Students can go through AP Board 9th Class Maths Notes 7th Lesson త్రిభుజాలు to understand and remember the concept easily.
AP Board 9th Class Maths Notes 7th Lesson త్రిభుజాలు
→ ఒకే ఆకారము, ఒకే పరిమాణము గల పటములను సర్వసమాన పటములు అంటారు.
→ ఒకే ఆకారము గల పటములను సరూప పటములు అంటారు.
→ రెండు రేఖాఖండముల పొడవులు సమానమైన అవి సర్వసమానములు.
→ ఒక భుజము కొలతగాని లేదా కర్ణములు సమానముగా గల చతురస్రములు సర్వసమాన చతురస్రములు అవుతాయి.
→ ఒక త్రిభుజ భుజాలు, కోణాలు వరుసగా వేరొక త్రిభుజ సదృశ్య భుజాలు, కోణాలకు సమానమైన ఆ రెండు త్రిభుజాలు సర్వసమాన త్రిభుజములు.
→ “సర్వసమాన త్రిభుజాల సదృశ భాగాలు” అను దానిని క్లుప్తముగా ‘CPCT” అని రాస్తాము.
→ ఒక త్రిభుజములోని రెండు భుజములు, వాటి మధ్య కోణము వరుసగా వేరొక త్రిభుజంలోని రెండు భుజములు, వాటి మధ్య కోణమునకు సమానమైన ఆ రెండు త్రిభుజాలు సర్వసమానములు. దీనిని “భు. కో. భు.” నియమము అంటారు.
→ ఒక త్రిభుజములోని రెండు కోణములు, వాటి మధ్య భుజము వరుసగా వేరొక త్రిభుజములోని రెండు కోణములు, వాటి మధ్య భుజమునకు సమానమైన ఆ రెండు త్రిభుజాలు సర్వసమానాలు. దీనిని “కో. భు.కో.” నియమము అంటారు.
→ రెండు త్రిభుజములలో రెండు జతల కోణములు మరియు ఒక జత సదృశ భుజాలు సమానమైన ఆ రెండు త్రిభుజాలు సర్వసమాన త్రిభుజాలు అగును. దీనిని “కో.కో.భు.” నియమము అంటారు.
→ ఒక త్రిభుజము యొక్క మూడు వరుస భుజాలు వేరొక త్రిభుజంలోని సదృశ భుజాలకు సమానమైన ఆ రెండు త్రిభుజాలు సర్వసమానాలు. దీనిని “భు.భు.భు.” నియమము అంటారు.
→ రెండు లంబకోణ త్రిభుజములలో, ఒక త్రిభుజంలోని కర్ణం, భుజం వరుసగా వేరొక త్రిభుజంలోని కర్ణము, సదృశ భుజానికి సమానమైన ఆ రెండు త్రిభుజాలు సర్వసమానాలు. దీనిని “లం.క.భు.” నియమము అంటారు.
→ ఒక సమద్విబాహు త్రిభుజంలో సమాన భుజాలకు ఎదురుగా ఉన్న కోణాలు సమానము. , ఒక త్రిభుజంలో సమాన కోణాలకు ఎదురుగా ఉన్న భుజాలు సమానము.
→ ఒక త్రిభుజంలో రెండు భుజాలు అసమానంగా ఉన్న పొడవైన భుజానికి ఎదురుగా ఉన్న కోణము పెద్దది.
→ ఏ త్రిభుజంలోనైనా పెద్ద కోణానికి ఎదురుగా ఉండే భుజం పొడవైనది.
→ ఒక త్రిభుజంలో ఏవైనా రెండు భుజాల పొడవుల మొత్తం మూడవ భుజం పొడవు కన్నా ఎక్కువ.
→ ఒక త్రిభుజంలో ఏవైనా రెండు భుజాల పొడవుల భేదం మూడవ భుజం పొడవు కన్నా తక్కువ.