AP Board 10th Class Social Solutions Chapter 8 ప్రజలు – వలసలు

SCERT AP 10th Class Social Study Material Pdf 8th Lesson ప్రజలు – వలసలు Textbook Questions and Answers.

AP State Syllabus 10th Class Social Solutions 8th Lesson ప్రజలు – వలసలు

10th Class Social Studies 8th Lesson ప్రజలు – వలసలు Textbook Questions and Answers

Improve your learning (మీ అభ్యసనాన్ని మెరుగుపడుచుకోండి)

ప్రశ్న 1.
కింది వాటితో ఒక పట్టిక తయారుచేసి వలస కార్మికుల వివిధ ఉదాహరణలను క్రోడీకరించండి. (AS3)
1) వలస కార్మికులు
2) వలసల కారణాలు
3) వలస వెళ్లిన వాళ్ల జీవన ప్రమాణాలు
4) వాళ్ల జీవితాల ఆర్థిక స్థితిపై ప్రభావం
5) వాళ్లు వలస వచ్చిన ప్రాంత ప్రజల జీవితాల ఆర్థిక స్థితిపై ప్రభావం.
జవాబు:
AP Board 10th Class Social Solutions Chapter 8 ప్రజలు – వలసలు 1

ప్రశ్న 2.
గ్రామీణ ప్రాంతాల నుంచి పట్టణ ప్రాంతాలకు, గ్రామీణ ప్రాంతాల నుంచి గ్రామీణ ప్రాంతాలకు వలసల మధ్య పోలికలు, తేడాలు రాయండి. (AS1)
జవాబు:

గ్రామీణ ప్రాంతం నుండి గ్రామీణ ప్రాంతానికి వలసలు గ్రామీణ ప్రాంతం నుండి పట్టణ ప్రాంతానికి వలసలు
1) భౌగోళికంగా పెద్దగా తేడా ఉండదు. అందుచే కనీస సదుపాయాలతో సర్దుకుపోతారు. 1) మురికివాడలు, త్రాగునీరు, విద్యుత్ సదుపాయాలు లేని ప్రాంతాలలో నివసించవలసి ఉంటుంది.
2) సంవత్సరంలో కొంతకాలం మాత్రమే ఉపాధి లభిస్తుంది. 2) వేర్వేరు ఉపాధి అవకాశాలుండటంతో ఎక్కువ కాలం పట్టణాలలో ఉపాధి పొందవచ్చు.
3) పిల్లల చదువులకు ఆటంకం కలుగవచ్చు. 3) పిల్లలను చదివించుకొనేందుకు పాఠశాలలు అందు బాటులో ఉంటాయి.
4) అవ్యవస్థీకృత రంగానికే పరిమితం. 4) నైపుణ్యం, కృషి ఉంటే వ్యవస్థీకృత రంగంలో అవకాశాలు లభిస్తాయి.
5) కార్మికులు అసంఘటితంగా ఉన్నందున పనిగంటలు, సెలవులు, బీమా, సరియైన వేతనాలు లభించవు. 5) పట్టణ వాతావరణంలో కార్మికులు సంఘటితమై పరిమిత పనిగంటలు, కనీస సెలవులు, మెరుగైన వేతనాలు (కూలీ) వంటివి పొందుతారు.
6) సామాజిక స్థాయిలో మార్పుండదు. 6) సామాజిక స్థాయి పెరుగుతుంది.
7) జీవనం గడపడానికే ప్రాధాన్యత. 7) కొత్త నైపుణ్యాలను నేర్చుకొని జీవనాన్ని మెరుగు పరచుకోవచ్చు.

AP Board 10th Class Social Solutions Chapter 8 ప్రజలు – వలసలు

ప్రశ్న 3.
వీటిల్లో దేనిని కాలానుగుణ వలసగా పరిగణించవచ్చు? ఎందుకు? (AS1)
అ) వివాహం కారణంగా తల్లిదండ్రుల ఇంటినుంచి భర్త ఇంటికి స్త్రీ వెళ్లటం.
ఆ) తమిళనాడులో పసుపుదుంప తీయటానికి ఒక జిల్లా నుంచి మరొక జిల్లాకి మూడు నెలలపాటు వెళ్లటం.
ఇ) సంవత్సరంలో ఆరునెలల కోసం ఢిల్లీలో రిక్షా తోలటానికి బీహారు గ్రామీణ ప్రాంతాల నుంచి వెళ్లటం.
ఈ) హైదరాబాదులో ఇళ్లల్లో పనిచెయ్యటానికి నల్గొండ జిల్లా నుంచి ఆడవాళ్లు రావటం.
జవాబు:
(ఆ) దీనిని మనం కాలానుగుణమైన వలసగా పరిగణించవచ్చు. ఎందువలననగా వీరి వలస కాలం ఆరు నెలలలోపు ఉండుటే.

ప్రశ్న 4.
వలస వెళ్లిన వాళ్లు ఆ ప్రాంతంలో సమస్యలు సృష్టిస్తారా / సమస్యలకు కారణం అవుతారా? మీ, సమాధానానికి కారణాలు ఇవ్వండి. (AS4)
జవాబు:
వలస వెళ్లిన వారు ఆ ప్రాంతాలలో సమస్యలు సృష్టించరు. సమస్యలకు కారణం అవ్వరు. ఎందువలననగా వీరు కేవలం ఉపాధి కోసం వలస వెళ్లిన వారు. అయితే శాశ్వత వలసలు వెళ్లి వ్యవస్థీకృత రంగంలో స్థిరపడిన కార్మికులు తమ హక్కుల కోసం పోరాటాలు చేస్తారు. కొన్నిసార్లు ఈ పోరాటాలు ఆయా పరిశ్రమలు లాకౌట్లకు కూడా దారితీస్తాయి.

ప్రశ్న 5.
కింద వివిధ రకాల వలన ఉదాహరణలు ఉన్నాయి. వాటిని అంతర్గత, అంతర్జాతీయ వలసలుగా వర్గీకరించండి.
అ) సాంకేతిక పనివాళ్లుగా పనిచెయ్యటానికి భారతదేశం నుంచి సౌదీ అరేబియాకి వెళ్లటం.
ఆ) బీహారు నుంచి పంజాబ్ కి వెళ్లే వ్యవసాయ కూలీలు.
ఇ) ఒడిశా నుంచి ఆంధ్రప్రదేశ్ కి ఇటుక బట్టీలలో పనిచెయ్యటానికి వెళ్లటం.
ఈ) భారతీయ పిల్లలకు చైనీస్ భాష నేర్పటానికి చైనా నుంచి వచ్చే టీచర్లు.
జవాబు:
అ) అంతర్జాతీయ వలస
ఆ) అంతర్గత వలస
ఇ) అంతర్గత వలస
ఈ) అంతర్జాతీయ వలస

AP Board 10th Class Social Solutions Chapter 8 ప్రజలు – వలసలు

ప్రశ్న 6.
వలస కుటుంబాలలోని అధికశాతం పిల్లలు బడి మధ్యలోనే మానేస్తారు. దీనితో మీరు ఏకీభవిస్తారా? మీ సమాధానానికి కారణాలు పేర్కొనండి. (AS2)
జవాబు:
వలస కుటుంబాలలోని అధికశాతం మంది పిల్లలు బడి మధ్యలోనే మానేస్తారు. దీనితో నేను ఏకీభవిస్తున్నాను. ఎందుకంటే – వలస వెళ్లినప్పుడు తల్లిదండ్రులతో పాటు వెళ్లే చిన్నపిల్లలకు శిశు సంరక్షణ కేంద్రాలు ఉండవు. పెద్ద పిల్లలు కొత్త ప్రదేశంలో చదువు కొనసాగించే వీలు ఉండదు. వాళ్లు స్వగ్రామాలకు తిరిగి వెళ్లినప్పుడు అక్కడి పాఠశాలలు కూడా వాళ్లని మళ్లీ చేర్చుకోవు. చివరికి వాళ్లు బడికి వెళ్లటం మానేస్తారు. కుటుంబంలో కేవలం మగవాళ్లే వలసకి వెళ్లినప్పుడు కుటుంబ బాధ్యతలు, వృద్ధుల సంరక్షణ భారం అంతా ఆడవాళ్ల మీద పడుతుంది. ఇటువంటి కుటుంబాలలోని ఆడపిల్లల మీద తమ్ముళ్లు, చెల్లెళ్లను, చూసుకోవాల్సిన భారం ఉండి చివరికి చాలామంది బడి మానేస్తారు.

ప్రశ్న 7.
గ్రామీణ ప్రాంతాల నుంచి పట్టణ ప్రాంతాలకు వలస వెళ్లటం వల్ల గ్రామీణ ప్రాంతాల ప్రజల కొనుగోలు శక్తి ఎలా పెరుగుతుంది? (AS1)
జవాబు:
భారతదేశంలోని కొన్ని ప్రాంతాలలో మూడింట ఒక వంతు కుటుంబాలు వలస సభ్యులు పంపించే డబ్బుపై ఆధారపడి ఉన్నాయి. కాలానుగుణంగా వలస వెళ్లే వాళ్లల్లో చాలామంది ఇంటికి డబ్బు పంపిస్తారు, లేదా మిగుల్చుకున్న డబ్బు తమతో తీసుకెళతారు. వలస వెళ్లటం వల్ల ఆస్తులు అమ్ముకోకుండా అప్పులు తీర్చటానికి, ఇతర కార్యక్రమాలకు డబ్బు సమకూరుతుంది. వలస వెళ్లిన కుటుంబాలు ఇల్లు, భూమి, వ్యవసాయ పరికరాలు, వినియోగ వస్తువులు కొనటం సాధారణంగా చూస్తూ ఉంటాం.

ప్రశ్న 8.
వృత్తి నైపుణ్యం ఉన్నవాళ్లే అభివృద్ధి చెందిన దేశాలకు ఎందుకు వలస వెళ్లగలుగుతున్నారు? నైపుణ్యం లేని కార్మికులు ఈ దేశాలకు ఎందుకు వెళ్లలేరు? (AS1)
జవాబు:
అభివృద్ధి చెందిన దేశాలకు సాంకేతిక నైపుణ్యం, వృత్తి అనుభవం ఉన్న వ్యక్తుల కొరత ఎక్కువగా ఉంది. అందువలనే భారతదేశం నుండి ఐ.టి. నిపుణులు, డాక్టర్లు, మేనేజ్మెంట్ నిపుణులు అమెరికా, కెనడా, ఇంగ్లాండు, ఆస్ట్రేలియా వంటి దేశాలకు వలస వెళుతున్నారు.

ప్రశ్న 9.
పశ్చిమ ఆసియా దేశాలలో భారతదేశం నుంచి నైపుణ్యం లేని కార్మికులనే ఎందుకు కోరుకుంటున్నారు? (AS1)
జవాబు:
పశ్చిమ ఆసియా దేశాలైన సౌదీ అరేబియా, యు.ఏ.ఇ వంటి దేశాలలో భవన నిర్మాణం, మరమ్మతుల నిర్వహణ, సేవలు, రవాణా టెలికమ్యూనికేషన్ రంగాలలో కార్మికుల కొరత ఎక్కువగా ఉంది. అందుచే వీరు భారతదేశం నుండి నైపుణ్యంలేని కార్మికులనే కోరుకుంటున్నారు.

AP Board 10th Class Social Solutions Chapter 8 ప్రజలు – వలసలు

ప్రశ్న 10.
మూడు రాష్ట్రాల ప్రజలు చాలా దూరంలోని పశ్చిమ ఆసియాకు ఎలా వెళ్లగలుగుతున్నారు? (AS1)
జవాబు:
పశ్చిమ ఆసియా దేశాలకు భారతదేశంలోని కేరళ, ఆంధ్రప్రదేశ్, తమిళనాడు రాష్ట్రాల నుండి ప్రతి ఏడాది 3 లక్షల మంది కార్మికులు తాత్కాలిక వలసలు వెళ్లి తిరిగి వస్తుంటారు. నైపుణ్యంలేని కార్మికులు మధ్యవర్తుల సహకారంతో , సుదూర ప్రాంతాలకు వెళ్ళగలుగుతున్నారు.

ప్రశ్న 11.
అంతర్గత, అంతర్జాతీయ వలసల ప్రభావాల మధ్య పోలికలను, తేడాలను పేర్కొనండి. (AS1)
జవాబు:
అంతర్గత వలసలు అంతర్జాతీయ వలసలు పోలికలు : రెండింటిలోను శాశ్వత, తాత్కాలిక వలసలుంటాయి. విద్య, ఉపాధి, వివాహం, మంచి ఆదాయం కొరకే రెండింటిలోను వలసలుంటాయి.
తేడాలు :

అంతర్గత వలసలు అంతర్జాతీయ వలసలు
1) మన దేశంలో ఒక రాష్ట్రంలోని వివిధ ప్రాంతాలకు లేదా ఇతర రాష్ట్రాలకు జరిగే వలసలు. 1) భారతదేశం నుండి ఇతర దేశాలకు జరిగే వలసలు.
2) ఆర్థిక లాభం తక్కువ. సాధారణంగా జీవనోపాధికై జరిగే వలసలు. 2) ఆర్ధికలాభం ప్రధాన లక్ష్యంగా సాగే వలసలు.
3) సాంస్కృతిక మార్పుకు అవకాశాలు తక్కువ. 3) సాంస్కృతిక మార్పుకు అవకాశాలున్నాయి.
4) కుటుంబం కొంతమేరకు ఆర్థికంగా అభివృద్ధి చెందుతుంది. 4) వలస వెళ్లిన వారి ప్రాంతం, రాష్ట్రం కూడా వారు పంపిన ధనంతో ముందంజ వేయవచ్చు. కేరళ రాష్ట్రంలో తలసరి సగటు వినియోగం దేశ సగటు కంటే 40 శాతం ఎక్కువ కావటానికి కారణం వీరు ఇతర దేశాలు వలసలు పోయి ధనార్జన చేసి రాష్ట్రంలో వాటిని మదుపు పెట్టడమే.
5) తమ వృత్తి నైపుణ్యాలను దేశంలోని ఇతర ప్రాంతాలకు విస్తరింపజేస్తారు. 5) విదేశీ మారక ద్రవ్యాన్ని ఆర్జించి పెడతారు.
6) తమ ప్రాంత విశిష్టతను, సాంప్రదాయాలను గౌరవాన్ని ఇతర ప్రాంతాలలో విస్తరిస్తారు. 6) తమ వృత్తి నైపుణ్యాలను ఇతర దేశాలకు వ్యాపింపజేస్తారు. సాంప్రదాయాలను, దేశ గౌరవాన్ని విదేశాలలో విస్తరిస్తారు.

10th Class Social Studies 8th Lesson ప్రజలు – వలసలు InText Questions and Answers

10th Class Social Textbook Page No.108

ప్రశ్న 1.
గ్రామీణ ప్రాంతాల నుంచి వలస వచ్చిన వాళ్లు పట్టణ ప్రాంతంలో ఉపాధి పొందే ఆర్థిక రంగాలు ఏవి ? దీనికి కొన్ని – కారణాలను పేర్కొనండి.
జవాబు:
గ్రామీణ ప్రాంతాల నుండి పట్టణ ప్రాంతాలకు ఎక్కువగా నైపుణ్యం లేని కార్మికులు తాత్కాలిక వలసలకు వెళుతుంటారు. వీరు ఉపాధి పొందే ఆర్థిక రంగాలు – గృహనిర్మాణ రంగం, పరిశ్రమలు, మెకానిక్ షాపులు మొదలగునవి.

10th Class Social Textbook Page No.102

ప్రశ్న 2.
ఇక్కడ కొంతమంది జాబితా ఉంది. వాళ్లని వలస వెళ్లిన వాళ్లు, వెళ్లని వాళ్లుగా వర్గీకరించండి. వలస తీరుని పేర్కొని, వలసకు కారణం ఏమై ఉంటుందో చెప్పండి.
AP Board 10th Class Social Solutions Chapter 8 ప్రజలు – వలసలు 2
జవాబు:
AP Board 10th Class Social Solutions Chapter 8 ప్రజలు – వలసలు 3

10th Class Social Textbook Page No.103

ప్రశ్న 3.
కింది పటం పరిశీలించి ఢిల్లీకి ఏ ఏ రాష్ట్రాల నుండి వలసలు వస్తున్నారు?
జవాబు:
1) బీహార్, ఉత్తరప్రదేశ్ నుండి ఢిల్లీకి వలసలు వస్తున్నారు.
AP Board 10th Class Social Solutions Chapter 8 ప్రజలు – వలసలు 5-1

10th Class Social Textbook Page No.105

ప్రశ్న 4.
కింది పటం పరిశీలించి ఆంధ్రప్రదేశ్, కర్ణాటక రాష్ట్రాలకు ఏ ఏ రాష్ట్రాల నుండి ప్రజలు వలస వస్తున్నారు?
జవాబు:
AP Board 10th Class Social Solutions Chapter 8 ప్రజలు – వలసలు 6-1
ఆంధ్రప్రదేశ్ కు కర్ణాటక నుండి వలస వస్తున్నారు. కర్ణాటకకు ఆంధ్రప్రదేశ్ నుండి వలసలు లేవు.

10th Class Social Textbook Page No.105

ప్రశ్న 5.
కింది పటం పరిశీలించి తమిళనాడు రాషంలో. పటం : ప్రధాన అంతర రాష్ట్ర వలస మార్గాల అంచనా, 2001-2011 అంతర, బాహ్య వలసలకు కారణాలు కనుగొనండి.
AP Board 10th Class Social Solutions Chapter 8 ప్రజలు – వలసలు 4
జవాబు:

  1. కొత్త నైపుణ్యాలు సాధించటానికి, కొత్త ఉద్యోగాలు, చలనచిత్ర పరిశ్రమలో ఉపాధి అవకాశాలు మరియు మెరుగైన వేతనాలు పొందటానికి ప్రజలు తమిళనాడుకు ‘వలస వెళ్ళారు.
  2. పర్యాటక పరిశ్రమ (టూరిజం ఇండస్ట్రీ) లో ఉపాధి అమలుచేసిన స్థానం – వన గమ్యస్థానం అవకాశాల కోసం ప్రజలు తమిళనాడు నుండి కేరళకు వలస వెళ్ళారు.

10th Class Social Textbook Page No.106

ప్రశ్న 6.
పట్టణంలో అసంఘటిత రంగంలో రోజుకూలీగా లేదా ఇంటి పనులు చేసే మహిళగా పట్టణానికి వలస వచ్చిన ఒక వ్యక్తిని ఇంటర్వ్యూ చేసి ఆమె కథ రాయండి. (పైన ఇచ్చిన రామయ్య కథనాన్ని చూడండి).
జవాబు:
శ్రీమతి బూరా సరోజిని హైదరాబాదులో ఒక ఆఫీసర్ గారి ఇంట్లో పని చేయడానికి వచ్చింది. ఆమె భూపాలపల్లి (మండలం) వరంగల్ లో జన్మించింది. అక్కడ 8వ తరగతి వరకు చదివిన తరువాత ప|గోదావరికి నర్సాపురానికి చెందిన రంగాజీతో వివాహం జరిగింది. తరువాత 25 సం||రాలకి ఆమె భర్త చనిపోయారు. ఆమె ఇద్దరి కుమార్తెలకు వివాహం చేసి, ఆ అప్పులు తీర్చే నిమిత్తం పనికి చేరింది. ఆమె సంపాదించిన దానిలో ఖర్చులు పోగా మిగిలినవి. తన సోదరునికి పంపి అతని ద్వారా అప్పు తీర్చింది. ఆమె తన స్వంత ఊరును 6 నెలల కొకసారి దర్శిస్తుంది.

AP Board 10th Class Social Solutions Chapter 8 ప్రజలు – వలసలు

10th Class Social Textbook Page No.106

ప్రశ్న 7.
మీరు గ్రామీణ ప్రాంతంలో ఉంటుంటే పట్టణంలో అసంఘటిత రంగంలో పనిచేస్తూ పండగకు ఊరొచ్చిన ఒక వ్యక్తిని ఇంటర్వ్యూ చేసి అతడి కథ రాయండి. (పైన ఇచ్చిన రామయ్య కథనాన్ని చూడండి).
జవాబు:
చోరగుడి పద్మనాభం (20 సం||రాలు) భిలాయ్ ఛత్తీషుడు తాపీ పని చేస్తున్నాడు. అతను మా ఊరు నందమూరు టంగుటూరు మండలానికి వచ్చాడు. పద్మనాభం మా జిల్లాలోనే గుడివాడలో జన్మించాడు. అతను సెలవులకి తన నాయనమ్మ యింటికి వచ్చాడు. అతని తల్లి ఆరోగ్యానికి చెల్లెలి వివాహానికి చాలా అప్పు చేశాడు. ఆ అప్పులన్నీ పద్మనాభమే తీర్చాలి. అందుకే అతను భిలాయ్ వెళ్ళాడు. అతనికి రోజుకి రూ. 300/- ఉచిత వసతి, భోజన సౌకర్యాలు కల్పించారు. ఆరోగ్య భీమా కూడా కల్పించారు. కాబట్టి అతను ఆనందంగానే కొంత భాగాన్ని సాగిస్తున్నాడు. తన సంపాదనలో కొంత భాగాన్ని తన తండ్రికి పంపి అప్పులు తీరుస్తున్నాడు. అతను తన కుటుంబానికి దూరంగా ఉండటానికి దిగులు పడుతున్నాడు.

10th Class Social Textbook Page No.106

ప్రశ్న 8.
పైన పేర్కొన్న రెండు పరిస్థితుల మధ్య పోలికలు, తేడాలు పేర్కొనండి.
జవాబు:
పోలికలు, తేడాలు :
వీరిరువురూ వేర్వేరు ప్రాంతాలకి వలసకి వెళ్ళారు. ఇద్దరు అవ్యవస్థీకృత రంగంలోనే పని చేస్తున్నారు. ఇద్దరూ వారి జీవనానికి, అప్పులు తీర్చడానికి పని చేస్తున్నారు.

శ్రీమతి బి. సరోజిని చాట్రగడ్డ పద్మనాభం
1. ఈమె స్వంత రాష్ట్రంలోనే వలసకి వెళ్ళింది. 1. ఇతను వేరే రాష్ట్రానికి వలస వెళ్ళాడు.
2. ఆమె కొద్ది పాటి వసతులను మాత్రమే పొందుతోంది. 2. ఇతను చాలా లాభాలను పొందుతున్నాడు.
3. ఆమె ఒంటరి జీవితాన్ని అనుభవిస్తోంది. 3. ఇతను బ్రహ్మచారి జీవితాన్ని గడుపుతున్నాడు.

10th Class Social Textbook Page No.107

ప్రశ్న 9.
పట్టణ ప్రాంతాల్లో ఉద్యోగాలు దొరకటానికి పరిచయాలు, సంబంధాలు ఎందుకు అవసరం?
జవాబు:
పట్టణాలలో ఉద్యోగాలు దొరకటానికి పరిచయాలు, సంబంధాలు చాలా కీలకమైనవి. ఒక్కొక్కసారి తమ పరిచయాలు, సంబంధాల ద్వారా ముందుగా ఉద్యోగం దొరకబుచ్చుకున్న తరువాతే గ్రామీణ ప్రాంతాల ప్రజలు పట్టణాలకు వస్తారు. అనేక కారణాల వల్ల వాళ్లు తమ గ్రామీణ ప్రాంతాలతో సన్నిహిత సంబంధాలు పెట్టుకుంటారు.

10th Class Social Textbook Page No.108

ప్రశ్న 10.
1961-2011 మధ్యకాలంలో వలసల ప్రభావాన్ని చూపటానికి ఒక పట్టిక తయారుచేయండి.
జవాబు:
AP Board 10th Class Social Solutions Chapter 8 ప్రజలు – వలసలు 7

10th Class Social Textbook Page No.108

ప్రశ్న 11.
గ్రామీణ ప్రాంతాల నుంచి ప్రజలు వలస వెళ్లినప్పుడు గ్రామీణ రంగంలోని ఏ ఆర్థిక రంగం ఎక్కువ మందిని కోల్పోతుంది? ఎందుకని?
జవాబు:
గ్రామీణ ప్రాంతం నుంచి ప్రజలు వలస వెళ్లినప్పుడు గ్రామీణ రంగంలోని వ్యవసాయరంగం ఎక్కువ మందిని కోల్పోతుంది. ఎందుకనగా వ్యవసాయం నుండి వచ్చే ఆదాయం కన్నా పట్టణ ప్రాంతంలో పనిచేయడం వలన వచ్చే ఆదాయం ఎక్కువ. కాబట్టి పట్టణ ప్రాంతాలలో పనిచేయుటకు గ్రామీణులు వలసలు పోతున్నారు.

AP Board 10th Class Social Solutions Chapter 8 ప్రజలు – వలసలు

10th Class Social Textbook Page No.109

ప్రశ్న 12.
పశ్చిమ మహారాష్ట్రలో చెరకు కొట్టేవాళ్ల కొరత ఎందుకుంది?
జవాబు:

  1. భారతదేశానికి స్వతంత్ర్యం వచ్చిన తరువాత పంచవర్ష ప్రణాళికల ద్వారా మిశ్రమ ఆర్థిక వ్యవస్థ అభివృద్ధి చెందినది.
  2. వ్యవసాయ రంగంలో సరియైన ప్రణాళికలు అమలు కాకపోవటం మూలంగా వ్యక్తుల కూలీల వలసలు ఎక్కువయ్యాయి.
  3. మహారాష్ట్రలో ప్రాంతీయ అసమానతలు అనేవి రాజకీయ ఆర్థిక, సాంఘిక పరమైనవి. రాజకీయంగా ఉన్నతిని సాధించిన
  4. పశ్చిమ మహారాష్ట్ర ప్రాంతంలో నీటి పారుదల వసతులు, పరపతి అవకాశాలు ఇతర వ్యవసాయానూకూల అంశాలు అభివృద్ధి చెందినవి. కాని ఇతర ప్రాంతాలు ఈ అంశాలలో చాలా వెనుకబడి ఉన్నాయి.
  5. కాబట్టి ప్రతి సం||రం కొన్ని వేల మంది వ్యక్తులు ఈ ప్రాంతానికి పని కొరకు వలస పోవుచున్నారు.

10th Class Social Textbook Page No.109

ప్రశ్న 13.
తల్లిదండ్రులతో పాటు వలస వచ్చిన వాళ్ల పరిస్థితి ఏమిటి ? వీళ్లను బడిలో చేర్పించవచ్చా? ఇటువంటి పిల్లలకు చదువు చెప్పటానికి ప్రభుత్వ చట్టాలలో ఏమైనా అంశాలు ఉన్నాయా?
జవాబు:
తల్లిదండ్రులు వలస వచ్చినపుడు సాధారణంగా బడి ఈడు గల వీరి పిల్లలను కూడా తమతో తీసికొని వస్తారు. అయితే తాత్కాలిక వలసల కారణంగా వీరు తమ పిల్లలను పాఠశాలల్లో చేర్పించక బాల కార్మికులుగా ఆదాయం వచ్చే మార్గాల వైపు మళ్ళిస్తారు. కానీ విద్యాహక్కు చట్టం 2009 ప్రకారం 14 సం||లోపు పిల్లలు తప్పనిసరిగా పాఠశాలలో ఉండాలి. వలస ప్రాంతాల్లోని విద్యార్థులు తమకు దగ్గరలోని పాఠశాలలో చేరాలి. లేదా ఆడపిల్లలైతే కస్తూరిబా గాంధీ విద్యాలయాల్లో చేరవచ్చు. వీటిలో విద్యాబోధనతో పాటు వసతి, భోజన సదుపాయాలుంటాయి. భాషా సమస్య ఏర్పడితే వీరి కోసం విద్యాశాఖాధికారులు తాత్కాలిక రెసిడెన్షియల్ బ్రిడ్జి కోర్సులను ఏర్పాటు చేస్తారు.

10th Class Social Textbook Page No.109

ప్రశ్న 14.
చెరకు నరికే వాళ్లకు ఆ పనిలో ఆరు నెలలు మాత్రమే ఎందుకు ఉపాధి లభిస్తుంది ? మిగిలిన ఆరునెలల్లో వాళ్లు ఏ పనులు చేస్తూ ఉంటారు?
జవాబు:
చెరకు సంవత్సరకాల పంట. మహారాష్ట్రలో చెరుకు విస్తారంగా పండటం వలన చెరుకు నరికే కాలం సుమారుగా ఆరు నెలలు మాత్రమే ఉంటుంది. పంచదార మిల్లులు, బెల్లం క్రషర్లు ఈ సీజన్లోనే పనిచేస్తాయి. అందుకే వలస కూలీలకు ఈ ప్రాంతంలో 6 నెలలు మాత్రమే పని లభిస్తుంది. మిగతా ఆరు నెలలు వీరు తమ స్వగ్రామాలకు పోయి ఉపాధి పొందుతారు.

AP Board 10th Class Social Solutions Chapter 8 ప్రజలు – వలసలు

10th Class Social Textbook Page No.109

ప్రశ్న 15.
ఇటువంటి కూలీల జీవన పరిస్థితులను ఏ విధంగా మెరుగుపరచవచ్చు?
జవాబు:
ఆరు నెలలు మాత్రమే కూలీ లభించే చెరుకు వలస కూలీల జీవనస్థితి మెరుగుపరచడానికి ప్రభుత్వం, స్వచ్ఛంద సంస్థలు, విద్యాశాఖవారు అనేక కార్యక్రమాలు అమలుచేయాలి. వీరు పనిచేసే చోట నివసించేందుకు గృహ సముదాయాలను ఏర్పాటు చేసి విద్యుత్, త్రాగునీటి సదుపాయాలు కల్పించాలి. వీరి పిల్లల కోసం పాఠశాలలను ఏర్పాటు చేయాలి. మిగతా 6 నెలలు వీరికి ఉపాధి పథకాలను అమలుచేయాలి. వైద్య సదుపాయాలను కల్పించాలి.

10th Class Social Textbook Page No.111

ప్రశ్న 16.
వలస వెళ్లిన వాళ్లకు ఆహారం, వైద్య కుటుంబ సంరక్షణ కార్యక్రమాలు అందటానికి ఏం చెయ్యాలి?
జవాబు:
వలస వెళిన వారు కొత ప్రాంతంలో, కొత వాతావరణంలో పనిచేయవలసి ఉంటుంది. మరోవైపు వృదులైన తల్లిదండ్రులు చదువుకొనే పిల్లలకు దూరంగా వీరు సంపాదనకోసం, జీవన భృతి కోసం వలస వచ్చినవారు. వీరికి యజమానులు, గుత్తేదారులు కొన్ని మౌలిక సదుపాయాలను కల్పించాలి. ఉదయం, మధ్యాహ్నం పనిచేసే చోటనే పౌష్టికాహారం కల్పించాల్సిన అవసరం ఎంతైనా ఉంది. వీరి నివాసాల సమీపంలో వైద్య సదుపాయం కల్పించాలి. పని గంటలు నిర్ణయం వారంలో కనీసం ఒక రోజు సెలవు, వైద్య ఖర్చులు యజమానులే భరించడం, వీరి పిల్లలకు పాఠశాల ఏర్పాటు వంటి చర్యలు తీసుకోవాలి.

10th Class Social Textbook Page No.102

ప్రశ్న 17.
నంద్యాల పట్టణంతో కర్నూలు జిల్లాను చూపించే పటం గీయండి. ఈ ఉదాహరణలలో పేర్కొన్న గ్రామాలను కలుపుతూ బాణం గుర్తులు గీయండి.
జవాబు:
AP Board 10th Class Social Solutions Chapter 8 ప్రజలు – వలసలు 8

10th Class Social Textbook Page No.103

ప్రశ్న 18.
క్రింది పట్టికను పరిశీలించండి. భారతదేశంలో వలస (2001 జనాభా లెక్కలు)
AP Board 10th Class Social Solutions Chapter 8 ప్రజలు – వలసలు 9-1
జవాబు:
AP Board 10th Class Social Solutions Chapter 8 ప్రజలు – వలసలు 10

10th Class Social Textbook Page No.109

ప్రశ్న 19.
పశ్చిమ మహారాష్ట్రలోని ఏడు జిల్లాలయిన నాసిక్, అహ్మద్ నగర్, పూనా, సతారా, సాంగ్లి, కొల్హాపూర్, షోలాపూర్లు “పంచదార పట్టి”గా పిలవబడతాయి. ఈ పట్టీ ఉత్తరాన సూరత్ (గుజరాత్)లోకి, దక్షిణాన బెల్గాం (కర్నాటక)లోకి విస్తరిస్తుంది. వర్షాధార మెట్ట భూములున్న మరట్వాడాలోని అయిదు జిల్లాలయిన బీడ్, జల్గావ్, అహ్మద్ నగర్, నాసిక్, జల్నాలు చెరకు నరకటానికి సంవత్సరంలో ఆరు నెలలపాటు వలస కార్మికులను పంపిస్తాయి.
ఒక పటంలో వలస మొదలయిన జిల్లాలు, వలస చేరుకునే జిల్లాలను చూపిస్తూ బాణం గుర్తులు గీయండి.
జవాబు:
AP Board 10th Class Social Solutions Chapter 8 ప్రజలు – వలసలు 11
కార్మికుల వలస ప్రాంతాలు
1) బీడ్
2) జల్గావ్
3) అహ్మద్నగర్
4) నాసిక్
5) జల్నా

కార్మికులు వలస వెళ్లిన ప్రాంతాలు
1) నాసిక్
2) అహ్మద్ నగర్
3) పూనా
4) సతారా
5) సాంగ్లి
6) కొల్హాపూర్
7) షోలాపూర్

10th Class Social Textbook Page No.110

ప్రశ్న 20.
మీ ప్రాంతంలో కాలానుగుణ వలస వెళ్లే వాళ్ల పరిస్థితిని వివరించండి.
జవాబు:
సాధారణంగా మా ప్రాంతంలో వ్యవసాయ పనులు లేని కాలంలో బహుళ పంటలు వేసే ప్రాంతాలకు లేదా పట్టణాలకు వలసలు పోతుంటారు. మా ప్రాంతంలోని కొందరు గుత్తేదార్లు వలస వెళ్ల వలసిన ప్రాంతంలోని పెద్ద రైతులు, గుత్తేదార్లుతో ముందుగా ఒప్పందం కుదుర్చుకుంటారు. గుత్తేదారులు చెప్పిన నిబంధనలు నచ్చితే వారితో పాటు వలసలు పోతారు. సాధారణంగా వీరు వృద్ధులైన తల్లిదండ్రుల వద్ద చదువుకుంటున్న తమ పిల్లలను వదిలి వెళతారు. గుత్తేదారు నుండి తీసుకున్న ముందస్తు సొమ్మును కొంత తల్లిదండ్రులకు ఇస్తారు. ప్రధానమైన పండుగలు, గ్రామంలో బంధువుల వివాహాలు వంటి శుభకార్యాలకు వీరు వచ్చి పోతుంటారు. మా ప్రాంతంలో వ్యవసాయ పనులు ప్రారంభం కాగానే తిరిగి వీరు మా గ్రామానికి వస్తారు.

10th Class Social Textbook Page No.111

ప్రశ్న 21.
కింది చిత్రాలలో చూపిన విధంగా వలస వ్యక్తులు రాకుండా జాతీయ సరిహద్దులను కాపాడుతుంటారు. ఇక్కడ కొన్ని ఉదాహరణలు చూద్దాం :
1) మెక్సికో సరిహద్దు వెంట అమెరికాలో,
2) ఉత్తర కొరియా సరిహద్దు వెంట దక్షిణ కొరియాలో
3) బంగ్లాదేశ్ సరిహద్దు వెంట భారతదేశంలో ఇలా దేశ సరిహద్దులను దాటేవాళ్ల గురించి మీ అభిప్రాయం ఏమిటి?
AP Board 10th Class Social Solutions Chapter 8 ప్రజలు – వలసలు 12
జవాబు:
ఈ చిత్రాలలో మెక్సికో – అమెరికా, ఉత్తర కొరియా – దక్షిణ కొరియా, బంగ్లాదేశ్ – భారతదేశం సరిహద్దులు చూపబడ్డాయి. అంతర్జాతీయ రేఖ వెంబడి ఇరు దేశాల మధ్య కంచె వేయడం, ఇరు దేశాల సైనికులు వారి సరిహదులలో నిరంతరం పహారా కాయడం జరుగుతుంటుంది. అయితే అనేక కారణాల వలన విభిన్న రకాల వ్యక్తులు సరిహద్దులు దాటి ప్రక్క దేశాలు వెళ్ళడానికి ప్రయత్నిస్తుంటారు. వీరిలో కొందరు ఆయా దేశాల ప్రేరణతో శత్రు దేశాలలో హింసాకాండ నిర్వహించడానికి సరిహద్దులు దాటే ఉగ్రవాదులు. వీరిని స్టేట్ స్పాన్సర్డ్ టెర్రరిస్టులంటాం.

మెక్సికో కంటే అమెరికా ఉపాధి, సదుపాయాలు పరంగా ఆకర్షణీయమైన దేశం. అందుకనే కొందరు దొడ్డి దారిలో ఆ దేశంలో ప్రవేశిస్తుంటారు. దక్షిణ, ఉత్తర కొరియాలు భిన్న సైద్ధాంతికతలను కలిగిన ప్రభుత్వాలు. ఒకటి కమ్యూనిస్టు అయితే, మరొకటి కేపటలిస్ట్ ఆయా దేశాలతో సిద్ధాంతాలు నచ్చనివారు, గూఢచర్య నిమిత్తం కొందరు ఒక దేశం నుండి మరో దేశానికి దొంగతనంగా సరిహద్దులు దాటుతుంటారు.

బంగ్లాదేశ్ లో సుదీర్ఘకాలం నియంతృత్వ పాలన సాగుతుండటంతో, ప్రజలు దుర్భర జీవనం సాగిస్తుండటంతో ప్రజాస్వామ్య దేశమైన భారతదేశానికి సరిహద్దులు దాటి వస్తుంటారు. పశ్చిమ బెంగాల్, అస్సాం వంటి రాష్ట్రాలలో బంగ్లా వలస జీవుల సమస్య అధికంగా ఉంది.

ఈ రకంగా అనధికారంగా సరిహద్దులు దాటి వెళ్ళటం చట్టరీత్యా నేరం. మరియు వీరు చేరిన దేశానికి సమస్యగా మారుతున్నారు.

AP Board 10th Class Social Solutions Chapter 8 ప్రజలు – వలసలు

10th Class Social Textbook Page No.112

ప్రశ్న 22.
పై పేరాలలో పేర్కొన్న భారతదేశం నుంచి ఇతర దేశాలకు వెళుతున్న వలసలను చూపిస్తూ ప్రపంచ పటంలో బాణం గుర్తులు గీయండి.
జవాబు:
AP Board 10th Class Social Solutions Chapter 8 ప్రజలు – వలసలు 13