Srinivas

Students can go through AP Board 8th Class Social Notes 21st Lesson ఆధునిక కాలంలో కళలు – కళాకారులు to understand and remember the concept easily.

AP Board 8th Class Social Notes 21st Lesson ఆధునిక కాలంలో కళలు – కళాకారులు

→ కళాకారులు అనేక రకాలుగా ఉంటారు.

→ చాలావరకు జానపద కళలలో ప్రజలే పాల్గొంటారు.

→ యక్షగానం, గుసాడి, లంబాడి, సదిర్ నాట్యం , కురవంజి, కూచిపూడి మొదలైనవి నాట్యరూపాలు.

→ చాలామంది కళాకారులు ఊరూరా తిరగకుండా చక్రవర్తులు, రాజులు, జమీందార్ల పోషణలో ఉండేవాళ్ళు.

→ బుర్రకథలో కథనం చాలా ముఖ్యమయినది. దీనికి ఆట, వాచ్యం, పాట, నటనతోడై కథనంలో ఆసక్తిని పెంపొందిస్తాయి.

→ కమ్యూనిస్టు పార్టీకి మద్దతుదారులైన ప్రగతిశీల కళాకారులు 1943లో ప్రజానాట్య మండలిగా ఏర్పడ్డారు.

→ లాయరు, స్వాతంత్ర్య పోరాట యోధుడైన ఇ. కృష్ణ అయ్యర్ భరతనాట్యం నేర్చుకున్నాడు. ఈ కళలో ప్రజలకు ఆసక్తి కలిగించడానికి ఉద్యమించాడు.

→ కళ బ్రతకాలంటే గౌరవప్రదమైన చేతులకు బదిలీ చేయాలని చదువుకున్నవారు భావించారు.

→ ప్రదర్శన ద్వారా నేడు నాట్యకారులు జీవనోపాధిని పొందలేరు.

→ అన్ని రకాల నాట్యాలు అనేక రకాల ఘర్షణలకు గురి అయ్యాయి.

→ భారతీయ సంప్రదాయ నృత్యాలలో భరతనాట్యం ఎంతో ప్రాముఖ్యతను సంతరించుకుంది.

→ తప్పెటలు : గుండ్రటి కంచు పళ్ళాలు (2). ఒకదానితో ఒకటి కట్టబడినవి. సంగీత వాయిద్యంగా ఉపయోగిస్తారు.

→ అందెలు : పాదాలకు మడమల దగ్గర గుండ్రంగా అలంకరించుకునే ఆభరణాలు.

→ భిక్షం : పేదవారికి ఆహారంగా కానీ, ధనం రూపేణా కాని ఉచితంగా ఇచ్చేది.

→ మూకాభినయం : మాట్లాడకుండా సంజ్ఞలతో చేసే అభినయం.

→ తరంగం : కూచిపూడి నృత్య రీతిలో ఇది ఒక కష్టమైన విధానం.
ఈ నృత్యంలో కళాకారులు పళ్ళెంలో కాళ్ళు ఉంచి, తలపై నీళ్ల గిన్నె ఉంచి నాట్యం చేస్తారు. కొంతమంది చేతుల్లో వెలిగే కొవ్వొత్తులు కూడా ఉంచుతారు.

→ నట్టువనార్లు : నాట్యం నేర్పే గురువులు, సాధారణంగా వీళ్ళు దేవదాసీలకు పుట్టిన మగ సంతానం.

Students can go through AP Board 8th Class Social Notes 20th Lesson లౌకికత్వం – అవగాహన to understand and remember the concept easily.

AP Board 8th Class Social Notes 20th Lesson లౌకికత్వం – అవగాహన

→ కొన్ని దేశాలలో ఒక మతవర్గ ప్రజలు మరొక మత వర్గ ప్రజల పట్ల వివక్షత చూపుతున్నారు లేదా వేధింపులకు గురి చేస్తున్నారు.

→ తమ మత నమ్మకాలతో, తాము వాటిని అర్థం చేసుకున్నదానికి అనుగుణంగా జీవించడానికి వ్యక్తులకు భారత రాజ్యాంగం స్వేచ్ఛను ఇస్తోంది.

→ ప్రభుత్వం నుంచి మతాన్ని వేరు చేయటాన్నే లౌకికవాదం అంటారు. ఒక దేశం ప్రజాస్వామికంగా పనిచేయాలంటే ఇది ముఖ్యం.

→ భారతదేశంలో ప్రభుత్వ స్థలాల్లో ఏ ఒక్క మత చిహ్నాలను ప్రదర్శించకూడదు, ఏ మతాన్ని ప్రోత్సహించకూడదు.

→ భారత రాజ్యాంగం అంటరానితనాన్ని నిషేధించింది.

→ భారత లౌకిక విధానంలో మతం నుంచి పూర్తిగా వేరుచేయబడనప్పటికీ మతాల నుంచి అది సూత్రబద్ధ దూరంలో ఉంటుంది.

→ లౌకిక సూత్రాలపై ఆధారపడిన ప్రాథమిక హక్కులకు భారత రాజ్యాంగం హామీ ఇస్తోంది.

→ ప్రాథమిక హక్కులు : ఒక వ్యక్తికి అవసరమైన కనీస హక్కులు మన రాజ్యాంగం భారతదేశ పౌరులకు ఇచ్చింది. వీటినే ప్రాథమిక హక్కులు అంటారు.

→ ప్రజాస్వామ్యం : ఎన్నిక కాబడిన ప్రతినిధులచే పరిపాలించబడే విధానాన్ని ప్రజాస్వామ్యం అంటారు.

→ భయోత్పాతం : క్రూరమైన పాలన.

→ పౌర చట్టాలు : ప్రత్యేకించి ఒక వ్యక్తికి కానీ, ఒక వర్గం లేదా సమూహానికి కానీ సంబంధించిన చట్టాలు.

Students can go through AP Board 8th Class Social Notes 19th Lesson సాంఘిక, మత సంస్కరణోద్యమాలు to understand and remember the concept easily.

AP Board 8th Class Social Notes 19th Lesson సాంఘిక, మత సంస్కరణోద్యమాలు

→ భారతీయులు సంఘసంస్కరణల ద్వారా అన్ని యుగాల్లోనూ తమ మూఢాచారాలను మార్చుకుంటూ వచ్చారు. ప్రపంచం పట్ల తమ అవగాహనను మెరుగుపరుచుకుంటూ వచ్చారు.

→ వివిధ దేశాల నుంచి భారతదేశంలోకి వచ్చిన రకరకాల అలవాట్లు, భావనల నుంచి వాళ్ళు కొత్త జ్ఞానాన్ని అలవర్చుకోసాగారు.

→ యూరోపియన్ పండితులు భారతదేశ ప్రాచీన సాహిత్యాన్ని చదివి, అనువదించి, పుస్తకాలుగా ప్రచురించారు.

→ బ్రహ్మ సమాజం, ఆర్య సమాజం మొదలైనవి దేశంలో ప్రారంభమయ్యాయి.

→ స్వామి వివేకానంద రామకృష్ణ పరమహంస శిష్యుడు. ఈయన హిందూమతం అన్ని మతాల కంటే గొప్పదని భావించాడు.

→ స్వామి దయానంద సరస్వతి అనుచరులు పంజాబ్ లో దయానంద్ ఆంగ్లో వేదిక్ పాఠశాలను స్థాపించారు.

→ 1857 తిరుగుబాటు అణచివేత ముస్లింలు ఆంగ్లేయుల మధ్య తీవ్ర విభేదాలు సృష్టించింది.

→ ముస్లింలలో సాంఘిక, సంస్కరణలకు, ఆధునిక విద్యా వ్యాప్తికి సర్ సయ్యద్ అలీగఢ్ ఉద్యమాన్ని ప్రారంభించాడు.

→ 1846లో 10 సంవత్సరాలలోపు ఆడపిల్లలకు పెళ్ళి చేయటాన్ని నిషేధిస్తూ చట్టం చేశారు.

→ బాల్య వివాహాలకు, బహు భార్యాత్వానికి వ్యతిరేకంగా ఈశ్వరచంద్ర విద్యాసాగర్ పోరాడాడు.

→ కందుకూరి వీరేశలింగం ఆంధ్రప్రదేశ్ లో బ్రహ్మసమాజాన్ని స్థాపించాడు.

→ 1848లో పూణేలో అంటరాని కులాల బాలికల కోసం జ్యోతిబా ఒక పాఠశాల స్థాపించాడు.

→ మనుషులందరికీ ‘ఒకే కులం, ఒకే మతం, ఒకే దేవుడు’ అన్న భావనను ప్రచారం చేసిన మత గురువు నారాయణగురు.

→ సహాయనిరాకరణ, సత్యాగ్రహ ఉద్యమాల్లో పాల్గొనవలసినదిగా మహిళలను గాంధీజీ ప్రోత్సహించాడు.

→ సంస్కరణలు : ఏదేనీ ఒక రంగంలో కొత్త మార్పులను తీసుకుని రావడాన్ని సంస్కరణలు అంటారు.

→ సతి : పూర్వం భర్త చనిపోతే అతని భార్యను, భర్త చితిమీద బలవంతంగా కూర్చోబెట్టి తగులబెట్టేవారు. దీనినే ‘సతి’ అని అంటారు.

→ పరదా : స్త్రీ తన ముఖం పరులకు కనపడకుండా ముసుగును ధరించడం.

→ వితంతు పునర్వివాహం : భర్తలు మరణించిన స్త్రీలకు మరలా వివాహం చేయడం.

→ అంటరానితనం : పూర్వకాలం సమాజంలో కొన్ని కులాల వారిని మిగతావారు ముట్టుకునేవారు కాదు. దాన్ని ‘అంటరానితనం’ అని అనేవారు.

Students can go through AP Board 8th Class Social Notes 18th Lesson హక్కులు – అభివృద్ధి to understand and remember the concept easily.

AP Board 8th Class Social Notes 18th Lesson హక్కులు – అభివృద్ధి

→ ప్రపంచంలోని మానవులందరికీ ఉల్లఘించకూడని కొన్ని మౌలిక హక్కులున్నాయి.

→ వీటిలో గౌరవప్రద జీవనం గడిపే హక్కు స్వేచ్ఛ, స్వాతంత్ర్యాలకు హక్కు జీవించే హక్కు అంటే మానవ గౌరవానికి భంగం కలగకుండా జీవించే హక్కు ముఖ్యమైనవి.

→ ప్రభుత్వం పేద ప్రజల సంక్షేమానికి నిధులు కేటాయించడం అంటే అది ప్రజలందరి ప్రాథమిక హక్కు.

→ 1945లో ఐ.రా.స. ఏర్పడినప్పుడు స్వేచ్ఛ, ఆర్థిక అభివృద్ధికి సంబంధించిన హక్కులు మానవులందరి ప్రాథమిక హక్కులుగా పరిగణించారు.

→ పేదల ప్రయోజనాల కోసం రూపొందించిన కార్యక్రమాలు సాధారణంగా వారికి చేరవు. ఇలా జరగటానికి అవినీతే ముఖ్యమైన కారణం.

→ ఎన్నో సం||రాల పోరాటం తరువాత అధికారిక సమాచారాన్ని వెల్లడి చేయడాన్ని తప్పనిసరి చేస్తూ 1995లో రాజస్థాన్లో ఒక చట్టం చేశారు.

→ జాతీయస్థాయిలో పార్లమెంటు 2005లో స.హ.చ. చేసింది.

→ 2002లో విద్యను 86వ రాజ్యాంగ సవరణ ద్వారా ప్రాథమిక హక్కుగా గుర్తించారు. 2009లో ఉచిత, నిర్బంధ విద్యా హక్కు చట్టాన్ని చేశారు.

→ మానవ హక్కులు : మానవులకు మౌలికంగా, కొన్ని హక్కులున్నాయి. జీవించే హక్కు స్వేచ్ఛా హక్కు మొదలైనవి.

→ సమాచార హక్కు చట్టం : ప్రభుత్వ శాఖల నుండి ఏ సమాచారమైన నిర్ణీతమైన పద్ధతిలో తెలుసుకునే హక్కు చట్టం (కొన్నింటికి మినహాయింపు కలదు).

→ విద్యా హక్కు చట్టం : 6 నుండి 14 ఏళ్ళ లోపు బాలబాలికలకు ఉచిత నిర్బంధ విద్యను అందించాలనే చట్టం

→ స్వేచ్ఛ : ఎవరికి వారు కలిగి ఉండేది, ఇతరులకు లోబడకుండా ఉంచేది.

Students can go through AP Board 6th Class Social Notes 5th Lesson సంచార జీవనం నుండి స్థిర జీవనం to understand and remember the concept easily.

AP Board 6th Class Social Notes 5th Lesson సంచార జీవనం నుండి స్థిర జీవనం

→ కొన్నివేల సం||రాలకు పూర్వం భారత ఉపఖండంలో నివసించే ప్రజలను ఆహార సేకరణ వేటగాళ్ళు అని పిలిచేవారు.

→ పురావస్తు తవ్వకాలలో లభించిన (దొరికిన) పనిముట్ల ద్వారా మనం ఆది మానవుల గురించి తెలుసుకోవచ్చు.

→ ఆది మానవులు నిప్పు కనుగొనడంతో ఆహారాన్ని వండుకొని తినే విధానానికి నాంది పలికింది.

→ ఆది మానవులు, సంచార జీవనం గడిపేవారు.

→ ఎముకలతో చేసిన పనిముట్ల బెలూమ్ గుహలలో తప్ప భారత ఉపఖండంలో ఎక్కడా దొరకలేదు.

→ గుహల గోడలపై, రాతిస్థావరాలపై ఆది మానవులు, రంగురాళ్ళను పిండి చేసి జంతువుల కొవ్వును కలిపి చిత్రాలు వేయడానికి అవసరమైన రంగులను తయారుచేసి అనేక చిత్రాలను చిత్రించారు.

→ వైయస్ఆర్ కడప జిల్లాలోని చింతకుంట గ్రామంలో 10 రాతి స్థావరాలున్నాయి.

→ ఈ రాతి స్థావరాలలో ఎరుపు, తెలుపు రంగులలో 200 పైగా చిత్రాలున్నాయి.

→ ఎరుపు రంగు చిత్రాలలో ఉన్న మూపురం ఎద్దు ఒకే ఒక గుహలో ఉంది.

→ దాదాపు 12,000 సం||రాల క్రితం ప్రపంచ వాతావరణంలో గొప్ప మార్పులు సంభవించాయి.

→ పాత రాతియుగం (పాలియోలిథిక్ యుగం) – BCE 2.6 మి|| సం||రాల నుండి BCE 10,000 సంవత్సరాల వరకు.

→ మధ్య రాతియుగం (మెసోలిథిక్ యుగం) – BCE 10,000 సం||రాల నుండి BCE 8,000 సంవత్సరాల వరకు.

→ కొత్త రాతియుగం (నియోలిథిక్ యుగం) – BCE 8,000 సం||రాల నుండి BCE 3,000 సంవత్సరాల వరకు.

→ ఆది మానవులు వ్యవసాయం ప్రారంభించటంతో స్థిర జీవనం మొదలయ్యింది.

→ ఆహార నిల్వల కొరకు మట్టి పాత్రలను, గంపలు బుట్టలు లేదా నేల మాళిగలను ఉపయోగించారు.

→ కొత్తరాతి పనిముట్లతో వ్యవసాయం చేసిన కాలాన్ని నవీన శిలాయుగం లేదా కొత్త రాతియుగం అంటారు.

→ నవీన రాతియుగ కాలంలో ప్రజలు సాంకేతికంగా ముందంజ వేసారు.

→ ప్రపంచ వ్యాప్తంగా నదీలోయ నాగరికతలు మెసపటోమియా, సింధులోయ (భారత్) మరియు చైనాలలో వర్ధిల్లాయి.

→ వరి, గోధుమ, బార్లీ, పప్పులు, పెసలు, సెనగ, మునగ పంటలను పండించారు.

→ మట్టితో, గడ్డితో చేసిన గుడిసెలలో, ఇండ్లలో నివసించేవారు.

→ గొర్రెలు, మేకలు, ఎద్దులు మొదలైన పశువులను మచ్చిక చేసుకున్నారు.

→ పురాతన సామాగ్రిని, ఎముకలు, పాత్రలు, భవనాలు, అవశేషాలను అధ్యయనం చేసేవారిని పురావస్తు శాస్త్రవేత్తలు అంటారు.

→ మన రాష్ట్రంలో (ఆం.ప్ర.)లో యానాదులు, చెంచులు తెగకు చెందిన వారు కొన్ని ప్రాంతాలలో వేటాడటం, ఆహార సేకరణ ద్వారా నేటికి జీవితాన్ని గడుపుతున్నారు.

→ వేట-ఆహార సేకరణ చేసేవారు : అడవుల నుండి ప్రకృతి సిద్ధంగా లభించే వస్తువులు, జంతువులు, పక్షులను వేటాడేవారు.

→ పశుకాపరులు : పశువులను పెంచేవారు. ఈ పురాతత్వ శాస్త్రజ్ఞుడు : తవ్వకాలలో దొరికిన పురాతన సామగ్రి, ఇతరాలను అధ్యయనం చేసేవారు.

→ స్థిర జీవనం : ఒకచోట నివసించడం. ఈ రాతి పరికరాలు : వివిధ అవసరాలకు రాతితో చేసిన పనిముట్లు.

→ రోలు – రోకలి : వ్యవసాయ ఉత్పత్తులను దంచడానికి ఉపయోగించేవి.

→ కంచు లోహం : రాగి, టిన్ లోహాల మిశ్రమం.

→ మచ్చిక చేసుకొనుట : కావలసిన మొక్కలను, జంతువులను పెంచుకోవడం.

→ సంచార జీవులు : ఒక ప్రాంతం నుంచి మరో ప్రాంతానికి నిరంతరం సంచరించే వారిని సంచార జీవులు అంటారు.

→ పురావస్తు శాస్త్రవేత్త : ప్రాచీన కాలంలో ప్రజలు నివసించిన ప్రదేశాలలో నేలను త్రవ్వినపుడు దొరికిన పురాతన సామగ్రిని అధ్యయనం చేసేవారు.

→ పాత రాతియుగం : BCE 2.6 మిలియన్ సం||రాల నుండి BCE 10,000 సం||రాల వరకు

→ మధ్య రాతియుగం : BCE 10,000 మిలియన్ సం||రాల నుండి BCE 8,000 సం||రాల వరకు

→ కొత్త (నవీన) రాతియుగం : BCE 8,000 మిలియన్ సం||రాల నుండి BCE 3,000 సం||రాల వరకు

→ రాతి చిత్ర కళాస్థావరాలు : ప్రాచీన కాలం నాటి చిత్రకళ (ఆది మానవుల గీసిన చిత్రాలు)ను కనుగొన్న కొండ/గుహ ప్రాంతాలు.

Students can go through AP Board 8th Class Social Notes 17th Lesson పేదరికం – అవగాహన to understand and remember the concept easily.

AP Board 8th Class Social Notes 17th Lesson పేదరికం – అవగాహన

→ వ్యవసాయ పనులలో మార్పులు రావటంతో కొంతమంది వృత్తిపనివారల జీవితాలలో సమస్యలు వచ్చాయి.

→ తీవ్రమైన ఆకలి కూడా పేదరికమే.

→ దీర్ఘకాల లేదా తీవ్ర ఆకలికి గురయిన వాళ్ళు బలహీనంగా ఉండి తరచు రోగాలబారిన పడుతుంటారు.

→ శక్తిని కిలోకాలరీలలో కొలుస్తారు.

→ పల్లె ప్రాంతాల వాళ్ళకి 2400, పట్టణంలో వాళ్ళకి 2100 కిలో కాలరీలు ఇచ్చే ఆహారం ప్రతిరోజూ అవసరమని జాతీయ స్థాయిలో ప్రామాణికంగా నిర్ధారించారు.

→ పోషకాహారలోపం ఉంటే చదవటం, పనిచేయటం, శారీరక పనులు చేయటం కష్టమవుతుంది.

→ భారత ప్రభుత్వం ప్రతి నాలుగేళ్ళకు ఒకసారి జాతీయ నమూనా సర్వేని నిర్వహిస్తుంది.

→ జనాభాలో అత్యంత పేదవాళ్ళు అత్యంత ధనికుల కంటే చాలా తక్కువ కాలరీలు తీసుకుంటున్నారు.

→ ప్రామాణిక స్థాయిలో కాలరీలు తీసుకొని వాళ్ళనందరినీ పేదలుగా పరిగణించవచ్చు.

→ పేదరికానికి ప్రధాన కారణం క్రమం తప్పకుండా పని దొరకకపోవడం.

→ భారతదేశంలో ఇప్పటికీ 50% కంటే ఎక్కువ ప్రజలు తమ జీవనోపాధికి వ్యవసాయం పనులపై ఆధారపడుతున్నారు.

→ ప్రస్తుతం వ్యవసాయం అనేక సమస్యలను ఎదుర్కొంటూ ఉంది.

→ ప్రాథమిక అవసరాలు సమకూర్చుకోవటానికి, ప్రతి వ్యక్తికి పని కల్పించాలని ‘పనికి హక్కు’ చెపుతోంది.

→ చౌక ధరల దుకాణాల ద్వారా ఆహారధాన్యాలు, ఇతర నిత్యావసర వస్తువులు సరఫరా చేయటాన్ని ప్రజా పంపిణీ వ్యవస్థ అంటారు.

→ BPL సర్వే ఆధారంగా ప్రభుత్వం 3 రకాల కార్డులు జారీ చేసింది.

→ పోషకాహార లోపం : మనం తీసుకునే ఆహారంలో కావలసినన్ని పోషకాలు లేకపోవడం.

→ వ్యవసాయాభివృద్ధి : వ్యవసాయం ప్రస్తుతం సంక్షోభంలో ఉన్నది. ఈ వ్యతిరేక పరిస్థితులను ఎదుర్కొని వ్యవసాయాన్ని లాభసాటిగా ముందుకు నడిపించడమే వ్యవసాయాభివృద్ధి.

→ ఆదేశిక సూత్రాలు : ప్రభుత్వ విధానాలను నిర్దేశించినవే ‘ఆదేశిక సూత్రాలు’

→ ప్రజాపనులు : ప్రజలకు ఉపయోగపడే పనులు.

→ సామాజిక తనిఖీ : ప్రభుత్వంలోని అవినీతిని తగ్గించడానికి ఉద్దేశించినదే ‘సామాజిక తనిఖీ’.

→ దారిద్ర్యరేఖకు దిగువన : కుటుంబం ఆదాయం, జీవనోపాధి మార్గాలు, రోజూ తింటున్న ఆహారం, బట్టలు, గృహవసతి, వలస, అప్పు వంటి అంశాలను సేకరించి, ఆ వివరాలను బట్టి ఆ కుటుంబ స్థాయిని ప్రభుత్వం నిర్ణయిస్తుంది. దానికి కొలబద్దే ఈ దారిద్ర్యరేఖ. దీనికన్నా తక్కువ స్థాయి ఉన్నవారిని దారిద్ర్యరేఖకు దిగువనున్నవారు అని అంటారు.

→ ప్రజాపంపిణీ వ్యవస్థ : చౌకధరల దుకాణాల ద్వారా ఆహారధాన్యాలు, ఇతర నిత్యావసర వస్తువులు సరఫరా చేయడాన్ని ప్రజాపంపిణీ వ్యవస్థ అంటారు.

Students can go through AP Board 6th Class Social Notes 4th Lesson ఆంధ్రప్రదేశ్ – భూస్వరూపాలు to understand and remember the concept easily.

AP Board 6th Class Social Notes 4th Lesson ఆంధ్రప్రదేశ్ – భూస్వరూపాలు

→ భూస్వరూపాలు ముఖ్యంగా మూడు రకాలు. అవి పర్వతాలు, పీఠభూములు, మైదానాలు.

→ భూ ఉపరితలంపై సహజమైన అత్యధిక ఎత్తు కలిగిన ప్రాంతాలు పర్వతాలు.

→ పీఠభూములు అనగా ఎత్తు ఉండి సమతలంగా ఉండే ప్రదేశాలు.

→ అగ్ని పర్వత మూలానికి చెందిన దక్కన్ పీఠభూమి భారతదేశంలో అతి ప్రాచీన పీఠభూమి.

→ రాయలసీమలోని అధికభాగం దక్కన్ పీఠభూమికి చెందినది.

→ సాధారణంగా పీఠభూములు ఖనిజ సంపదను కలిగి ఉంటాయి.

→ సముద్ర మట్టం నుండి 1,000 నుండి 6,000 మీ|| ఎత్తుగల టిబెట్ పీఠభూమి ప్రపంచంలోనే ఎత్తైన పీఠభూమి.

→ సముద్రమట్టం నుండి గరిష్ఠంగా 200 మీటర్ల ఎత్తులో ఉండే సమతల ప్రాంతాలే మైదానాలు.

→ మైదానాలు ఎక్కువ జనసాంద్రత కలిగి ఉండే ప్రాంతాలు.

→ చోటానాగపూర్ పీఠభూమిలో ఇనుము, బొగ్గు, మాంగనీస్ నిల్వలు అత్యధికంగా కనుగొనబడినది.

→ అంధ్రప్రదేశ్ తీర రేఖ పొడవు 972 కి. మీ.||

→ ఆంధ్రప్రదేశ్ విస్తీర్ణతపరంగా భారతదేశంలో ఏడవ పెద్ద రాష్ట్రం, జనాభాపరంగా 10వ పెద్ద రాష్ట్రం.

→ కోస్తా ఆంధ్ర ప్రాంతాలలో 9 జిల్లాలున్నాయి. ఇది సారవంతమైన ప్రదేశం.

→ రాయలసీమ ప్రాంతంలో 4 జిల్లాలున్నాయి. అనిశ్చిత వర్షపాత ప్రాంతం.

→ ఆంధ్రప్రదేశ్ లో కొండల వరుసలు విచ్చిన్న శ్రేణులుగా ఉండి తూర్పు కనుమలుగా పిలవబడుతున్నాయి.

→ 1690 మీ|| ఎత్తుగల అరుకులోయలోని అరోమకొండ (జిందగడ) మన రాష్ట్రంలో ఎత్తయిన శిఖరం.

→ పోలవరం ప్రాజెక్ట్ గోదావరి నదిపై నిర్మిస్తున్నారు.

→ విశాఖ జిల్లాలోని అరకులోయ, బొర్రాగుహలు, తూర్పు గోదావరి జిల్లాలోని పాపికొండలు పేరుపొందిన పర్యాటక ప్రదేశాలు.

→ లంబ సింగి/ లమ్మసింగిని ఆంధ్రా కాశ్మీర్‌గా పిలుస్తారు.

→ పోడు అనేది గిరిజన వ్యవసాయ పద్ధతి. దీనినే ‘స్థలమార్పిడి’ లేదా ‘ఝూమ్’ వ్యవసాయం అనికూడా పిలుస్తారు.

→ 1989లో శ్రీశైలంలో ఇంటిగ్రేటెడ్ గిరిజన అభివృద్ధి సంస్థ యొక్క ప్రధాన కార్యాలయంను ప్రభుత్వం ఏర్పాటు చేసింది.

→ ఆంధ్రప్రదేశ్ పీఠభూమి ప్రాంతం రాయలసీమలో కలదు. ఇక్కడ వర్షపాతం తక్కువ మరియు అంతగా నమ్మదగినదిగా ఉండదు.

→ ఆంధ్రప్రదేశ్ లో మైదానాలు కోస్తా జిల్లాలో విస్తరించి ఉన్నాయి.

→ డెల్టా మైదానాలు ఆహార ధాన్యాలకు గిడంగుల వంటివి.

→ వర్షకాలపు పంటని ఖరీఫ్’గానూ, శీతాకాలపు పంటని ‘రబీ’ అని పిలుస్తారు.

→ కొల్లేరు సరస్సు పశ్చిమ గోదావరి జిల్లాలో కలదు.

→ పులికాట్ సరస్సు నెల్లూరు జిల్లాలో కలదు.

→ ఎక్కువ ఆదాయాన్ని, లాభాన్ని ఇచ్చే పంటలను నగదు పంటలు / వ్యాపార, వాణిజ్య పంటలు అంటారు.

→ ఆహార పంటలు సామాన్యంగా వినియోగం కొరకు సాగు చేసేవి.

→ ఆహారం కొరకు జలచరాలను పెంచుటను (సాగు చేయుటను) ‘ఆక్వాకల్చర్’ అంటారు.

→ ఆహారం, వస్త్రధారణ, వృత్తులు వారి జీవనోపాధులు ప్రాంతీయంగా ఉండే భౌగోళిక పరిసరాలు, శీతోష్ణస్థితితో చాలా దగ్గర సంబంధాన్ని కలిగి ఉంటాయి.

→ ఆంధ్రప్రదేశ్ లోని కొండలు (తూర్పు కనుమలు) భాండలైట్, చార్నోకైట్ రాళ్ళతో ఏర్పడినవి.

→ కొండ ప్రాంతాలు (నేలలు) కాఫీ, తేయాకు తోటల వంటి పానీయపు పంటలకు అనువుగా ఉంటాయి.

→ కడప, కర్నూలు జిల్లాల్లో నల్లరేగడి నేలలు కలవు.

→ చౌడు నేలల్లో ఎక్కువగా సున్నం, క్షార లవణాలు ఉంటాయి. ఇవి పంటలకు అనుకూలంగా ఉండవు.

→ ఉత్తరాన శ్రీకాకుళం నుంచి దక్షిణాన ఉన్న పులికాట్ సరస్సు వరకు విస్తారమైన తీర మైదానం ఉంది.

→ ఆంధ్రప్రదేశ్ లోని రెండు ప్రధాన నదులు గోదావరి, కృష్ణా.

→ యారాడ మరియు అనంతగిరి కొండలు విశాఖపట్నం జిల్లాలో కలవు.

→ శేషాచలం, హార్సిలీ కొండలు చిత్తూరు జిల్లాలో కలవు.

→ పెనుకొండ, మడకశిర కొండలు అనంతపురం జిల్లాలో కలవు.

→ పూర్వకాలంలో వర్షపునీటిని నిల్వ ఉంచుకోవడానికి చెరువులు తవ్వేవారు.

→ భూస్వరూపం : భూమి ఉపరితలం పైన విస్తరించి ఉన్న వివిధ భూభాగాలు.

→ భూభాగం : ఒక ప్రదేశం యొక్క భౌగోళిక స్థితిని తెలుపుతుంది.

→ మధ్యవర్తి : ఒక వ్యక్తి లేదా సమూహానికి ప్రతినిధిగా వ్యవహరించేవాడు.

→ నీటి ఊట : భూమి ఉపరితలం పైకి ఉబికి వచ్చే నీటి జాడ.

→ కరవు : సుదీర్ఘమైన వర్షాభావం వల్ల ఏర్పడే స్థితి.

→ కరవుకు గురయ్యే ప్రాంతం : తరచుగా కరవులు వచ్చే ప్రదేశం.

→ ఒండ్రు మట్టి నేలలు : నదీప్రవాహం మేట వేయటం వలన ఏర్పడిన సారవంతమైన నేలలు.

→ ఉద్యానవనాలు : పండ్లతోటలు.

→ మెరక భూములు : మైదాన ప్రాంతానికి కన్నా కొంచెం ఎత్తుగా ఉన్న ప్రదేశాలు.

→ పర్వతాలు : భూ ఉపరితలంపై సహజమైన ఎత్తు కలిగిన ప్రాంతాలు పర్వతాలు, కింది భాగంలో విశాలంగాను, పై భాగంలో చిన్న శిఖరాన్ని కల్గి ఉంటాయి.

→ పీఠభూములు : ఎత్తుగా ఉండి సమతలంగా ఉండే ప్రదేశాలు. ఇవి పరిసరాల కంటే ఎత్తయిన సమ ఉపరితలం గల బల్ల పరుపు భూములే పీఠభూములు.

→ మైదానాలు : సముద్ర మట్టం నుండి గరిష్ఠంగా 200 మీటర్ల ఎత్తులో ఉండే సమతల ప్రాంతాలే మైదానాలు.

→ కోస్తా ఆంధ్ర : ఆంధ్రప్రదేశ్ తీర ప్రాంతాన్ని ఆనుకుని ఉన్న 9 జిల్లాలను కోస్తా ఆంధ్రగా పిలుస్తారు.

→ రాయలసీమ : రాతిపొరలు, పొడి నేలలతో కూడిన 4 జిల్లాల సమాహారం.

→ ఖరీఫ్ : వర్షాకాలపు పంట (జూన్, జులై నెలలో ప్రారంభించే పంట)

→ రబీ : శీతాకాలపు పంట (డిసెంబరు నెలలో వేసే పంట)

→ నగదు పంట/వ్యాపార వాణిజ్య పంట : అధిక ఆదాయాన్ని, లాభాన్ని ఇచ్చే పంటలు.
ఉదా : వేరుశనగ, పొగాకు.

→ ఆహార పంటలు : ఆహార పంటలు సామాన్యంగా వినియోగం కొరకు సాగుచేసేవి.
ఉదా : వరి

→ ఆక్వాకల్చర్ (జలసేద్యం) : ఆహారం కొరకు జలచరాలను పెంచుటను (సాగు చేయుటను) ఆక్వాకల్చర్ అంటారు.

→ చౌడు నేలలు : ఎక్కువగా సున్నం, క్షార లవణాలు ఉండి పంటలు పండించటానికి అనుకూలంగా ఉండని నేలలు.

→ భూగర్భ జలం : నేల లోపలి పొరలలో ఉండే నీరు.

→ దక్కన్ పీఠభూమి : భారతదేశంలో దక్షిణాన ఉన్న పీఠభూమి, ఆంధ్రప్రదేశ్ ఈ పీఠభూమిలోని తూర్పు భాగానికి చెందినది.

→ గిరిజనులు : కొండ ప్రాంతాలలో (అడవుల్లో) నివసించే ఆదిమ జాతులు.

→ పెరటి తోట : ఇంటి ఆవరణలో పెంచేతోట.

→ అటవీ ఉత్పత్తులు : అడవులలో దొరికే ఉత్పత్తులు.

→ పోడు వ్యవసాయం (ఝూమ్) : కొండ ప్రాంతాలలో గిరిజనులు చేయు ఒక వ్యవసాయ పద్ధతి. అడవులను నరికి (కాల్చి, ఆ ప్రాంతంలో వ్యవసాయం చేస్తారు. తరువాత భూసారం తగ్గడం వలన వేరే స్థలానికి మారతారు.

→ గొట్టపు బావులు : భూమిలోపలికి డ్రిల్లింగ్ ద్వారా గొట్టములను పంపి నీరును, మోటార్ల ద్వారా బయటకు తీసుకు వచ్చుట.

→ ITDA : ఇంటిగ్రేటెడ్ ట్రైబల్ డెవలప్మెంట్ అథారిటీ.

→ డెల్టా : నది సముద్రంలో కలిసే ముందు ఏర్పడే పాయల మధ్యభాగం మెత్తటి మట్టి మేటలుగా ఏర్పడుతుంది. ఇవి సాధారణంగా ‘∆’ ఆకారంలో ఉంటాయి. ఇవే డెల్టాలు.

Students can go through AP Board 8th Class Social Notes 16th Lesson జమీందారీ వ్యవస్థ రద్దు to understand and remember the concept easily.

AP Board 8th Class Social Notes 16th Lesson జమీందారీ వ్యవస్థ రద్దు

→ స్వాతంత్ర్యం వచ్చే నాటికి భారతదేశంలో పేదరికం ఎక్కువగా ఉంది. కరవు కాటకాలు, రోగాలు తరచు సంభవిస్తూ వినాశనాన్ని సృష్టించేవి.

→ బ్రిటిషు కాలంలోని ఆందోళనలు రైతుకూలీల సమస్యలు, వారి కోరికలు, ఆశలపై దృష్టి కేంద్రీకరించాయి. ‘దున్నేవాడికి భూమి’ అని నినదించారు.

→ జమీందారీ వ్యవస్థను రద్దు చేసే చట్టాన్ని అన్ని రాష్ట్ర ప్రభుత్వాలు 1950లో చేశాయి.

→ మద్రాసు ఎస్టేట్ బిల్లు 1950లో అమలులోకి వచ్చింది.

→ 1927లోనే వెట్టిని నిర్మూలిస్తూ చట్టం చేశారు. కానీ అది 1948 నాటికి అంతమయింది.

→ 1949, ఆగస్టు 15న జారీ చేసిన మరొక ఫర్మానా ద్వారా చిన్న చిన్న రాజ్యాలుగా ఉన్న 995 జాగీర్లను రద్దు చేశారు.

→ అన్ని రకాల కౌలుదార్లకు రక్షణ కల్పిస్తూ ప్రఖ్యాత హైదరాబాదు కౌలుదారీ చట్టాన్ని 1950లో చేశారు.

→ భూకేంద్రీకరణ సమస్యను శాంతియుత పద్ధతుల ద్వారా, అంటే భూదాన ఉద్యమం ద్వారా పరిష్కరించాలని సర్వోదయ నాయకుడు ఆచార్య వినోబాభావే భావించాడు.

→ భూపరిమితి చట్టాన్ని ఆంధ్రప్రదేశ్ శాసనసభ, విధానసభలు 1972 సెప్టెంబరులో ఆమోదించాయి.

→ భూ పరిమితి : ఒక్కొక్క కుటుంబం ఎంత భూమి కలిగి ఉండాలనే పరిమితి.

→ జాగీరుదారీ వ్యవస్థ : చిన్న చిన్న రాజ్యాలను జాగీర్లు అనేవారు. వీటిని పాలించే వారిని జాగీర్దారులు అంటారు. ఈ వ్యవస్థ జాగీర్దారీ వ్యవస్థ.

→ ఫర్మానా : ప్రభుత్వ ఉత్తర్వులు – నాటి నిజాం ప్రభుత్వ ఉత్తర్వులు.

→ కౌలుదారీ చట్టం : కౌలుదారులను భూ యజమానులుగా ప్రకటించిన చట్టం.

→ భూదాన ఉద్యమం : ఆచార్య వినోబాభావే ప్రారంభించిన ఉద్యమం. భూమి ఉన్నవారి నుండి సేకరించి, లేనివారికి పంచడం.

→ సర్ఫ్-ఎ-ఖాస్ : నిజాం సొంత ఆస్తి.

→ మక్తాలు : చిన్న చిన్న రాజ్యాల లాంటివి.

→ భూకమతం : ఒక యజమాని కలిగియున్న భూమి.

→ బేగార్ / వెట్టి : ఫలం లేకుండా ఇతరుల వద్ద పనిచేయడం (బలవంతంగా)

→ నష్టపరిహారం : ఏదేనీ ఒక వస్తువును పోగొట్టుకున్నందుకు బదులుగా పొందేది.

→ ఖుద్‌కాస్త్ : జమీందారుల సొంత భూమి.

Students can go through AP Board 6th Class Social Notes 3rd Lesson పటములు to understand and remember the concept easily.

AP Board 6th Class Social Notes 3rd Lesson పటములు

→ చిత్తు చిత్రంలో స్కేల్, దిక్కులు చూపకుండ గీస్తారు.

→ ప్రధాన దిక్కులు నాలుగు, మూలలు నాలుగు.

→ పటాలలో కుడిచేతివైపు పైన ‘N’ అనే అక్షరం, బాణం గుర్తు ఉంటాయి.

→ భూమిపై కల వాస్తవ దూరానికి పటంలో చూపబడిన దూరానికి గల నిష్పత్తినే స్కేలు అని పిలుస్తాం.

→ పటాలను తయారు చేసేవారిని కార్టోగ్రాఫర్లు అని పిలుస్తారు.

→ పటాల సంకలనాన్ని అట్లాస్ అని పిలుస్తారు.

→ పటాలను రాజకీయ, భౌతిక, విషయ నిర్దేశిత పటాలు అని 3 రకాలుగా వర్గీకరించవచ్చు.

→ ఆసియా ప్రపంచంలో పెద్ద ఖండం కాగా భారతదేశం అందులో ఒక భాగం.

→ పర్వతాలు, పీఠభూములు, మైదానాలు, సముద్రాలు, నదులు, ఎడారులు వంటి భౌగోళిక స్వరూపాలను భౌతిక పటాలు వివరిస్తాయి.

→ విశాల భూభాగాలను ఖండాలు అని, జలభాగాలను మహా సముద్రాలు అని పిలుస్తారు.

→ ఖండాలు 7, మహాసముద్రాలు 5 కలవు.

→ GPS అనగా గ్లోబల్ పొజిషనింగ్ సిస్టమ్.

→ గ్రామాలు, నగరాలు, పట్టణాలు, జిల్లాలు, రాష్ట్రాలు మరియు దేశాల సరిహద్దులు చూపేవి రాజకీయ పటాలు.

→ కొన్ని విషయ నిర్దేశిత పటాలలో రంగులకి బదులుగా చుక్కలు, గీతలు దిద్దడం వంటి నమూనాలను కూడా ఉపయోగిస్తారు.

→ పటం, మానచిత్రం : ప్రామాణిక కొలతలతో గీసిన పటం.

→ చిత్తు పటం : పరిశీలించిన స్థలాలు, సంకేతాలు గుర్తు ఉంచుకుని స్కేలు లేకుండా గీసిన పటం.

→ ప్రణాళిక : విస్తృతమైన స్కేలుపై చిత్రించిన చిన్న ప్రదేశాన్ని సూచించునది.

→ కొలబద్ద : నేలపై సహజమైన దూరానికి, పటంలో సూచించిన దూరానికి గల నిష్పత్తిని తెలుపునది.

→ దిక్కులు : తూర్పు, పడమర, ఉత్తరం, దక్షిణ దిశలు.

→ మూలలు : రెండు దిక్కుల మధ్యగల దిశ. (ఈశాన్యం, ఆగ్నేయం, నైరుతి, వాయువ్యం)

→ దిక్సూచి : రెండు బిందువుల మధ్య దూరాన్ని కొలుచుటకు వృత్తాలు, రేఖలు గీయుటకు ఉపయోగించే పరికరం.

→ కార్టోగ్రాఫర్లు : పటాలను తయారు చేసేవారిని కార్టోగ్రాఫర్లు అంటారు.

→ అట్లాస్ : పటాల సంకలనాన్ని అట్లాస్ అని పిలుస్తారు.

→ చిహ్నాలు : మాన చిత్రాల్లో వాడు వివిధ గుర్తులు. ఇవి ప్రపంచ ప్రామాణికమైనవి.

→ ప్రధాన దిక్కులు : నాలుగు ప్రధాన దిక్కులు :

1. ఉత్తరం
2. దక్షిణం
3. తూర్పు
4. పడమర

→ విషయ నిర్దేశిత పటాలు : ఒక నిర్ణీతమైన అంశాన్ని కాని, విషయాన్ని కాని తెలిపే పటాలు.

→ GPS : గ్లోబల్ పొజిషనింగ్ సిస్టమ్ (మ్)

→ ఖండాలు : భూమిపై గల విశాల భూభాగాలు.

→ మహాసముద్రాలు : భూ ఉపరితలంపై విశాలంగా ఆవరించియున్న జలభాగాలు.

→ పటాల్లో రకాలు : రాజకీయ, భౌతిక, విషయ నిర్దేశిత అను మూడు రకాల పటాలు.

→ రాజకీయ పటములు : వివిధ దేశముల రాజకీయ విభాగాలు, సరిహద్దులు, రాష్ట్రాలు జిల్లాలు, ముఖ్య పట్టణాలు మొదలైనవి సూచించే పటాలు.

→ భౌతిక పటములు : వివిధ భూస్వరూపములను (పర్వతాలు, పీఠభూములు, మైదానాలు, నదులు మొదలైనవి) నిర్దిష్ట రంగులు, ఎత్తు పల్లములతో సూచించే పటాలు.

Students can go through AP Board 6th Class Social Notes 2nd Lesson గ్లోబు – భూమికి నమూనా to understand and remember the concept easily.

AP Board 6th Class Social Notes 2nd Lesson గ్లోబు – భూమికి నమూనా

→ పురాతన గ్లోబును 1492లో మార్టిన్ బెహైమ్ రూపొందించాడు.

→ అధునిక గ్లోబును 1570లో టకీ-ఆల్-దిన్ రూపొందించాడు.

→ ప్రపంచంలో మొట్టమొదటి అతుకులు లేని గ్లోబును జహంగీర్ సామ్రాజ్యంలో మొఘల్ శాస్త్రవేత్తలు రూపొందించారు.

→ గ్లోబల్ అనే పదం ‘గ్లోబస్’ అనే లాటిన్ పదం నుండి వచ్చింది, గోళం అని దాని అర్థం.

→ గ్లోబుకు మధ్య భాగంలో అడ్డంగా గ్లోబును రెండు సమభాగాలు చేస్తూ ఒక ఊహా రేఖ పోతుంది. దీనిని భూమధ్యరేఖ 14 (0° అక్షాంశం) అంటారు.

→ భూమధ్యరేఖకు ఉత్తరంగా ఉన్న అర్థభాగాన్ని ఉత్తరార్ధగోళమనీ, దక్షిణంగా ఉన్న అర్థభాగాన్ని దక్షిణార్ధ గోళమని అంటారు.

→ భూమధ్య రేఖకు సమాంతరంగా గీసిన రేఖలను అక్షాంశాలు అంటారు.

→ భూమధ్య రేఖకు ఉత్తరంగా 90° అక్షాంశాలు, దక్షిణంగా 90° అక్షాంశాలు ఉన్నాయి.

→ 23½° ఉత్తర అక్షాంశంను కర్కటరేఖ అంటారు.

→ 23½° దక్షిణ అక్షాంశంను మకరరేఖ అంటారు.

→ 66½° ఉత్తర అక్షాంశంను ఆర్కిటిక్ వలయం అంటారు.

→ 66½°° దక్షిణ అక్షాంశంను అంటార్కిటిక్ అంటారు.

→ 90° ఉత్తర అక్షాంశంను ఉత్తర ధృవం అంటారు.

→ 90° దక్షిణ అక్షాంశంను దక్షిణ ధృవం అంటారు.

→ అక్షాంశం అను పదం ‘లాటిట్యూడో’ అనే లాటిన్, పదం నుండి వచ్చింది. దీని అర్థం వెడల్పు, మందం, పరిధి, పరిమాణం.

→ రేఖాంశం అను పదం ‘లాంగిట్యూడో’ అనే లాటిన్ పదం నుండి వచ్చింది. దీని అర్థం పొడవు, నిడవి, వ్యవధి.

→ గ్లోబు మీద అక్షాంశాలకు లంబంగా గీసినట్లు ఉన్న రేఖలను రేఖాంశాలు అంటారు.

→ 0° రేఖాంశాన్ని ముఖ్య రేఖాంశం/ ప్రామాణిక రేఖాంశం లేదా గ్రీనిచ్ రేఖాంశం అంటారు.

→ 0° రేఖాంశానికి వ్యతిరేక దిశలో 180° రేఖాంశం ఉంటుంది. దీనిని అంతర్జాతీయ దినరేఖ అంటారు.

→ గ్రీనిచ్ రేఖాంశానికి తూర్పుగా ఉన్న అర్ధగోళాన్ని తూర్పు అర్ధగోళమని, పశ్చిమంగా ఉన్న అర్ధగోళాన్ని పశ్చిమార్ధ గోళమని అంటారు.

→ 180 తూర్పు రేఖాంశాలు, 180 పశ్చిమ రేఖాంశాలు మొత్తం 360 రేఖాంశాలున్నాయి.

→ భూమి తన అక్షంపై తన పడమర నుండి తూర్పుకు గంటకు 1610 కి.మీ. వేగంతో తిరుగుతుంది. దీనినే భూ భ్రమణం అంటారు.

→ భూమి తన అక్షంపై తాను తిరుగుతూ సూర్యుని చుట్టూ తిరిగి రావడాన్ని ‘భూ పరిభ్రమణం’ అంటారు.

→ భూ భ్రమణానికి 23 గం||ల 56 ని॥ల 4.09 (సుమారు 24 గం॥లు) పడుతుంది.

→ భూపరిభ్రమణానికి 3651/4 రోజులు పడుతుంది.

→ లీపు సం॥రంలో 366 రోజులుంటాయి.

→ మార్చి 21 మరియు సెప్టెంబరు 23 తేదీలలో సూర్యకిరణాలు భూమధ్యరేఖపై నిట్టనిలువుగా పడతాయి. ఈ రెండు తేదీలను విషవత్తులు అంటారు.

→ జూన్ 21న కర్కటరేఖ మీద, డిసెంబరు 22న మకరరేఖ మీద సూర్యుని కిరణాలు నిట్టనిలువుగా పడతాయి.

→ భూమికి మరియు సూర్యునికి మధ్యలో చంద్రుడు వస్తే సూర్యగ్రహణం ఏర్పడుతుంది.

→ చంద్రుడు భూమి యొక్క వెనక భాగంలోనికి లేదా భూమి నీడలోనికి వెళ్ళినపుడు చంద్రగ్రహణం సంభవిస్తుంది.

→ అక్షం : ఒక వస్తువు తన చుట్టూ తాను తిరగడానికి ఉండే ఒక ఊహారేఖ.

→ భూమధ్యరేఖ : 0° అక్షాంశం.

→ కర్కటరేఖ : 23½° ఉత్తర అక్షాంశం.

→ మకరరేఖ : 23½° దక్షిణ అక్షాంశం.

→ ఆర్కిటిక్ వలయం : 66½° ఉత్తర అక్షాంశం.

→ అంటార్కిటిక్ వలయం : 66½° దక్షిణ అక్షాంశం.

→ ఉత్తర ధృవం : 90° భూమికి ఉత్తర భాగాన ఉన్న చివరి ప్రాంతం.

→ దక్షిణ ధృవం : 90° భూమికి దక్షిణ భాగాన ఉన్న చివరి ప్రాంతం.

→ మధ్యాహ్న రేఖలు : ఉత్తర దక్షిణ ధృవాలను కలుపుతూ ఉండే రేఖాంశాలు. ఇవి మధ్యాహ్నాన్ని సూచిస్తాయి.

→ గ్రీనిచ్ / ప్రామాణిక రేఖాంశం : 0° రేఖాంశం

→ అంతర్జాతీయ దినరేఖ : 180° తూర్పు మరియు పశ్చిమ రేఖాంశం.

→ అక్షాంశాలు : భూమధ్యరేఖకు సమాంతరంగా గీయబడిన ఊహారేఖలు.

→ రేఖాంశాలు : ఉత్తర, దక్షిణ ధృవాలను కలుపుతూ గీయబడిన ఊహారేఖలు.

→ ఉత్తరార్ధగోళం . : భూమధ్యరేఖకు ఉత్తరంగా ఉన్న భూమి యొక్క అర్ధభాగం.

→ దక్షిణార్ధగోళం : భూమధ్యరేఖకు దక్షిణంగా ఉన్న భూమి యొక్క అర్ధభాగం.

→ తూర్పు అర్ధగోళం : ప్రామాణిక రేఖాంశానికి తూర్పుగా ఉన్న భూమి యొక్క అర్ధభాగం.

→ పశ్చిమార్ధగోళం : ప్రామాణిక రేఖాంశానికి పశ్చిమంగా ఉన్న భూమి యొక్క అర్ధభాగం.

→ ఋతువులు : వాతావరణంలో మార్పుల ఆధారంగా సంవత్సరాన్ని ఋతువులుగా విభజించారు.

→ సూర్యగ్రహణం : సూర్యునికి భూమికి మధ్యగా చంద్రుడు వెళుతూ ఇవి మూడూ ఒక సరళరేఖ మీదకు వచ్చినప్పుడు సూర్యగ్రహణం సంభవిస్తుంది.

→ చంద్రగ్రహణం : . సూర్యునికి చంద్రునికి మధ్యగా భూమి వెళుతూ ఇవి మూడూ ఒక సరళరేఖ మీదకు వచ్చినప్పుడు చంద్రగ్రహణం సంభవిస్తుంది.

→ గ్లోబ్ : భూమి యొక్క నమూనా.

→ గ్లోబల్ : గ్లోబల్ అనే పదం ‘గ్లోబస్’ అనే లాటిన్ పదం నుండి వచ్చింది. దీని అర్ధం గోళం.

→ భూభ్రమణం : భూమి తన అక్షంపై తాను పడమర నుండి తూర్పుకు గంటకు 1610 కి.మీ. వేగంతో తిరుగుతుంది. దీనినే భూభ్రమణం అంటారు.

→ భూపరిభ్రమణం : భూమి తన అక్షంపై తాను తిరుగుతూ సూర్యుని చుట్టూ తిరిగి రావడాన్ని భూపరిభ్రమణం అంటారు.

→ విషవత్తులు : సూర్యకిరణాలు భూమధ్యరేఖపై నిట్టనిలువుగా పడే మార్చి 21 మరియు సెప్టెంబరు 23 తేదీలలో భూమి అంతటా రాత్రి, పగలు సమానంగా ఉంటాయి. ఈ రెండు తేదీలను విషవత్తులు అంటారు.

→ గ్రహణం : సూర్యుని పైన లేదా చంద్రుని పైనా నీడపడినట్లు కనబడటాన్నే గ్రహణం అంటారు.

→ ధృవాలు : భూమికి రెండువైపులా ఉండే స్థిర బిందువులు (చుక్కలు)
ఉదా : ఉత్తర, దక్షిణధృవాలు.

→ లీపు సంవత్సరం : సాధారణ సం||రంలో 365 రోజులుంటే, లీపు సం||రంలో 366 రోజులుంటాయి.

Students can go through AP Board 8th Class Social Notes 15th Lesson చట్టం, న్యాయం – ఒక సన్నివేశ అధ్యయనం to understand and remember the concept easily.

AP Board 8th Class Social Notes 15th Lesson చట్టం, న్యాయం – ఒక సన్నివేశ అధ్యయనం

→ చట్టాలను ప్రభుత్వాలు చేస్తాయి.

→ చట్టాలను కార్యనిర్వాహక వర్గం అమలు చేస్తుంది.

→ నివేదికలో రాసిన సమాచారాన్ని SHO పైకి చదివి వినిపించాలి.

→ కేసు తీసుకోడానికి SHO నిరాకరిస్తే నేరుగా DCP లేదా మేజిస్ట్రేటు దగ్గరకు వెళ్ళి పిర్యాదు చేయవచ్చు.

→ నిందితులను మేజిస్ట్రేటు ముందు హాజరు పరచడానికి లాకలో పెడతారు.

→ భూమి, ఆస్తి, ఆదాయాలపై ఉన్న ప్రజల హక్కులు, ప్రజల మధ్య ఉన్న సంబంధాలకు సంబంధించినవి సివిల్ వివాదాలు అవుతాయి.

→ క్రిమినల్ కేసులన్నింటినీ పోలీసులు చేపడతారు.

→ న్యాయస్థానంలో ప్రభుత్వ న్యాయవాది ప్రభుత్వ ప్రయోజనాలకు ప్రతినిధిగా ఉంటాడు.

→ చట్టం ముందు అందరూ సమానులే అని చట్టం చెబుతోంది.

→ రాజ్యాంగంలో ముఖ్యమైన అంశం కార్యనిర్వాహక, న్యాయ, శాసన అధికారాలను వేరుచేయటం.

→ పోలీసులు న్యాయ రంగంలో భాగం కాదు. కార్య నిర్వాహక రంగానికి చెందినవాళ్ళు.

→ దేశంలోని అత్యున్నతమైన సుప్రీంకోర్టు కొత్తఢిల్లీలో ఉంటుంది. దీనికి అధిపతిగా ప్రధాన న్యాయమూర్తి ఉంటారు.

→ క్రింది కోర్టు తీర్పుపై పై కోర్టుకు అప్పీలు చేసుకోవచ్చు.

→ నిందితుడు : నేరం మోపబడినవాడు

→ ఎఫ్.ఐ.ఆర్ : తొలి సమాచార నివేదిక

→ నేరం : చట్ట వ్యతిరేక చర్య

→ విచారణ : మంచి, చెడులను తర్కించి చూడటం

→ అరెస్టు : నిందితులను పోలీసులు అదుపులోకి తీసుకోవడం.

→ సమన్లు : కోర్టుకు హాజరుకమ్మని పంపే ఆర్డర్లు.

→ సాక్షి : ఏదేనీ ఒక సంఘటనను కంటితో చూసినవారు

→ న్యాయవిచారణ : న్యాయస్థానంలో జరిగే విచారణ

→ తీర్పు : న్యాయమూర్తి అన్ని వాదనలు విన్నాక వెలిబుచ్చే అభిప్రాయం

→ అప్పీలు / అభ్యర్థన : న్యాయం జరుపమని న్యాయస్థానాన్ని వేడుకోవటం.

→ ఒప్పంద ఉల్లంఘన : ఇరువురు లేక అంతకన్నా ఎక్కువమంది ఒక ఒప్పందంలో ఉండి, దానిని తప్పడం.

→ వాజ్యదారు (క్లయింటు) : కోర్టులో కేసు వేసిన వారు.

→ ప్రభుత్వ న్యాయవాది : ప్రభుత్వం తరఫున వాదించే వ్యక్తి

→ బెయిలు : జైలులో ఉన్న వ్యక్తిని, కొన్ని హామీలు ఇచ్చి బయటకు తీసుకురావడానికి ‘బెయిలు’ అవసరం.

→ మెజిస్ట్రేటు : న్యాయమూర్తి

→ బాధితులు : వివిధ రకాలుగా బాధింపబడినవారు.

Students can go through AP Board 6th Class Social Notes 1st Lesson సౌర కుటుంబంలో మన భూమి to understand and remember the concept easily.

AP Board 6th Class Social Notes 1st Lesson సౌర కుటుంబంలో మన భూమి

→ సూర్యుడు, చంద్రుడు, రాత్రి ఆకాశంలో మెరుస్తున్న వస్తువులన్నింటినీ ఖగోళ వస్తువులు అంటారు.

→ సొంతంగా వేడి, కాంతిని కలిగి ఉండి” వాటిని పెద్ద మొత్తంలో విడుదల చేసే ఖగోళ వస్తువులను నక్షత్రాలు ” అంటారు.

→ భూమి ఒక గ్రహం. భూమికి దగ్గరగా ఉన్న నక్షత్రం సూర్యుడు.

→ భూమి వేడి, కాంతిని సూర్యుని నుండి పొందుతుంది.

→ మన సౌర కుటుంబంలో 8 గ్రహాలున్నాయి.

→ ఉత్తర దిక్కును సూచించే నక్షత్రం ధృవ నక్షత్రం.

→ సప్తర్షి నక్షత్రరాశి సహాయంతో ధృవ నక్షత్రాన్ని గుర్తించవచ్చు.

→ సూర్యుని ఉపరితలంపై దాదాపు 6000°C ఉష్ణోగ్రత ఉంటుంది.

→ భూమి నుండి సూర్యుడు సుమారు 15 కోట్ల కి.మీ. దూరంలో ఉంది.

→ సూర్యుడు భూమి కంటే 13లక్షల రెట్లు పెద్దగా ఉంటుంది.

→ గ్రహాలు సూర్యుని చుట్టూ తిరిగే స్థిర మార్గాలను కక్ష్య అంటారు.

→ సూర్యుడికి దగ్గరగా ఉన్న నాలుగు (బుధుడు, శుక్రుడు, భూమి, అంగారకుడు) గ్రహాలను అంతర గ్రహాలు అంటారు.

→ సూర్యునికి చివరిగా ఉన్న నాలుగు (గురుడు, శని, ఇంద్రుడు, వరుణుడు) గ్రహాలను బాహ్యగ్రహాలు అంటారు.

→ సూర్యునికి దగ్గరగా ఉన్న గ్రహం బుధుడు.

→ సూర్యునికి దూరంగా ఉన్న గ్రహం వరుణుడు.

→ శుక్రుడిని భూమికి కవల గ్రహం (ఎర్త్-ట్విన్)గా పరిగణిస్తారు.

→ గ్రహాలలో పెద్దది బృహస్పతి.

→ గ్రహాలలో చిన్నది బుధుడు.

→ భూమి సూర్యుని నుండి మూడవ గ్రహం, పరిమాణంలో ఐదవ పెద్ద గ్రహం.

→ భూమి జియోయిడ్ ఆకారం కల్గి ఉంది.

→ భూమి ఉపరితలం మూడింట రెండువంతుల నీటితో కప్పబడి ఉంది.

→ భూమిని నీలి గ్రహం అంటారు.

→ జీవులు జీవించడానికి అత్యంత అనుకూలమైన గ్రహం భూమి.

→ కాంతి సెకనుకు 3,00,000 కి.మీ. వేగంతో ప్రయాణిస్తుంది.

→ సూర్యుని కాంతి భూమిని చేరుకోవడానికి ఎనిమిది (8) నిమిషాలు పడుతుంది.

→ భూమి నాలుగు ప్రధాన ఆవరణలు శిలావరణం, జలావరణం, వాతావరణం, జీవావరణం కలిగి ఉంది.

→ వాతావరణంలో నత్రజని (78%) మరియు ఆక్సిజన్ (21%), కార్బన్ డయాక్సెడ్, హైడ్రోజన్, హీలియం, ఆర్గాన్, ఓజోన్ వంటి వాయువులు ఉన్నాయి.

→ గ్రహాల చుట్టూ తిరిగే ఖగోళ వస్తువులను ఉపగ్రహాలు అంటారు.

→ బుధుడు, శుక్రుడు గ్రహాలకు ఉపగ్రహాలు లేవు.

→ భూమికి కల ఏకైక ఉపగ్రహం చంద్రుడు.

→ చంద్రుడు భూమికి 3,84,000 కి.మీ. దూరంలో ఉంది.

→ చంద్రుడు భూమి చుట్టూ ఒకసారి తిరగడానికి 27 రోజులు పడుతుంది.

→ చంద్రుని ఉపరితలంపై అడుగు పెట్టిన మొదటి వ్యక్తి అమెరికాకు చెందిన నీల్ ఆర్న్ స్ట్రాంగ్. ఇతను జులై 21, 1969న చంద్రునిపై అడుగుపెట్టాడు.

→ అంతరిక్షంలో ఉన్న కొన్ని భారతీయ ఉపగ్రహాలు ఇన్సాట్, IRS, EDUSAT మొదలైనవి.

→ భారతీయ అంతరిక్ష పరిశోధనా సంస్థ (ISRO) శ్రీహరికోటలోని తన ప్రయోగ కేంద్రం నుండి ఉపగ్రహాలను అంతరిక్షంలోకి ప్రవేశపెడుతుంది.

→ మంగళయాన్ (మార్స్ ఆర్బిటర్ మిషన్ -MOM) అంగారక కక్ష్యకు సెప్టెంబర్ 24, 2014న చేరుకుంది.

→ అంగారక గ్రహం, బృహస్పతి కక్ష్యల మధ్య గ్రహశకలాలు కన్పిస్తాయి.

→ సూర్యుని చుట్టూ తిరిగే చిన్న చిన్న రాళ్ళను ఉల్కలు అంటారు.

→ హేలి తోకచుక్క ప్రతి 76 సం||రాలకు ఒకసారి భూమికి దగ్గరగా వస్తుంది.

→ హేలి తోకచుక్క చివరిసారిగా 1986లో కనిపించింది, మరలా ఇది 2061లో కన్పిస్తుంది.

→ కొన్ని కోట్ల నక్షత్రాల సమూహంను గెలాక్సీ అంటారు. దీనినే ‘పాలపుంత’ / ‘ఆకాశగంగ’ అనికూడా అంటారు.

→ గెలాక్సీ : కోట్లాది నక్షత్రాల సమూహం, దీనినే పాలపుంత, ఆకాశగంగా అని కూడా అంటారు.

→ గ్రహ శకలాలు : అంగారకుడు, బృహస్పతి మధ్యగల గ్రహ శిథిలాలు.

→ ఉల్కలు : సూర్యుని చుట్టూ తిరిగే చిన్న చిన్న రాళ్ళు.

→ ఉపగ్రహాలు : గ్రహాల చుట్టూ తిరిగే ఖగోళ వస్తువులు.

→ కక్ష్య : సూర్యుని చుట్టూ గ్రహాలు తిరిగే మార్గం.

→ జియోయిడ్ : భూమి వంటి ఆకారం.

→ శిలావరణం : రాళ్ళు, నేలలతో కూడిన భూమి యొక్క ఘన బాహ్య పొర.

→ జలావరణం : భూమిపై గల జల భాగాలు.

→ వాతావరణం : వాయువుల పొర.

→ జీవావరణం : భూమిపై గల మొక్కలు, జంతువులు, ఇతర జీవరాశి.

→ నక్షత్రరాశులు : వివిధ నక్షత్రాల సమూహాలతో ఏర్పడిన నమూనాలను నక్షత్రరాశులు అంటారు.

→ ఖగోళ వస్తువులు : సూర్యుడు, చంద్రుడు, రాత్రి ఆకాశంలో మెరుస్తున్న వస్తువులన్నింటినీ ఖగోళ వస్తువులు అంటారు.

→ నక్షత్రాలు : సొంతంగా వేడి, కాంతిని కలిగి ఉండి వాటిని పెద్ద మొత్తంలో విడుదల చేసే పెద్ద ఖగోళ వస్తువులను నక్షత్రాలు అంటారు.

→ ధృవ నక్షత్రం : ఉత్తర దిక్కును సూచించే ఉత్తర నక్షత్రంనే ధృవ నక్షత్రం అంటారు.

→ అంతర గ్రహాలు : సూర్యుడికి దగ్గరగా ఉన్న (బుధుడు, శుక్రుడు, భూమి, అంగారకుడు) నాలుగు గ్రహాలను అంతర గ్రహాలు అంటారు.

→ బాహ్య గ్రహాలు : సూర్యునికి దూరంగా ఉన్న (గురుడు, శని, ఇంద్రుడు, వరుణుడు) నాలుగు గ్రహాలను బాహ్య గ్రహాలు అంటారు.

→ గ్రహాలలో పెద్దది : బృహస్పతి (గురుడు)

→ గ్రహాలలో చిన్నది : బుధుడు

→ భూమికి కవల గ్రహం : శుక్రుడు

→ నీలి గ్రహం : భూమి

→ భూమికి గల ఏకైక సహజ ఉపగ్రహం : చంద్రుడు

→ తోకచుక్కలు : తల, తోకతో కనిపించే ఖగోళ వస్తువులను తోకచుక్కలు అంటారు.

→ కృత్రిమ ఉపగ్రహం : మానవులచే (శాస్త్రవేత్తలతో) కృత్రిమంగా నిర్మితమైన ఉపగ్రహం.