు చీకటిగా, తడిగా ఉన్న గదిని ఇష్టపడుతున్నాయి. ఎందుకంటే ఆ పరిస్థితులలో మాత్రమే బొద్దింకలు జీవించగలుగుతాయి.

c) ప్రయోగపెట్టెను 4 గదులుగా విభజించాం కదా !
1) వెలుతురుగా ఉన్న పొడి వాతావరణం
2) చీకటిలో పొడిగా ఉన్న భాగం
3) చీకటిలో తడిగా ఉన్న భాగం
4) పొడిగా ఉన్న భాగం బొద్దింకలు చీకటి, తడిగా ఉన్న గదిలోకి ఎక్కువ చేరాయి.

d) అవి కూడా చీకటిగా తడిగా ఉన్న వాతావరణాన్నే ఎక్కువగా ఇష్టపడతాయి. ఎందుకంటే చీకటిగా ఉన్న ప్రాంతం అయితే శత్రువుల నుండి తమను రక్షించుకోవచ్చు. తడిగా ఉన్న ప్రాంతంలో శరీర తమ ఉష్ణోగ్రతలను నియంత్రణలో ఉంచుకోవచ్చు.

9th Class Biology 7th Lesson జంతువులలో ప్రవర్తన 1 Mark Bits Questions and Answers

లక్ష్యత్మక నియోజనము

1. జంతువుల ప్రవర్తన వీటి గురించి తెలియచేస్తుంది.
A) జంతువుల ఆవాసాలు, వనరులను వెతికే విధానాన్ని
B) శత్రువుల నుండి తమను తాము కాపాడే విధం
C) ప్రత్యుత్పత్తి కొరకు భిన్నజీవిని ఎంచుకోవడం, తమ సంతతిని కాపాడుకోవడం
D) పైవన్నియు
జవాబు:
D) పైవన్నియు

2. జంతు ప్రవర్తనను ప్రభావితం చేసేవి
A) జంతువు శరీర ధర్మం
B) జంతువు శరీర అంతర నిర్మాణం
C) A మరియు B
D) ఏదీకాదు
జవాబు:
C) A మరియు B

3. పుట్టుకతో వచ్చే ప్రవర్తనలు
A) సహజాత ప్రవృత్తి
B) అనుసరణ
C) నిబంధన
D) అనుకరణ
జవాబు:
D) అనుకరణ

4. సహజాత ప్రవృత్తికి ఉదాహరణలు
A) పక్షులు గూడు కట్టుకోవడం
B) సంతానోత్పత్తి కోసం భిన్న జీవిని ఎంచుకోవడం
C) రక్షణ కోసం సమూహాలు ఏర్పాటు చేసుకోవడం
D) పైవన్నీ
జవాబు:
D) పైవన్నీ

5. ప్రతీకార చర్యలు ఈ ప్రవర్తన అంశాలు.
A) అనుకరణ
B) సహజాత ప్రవృత్తి
C) నిబంధన
D) అనుసరణ
జవాబు:
B) సహజాత ప్రవృత్తి

6. బాతు పిల్లలు, కోడి పిల్లలు మొదటిసారిగా తల్లిని గుర్తించే ప్రవర్తన
A) అనుకరణ
B) నిబంధన
C) అనుసరణ
D) సహజాత ప్రవృత్తి
జవాబు:
C) అనుసరణ

7. గంట కొట్టే సమయాన్ని బట్టి బడిలోని పిల్లల ప్రవర్తన
A) నిబంధన
B) అనుకరణ
C) అనుసరణ
D) సహజాత ప్రవృత్తి
జవాబు:
A) నిబంధన

8. నిబంధనపై పరిశోధనలు చేసిన శాస్త్రజ్ఞుడు
A) కోప్లెర్
B) ఇవాన్ పావ్లోవ్
C) ఇర్విన్ పెప్పర్ బర్గ్
D) హెర్మన్
జవాబు:
B) ఇవాన్ పావ్లోవ్

9. నిబంధన సహిత ప్రతిచర్యలకు ఉదాహరణ
A) పెద్దవాళ్ళు రాగానే గౌరవంగా లేచి నిలబడడం
B) పలుపుతాడు విప్పదీయగానే ఎద్దు అరక దగ్గరకు పోవడం
C) జాతీయగీతం వినగానే లేచి నిలబడడం
D) పైవన్నీ
జవాబు:
D) పైవన్నీ

10. చింపాంజీలలో అనుకరణ శక్తి మీద ప్రయోగాలు చేసిన శాస్త్రవేత్త
A) కోస్ఆర్
B) హెర్మన్
C) పెప్పర్ బర్గ్
D) పాప్ లోవ్
జవాబు:
A) కోస్ఆర్

11. బాగా ఆకలిగా ఉన్నప్పుడు వెంటనే భోజనం చేయాలని పించినా, అందరూ కూర్చున్న తరువాతే భోజనం చేయడం మొదలుపెట్టడం
A) అనుకరణ
B) సహజాత ప్రవృత్తి
C) నిబంధన
D) గుర్తుకట్టడం
జవాబు:
B) సహజాత ప్రవృత్తి

12. సినీ ప్రముఖులు, క్రీడాకారులతో ఉత్పత్తులను ప్రచారం చేయించి వినియోగదారులను కొనేలా చేయడం
A) అనుకరణ
B) సహజాత ప్రవృత్తి
C) నిబంధన
D) అనుసరణ
జవాబు:
C) నిబంధన

13. జంతువులు ప్రయాణించే మార్గం అనుసరించడానికి శాస్త్రవేత్తలకు ఉపయోగపడేవి.
A) గుర్తుకట్టడం
B) అన్వేషణ
C) A మరియు B
D) సంకేతాలు
జవాబు:
C) A మరియు B

14. చీమలలో వెదకటానికి లేదా సమాచారం అందించడానికి ఉపయోగపడేవి
A) హార్మోనులు
B) ఫెర్మె నులు
C) ఎంజైములు
D) అన్నియు
జవాబు:
B) ఫెర్మె నులు

15. గూటిలోని ఆహారంపై గుడ్లు పెట్టేది
A) కందిరీగ
B) నేతగాని పక్షి
C) చీమలు
D) బీవర్ క్షీరదం
జవాబు:
A) కందిరీగ

16. తార్కికంగా ఎక్కువ శక్తి కలిగిన జంతువు
A) బీవర్ క్షీరదం
B) డాల్ఫిన్
C) ఉడత
D) స్క్రజ్ పక్షి
జవాబు:
B) డాల్ఫిన్

17. అలెక్స్ అనే చిలుక ఆపిల్‌ను ఈ విధంగా పిలిచేది.
A) బానరీ
B) చెర్రీ
C) అరటి
D) ఆరెంజ్ మారటం
జవాబు:
A) బానరీ

18. శత్రువుల నుండి రక్షించుకోవడానికి శరీరము నుండి దుర్వాసనను వెదజల్లే జంతువు ………
A) టాస్మేనియన్
B) బంబార్డియర్ బీటిల్లో
C) A మరియు B
D) బీవర్ క్షీరదం
జవాబు:
C) A మరియు B

19. జంతువుల ప్రవర్తన శాస్త్రం పేరు?
A) ఇకాలజీ
B) ఆర్నిథాలజీ
C) ఇథాలజీ
D) ఎనాలజీ
జవాబు:
C) ఇథాలజీ

20. జంతువుల ప్రవర్తనపై పరిశోధనకుగాను 1973లో నోబెల్ పురస్కారం వీరికి లభించింది.
A) కోనార్డ్ లోరెంజ్
B) నికోలస్ టింబర్జన్
C) కార్లవాన్ ఫ్రిష్
D) అందరూ
జవాబు:
D) అందరూ

21. ఈ క్రింది వానిలో అంతర్గత ప్రచోదనం
A) ఆకలి
B) ఆపద
C) వాసన
D) ధ్వని
జవాబు:
A) ఆకలి

22. ప్రవర్తనలో మొత్తం రకాల సంఖ్య
A) 3
B) 4
C) 5
D) 6
జవాబు:
B) 4

23. సంతానోత్పత్తి కోసం భిన్నలింగ జీవిని ఎంచుకోవటం
A) సహజాత ప్రవృత్తి
B) అనుసరణ
C) నిబంధన
D) అనుకరణ
జవాబు:
A) సహజాత ప్రవృత్తి

24. బాతు పిల్లలు కోడివెంట వెళ్ళడం
A) సహజాత ప్రవృత్తి
B) అనుసరణ
C) నిబంధన
D) అనుకరణ
జవాబు:
B) అనుసరణ

25. అనుసరణ గురించి తెల్లబాతుల మీద పరిశోధన చేసిన శాస్త్రవేత్త
A) కోనార్డ్ లోరెంజ్
B) ఇవాన్ పావ్లోవ్
C) కోస్ఆర్
D) హెర్మన్
జవాబు:
A) కోనార్డ్ లోరెంజ్

26. తార్కికంగా ఆలోచించే శక్తి గురించి హవాయి ద్వీపంలోని “కవలో బేసిన్ మామల్ లాబోరేటరీ”లో డాల్ఫిన్లపై పరిశోధనలు చేసిన శాస్త్రవేత్త
A) కోనార్డ్ లోరెంజ్
B) ఇవాన్ పావ్లోవ్
C) కోస్ఆర్
D) హెర్మన్
జవాబు:
D) హెర్మన్

27. తేనెటీగల నృత్యాలపై పరిశోధనలు చేసిన శాస్త్రవేత్త
A) కార్లవాష్
B) కోనార్డ్ లోరెంజ్
C) కోప్లెర్
D) హెర్మన్
జవాబు:
A) కార్లవాష్

28. ఉద్దీపనలకు చూపే ప్రతిచర్య
A) సహజాత ప్రవృత్తి
B) అనుసరణ
C) నిబంధన
D) అనుకరణ
జవాబు:
C) నిబంధన

29. ఒక జంతువు యొక్క ప్రవర్తనను వేరొక జంతువు ప్రదర్శిస్తే
A) అనుసరణ
B) అనుకరణ
C) నిబంధన
D) సహజాత ప్రవృత్తి
జవాబు:
B) అనుకరణ

30. ఎడ్వర్టైజ్ మెంట్లలో ఉపయోగించుకునే ప్రవృత్తి
A) అనుకరణ
B) అనుసరణ
C) నిబంధన
D) సహజాత ప్రవృత్తి
జవాబు:
A) అనుకరణ

31. మానవునిలో లేని ప్రవర్తన
A) అనుకరణ
B) అనుసరణ
C) నిబంధన
D) సహజాత ప్రవృత్తి
జవాబు:
B) అనుసరణ

32. ఒక వ్యక్తిలో మార్పు తేవటానికి ఉపయోగపడేది.
A) అనుకరణ
B) అనుసరణ
C) నిబంధన
D) సహజాత ప్రవృత్తి
జవాబు:
C) నిబంధన

33. కుక్కలు వాసన పసిగట్టటం, చీమలు వెదుకులాడటానికి కారణం
A) హార్మోన్లు
B) ఫెర్మోన్లు
C) ఎంజైములు
D) జన్యువులు
జవాబు:
B) ఫెర్మోన్లు

34. ‘బీవర్’ అనే క్షీరదం యిక్కడ కనిపిస్తుంది.
A) ఉత్తర అమెరికా
B) దక్షిణ అమెరికా
C) ఆఫ్రికా
D) ఆస్ట్రేలియా
జవాబు:
A) ఉత్తర అమెరికా

35. కందిరీగ దీనితో గూడు కడుతుంది.
A) పుల్లలు
B) ఆకులు
C) బురదమట్టి
D) బూజువంటి పదార్థం
జవాబు:
C) బురదమట్టి

36. ఇర్విన్ పెప్పర్ బర్గ్ శిక్షణ యిచ్చిన అలెక్స్ అనేది
A) పావురం
B) గోరింక
C) చిలుక
D) కుక్క
జవాబు:
C) చిలుక

37. జంతు రాజ్యంలో అన్నిటికంటె ఎక్కువ దుర్వాసన వెదజల్లే జంతువు
A) కంగారు
B) టాస్మేనియన్ డెవిల్
C) కొమెడో డ్రాగన్
D) ముళ్ళపంది.
జవాబు:
B) టాస్మేనియన్ డెవిల్

38. బంబార్డియర్ పురుగులో ఉండే రసాయనాలు
A) హైడ్రోక్వినోన్, ఫిల్లోక్వినోన్
B) అల్యూమినియం ఆక్సైడ్, హైడ్రోజన్ పెరాక్సైడ్
C) హైడ్రోక్వినోన్, హైడ్రోజన్ పెరాక్సైడ్
D) అల్యూమినియం ఆక్సైడ్, ఫిల్లోక్వినోన్
జవాబు:
C) హైడ్రోక్వినోన్, హైడ్రోజన్ పెరాక్సైడ్

39. సరిగా జతపరచబడని జత ఏది?
1) చిలుకకు శిక్షణ ఇవ్వడం – ఇర్విన్ పెప్పర్ బర్గ్
2) చింపాంజిపై ప్రయోగాలు – ఇవాన్ పావలోవ్
3) కుక్కపై నియబంధనల ప్రయోగం – కోప్లెర్
A) 1 మాత్రమే
B) 1, 2
C) 2, 3
D) 3 మాత్రమే
జవాబు:
C) 2, 3

40. క్రింది వాక్యాలను చదవండి.
a) కోనార్డ్ లారెంజ్, అనుసరణ మీద ప్రయోగాలు
b) సాలెపురుగు గూడు కట్టడం అనుకరణకు ఉదాహరణ
A) a, b లు రెండూ సరియైనవి కావు
B) a, b లు రెండూ సరియైనవి
C) b సరియైనది, a సరియైనది కాదు
D) a సరియైనది, b సరియైనది కాదు
జవాబు:
D) a సరియైనది, b సరియైనది కాదు

41. సరిగా జతపరచబడిన సమాధానాన్ని ఎన్నుకోండి.

A) (i) – d, (ii) – c, (iii) – b, (iv) – a
B) (i) – a, (ii) – d, (iii) – c, (iv) – b
C) (i) – b, (ii) – a, (iii) – c, (iv) – d
D) (i) – b, (ii) – d, (iii) – a, (iv) – c
జవాబు:
D) (i) – b, (ii) – d, (iii) – a, (iv) – c

42. సరిగా జతపరచబడిన సమాధానాన్ని ఎన్నుకోండి.
1) సహజాత ప్రవృత్తి ( ) a) పిల్లవాడు తల్లిని గుర్తించటం
2) అనుసరణ ( ) b) ఇంకొకరి నుండి వేరొకరు కాపీ చేయడం
3) అనుకరణ ( ) c) పుట్టుకతో వచ్చే గుణం
A) 1 – c, 2 – b, 3 – a
B) 1 – a, 2 – c, 3 – b
C) 1 – b, 2 – a, 3 – c
D) 1 – c, 2 – a, 3 – b
జవాబు:
D) 1 – c, 2 – a, 3 – b

43. సరిగా జతపరచబడిన సమాధానాన్ని ఎన్నుకోండి.
1) కొనార్డ్ లారెంజ్ ( ) a) అనుకరణ
2) కాపీ కొట్టే ప్రవర్తన ( ) b) ఇథాలజీ
3) జంతువుల ప్రవర్తనను చదవడం ( ) c) అనుసరణ
A) 1 – c, 2-b, 3 – a
B) 1 – b, 2-6, 3 – a
C) 1 – a, 2 – b, 3 – c
D) 1 – c, 2 – a, 3 – b
జవాబు:
D) 1 – c, 2 – a, 3 – b

44. పాప్ లోవ్ ప్రయోగంలో, గంట శబ్దం విని కుక్క లాలాజలం స్రవించింది. ఇక్కడ లాలాజలం స్రవించుట అనునది.
A) సహజ ఉద్దీపన
B) నిబంధిత ఉద్దీపన
C) సహజ ప్రతిస్పందన
D) నిబంధిత ప్రతిస్పందన
జవాబు:
D) నిబంధిత ప్రతిస్పందన

45. బొద్దింకల ప్రవర్తనను అధ్యయనం చేయటానికి నీతు ఒక ప్రయోగం నిర్వహించింది. ఒక పెట్టెను 4 గదులుగా విభజించి, బొద్దింకలు స్వేచ్ఛగా కదిలేలా కింది పటం వలే ప్రయోగం నిర్వహించింది. ఆ పెట్టెలో 20 బొద్దింకలను వుంచి 2 రోజులు గమనించింది. ఈ ప్రయోగం ద్వారా కింది నిర్ధారణ చేయవచ్చు.
A) బొద్దింకలు పొడి ప్రదేశాల కంటే తడి ప్రదేశాలనే ఇష్టపడతాయా?
B) చీకటిలో బొద్దింకలు వ్యాధులకు గురవుతాయా?
C) బొద్దింకలు ఎలాంటి ఆహారం ఇష్టపడతాయి?
D) బొద్దింకలు గుడ్లు పెట్టి పొదగటానికి ఎంత కాలం పడుతుంది?
జవాబు:
A) బొద్దింకలు పొడి ప్రదేశాల కంటే తడి ప్రదేశాలనే ఇష్టపడతాయా?

46. బాతు పిల్లలు తల్లిని గుర్తించే విధానం
A) ప్రేరణ
B) అనుసరణ
C) సహజాత ప్రవృత్తి
D) అనుకరణ
జవాబు:
B) అనుసరణ

47. ట్రాఫిక్ రెడ్ సిగ్నల్ చూడగానే లావణ్య తన స్కూటీని ఆపివేయుట దేనికి ఉదాహరణ?
A) అనుకరణ
B) నిబంధిత ప్రతిచర్య
C) సహజాత ప్రవృత్తి
D) అసంకల్పిత ప్రతీకార చర్య
జవాబు:
B) నిబంధిత ప్రతిచర్య

48. క్రింది వానిలో సహజాత ప్రవర్తనకు చెందిన.
A) కందిరీగ మట్టితో గూడును కట్టుకొనుట
B) బీవర్ చెట్ల కొమ్మలను నదీ ప్రవాహానికి అడ్డుగా వేయుట
C) పక్షులు ఆకులు, పుల్లలతో గూళ్ళు నిర్మించుట
D) పైవన్నియు
జవాబు:
D) పైవన్నియు

49. క్రింది వానిలో సరికానిది గుర్తించుము.
A) టాస్మానియన్ డెవిల్
B) బొంబార్డియర్ బీటిల్
C) సముద్రం
D) సుబ్ధయ్
జవాబు:
C) సముద్రం

50.

పై ప్రయోగాలను నిర్వహించిన శాస్త్రవేత్త ఎవరు? దేనిని తెలపడానికి నిర్వహించారు?
A) ఇవాన్ పావ్ వ్ – నిబంధన
B) చార్లెస్ డార్విన్ – అనుకరణ
C) గ్రెగర్ మెండల్ – అనుసరణ
D) జీన్ లామార్క్ – నిబంధన
జవాబు:
A) ఇవాన్ పావ్ వ్ – నిబంధన

51.

చిత్రంలోని జంతువులో అనుకరణశక్తిని గుర్తించినది
A) ఇవాన్ పావ్లోవ్
B) ప్రిన్స్ డోరియా
C) జీన్ లామార్క్
D) కోబ్లెర్
జవాబు:
D) కోబ్లెర్

52. బొంబార్డియర్ బీటిల్ అనే కీటకం చెడువాసనను వెదజల్లుతుంది. ఎందుకంటే
A) ఆహార సంపాదన కొరకు
B) శత్రువులబారినుండి రక్షించుకోవడానికి
C) ఆడకీటకాన్ని ఆకర్షించుట కొరకు
D) భక్షకజీవిని చంపడానికి
జవాబు:
B) శత్రువులబారినుండి రక్షించుకోవడానికి

మీకు తెలుసా?

జంతువులలో ప్రవర్తనను అధ్యయనం చేసిన శాస్త్రవేత్తలలో ఆస్ట్రియాకు చెందిన కోనార్డ్ లో రెంజ్ (1903 – 1989) | ప్రముఖుడు. అతను తెల్లబాతులను స్వయంగా పెంచి వాటి ప్రవర్తనను అధ్యయనం చేశాడు. గుడ్లు పొదిగిన నాటి నుండి అవి ఇతన్ని అనుసరించేవి. అవి పెరిగి పెద్దవిగా మారినప్పటికీ ఆయనతోనే కలిసి తిరిగేవి. జంతువుల ప్రవర్తనను అధ్యయనం చేసినందుకుగాను శరీరధర్మశాస్త్రం మరియు ఔషధశాస్త్ర రంగంలో ఆయనకు 1973లో నోబెల్ బహుమతి లభించింది.

కొన్ని జంతువులు, శత్రువుల (భక్షకాలు) నుండి రక్షించుకోవడానికి తమ శరీరం నుండి దుర్వాసన వెదజల్లుతాయి. జంతురాజ్యంలో టాస్మేనియన్ డేవిల్ అన్నింటి కంటే ఎక్కువ దుర్వాసన వెదజల్లే జంతువు. దీని మాదిరిగానే బాంబార్డియర్ బీటిల్ (Bombardier beetle) చెడు వాసన వెదజల్లే కీటకం.

ఈ కీటకం శరీరంలో రెండు రకాల రసాయనాలు ఉంటాయి. అవి హైడ్రోక్వినోన్ మరియు హైడ్రోజన్ పెరాక్సైడ్. ఇది ఎప్పుడైతే ప్రాణహాని ఉందని భావిస్తుందో అప్పుడు ఈ రసాయనాలు ప్రత్యేక ఎంజైముతో కలిసి వేడెక్కుతాయి. అవి శరీరం నుండి దుర్వాసనను వెదజల్లేలా చేస్తాయి. వాసన వచ్చే పురుగులు మీరెపుడైనా చూశారా…. అది ఎలా ఉంటుందో పరిశీలించండి.

పునరాలోచన