These AP 8th Class Social Important Questions 3rd Lesson భూ చలనాలు – రుతువులు will help students prepare well for the exams.
AP Board 8th Class Social 3rd Lesson Important Questions and Answers భూ చలనాలు – రుతువులు
ప్రశ్న 1.
భూమి యొక్క అక్షంను మనం ఎక్కడ నుండి చూడవచ్చు?
జవాబు:
భూమి యొక్క అక్షం ఒక ఊహా జనితరేఖ. దీనిని మనం కంటితో చూడలేము.
ప్రశ్న 2.
భూమి యొక్క అక్షంను మనం ఎక్కడ నుండి చూడవచ్చు?
జవాబు:
చూడలేము. ఎందుకంటే భూమి యొక్క అక్షం ఒక ఊహాజనిత రేఖ. దీనిని మనం కంటితో చూడలేము.
ప్రశ్న 3.
భూమి రోజూ ఎంతో వేగంతో తిరుగుతున్నది. కానీ ఆ విషయం భూమిపై నున్న మనకు ఎందుకు తెలియటం లేదు?
జవాబు:
భూమి, భూమిపై నున్న మనుషులు, ఇళ్ళు, చెట్లు, జంతువులు, భూమిని ఆవరించియున్న వాతావరణము, అన్నిటితో సహా తిరుగుచున్నది. అందువలన ఈ విషయం మనకు తెలియటం లేదు.
ప్రశ్న 4.
ఏ కాలంలో భూమి సూర్యుని వైపుకి వాలి ఉంటుంది?
జవాబు:
వేసవి కాలంలో భూమి సూర్యుని వైపుకి వాలి ఉంటుంది.
ప్రశ్న 5.
కాలాలను ప్రభావితం చేసే అంశాలు ఏవి?
జవాబు:
కాలాలను ప్రభావితం చేసే అంశాలు : వీటిని అర్థం చేసుకోవటానికి అనేక అంశాల మధ్య ఉండే సంక్లిష్ట సంబంధాలను అర్థం చేసుకోవాలి. ఇవి :
- భూమి బంతిలాగా గోళాకారంలో ఉండటం, దాని ఉపరితలం ఒంపు తిరిగి ఉండటం.
- భూమి తన అక్షం మీద రోజుకు ఒకసారి తన చుట్టూ తాను తిరగటం (భూభ్రమణం).
- సూర్యుడి చుట్టూ భూమి తిరిగే తలంతో పోలిస్తే తన చుట్టూ తాను తిరిగే అక్షం ఒంపు కలిగి ఉండటం.
- సంవత్సర కాలంలో సూర్యుని చుట్టూ భూమి తిరగటం (పరిభ్రమణం).
ప్రశ్న 6.
భూమి భ్రమణాన్ని, పరిభ్రమణాన్ని ప్రశంసించండి.
జవాబు:
భూమి పుట్టినది మొదలు ఈనాటి వరకూ అలుపెరగక భ్రమణ, పరిభ్రమణాలను జరుపుతోంది. అది ఒక్క క్షణం అలుపు తీర్చుకున్నా భూమి మీద ప్రాణికోటి మిగలదు. కాబట్టి భూమికి కృతజ్ఞతాపూర్వక వందనములు.
ప్రశ్న 6.
భూమిపైన ఉన్న కాలాలన్నింటిలోకి ఏది ముఖ్యమని నీవు భావిస్తున్నావు?
జవాబు:
భూమిపై ఉన్న కాలాలన్నీ ముఖ్యమైనవే అని నా భావన. ఎండాకాలంలో ఎండిన నేలకి వాన స్వాంతన. ఈ రెండింటి తర్వాత చలి ఎంతో హాయినిస్తుంది. చలికాలం తరువాత ఎండ కూడా హాయిగానే ఉంటుంది. అయితే వాస్తవంగా ఏ కాలం లేకపోయినా భూమి మీద మానవ మనుగడ అసాధ్యం అని నేను భావిస్తున్నాను.
ప్రశ్న 8.
ముఖ్యమైన కాలాలు చెప్పండి.
జవాబు:
ముఖ్యమైన కాలాలు ఎండాకాలం, వానాకాలం మరియు చలికాలం.
ప్రశ్న 9.
భూ భ్రమణం, భూ పరిభ్రమణం ప్రశంసించండి.
జవాబు:
భూ భ్రమణం, భూ పరిభ్రమణం సమస్త జీవరాసులకు ప్రాణాధారం.
ప్రశ్న 10.
భూమిపైన ఉన్న కాలాలన్నింటిలో ఏది ముఖ్యమైనది?
జవాబు:
భూమిపై ఉన్న కాలాలన్నీ ముఖ్యమైనవే. ఏ కాలం లేకపోయినా మానవాళి మనుగడ శూన్యమౌతుంది.
ప్రశ్న 11.
1. క్రింది పటాన్ని పరిశీలించి ప్రశ్నలకు సమాధానాలు రాయంది.
ఎ) కర్కటరేఖ పై సూర్యకిరణాలు నిట్టనిలువుగా ప్రసరించే రోజు?
బి) సూర్యుడు ఎప్పటి నుంచి ఎప్పటి వరకు దక్షిణార్ధగోళంలో ఉంటాడు ?
జవాబు:
ఎ) కర్కటరేఖ పై సూర్యకిరణాలు నిట్టనిలువుగా ప్రసరించే రోజు జూన్ – 21
బి) సెప్టెంబర్ 23 నుండి డిసెంబర్ 22 వరకు దక్షిణార్ధ గోళంలో ఉంటాడు.
ప్రశ్న 12.
శీతోష్ణస్థితి ఆధారంగా భారతదేశంలోని కాలాలను ఎన్ని ఋతువులుగా విభజించారు? అవి ఏవి?
జవాబు:
శీతోష్ణస్థితిని బట్టి భారతదేశంలోని కాలాలను 6 ఋతువులుగా విభజించారు. అవి :
- వసంత ఋతువు
- గ్రీష్మ ఋతువు
- వర్ష ఋతువు
- శరదృతువు
- హేమంత ఋతువు
- శిశిర ఋతువు
ప్రశ్న 13.
విషువత్తులు అనగానేమి? అవి ఏ రోజులలో సంభవిస్తాయి?
జవాబు:
విషువతులు అనగా పగటి కాల సమయం మరియు రాత్రికాల సమయం రెండూ సమానంగా ఉండటం.
సాధారణంగా మార్చి 21, సెప్టెంబర్ – 23 ఈ రెండు తేదీలలో ప్రపంచ వ్యాప్తంగా పగలు, రాత్రి సమానంగా ఉంటాయి. కావున ఈ రెండు రోజులను విషువత్తులు అంటారు.