Students can go through AP Board 9th Class Maths Notes 11th Lesson వైశాల్యాలు to understand and remember the concept easily.
AP Board 9th Class Maths Notes 11th Lesson వైశాల్యాలు
→ ఒక సమతలములో ఒక సరళ సంవృత పటంచే ఆక్రమించబడిన భాగాన్ని లేక ఆవరించబడిన దానిని సమతల ప్రదేశమంటారు.
→ ఈ సమతల ప్రదేశము యొక్క కొలత లేదా పరిమాణాన్ని ఆ ప్రదేశపు వైశాల్యము అంటాము.
→ ఒక ప్రమాణ పొడవు భుజం గల చతురస్ర వైశాల్యంను ప్రమాణ వైశాల్యము అంటారు.
→ వైశాల్యము అనునది ఒక ధన వాస్తవ సంఖ్య.
→ వైశాల్యమును చదరపు యూనిట్లలో కొలుస్తారు. , రెండు సర్వసమాన పటాలు ఒకే వైశాల్యం కలిగి ఉంటాయి. అయితే దీని విపర్యయం ఎల్లప్పుడూ సత్యం కాదు.
→ X అనే సమతల ప్రదేశము రెండు అధ్యారోహణం కాని రెండు సమతల ప్రదేశాలు P మరియు Qలుగా విభజింపబడితే (X) పటం వైశాల్యము = (P) పటం వైశాల్యము + (Q) పటం వైశాల్యము అవుతుంది.
→ ఒకే భూమి, ఒకే సమాంతర రేఖల మధ్య పటాలంటే, వాటికి ఒక ఉమ్మడి భుజం భూమి మరియు భుజానికి ఎదుగుగా గల శీర్షాలు అన్నియూ భూమికి సమాంతరంగా గీచిన రేఖపై ఉంటాయి.
→ ఒకే భూమి (లేదా సమాన భూములు) ఒకే సమాంతర రేఖల మధ్యగల రెండు సమాంతర చతుర్భుజాల వైశా సమానము.
→ సమాంతర చతుర్భుజ చతుర్భుజాల వైశాల్యము దాని భూమి మరియు దాని పైకి గీయబడిన లంబం (ఎత్తు) ల లబ్దానికి సమానము.
→ ఒకే భూమి (లేదా సమాన భూములు) మరియు సమాన వైశాల్యాలు గల రెండు సమాంతర చతుర్భుజాలు ఒకే సమాంతర రేఖల మధ్య ఉంటాయి.
→ ఒకే భూమి, ఒకే సమాంతర రేఖల మధ్య ఒక త్రిభుజము, ఒక సమాంతర చతుర్భుజం ఉంటే త్రిభుజ వైశాల్యం, సమాంతర చతుర్భుజ వైశాల్యంలో సగం ఉంటుంది.
→ ఒకే భూమి (లేదా సమాన భూములు) ఒకే సమాంతర రేఖల మధ్యగల రెండు త్రిభుజ వైశాల్యాలు సమానం.
→ ఒకే భూమి (లేదా సమాన భూములు) కలిగిన రెండు త్రిభుజ వైశాల్యాలు సమానం అయిన అవి ఒకే సమాంతర రేఖల మధ్య ఉంటాయి.