These AP 9th Biology Important Questions and Answers 3rd Lesson జంతు కణజాలం will help students prepare well for the exams.
AP Board 9th Class Biology 3rd Lesson Important Questions and Answers జంతు కణజాలం
9th Class Biology 3rd Lesson జంతు కణజాలం 1 Mark Important Questions and Answers
ప్రశ్న 1.
జీవి శరీరాన్ని కప్పి ఉంచే కణజాలం?
జవాబు:
జీవి శరీరాన్ని కప్పి ఉంచే కణజాలం త్వచ కణజాలం.
ప్రశ్న 2.
ద్రవ రూప కణజాలం ఏది?
జవాబు:
ద్రవ రూప కణజాలం రక్తం.
ప్రశ్న 3.
జంతువులలో ప్రధానంగా ఎన్ని రకాల కణజాలాలు ఉంటాయి?
జవాబు:
జంతువులలో ప్రధానంగా నాలుగు రకాల కణజాలాలు ఉంటాయి. అవి: 1. ఉపకళా కణజాలం 2. సంయోజక కణజాలం 3. కండర కణజాలం 4. నాడీ కణజాలం
ప్రశ్న 4.
ఉపకళా కణజాలం అని దేనిని అంటారు?
జవాబు:
జంతువుల లోపలి అవయవాలను, బయట భాగాలను కప్పి ఉంచే కణజాలం ఉపకళా కణజాలం.
ప్రశ్న 5.
సంయోజక కణజాలం అనగానేమి?
జవాబు:
అవయవాలను కలుపుతూ అంతర మాత్రికలో దూరం దూరంగా విస్తరించినట్లుగా ఉండే కణజాలంను సంయోజక కణజాలం అంటారు.
ప్రశ్న 6.
కండర కణజాలం ఉపయోగమేమి?
జవాబు:
కండర కణజాలం శరీర కదలికలకు తోడ్పడుతుంది.
ప్రశ్న 7.
బాహ్య, అంతర ఉద్దీపనలకు ప్రతిచర్యలు చూపే కణజాలం ఏది?
జవాబు:
బాహ్య, అంతర ఉద్దీపనలకు ప్రతిచర్యలు చూపే కణజాలం నాడీ కణజాలం.
ప్రశ్న 8.
ఉపకళా కణజాలం ఎక్కడ విస్తరించి ఉంటుంది?
జవాబు:
ఉపకళా కణజాలం చర్మంపైన, నోటి కుహరంలో, రక్తనాళాల పైన, ఊపిరితిత్తులలో ఉన్న వాయుగోణులలో విస్తరించి ఉంటుంది.
ప్రశ్న 9.
స్తరిత ఉపకళా కణజాలం అనగానేమి?
జవాబు:
చర్మంపై ఉన్న ఉపకళా కణజాలం అనేక వరుసలలో ఉంటుంది. దీనిని స్తరిత ఉపకళా కణజాలం అంటారు.
ప్రశ్న 10.
ఘనాకార ఉపకళా కణజాలం ఎక్కడ ఉంటుంది?
జవాబు:
ఘనాకార ఉపకళా కణజాలం మూత్రనాళాలు మరియు లాలాజల గ్రంథులలో ఉంటుంది.
ప్రశ్న 11.
గ్రంథి ఉపకళా కణజాలం అనగానేమి?
జవాబు:
ఉపకళా కణజాలంలో కొంతభాగం లోపలికి ముడుచుకుపోయి బహుకణ గ్రంథులుగా ఏర్పడుతుంది. దీనిని ఉపకళా కణజాలం అంటారు.
ప్రశ్న 12.
స్తంభాకార కణజాలం అనగానేమి?
జవాబు:
శరీరంలో స్రవించే చోట, శోషణ జరిగే చోట ఉంటాయి దీనిని స్తంభాకార కణజాలం అంటారు.
ప్రశ్న 13.
చర్మం నుండి ఏర్పడే నిర్మాణాలు ఏవి?
జవాబు:
చర్మం నుండి ఏర్పడే నిర్మాణాలు గోర్లు, రోమాలు, గిట్టలు, కొమ్ములు.
ప్రశ్న 14.
చర్మం ఏ రకమైన కణజాలంతో తయారవుతుంది?
జవాబు:
చర్మం ఉపకళా కణజాలంతో తయారవుతుంది.
ప్రశ్న 15.
సరీసృపాలలో పొలుసులు, పక్షుల ఈకలు ఏ కణజాలం నుండి తయారవుతాయి?
జవాబు:
సరీసృపాలలో పొలుసులు, పక్షుల ఈకలు ఉపకళా కణజాలం నుండి తయారవుతాయి.
ప్రశ్న 16.
అంతర్గత అవయవాల్ని ఒక నిర్దిష్ట స్థానంలో ఉండడానికి ద్రవ రూపంలో ఉండే స్వేచ్ఛాయుతం కాని మృదువైన కణజాలాలు ఏవి?
జవాబు:
అంతర్గత అవయవాల్ని ఒక నిర్దిష్ట స్థానంలో ఉండడానికి ద్రవ రూపంలో ఉండే స్వేచ్ఛాయుతం కాని మృదువైన కణజాలాలు సంయోజక కణజాలాలు.
ప్రశ్న 17.
సంయోజక కణజాలము ఉపయోగము ఏమిటి?
జవాబు:
ఇతర కణజాలాలను కలిపి ఉంచడం, శరీర అంతర్భాగాలకు ఆధారాన్నివ్వటం, పదార్థాల రవాణాకు, శరీర రక్షణ, శరీర కణాలను బాగు చెయ్యడం, కొవ్వు పదార్థాలు నిలువ చేయడంలో సంయోజక కణజాలము సహాయపడుతుంది.
ప్రశ్న 18.
కణజాలాలను కలిపి ఉంచి, శరీరంలోని అంతర్భాగాలను వాటి వాటి స్థానాల్లోనే ఉండేటట్లు చేసే కణజాలం ఏది?
జవాబు:
కణజాలాలను కలిపి ఉంచి శరీరంలోని అంతర్భాగాలను వాటి వాటి స్థానాల్లోనే ఉండేటట్లు చేసే కణజాలం వాయుగత కణజాలం.
ప్రశ్న 19.
తంతుయుత పదార్థాన్ని స్రవించి కణజలాన్ని స్థిరంగా నిలిపి ఉంచే వాయుగత కణజాల నిర్మాణాలు ఏవి?
జవాబు:
తంతుయుత పదార్థాన్ని స్రవించి కణజలాన్ని స్థిరంగా నిలిపి ఉంచే వాయుగత కణజాల నిర్మాణాలు ఫైబ్లాస్టులు.
ప్రశ్న 20.
దెబ్బతిన్న ఇతర కణజాలాలను బాగుచేసేవి ఏవి?
జవాబు:
దెబ్బతిన్న ఇతర కణజాలాలను బాగుచేసేవి ఫైబ్లాసులు.
ప్రశ్న 21.
చర్మం క్రింద కొవ్వు పదార్థాన్ని నిలువ ఉంచే సంయోజక కణజాలం ఏది?
జవాబు:
చర్మం క్రింద కొవ్వు పదార్థాన్ని నిలువ ఉంచే సంయోజక కణజాలం ఎడిపోజ్ కణజాలం.
ప్రశ్న 22.
అనేక అకశేరుకాలలో అంతర అస్థిపంజరంలో ఒక ముఖ్యపదార్థం ఏది?
జవాబు:
అనేక అకశేరుకాలలో అంతర అస్థిపంజరంలో ఎముక ఒక ముఖ్యపదార్థం.
ప్రశ్న 23.
ఎముక ఏయే పదార్థాలతో ఏర్పడింది?
జవాబు:
ఎముక కాల్షియం ఫాస్ఫేటు, కాల్షియం కార్బొనేటు అను పదార్థాలతో ఏర్పడింది.
ప్రశ్న 24.
ఎముక నందలి లవణాలను స్రవించే కణాలు ఏవి?
జవాబు:
ఎముక నందలి లవణాలను స్రవించే కణాలు ఆస్థియో సైట్ కణాలు.
ప్రశ్న 25.
ఎముక మధ్య ఖాళీ ప్రాంతంలోని అస్థిమజ్జలో ఉండే కణాలు ఏవి?
జవాబు:
ఎముక మధ్య ఖాళీ ప్రాంతంలోని అస్లిమజ్జలో ఉండే కణాలు ఆస్టియోసైట్ కణాలు.
ప్రశ్న 26.
సొరచేప వంటి చేపలలో అంతర అస్థిపంజరం మొత్తం దేనితో నిర్మితమవుతుంది?
జవాబు:
సొరచేప వంటి చేపలలో అంతర అస్థిపంజరం మొత్తం మృదులాస్థితో నిర్మితమవుతుంది.
ప్రశ్న 27.
ఎముకలను సంధి తలాలలో కలిపి ఉంచే కణజాలము పేరు ఏమిటి?
జవాబు:
ఎముకలను సంధి తలాలలో కలిపి ఉంచే కణజాలము లిగమెంట్ లేదా సంధి బంధనము.
ప్రశ్న 28.
సంధి బంధనం నందలి తంతువులలో ఉండు ప్రోటీను ఏది?
జవాబు:
సంధి బంధనం నందలి తంతువులలో ఉండు ప్రోటీను కొల్లాజెన్.
ప్రశ్న 29.
కండరాలను ఎముకతో కలిపే సంధి తలాలలో జాయింట్లలో ఉండేవి ఏవి?
జవాబు:
కండరాలను ఎముకతో కలిపే సంధి తలాలలో జాయింట్లలో స్నాయు బంధనాలు ఉంటాయి.
ప్రశ్న 30.
రక్తంలోని కణాలు దేనిలో స్వేచ్ఛగా కదులుతాయి?
జవాబు:
రక్తంలోని కణాలు ప్లాస్మాలో స్వేచ్ఛగా కదులుతాయి.
ప్రశ్న 31.
తంతువులు లేని సంధాయక కణజాలం ఏది?
జవాబు:
తంతువులు లేని సంధాయక కణజాలం రక్తం.
ప్రశ్న 32.
నత్తలో రక్తం ఏ రంగులో ఉంటుంది?
జవాబు:
నత్తలో రక్తం రంగు నీలంగా ఉంటుంది.
ప్రశ్న 33.
రక్తంలో నీటితో పాటు ఉండే ఇతర పదార్థాలు ఏవి?
జవాబు:
రక్తంలో నీటితో పాటు గ్లూకోజు, ఎమినోయాసిడ్లు, విటమిన్లు, హార్మోనులు, విసర్జక పదార్థాలయిన లాజిక్ ఏసిడ్, యూరియా మరియు ఇతర లవణాలు ఉంటాయి.
ప్రశ్న 34.
రక్తనాళాలలో రక్తం గడ్డకట్టకుండా ఉపయోగపడే పదార్థం ఏది?
జవాబు:
రక్తనాళాలలో రక్తం గడ్డకట్టకుండా ఉపయోగపడే పదార్థం హిపారిన్.
ప్రశ్న 35.
రక్తము నందు ఎన్ని రకాల కణములు ఉంటాయి?
జవాబు:
రక్తము నందు 3 రకముల కణములు ఉంటాయి. అవి : ఎర్రరక్త కణములు, తెల్లరక్త కణములు మరియు రక్తఫలకికలు.
ప్రశ్న 36.
ఎర్రరక్త కణములకు గల మరియొక పేరు ఏమిటి?
జవాబు:
ఎర్రరక్త కణములకు గల మరియొక పేరు ఎరిత్రోసైట్లు.
ప్రశ్న 37.
ఎర్రరక్త కణములు ఎర్రగా ఉండుటకు కారణం ఏమిటి?
జవాబు:
ఎర్రరక్త కణములు ఎర్రగా ఉండుటకు కారణం, వీటిలో ఎరుపు వర్ణపు హిమోగ్లోబిన్ అనే ప్రోటీను ఉంటుంది.
ప్రశ్న 38.
ఆక్సిజన్, కార్బన్ డయాక్సైడ్ రవాణాలో సహాయపడేది ఏది?
జవాబు:
ఆక్సిజన్, కార్బన్ డయాక్సైడ్ రవాణాలో సహాయపడేది హిమోగ్లోబిన్.
ప్రశ్న 39.
ఎర్రరక్త కణముల జీవితకాలం ఎంత?
జవాబు:
ఎర్రరక్త కణముల జీవితకాలం 120 రోజులు.
ప్రశ్న 40.
ఏ క్షీరదముల ఎర్రరక్త కణములలో కేంద్రకం ఉండదు?
జవాబు:
ఒంటె, ఉలాము క్షీరదముల ఎర్రరక్త కణములలో కేంద్రకం ఉండదు.
ప్రశ్న 41.
తెల్లరక్త కణములకు గల మరియొక పేరు ఏమిటి?
జవాబు:
తెల్లరక్త కణములకు గల మరియొక పేరు ల్యూకోసైట్లు.
ప్రశ్న 42.
తెల్లరక్త కణాలు ఎన్ని రకాలు? అవి ఏవి?
జవాబు:
తెల్లరక్తకణాలు రెండు రకాలు అవి: కణికాభ కణాలు మరియు కణిక రహిత కణాలు.
ప్రశ్న 43.
కణికాభ కణాలలో గల తెల్లరక్త కణ రకములు ఏవి?
జవాబు:
కణికాభ కణాలలో గల తెల్లరక్త కణ రకములు న్యూట్రోఫిల్స్, బేసోఫిల్స్ మరియు ఇసినోఫిల్స్.
ప్రశ్న 44.
రక్తంలోకి ప్రవేశించిన సూక్ష్మజీవులను ఎదుర్కొని నాశనం చేసేవి ఏవి?
జవాబు:
రక్తంలోకి ప్రవేశించిన సూక్ష్మజీవులను ఎదుర్కొని నాశనం చేసేవి కణికాభ కణములు.
ప్రశ్న 45.
కణిక రహిత కణాలలో గల తెల్లరక్తకణ రకములు ఏవి?
జవాబు:
కణిక రహిత కణాలలో గల తెల్లరక్తకణ రకములు లింఫోసైట్స్ మరియు మోనోసైట్స్.
ప్రశ్న 46.
రక్తంలోకి వచ్చిన బాహ్య పదార్థాలను ఎదుర్కొనే ప్రతిదేహాలను తయారు చేసేవి ఏవి?
జవాబు:
రక్తంలోకి వచ్చిన బాహ్య పదార్థాలను ఎదుర్కొనే ప్రతిదేహాలను తయారు చేసేవి లింఫోసైట్లు.
ప్రశ్న 47.
లింఫోసైటులకు గల మరియొక పేరు ఏమిటి?
జవాబు:
లింఫోసైటులకు గల మరియొక పేరు సూక్ష్మరక్షక భటులు.
ప్రశ్న 48.
కణికాభ కణాలతో పాటు రక్తంలో అమీజా మాదిరిగా కదులుతూ బాహ్య పదార్థాలను ఎదుర్కొని భక్షించి నాశనం చేసేవి ఏవి?
జవాబు:
కణికాభ కణాలతో పాటు రక్తంలో అమీబా మాదిరిగా కదులుతూ బాహ్య పదార్థాలను ఎదుర్కొని భక్షించి నాశనం చేసేవి మోనోసైట్లు.
ప్రశ్న 49.
పారిశుద్ధ్య కార్మికులు అని వేటిని అంటారు?
జవాబు:
మోనోసైట్లను పారిశుద్ధ్య కార్మికులు అని అంటారు.
ప్రశ్న 50.
రక్త వర్గాలను కనుగొన్న శాస్త్రవేత్త ఎవరు?
జవాబు:
రక్త వర్గాలను కనుగొన్న శాస్త్రవేత్త కార్ల్ లాండ్ స్టీనరు.
ప్రశ్న 51.
రక్తము నందలి రక్త వర్గాలు ఎన్ని? అవి ఏవి?
జవాబు:
రక్తవర్గాలు 4. అవి : ఎ, బి, ఎబి మరియు ఓ.
ప్రశ్న 52.
‘సార్వత్రిక రక్త గ్రహీతలు’ అనగానేమి?
జవాబు:
‘ఎబి’ రక్తవర్గం కలిగిన వారు ఎవరినుండైనా రక్తాన్ని తీసుకోగలరు. కావున ‘ఎబి’ రక్తవర్గం కలిగిన వాళ్ళని సార్వత్రిక గ్రహీతలు అంటారు.
ప్రశ్న 53.
‘సార్వత్రిక దాతలు’ అని ఎవరిని అంటారు?
జవాబు:
‘ఓ’ రక్తవర్గం కలిగిన వారు ఎవరికైనా రక్తదానం చేయవచ్చు. కనుక వారిని సార్వత్రిక దాతలు అంటారు.
ప్రశ్న 54.
రక్తనాళాల్లో ఉండే కండర కణజాలం చేసే పని ఏది?
జవాబు:
రక్తనాళాల్లో ఉండే కండర కణజాలం రక్తనాళ వ్యాసాన్ని సవరిస్తూ క్రమబద్ధమైన రక్త ప్రసరణకు తోడ్పడుతుంది.
ప్రశ్న 55.
నిర్మాణం, అవి ఉన్న ప్రదేశం, విధులను అనుసరించి కండరాలు ఎన్ని రకాలు? అవి ఏవి?
జవాబు:
నిర్మాణం, అవి ఉన్న ప్రదేశం, విధులను అనుసరించి కండరాలు మూడు రకాలు. అవి : 1. రేఖిత కండరాలు 2. అరేఖిత కండరాలు 3. హృదయ కండరాలు.
ప్రశ్న 56.
నియంత్రిత లేక సంకల్పిత కండరాలు అనగానేమి?
జవాబు:
కొన్ని కండరాల కదలికలు మన ఆధీనంలో ఉంటాయి. మనం అవసరం అయినప్పుడు కదిలించవచ్చు. అవసరం లేకపోయినప్పుడు కదలికను ఆపివేయవచ్చు. అందువలన వీటిని నియంత్రిత లేక సంకల్పిత కండరాలు అంటారు.
ప్రశ్న 57.
నియంత్రిత కండరాలను అస్థికండర కణజాలమని ఎందుకు అంటారు?
జవాబు:
నియంత్రిత కండరాలు అస్తిపంజరంలోని ఎముకలకు అతికి ఉండి కదలికలకు కారణమవుతాయి. అందువలన వాటిని అస్థికండర కణజాలమని అంటారు.
ప్రశ్న 58.
నియంత్రిత కండరంను రేఖిత కండరమని ఎందుకంటారు?
జవాబు:
నియంత్రిత కండరం పొడవుగా అనేక అడ్డుచారలను కలిగి ఉంటుంది. అందువలన దీనిని రేఖిత కండరమంటారు.
ప్రశ్న 59.
నియంత్రిత కండరం నందలి కణముల లక్షణాలు ఏవి?
జవాబు:
ప్రతి కణం కండరమంత పొడవు గలిగి స్తూపాకారంలో ఉంటుంది. అనేక కేంద్రకాలను కలిగి ఉంటుంది. కణములు తంతువులను పోలి ఉంటాయి.
ప్రశ్న 60.
అనియంత్రిత కండరాలు అనగానేమి?
జవాబు:
మన ఆధీనంలో ఉండని, మన ఇష్టానుసారం కదిలించలేని కండరాలను అనియంత్రిత కండరాలు అంటారు.
ప్రశ్న 61.
అనియంత్రిత లేక అరేఖిత కండరం లక్షణాలు ఏవి?
జవాబు:
ఇవి పొడవుగా సాగదీయబడి కుదురు ఆకారంలో ఉంటాయి. అడ్డుచారలు ఉండవు. కణాలలో ఒక్క కేంద్రకం మాత్రమే ఉంటుంది.
ప్రశ్న 62.
హృదయ కండర కణజాలము లక్షణాలు ఏవి?
జవాబు:
హృదయ కండరకణాలు పొడవుగా, శాఖలు కలిగి కేంద్రకం కలిగి ఉంటాయి. అడ్డుచారలు కలిగి ఉంటాయి.
ప్రశ్న 63.
పునరుత్పత్తి చేయగల శక్తిలేని కణాలు ఏవి?
జవాబు:
పునరుత్పత్తి చేయగల శక్తిలేని కణాలు నాడీకణాలు.
ప్రశ్న 64.
నాడీకణము ఎన్ని భాగాలుగా విభజించబడినది? అవి ఏవి?
జవాబు:
నాడీకణము నందు 3 భాగములు కలవు. అవి : 1. కణదేహం 2. ఏక్సాన్ 3. డెండ్రైటులు
ప్రశ్న 65.
నాడీకణదేహము నందలి గ్రంథి కణాలను ఏమంటారు?
జవాబు:
నాడీకణదేహము నందలి గ్రంథి కణాలను నిస్సల్ కణాలు అంటారు.
ప్రశ్న 66.
ఏక్సాన్ అనగానేమి?
జవాబు:
కణదేహం నుండి ఒకే ఒక్క పొడవాటి నిర్మాణం బయలుదేరుతుంది. దీనిని తంత్రికాక్షం లేదా ఏక్సాన్ అంటారు.
ప్రశ్న 67.
ఏక్సాన్లో కొంత భాగాన్ని కప్పి ఉంచే పొర ఏది?
జవాబు:
ఏక్సాన్లో కొంత భాగాన్ని కప్పి ఉంచే పొర మయలిన్ త్వచం.
ప్రశ్న 68.
ఏక్సాన్లో ఉండే కణుపుల వంటి భాగాన్ని ఏమంటారు?
జవాబు:
ఏక్సాన్లో ఉండే కణుపుల వంటి భాగాన్ని రాన్వాయర్ సంధులు అంటారు.
ప్రశ్న 69.
అనియంత్రిత కండరాలు ఉండు ప్రదేశాలు ఏవి?
జవాబు:
అనియంత్రిత కండరాలు ఆహారనాళం, రక్తనాళాలు, కనుపాప, గర్భాశయము మరియు ఊపిరితిత్తులలోని శ్వాసనాళాలు మొదలగు ప్రదేశాలలో ఉంటాయి.
ప్రశ్న 70.
సంయోజక కణజాలమైన మృదులాస్థి మానవులలో ఉండు ప్రదేశాలు?
జవాబు:
మానవులలో ఎముకలు కలిసే ప్రదేశాలలో, పక్కటెముకల చివర, నాశికాగ్రంథి, చెవిదొప్ప, వాయునాళంలోను సంయోజక కణజాలమైన మృదులాస్లి ఉంటుంది.
ప్రశ్న 71.
మానవ రక్తంలో హిమోగ్లోబిన్ తక్కువగా ఉంటే జరిగే నష్టాలను వివరించండి.
జవాబు:
హిమోగ్లోబిన్ తక్కువగా ఉంటే కణజాలాలకు ఆక్సిజన్ సరఫరా తగ్గిపోతుంది. దీనివలన మనుష్యులు ఎక్కువగా నీరసించిపోతారు.
ప్రశ్న 72.
రక్తవర్గాలను కనుగొనుటలో కారల్ లాండ్ స్టీనర్ను నీవు ఏ విధంగా అభినందిస్తావు?
జవాబు:
ఎ, బి, ఎబి మరియు ఓ రక్త వర్గాలను లాండ్ స్టీనర్ కనుగొన్నాడు. భూగోళం మీద ఒకే రక్త వర్గం కలిగిన వారు ఎవరైనా సరే రక్త సంబంధీకులు అన్న విషయాన్ని తెలియజేయుట ద్వారా మానవులందరూ ఒక్కటే అని చాటి చెప్పాడు.
ప్రశ్న 78.
సూక్ష్మజీవుల ద్వారా వ్యాధులు రాకుండా నివారించడంలో తెల్లరక్త కణముల పాత్రను ఏవిధంగా అభినందిచవచ్చు?
జవాబు:
తెల్లరక్త కణములు రక్తంలోకి ప్రవేశించిన సూక్ష్మజీవులను ఎదుర్కొని నాశనం చేస్తాయి. మనలను రక్షించడానికి కొన్నిసార్లు తమ జీవితాన్ని త్యాగం చేస్తాయి.
ప్రశ్న 74.
శరీరపు కదలికలలో కండరాల పాత్రను ఎలా అభినందిస్తావు?
జవాబు:
ఎముకలను అంటి పెట్టుకున్న కండరాల వలన శరీరపు కదలికలు జరుగుతాయి. కండరాలు లేకపోయినట్లయితే శరీరపు కదలికలు ఉండవు.
ప్రశ్న 75.
శరీరం నుండి వేడి బయటకు పోకుండా ఆపే ఎడిపోజ్ కణజాలాల పాత్రను నీవు ఏవిధంగా అభినందిస్తావు?
జవాబు:
కొవ్వు పదార్థాన్ని నిలువ చేసి ఉంచడానికి చర్మం క్రింద ఎడిపోజ్ కణజాలాలు ఉంటాయి. ఇవి శరీరం నుండి వేడిని బయటకు పోనీయకుండా, ఉష్ణనిరోధకంలా పనిచేసి శరీరాన్ని వెచ్చగా ఉంచుతాయి.
ప్రశ్న 76.
దెబ్బతిన్న శరీరపు కణజాలాలను బాగుచేయడంలో ఏ కణజాలం పాత్ర వహిస్తుంది?
జవాబు:
వాయుగత కణజాలంలో ఉండే ఫైబ్రోబ్లాస్టులు దెబ్బతిన్న ఇతర కణజాలాలను బాగుచేస్తాయి. తద్వారా ఆ కణజాలాలు సక్రమముగా పనిచేస్తాయి.
ప్రశ్న 77.
జీర్ణమైన ఆహారపదార్థాలు సక్రమముగా శోషణం గావించబడడంలో ఏ కణజాలం పాత్రను నీవు అభినందిస్తావు?
జవాబు:
జీర్ణమైన ఆహారపదార్థాలు సక్రమముగా శోషణం గావించబడడంలో స్తంభాకార ఉపకళా కణజాలం పాత్రను అభినందిస్తాను.
ప్రశ్న 78.
చర్మము యొక్క నునుపుదనానికి, తాజాదనమునకు కారణమైన కణజాలము ఏది అని నీవు భావిస్తావు?
జవాబు:
చర్మము యొక్క నునుపుదనానికి, తాజాదనమునకు కారణమైన కణజాలము స్తరిత ఉపకళా కణజాలం అని నేను భావిస్తాను.
ప్రశ్న 79.
చర్మము ఒక విసర్జకావయవముగా సమర్థవంతంగా తన పాత్రను పోషించడంలో ఉపయోగపడే కణజాలము ఏది?
జవాబు:
చర్మము ఒక విసర్జకావయవముగా సమర్థవంతంగా తన పాత్రను పోషించడంలో ఉపయోగపడే కణజాలము స్తరిత ఉపకళా కణజాలము.
ప్రశ్న 80.
అవయవాలు తమ విధులను సక్రమముగా నిర్వహించడంలో ఎవరి పాత్రను నీవు అభినందిస్తావు?
జవాబు:
అవయవాలు తమ విధులను సక్రమముగా నిర్వహించడంలో కణజాలాల పాత్రను నేను అభినందిస్తాను.
ప్రశ్న 81.
వయస్సులో ఉన్న వాళ్ళ కంటే ముసలివాళ్ళు చలికాలంలో ఎందుకు ఎక్కువ వణుకుతారు?
జవాబు:
ఎడిపోజ్ కణజాలం శరీరం నుండి ఉష్ణనష్టాన్ని నివారిస్తుంది. వయస్సులో ఉన్న వారితో పోల్చినపుడు ముసలి వాళ్ళ చర్మం క్రింద తక్కువ మొత్తంలో ఎడిపోజ్ కణజాలం ఉంటుంది. ముసలివాళ్ళ శరీరం నుండి ఉష్ణం ఎక్కువగా పోతుంది. అందువలన ముసలివాళ్ళు చలికాలంలో ఎక్కువగా వణుకుతారు.
ప్రశ్న 82.
మన శరీరానికి ఆకారాన్ని ఇవ్వడంలో సహాయపడే కణజాలం ఏది?
జవాబు:
మన శరీరానికి ఆకారాన్ని ఇవ్వడంలో సహాయపడే కణజాలం ఎముక.
ప్రశ్న 83.
గుండె 24 గంటల్లో 36 వేల లీటర్ల రక్తాన్ని ఎన్ని వేల కిలో మీటర్ల దూరం పంపు చేస్తుంది?
జవాబు:
గుండె 24 గంటల్లో 36 వేల లీటర్ల రక్తాన్ని 20 వేల కిలోమీటర్ల దూరం పంపు చేస్తుంది.
ప్రశ్న 84.
ప్రొడ మానవుని శరీరంలో ఎన్ని లీటర్ల రక్తం ఉంటుంది?
జవాబు:
బ్రౌడ మానవుని శరీరంలో 5 లీటర్ల రక్తం ఉంటుంది.
ప్రశ్న 85.
మన రక్తంలో ఉన్న ఎర్రరక్త కణాలన్నీ ఒక గొలుసుగా అమర్చినట్లయితే దాని పొడవు భూమధ్యరేఖ చుట్టూ ఎన్ని సార్లు చుట్టి రావచ్చు?
జవాబు:
మన రక్తంలో ఉన్న ఎర్రరక్త కణాలన్నీ ఒక గొలుసుగా అమర్చినట్లయితే దాని పొడవు భూమధ్యరేఖ చుట్టూ ఏడుసార్లు చుట్టి రావచ్చు.
ప్రశ్న 86.
శిశువు తల్లి గర్భంలో ఉన్నప్పుడు ఎర్రరక్త కణములు ఎక్కడ తయారవుతాయి?
జవాబు:
శిశువు తల్లి గర్భంలో ఉన్నప్పుడు ఎర్రరక్త కణములు తయారు అయ్యే ప్రదేశం కాలేయం మరియు పిత్తాశయం.
ప్రశ్న 87.
ప్రొడ మానవులలో రక్తం ఎక్కడ తయారవుతుంది?
జవాబు:
పొడవుగా ఉన్న ఎముకలలో ఉండే అస్థిమజ్జలో రక్తం తయారవుతుంది.
ప్రశ్న 88.
చీము అనగానేమి?
జవాబు:
కొన్ని తెల్లరక్త కణాలు శరీరంలో ప్రవేశించే సూక్ష్మజీవులను చంపడంలో తన జీవితాన్ని త్యాగం చేస్తాయి. ఈ యుద్ధంలో చనిపోయిన తెల్లరక్త కణాలే చీము రూపంలో గాయం నుండి బయటకు విసర్జింపబడతాయి.
ప్రశ్న 89.
రక్తఫలకికలు లేకపోతే ఏమి జరుగుతుంది?
జవాబు:
రక్త నాళాలకు దెబ్బతగిలితే రక్తఫలకికలు అక్కడ గుమికూడి రక్తం గడ్డ కట్టేటట్లు చేస్తాయి. ఇది రక్తస్రావం జరుగకుండా కాపాడుతుంది. ఇవి లేకపోతే గాయం నుండి రక్తం కారిపోయి మనిషి చనిపోవచ్చు.
ప్రశ్న 90.
మానవ శరీరంలో కండర కణజాలాలు ఎందుకు ఉపయోగపడతాయి?
జవాబు:
జీవులలో పూర్వ చరమాంగాల కదలికకు, శరీరంలోని ప్రేగులు, హృదయం మొదలైన అనేక అంతర అంగాల కదలికలకు కండరాలే కారణం.
ప్రశ్న 91.
రక్తనాళాల్లో ఉండే కండర కణజాలం చేయు పని ఏమిటి?
జవాబు:
రక్తనాళ వ్యాసాన్ని సవరిస్తూ క్రమబద్ధమైన రక్తప్రసరణకు తోడ్పడుతుంది.
ప్రశ్న 92.
శీతాకాలంలో శరీరం ఎందుకు వణుకుతుంది?
జవాబు:
శరీరానికి చల్లని గాలి తగిలినప్పుడు కండరాలు సంకోచ, వ్యాకోచం చెందుతాయి. ఈ ప్రక్రియలో చాలా ఎక్కువ మోతాదులో శక్తి వేడిమి రూపంలో విడుదల అవుతుంది. ఇది శరీరాన్ని వెచ్చగా ఉంచుతుంది.
ప్రశ్న 93.
అనియంత్రిత కండరాలు మన శరీరంలో ఎక్కడెక్కడ ఉంటాయి?
జవాబు:
అన్నవాహిక, రక్తనాళాలు, ఐరిస్, గర్భాశయం మరియు వాయునాళంలో ఉంటాయి.
ప్రశ్న 94.
మీరు మీ చేతులను వేది లేదా చల్లటి నీటిలో ముంచినపుడు మీకేమనిపిస్తుంది?
జవాబు:
చేతులను వేడినీటిలో ముంచిన నీరు వేడిగా ఉన్నట్లు, చల్లటి నీటిలో ముంచిన నీరు చల్లగా ఉన్నట్లు నాడీ ప్రచోదనాల ద్వారా తెలుసుకుంటాము.
ప్రశ్న 95.
నడిచేటప్పుడు, నీ కాళ్ళకు మొనదేలి ఉన్న రాయి తగిలితే నీకేమనిపిస్తుంది?
జవాబు:
చర్మానికి దెబ్బ తగిలి మనకు బాధ లేదా నొప్పి అనిపిస్తుంది. నాడీ ప్రచోదనాల వలన మనకు బాధ తెలుస్తుంది.
ప్రశ్న 96.
మన శరీరంలో అన్ని కణాలు మృదువుగా ఉంటాయా?
జవాబు:
మన శరీరంలో అన్ని కణాలు మృదువుగా ఉండవు. ఎముక వంటి భాగాలు గట్టి కణాలతో నిర్మితమవుతాయి.
ప్రశ్న 97.
చర్మంలో స్తరిత ఉపకళా కణజాలం ఎక్కువ వరుసలలో ఎందుకు అమరి ఉంటుంది?
జవాబు:
శరీర అంతర్భాగాలలోనికి సూక్ష్మజీవులు ప్రవేశించకుండాను, వేడి మరియు చల్లని గాలుల నుండి శరీరాన్ని రక్షించడానికి చర్మం అనేక వరుసలలో అమరియుంటుంది.
ప్రశ్న 98.
ఒక వేళ చర్మం కాలిపోయినట్లయితే ఏ కణజాలం దెబ్బతినే అవకాశం ఉన్నది?
జవాబు:
ఒక వేళ చర్మం కాలిపోయినట్లయితే స్తరిత ఉపకళా కణజాలం.
ప్రశ్న 99.
జంతువులందు ఎన్ని రకముల కణజాలములు కలవు? అవి ఏవి?
జవాబు:
జంతువులందు నాలుగు రకముల కణజాలములు కలవు. అవి :
- ఉపకళా కణజాలము
- సంయోజక కణజాలము
- కండర కణజాలము
- నాడీ కణజాలము.
ప్రశ్న 100.
ఉపకళా కణజాలము మన శరీరములో ఎక్కడ ఉన్నది?
జవాబు:
ఉపకళా కణజాలం చర్మంపైన, నోటి కుహరంలో, రక్తనాళాల పైన, ఊపిరితిత్తులలో ఉన్న వాయుగోణులలో, వృక్కనాళాలలో విస్తరించి ఉంటుంది.
9th Class Biology 3rd Lesson జంతు కణజాలం 2 Marks Important Questions and Answers
ప్రశ్న 1.
ఉపకళా కణజాలములోని వివిధ రకములేవి?
జవాబు:
ఆకారము మరియు కణములు నిర్వహించే పనులను బట్టి ఉపకళా కణజాలమునందలి రకములు :
- స్తంభాకార ఉపకళా కణజాలము
- ఘనాకార ఉపకళా కణజాలము
- స్తంభాకార ఉపకళా కణజాలము
- శైలికామయ ఉపకళా కణజాలము
- గ్రంథి ఉపకళా కణజాలము
ప్రశ్న 2.
రక్త ఫలకికల గురించి లఘుటీక రాయండి.
జవాబు:
- కేంద్రకంలేని రక్త ఫలకికలు రక్తమునందు ఉండే అంశాలు.
- ఇవి బల్లపరుపుగా ఉంటాయి.
- ఎక్కడైనా రక్తనాళానికి దెబ్బ తగిలితే రక్త ఫలకికలు అక్కడ గుమికూడి రక్తం గడ్డకట్టేట్లు చేస్తాయి.
ప్రశ్న 3.
రూపాంతరం చెందిన ఉపకళా కణజాలములేవి?
జవాబు:
- చర్మం ఒక రకమైన ఉపకళా కణజాలం
- చర్మం నుండి గోర్లు, రోమాలు, గిట్టలు, కొమ్ముల వంటి నిర్మాణాలు తయారవుతాయి.
- సరీసృపాలలో పొలుసులు, పక్షులు, ఈకలు కూడా ఉపకళా కణజాలం నుండి తయారవుతాయి.
ప్రశ్న 4.
మానవులలో గల వివిధ రకాల రక్త వర్గాలు ఏవి? రక్త వర్గాలను కనుగొనినవారు ఎవరు?
జవాబు:
- మానవులలో గల రక్త వర్గాలు 4. అవి : ‘A’ (ఎ), ‘B’ (బి), ‘AB’ (ఎబి) మరియు ‘O’ (ఓ) రక్త వర్గాలు.
- రక్త వర్గాలను కార్ల్ లాండ్ స్టీనర్ కనుగొనెను.
ప్రశ్న 5.
సార్వత్రిక గ్రహీతలు ఎవరు ? సార్వత్రిక దాతలు ఎవరు?
జవాబు:
- 1ఎబి రక్తవర్గం కలిగిన వాళ్ళు ఎవరినుండైనా రక్తాన్ని తీసుకోగలరు.
- కావున ఎబి రక్తవర్గం కలిగిన వాళ్ళని సార్వత్రిక గ్రహీతలు అంటారు.
- ‘ఓ’ రక్తవర్గం కలిగినవారు ఎవరికైనా రక్తదానం చేయవచ్చు. కాబట్టి ఈ వర్గీయులను సార్వత్రిక దాతలు అంటారు.
9th Class Biology 3rd Lesson జంతు కణజాలం 4 Marks Important Questions and Answers
ప్రశ్న 1.
సంయోజక కణజాలము అనగానేమి? సంయోజక కణజాలమునందలి రకములు ఏవి? వాటి యొక్క విధులేవి?
జవాబు:
- అవయవాలను కలుపుతూ అంతరమాత్రికలో దూరం దూరంగా విస్తరించినట్లు ఉండే కణజాలాన్ని సంయోజక కణజాలం అంటారు.
- సంయోజక కణజాలమునందలి రకములు : వాయుగత కణజాలము, ఎడిపోజ్ కణజాలము, ఎముక, మృదులాష్టి, సంధి బంధనము మరియు స్నాయుబంధనం.
సంయోజక కణజాలాల విధులు :
1) వాయుగత కణజాలం : a) వివిధ కణజాలములను కలపటం
b) తద్వారా శరీరంలోని అంతర్భాగాలను వాటి వాటి స్థానాల్లో ఉండేటట్లు చేయడం
2) ఎముక : a) అస్థిపంజరం నిర్మాణంలో ముఖ్య పదార్థం
b) శరీరానికి ఆకారాన్నిస్తుంది.
3) ఎడిపోజ్ కణజాలం : క్రొవ్వును నిల్వచేస్తుంది.
4) సంధి బంధనము : ఎముకలను సంధి తలాలలో కలుపుతుంది.
5) స్నాయు బంధనం : కండరాలను ఎముకతో కలిపే సంధి తలాలలో, కీళ్ళనందు ఉంటాయి.
6) మృదులాస్థి : ఎముకలు కలిసే ప్రదేశాలు, పక్కటెముకల చివర, నాశికాగ్రము, చెవిదొప్ప, వాయునాళంను ఏర్పరచును.
ప్రశ్న 2.
ఎముక అనగానేమి? ఎముక నిర్మాణమును, విధులను వివరించుము.
జవాబు:
- ఎముక ఒక రకమైన సంయోజక కణజాలము.
- ఎముక కాల్షియం ఫాస్పేటు, కాల్షియం కార్బనేట్లతో ఏర్పడింది.
- ఈ లవణాలను ఎముకను దలి ఆస్తియో సైట్ కణములు స్రవిస్తాయి.
- ఆస్టియో సైట్ కణములు ఎముక మధ్య ఖాళీ ప్రాంతంలోని అస్థిమజ్జలో ఉంటాయి.
- ఎముక శరీరానికి ఆకారాన్నివ్వడంలో సహాయపడుతుంది.
- అనేక సకశేరుకాలలో (సొరచేప వంటి కొన్ని చేపలు తప్ప) ఇది అంతర అస్థిపంజర నిర్మాణంలో ఒక ముఖ్య పదార్ధంగా ఉంటుంది.
ప్రశ్న 3.
మృదులాస్థి గురించి పట సహాయముతో లఘుటీక రాయుము.
జవాబు:
- సంయోజక కణజాల రకమునకు చెందిన మృదులాస్థి ఎముకలు కలిసే ప్రదేశాలలోను, పక్కటెముకల చివర, నాశికాగ్రము, చెవిదొప్ప, వాయునాళంలోనూ ఉండే పలుచని కణజాలము.
- అనేక సకశేరుక జీవుల పిండదశలో ఎముకలు ఉండవు. వీటిలో మృదులాస్లి కణజాలం మాత్రమే ఉంటుంది.
- సొరచేప వంటి చేపలలో మొత్తం అంతర అస్థిపంజరము మృదులాస్థితో నిర్మితమై ఉంటుంది.
- మృదులాస్థి దృఢంగా ఉన్నప్పటికి ఎముక అంత దృఢంగా ఉండదు.
ప్రశ్న 4.
సంధి బంధనము (లిగమెంట్) గురించి క్లుప్తంగా పట సహాయముతో వివరించండి.
జవాబు:
- ఇది ఒక రకమైన సంయోజక కణజాలము. ఎముకలను సంధి తలాలలో కలిపి ఉంచుతుంది.
- ఎక్కువ సంఖ్యలో తంతువులను కలిగి ఉంటుంది.
- ఈ తంతువులు కొల్లాజెన్ అను ప్రోటీనుతో చేయబడి ఉంటాయి.
- ఈ తంతువులు స్థితిస్థాపక గుణాన్ని కలిగి ఉంటాయి.
ప్రశ్న 5.
పట సహాయముతో వాయుగత కణజాలము (ఏరియోలార్ కణజాలము) ను వివరించుము.
జవాబు:
- వాయుగత కణజాలము సంయోజక కణజాలమునందలి ఒక రకము.
- కణజాలాలను కలిపి ఉంచి, శరీరంలోని అంతర్భాగాలను వాటి వాటి స్థానాల్లో ఉండేటట్లు చేస్తుంది.
- వాయుగత కణజాలంలో ఫైబ్రోబ్లాస్టులు అనే ముఖ్యమైన నిర్మాణాలు ఉన్నాయి.
- ఫైబ్రోబ్లాస్టులు తంతుయుత పదార్థాన్ని స్రవించి కణజాలాన్ని స్థిరంగా నిలిపి ఉంచుతాయి.
- అంతేకాక ఇవి దెబ్బతిన్న ఇతర కణజాలాలను బాగుచేస్తుంది.
- మన శరీరంలోని కండరము వాయుగత కణజాలం ద్వారా చర్మానికి మరియు ఎముకకు కలిపి ఉంటుంది.
- వాయుగత కణజాలము రక్తనాళాల చుట్టూ మరియు నాడుల చుట్టూ ఉంటుంది.
- ఏరియోలార్ కణజాలంలో అనేక పెద్ద పెద్ద ఖాళీ ప్రదేశాలు ఉంటాయి. వీటిని ఏరియోల్స్ అంటారు.
- ఏరియోలార్ కణజాలంలో తంతువులు మరియు ప్రత్యేకమైన కణాలు ఉంటాయి. వీటిని ఫైబ్రోబ్లాస్ట్ అంటారు.
- ఈ కణాలు పోషకాల రవాణాలో మరియు కదలికలో తోడ్పడతాయి.
ప్రశ్న 6.
పట సహాయముతో ఎడిపోజ్ కణజాలమును వర్ణించండి.
జవాబు:
- కొవ్వు పదార్థాన్ని నిలువచేసి ఉంచడానికి చర్మం క్రింద ఒక రకమైన సంయోజక కణజాలం ఉంటుంది. దీనిని ఎడిపోజ్ కణజాలాలు అంటారు.
- ఈ కణజాలము కొవ్వు కణాలతో నిండి ఉంటుంది.
- ఈ ఎడిపోజ్ కణజాలంలోని కణాలు శరీరం నుండి వేడి బయటకు పోకుండా ఆపుతాయి. ఉష్ణ నిరోధకంలా పనిచేస్తాయి.
ప్రశ్న 7.
పట సహాయంతో రేఖిత కండరముల గురించి రాయండి.
జవాబు:
- రేఖిత కండరములను అప్లికండర కణజాలమని మరియు నియంత్రిత లేక సంకల్పిత కండరాలు అని అంటారు.
- రేఖిత కండరాలను మనం అవసరమైనప్పుడు కదిలించవచ్చు. అవసరం లేకపోయినపుడు కదలికలను ఆపివేయవచ్చు. (ఉదా : చేతులు, కాళ్ళను కదపటం) అందువలన వీటిని నియంత్రిత లేక సంకల్పిత కండరాలు అంటారు.
- రేఖిత కండరాలు ఎక్కువగా ఎముకలతో జతచేయబడి ఉండుటవలన, కదలికలకు కారణము అవుటవలన వీటిని అస్థికండర కణజాలమని అంటారు.
- ఈ కండరము పొడవుగా, అనేక అడ్డుచారలు కలిగి ఉంటుంది. కనుక దీనిని రేఖిత కండరమని పిలుస్తారు.
- ప్రతి కండరం అనేక పొడవైన సన్నటి శాఖారహితమైన తంతువులను పోలిన కణాలను కలిగి ఉంటుంది. ప్రతి కణము కండరమంత పొడవు కలిగి స్తూపాకారంగా ఉంటూ అనేక కేంద్రకాలను కలిగి ఉంటుంది.
ప్రశ్న 8.
పట సహాయముతో అనియంత్రిత కండరములను క్లుప్తంగా వివరించండి.
జవాబు:
- అనియంత్రిత కండరములను అరేఖిత కండరములు లేదా మృదు కండరాలు అని కూడా అంటారు.
- అన్నవాహికలో ఆహారం కదలిక, రక్తనాళాల కండరాల సంకోచ వ్యాకోచాలు మన అధీనంలో ఉండవు.
- వీటి కదలికలను మనం మన ఇష్టానుసారం ప్రారంభించలేము, ఆపివేయలేము. అందువలన వీటిని అనియంత్రిత కండరాలు అంటారు.
- అనియంత్రిత కండరం ఐరిస్ (కనుపాప), గర్భాశయం మరియు వాయునాళాల్లో కూడా ఉంటుంది.
- ఇవి పొడవుగా సాగదీయబడి, కుదురు ఆకారంలో ఉంటాయి.
- అనియంత్రిత కండరముల నందు అడ్డుచారలు ఉండవు. అందువలన వీటిని అరేఖిత కండరాలు అంటారు.
- అరేఖిత కండర కణాలలో కేవలం ఒకే ఒక్క కేంద్రకం మాత్రమే ఉంటుంది.
ప్రశ్న 9.
పట సహాయంతో హృదయ కండరం గురించి లఘుటీక రాయండి.
జవాబు:
- హృదయంలోని కండరాలు రక్తప్రసరణకు సహాయపడతాయి
- ఈ కణాలు పొడవుగా, శాఖలు కలిగి ఉంటాయి. వీటిలో కేంద్రకం ఉంటుంది.
- కణాల చివరి భాగాలు ఒకదానితో ఒకటి కలిసి ఉంటాయి.
- హృదయ కండరంలోని కణాలన్నీ చారలతో ఉంటాయి.
- నిర్మాణంలో ఇది చారల కండరాన్ని పోలి ఉండి, అనియంత్రిత చర్యలను చూపిస్తుంది.
ప్రశ్న 10.
నాడీ కణము అనగానేమి? నాడీకణము బొమ్మను గీచి, భాగములను వివరించుము.
జవాబు:
- నాడీకణము, నాడీ కణజాలము యొక్క నిర్మాణాత్మక, క్రియాత్మక ప్రమాణము.
- నాడీకణాలు సమాచారాన్ని గ్రహించి, విశ్లేషించి, పంపించటానికి ప్రత్యేకించిన కణాలు.
- నాడీ కణాన్ని మూడు భాగాలుగా విభజింపవచ్చు. a) కణదేహం b) ఆక్ట్రాన్ c) డెండ్రైటులు
- నాడీ కణదేహంలో ఉన్న జీవద్రవంలో ఒక కేంద్రకం ఉంటుంది.
- జీవ ద్రవంలో కొన్ని గ్రంథిరూప కణాలు ఉంటాయి. వీటిని నిస్సల్ కణికలు అంటారు.
- కణదేహం నుండి బయటకు వచ్చు నిర్మాణాలను డెండైటులు అంటారు.
- కణదేహం నుండి బయలుదేరే ఒకే ఒక్క పొడవాటి నిర్మాణమును ‘ఆక్జాన్’ అంటారు.
- ఆక్టా లో కొంత భాగం ఒక పొరతో కప్పబడి ఉంటుంది. ఆ త్వచమును ‘మెయిలిన్ త్వచం’ అంటారు.
- ఆక్టాన్ ఉండే కణజాలాల వంటి భాగాన్నే ‘రాన్వాయర్ సంధులు’ అంటారు.
- ప్రతి నాడీకణం ఆక్జాన్ తమ సమీపంలో ఉన్న మరొక నాడీకణం డెండ్రైట్లతో కలిసి ఒక వల వంటి నిర్మాణమును ఏర్పరుస్తుంది.
ప్రశ్న 11.
రక్తము యొక్క విధులేవి?
జవాబు:
- రక్తము హార్మోనులను, పోషక పదార్ధములను మరియు విటమినులను కణజాలములకు రవాణా చేస్తుంది.
- కణజాలముల నుండి వ్యర్థ పదార్థాలను విసర్జక అవయవములకు సరఫరా చేస్తుంది.
- రక్తములోని ఎర్రరక్త కణములందలి హిమోగ్లోబిన్ ఆక్సీజన్, కార్బన్ డై ఆక్సెలను రవాణా చేస్తుంది.
- తెల్లరక్త కణములు శరీరానికి రక్షణ ఇస్తాయి. ఇవి శరీరములోనికి ప్రవేశించిన సూక్ష్మజీవులను భక్షిస్తాయి లేదా అవి విడుదల చేసిన విషపదార్థములను తటస్థీకరణం చేస్తాయి.
- రక్త ఫలకికలు రక్తాన్ని గడ్డ కట్టే విధంగా చేస్తాయి. తద్వారా గాయపడిన వ్యక్తి నుండి రక్త నష్టమును నివారిస్తాయి.
ప్రశ్న 12.
ఎర్ర రక్తకణములను గురించి క్లుప్తంగా రాయండి.
జవాబు:
- ఎర్ర రక్త కణములను ఎరిత్రోసైట్లని అంటారు.
- ఎర్రరక్త కణములందు హిమోగ్లోబిన్ వంటి ఎరుపురంగు ప్రోటీను ఉండుట వలన ఇవి ఎర్రగా ఉంటాయి.
- హిమోగ్లోబిన్ ఆక్సిజన్ మరియు కార్బన్ డై ఆక్సెట్ రవాణాకు తోడ్పడుతుంది.
- ఒక మిల్లీలీటరు మానవరక్తంలో దాదాపు 5 మిలియన్లల ఎర్ర రక్తకణాలు ఉంటాయి. వీటి జీవనకాలం 120 రోజులు.
- శిశువు తల్లి గర్భంలో ఉన్నప్పుడు రక్తకణాలు కాలేయం మరియు పిత్తాశయంలో తయారవుతాయి. ప్రౌఢమానవునిలో పొడవుగా ఉన్న ఎముకలలో ఉండే అస్థిమజ్జలో ఇవి తయారవుతాయి.
- ఒంటె, ఉలాము తప్ప మిగతా క్షీరదాల ఎర్రరక్త కణాలలో కేంద్రకం ఉంటుంది.
ప్రశ్న 13.
తెల్ల రక్తకణములను గురించి రాయండి.
జవాబు:
- తెల్లరక్తకణములను ల్యూకోసైటులు అంటారు. వీటిలో హిమోగ్లోబిన్ ఉండకపోవటం వలన ఇవి తెల్లగా ఉంటాయి.
- ఎర్ర రక్తకణాల సంఖ్యచే పోల్చిన ఇవి తక్కువ సంఖ్యలో ఉంటాయి.
- తెల్లరక్త కణాలు రెండు రకాలు. అవి : 1) కణికాభ కణాలు 2) కణికరహిత కణాలు.
- కణికాభ కణాలలో న్యూట్రోఫిల్స్, బేసోఫిల్స్ మరియు ఇసినోఫిల్స్ అని మూడు రకాలున్నాయి.
- ఇవి రక్తములోనికి ప్రవేశించిన సూక్ష్మజీవులను ఎదుర్కొని నాశనము చేస్తాయి.
- కణిక రహిత కణాలు లింఫోసైట్స్ మరియు మోనోసైట్స్ అని రెండు రకాలు.
- లింఫోసైట్స్ రక్తంలోకి వచ్చిన బాహ్య పదార్థములను ఎదుర్కొనే ప్రతిదేహాలను తయారుచేస్తాయి. అందువల్ల వీటిని సూక్ష్మ రక్షకభటులంటారు.
- మోనోసైట్లు కణికాభ కణాలతో పాటు రక్తంలో అమీబా మాదిరిగా కదులుతూ బాహ్య పదార్థాలను ఎదుర్కొని, భక్షించి నాశనం చేస్తాయి. మోనోసైట్లను పారిశుధ్య కార్మికులు అంటారు.
ప్రశ్న 14.
రక్తములోని ప్లాస్మానందు ఉండు అంశములు ఏవి?
జవాబు:
- రక్తంలో ఒక అంశ అయిన ప్లాస్మాలో ఎక్కువ శాతం నీరు ఉంటుంది.
- నీటితో పాటు గ్లూకోజు, ఎమినోయాసిడ్ వంటి రకరకాల పోషకాలు కూడా ఉంటాయి. విటమిన్లు, హార్మోనులు కూడా రక్తంలో ఉంటాయి.
- ఇది శరీరానికి శక్తినిచ్చుటకు సహాయపడడంతో బాటు విసర్జక పదార్థాలైన లాక్టిక్ ఏసిడ్, యూరియా, ఇతర లవణాలను కూడా కలిగి ఉంటుంది.
- రక్తం గడ్డకట్టడానికి కావలసిన అనేక కారకాలు కూడా ప్లాస్మాలో ఉంటాయి.
- రక్తనాళాలలో రక్తం గడ్డకట్టకుండా ‘హిపారిన్’ అనే పదార్థం ఉపయోగపడుతుంది.
ప్రశ్న 15.
జంతుకణజాలములకు సంబంధించి ప్రవాహపటము (ఫ్లోచార్ట్) ను గీయుము.
జవాబు:
ప్రశ్న 16.
వయస్సులో ఉన్న వాళ్ళ కంటే ముసలివాళ్ళు శీతాకాలంలో చలికి ఎందుకు వణకుతారు?
జవాబు:
- ఎడిపోజ్ కణజాలము శరీరము నుండి ఉష్ణ నష్టాన్ని నివారిస్తుంది.
- వయస్సులో ఉన్నవారితో పోల్చినపుడు ముసలివాళ్ళ చర్మము క్రింద తక్కువ మొత్తాలలో ఎడిపోజ్ కణజాలము ఉంటుంది.
- అందువలన ముసలివాళ్ళ శరీరము నుండి ఎక్కువ మొత్తంలో ఉష్ణ నష్టం జరుగుతుంది.
- ఉష్ణ నష్టాన్ని నివారణ చేసుకొనుటకు ముసలివాళ్ళు శరీరమును వణికిస్తారు.
- శరీరమును వణికించుట ద్వారా ఉష్ణము (వేడి) ఉత్పత్తి అవుతుంది. ఈ వేడి చలి నుండి తమ శరీరాన్ని కాపాడుకోవటానికి ఉపయోగపడుతుంది.
- అందువలన వయస్సులో ఉన్నవాళ్ళ కంటే ముసలివాళ్ళు శీతాకాలంలో చలికి వణుకుతారు.
ప్రశ్న 17.
కౌశిక్ రక్తం O+ve, ప్రణవిది AB+ve వీరు ఏ వర్గం వారికి రక్తదానం చేయవచ్చు? ఎందుకు?
జవాబు:
- ‘O’ రక్తవర్గం గల వ్యక్తులను విశ్వదాతలు అంటారు.
- ‘O’ రక్తవర్గం గల వ్యక్తుల ఎర్రరక్త కణముల మీద ప్రతిజనకము లేకపోవడం వలన ఈ రక్తమును గ్రహించిన వ్యక్తులలో ఎర్రరక్త కణముల గుచ్ఛకరణము జరగదు.
- అందువలన O+ve రక్తం కలిగిన కౌశిక్ ఏ రక్త గ్రూపు కలవారికైనా రక్తమును దానము చేయవచ్చు.
- AB+ve రక్తవర్గం కలిగిన ప్రణవి ‘B’ మరియు ‘AB’ రక్తగ్రూపులవారికి రక్తమును దానము చేయవచ్చు.
- AB రక్తవర్గం నందు ప్లాస్మాలో ప్రతిరక్షకములు లేవు. కావున వారు ఎవరి నుండైనా రక్తాన్ని గ్రహించవచ్చు. అందుచే వారిని ‘విశ్వగ్రహీతలు’ అంటారు.
- కానీ AB గ్రూపువారు కేవలం అదేగ్రూపు (AB) వారికి మాత్రమే రక్తదానం చేయగలరు.
9th Class Biology 3rd Lesson జంతు కణజాలం Important Questions and Answers
ప్రశ్న 1.
కమలాకర్ అనే జీవశాస్త్ర ఉపాధ్యాయుడు తన విద్యార్థులకు రక్త కణాలను ప్రయోగశాలలో మైక్రోస్కోప్లో చూపించాడు. ఈ ప్రయోగంలో వాడబడిన పరికరాలు ఏమిటి?
జవాబు:
మైక్రోస్కోప్, స్లెడ్, రక్త నమూనా, సిరంజి, దూది
ప్రశ్న 2.
ఉపకళా కణజాలాలను సోదాహరణంగా వివరించండి.
జవాబు:
- జంతుకణజాలాలలో ఉపకళా కణజాలం చాలా ముఖ్యమైన కణజాలం.
- జంతువుల అవయవాలను, బయట ఉండే భాగాలను ఉపకళా కణజాలం కప్పి ఉంచుతుంది.
- పొలుసుల ఉపకళ : a) ఇది బల్లపరుపుగా, పలుచని పొర కలిగియున్న కణజాలం.
b) జీర్ణవ్యవస్థలో ఉండే అన్నవాహిక, నోటిలోపలి పొరలు, రక్తనాళాలు, ఊపిరితిత్తులలో ఉండే వాయుగోణులలో ఈ కణజాలం ఉంటుంది.
c) విచక్షణాత్వచం ద్వారా పదార్థాల రవాణా జరిగే అవయవాల్లో ఇవి తప్పక ఉంటాయి.
d) చర్మంలో ఒకదానిపై మరొకటి పొరలుగా ఏర్పడ్డ ఉపకళా కణజాలాన్ని సంతకణజాలం అని అంటారు.
e) ఘనాకార ఉపకళా కణజాలం : ఇవి మూత్ర నాళాలలో కనిపిస్తాయి. లాలాజల గ్రంధులకు యాంత్రిక శక్తిని ఇవ్వడంలో సహాయపడతాయి.
f) స్తంభాకార ఉపకళా కణజాలం : ఈ కణజాలం చిన్న కేశాల వంటి నిర్మాణాలను కలిగి ఉన్నది. ఇవి కణాలు స్రవించే చోట, శోషణ జరిగే చోట ఉంటాయి.
ప్రశ్న 3.
కింది పేరాను చదివి ఇచ్చిన ప్రశ్నలకు జవాబులు రాయంది.
సంయోజక కణజాలం ఇతర కణజాలాలను, అంగాలను కలిపి వుంచుతుంది. శరీరంలోని ఇతర అంతర్భాగాలకు దృఢంగా, చట్రంలా నిలిచి కావలసిన ఆధారాన్ని సమకూరుస్తుంది. ఇది అవయవాలను కప్పి, అవయవాలను వాటి వాటి స్థానాలలో వుంచుతుంది. కొవ్వులను నిల్వచేసే ఎడిపోజ్ కణజాలం చర్మం కింద, అంతరంగాల మధ్య వుంటుంది. ఎముక, మృదులాస్థి అస్థి పంజరాన్ని ఏర్పరచి, శరీరానికి ఆధారాన్నిస్తాయి. లిగమెంట్ లేదా సంధి బంధనం ఎముకలను సంధి తలాలతో కలిపి వుంచుతుంది. స్నాయు బంధనం లేదా టెండాన్ కండరాలను ఎముకలతో కలిపి వుంచుతుంది.
ఎ) అవయవాలను కప్పి వుంచే సంయోజక కణజాలం ఏది?
బి) కండరాలను ఎముకలతో కలిపివుంచే సంయోజక కణజాలం ఏది?
సి) అస్థిపంజరం ప్రధానంగా వేటితో ఏర్పడుతుంది?
డి) శరీరంలో ఎడిపోజ్ కణజాలం ఎక్కడ వుంటుంది?
జవాబు:
ఎ) అరియోలార్ కణజాలము
బి) టెండాన్
సి) ఎముక మృదులాస్థి
డి) చర్మం క్రింద, అంతరంగాల మధ్య ఉంటుంది.
ప్రశ్న 4.
నాడీకణం పటం గీచి భాగాలు గుర్తించండి. నాడీ కణంలోని మైలీన్ తొదుగు యొక్క విధి ఏమిటి?
జవాబు:
మైలీన్ తొడుగు యొక్క విధి :
ఏక్సాన్లో కొంత భాగాన్ని కప్పి ఉంచే పొర మైలీన్ త్వచం. మైలీన్ తొడుగులో ఉండే రవీర్ కణుపులు నాడీ ప్రచోదన వేగాన్ని పెంచుతాయి.
ప్రశ్న 5.
క్రింద ఇచ్చిన వాటి పేర్లను రాయండి.
ఎ) మన శరీరంలో కొవ్వును నిల్వచేసే కణాలు
బి) జంతువులలో ఆహారాన్ని రవాణా చేసే కణాలు
జవాబు:
ఎ) ఎడిపోజ్ కణజాలం
బి) రక్తం
ప్రశ్న 6.
క్షితిజను పరీక్షించిన డాక్టరు రక్తంలో హీమోగ్లోబిన్ తక్కువగా ఉందని చెప్పాడు. హీమోగ్లోబిన్ తక్కువగా ఉంటే జరిగే పరిణామాలను తెలుసుకోవడానికి నీవు డాక్టరును ఎలాంటి ప్రశ్నలు అడుగుతావు?
జవాబు:
1) రక్తంలో హిమోగ్లోబిన్ తక్కువైతే శరీరంలో వచ్చే మార్పులు ఏమిటి?
2) రక్తంలో హి మోగ్లోబిన్ తగ్గడానికి కారణాలు ఏమిటి?
3) రక్తంలో హి మోగ్లోబిన్ పెరగడానికి మనం ఏమి చేయాలి?
4) హిమోగ్లోబిన్ తగ్గడం వలన మనకు వచ్చే వ్యాధి ఏమిటి?
9th Class Biology 3rd Lesson జంతు కణజాలం 1 Mark Bits Questions and Answers
లక్ష్యా త్మ క ని యోజనము
1. జంతువుల లోపలి అవయవాలను, బయట భాగాలను కప్పి ఉంచే కణజాలం
A) ఉపకళా కణజాలం
B) సంయోజక కణజాలం
C) కండర కణజాలం
D) నాడీ కణజాలం
జవాబు:
A) ఉపకళా కణజాలం
2. అవయవాలను కలిపే కణజాలం
A) ఉపకళా కణజాలం
B) సంయోజక కణజాలం
C) కండర కణజాలం
D) నాడీ కణజాలం
జవాబు:
B) సంయోజక కణజాలం
3. శరీర కదలికలకు తోడ్పడే కణజాలం
A) ఉపకళా కణజాలం
B) సంయోజక కణజాలం
C) కండర కణజాలం
D) నాడీ కణజాలం
జవాబు:
C) కండర కణజాలం
4. బాహ్య, అంతర ఉద్దీపనలకు ప్రతిచర్యలు చూపే కణజాలం
A) ఉపకళా కణజాలం
B) సంయోజక కణజాలం
C) కండర కణజాలం
D) నాడీ కణజాలం
జవాబు:
D) నాడీ కణజాలం
5. బహుకణ గ్రంథులను ఏర్పరచే కణజాలము
A) సంయోజక కణజాలం
B) ఉపకళా కణజాలం
C) వాయుగత కణజాలం
D) ఎడిపోజ్ కణజాలం
జవాబు:
B) ఉపకళా కణజాలం
6. సరీసృపాలలో పొలుసులు, పక్షుల ఈకలను తయారు చేయు కణజాలం
A) ఉపకళా కణజాలం
B) సంయోజక కణజాలం
C) వాయుగత కణజాలం
D) ఫైబ్రోబ్లాస్టులు
జవాబు:
A) ఉపకళా కణజాలం
7. ఫైబ్రోబ్లాస్టులు ఉండు కణజాలం
A) మృదులాస్థి
B) ఎముక
C) వాయుగత కణజాలం
D) సంధి బంధనం
జవాబు:
C) వాయుగత కణజాలం
8. ఎముక ఈ లవణాలతో తయారవుతుంది.
A) కాల్షియం ఫాస్పేట్
B) కాల్షియం కార్బొనేట్
C) A & B
D) సోడియమ్ కార్బొనేట్
జవాబు:
C) A & B
9. ఎముకలు కలిసేచోట, పక్కటెముకల చివర, నాశికాగ్రము, చెవిదొప్ప, వాయునాళంలోను ఉండే కణజాలం
A) మృదులాస్థి
B) ఎముక
C) వాయుగత కణజాలం
D) సంధి బంధనము
జవాబు:
A) మృదులాస్థి
10. ఎముకలను సంధి తలాలలో కలిపి ఉంచేది.
A) స్నాయుబంధనం
B) సంధి బంధనం
C) మృదులాస్థి
D) ఎడిపోజ్ కణజాలం
జవాబు:
B) సంధి బంధనం
11. సంధి బంధనం తంతువులు ఈ ప్రోటీనుతో తయారవుతాయి.
A) ప్రోత్రాంబిన్
B) ఫైబ్రినోజన్
C) హిపారిన్
D) కొల్లాజెన్
జవాబు:
D) కొల్లాజెన్
12. బొద్దింక నందు రక్తము ఈ రంగులో ఉంటుంది.
A) ఎరుపు
B) తెలుపు
C) నీలం
D) ఆకుపచ్చ
జవాబు:
B) తెలుపు
13. నీలం రంగు రక్తం గల జంతువు
A) కప్ప
B) తిమింగలం
C) వానపాము
D) నత్త
జవాబు:
D) నత్త
14. ప్రొడ మానవునిలో ఉండే రక్త పరిమాణం.
A) 5 లీటర్లు
B) 4 లీటర్లు
C) 3 లీటరు
D) 6 లీటర్లు
జవాబు:
A) 5 లీటర్లు
15. రక్తనాళాల్లో రక్తం గడ్డకట్టకుండా నివారించేది
A) ప్రోత్రాంబిన్
B) ఫైబ్రినోజన్
C) హిపారిన్
D) రక్త ఫలకికలు
జవాబు:
C) హిపారిన్
16. ఎర్ర రక్తకణములు ఎర్రగా ఉండుటకు కారణము
A) హిమోగ్లోబిన్
B) ఫైబ్రినోజన్
C) ప్రోత్రాంబిన్
D) ప్లాస్మా
జవాబు:
A) హిమోగ్లోబిన్
17. ఎర్రరక్త కణముల జీవిత కాలం
A) 130 రోజులు
B) 120 రోజులు
C) 12-13 రోజులు
D) 115 రోజులు
జవాబు:
B) 120 రోజులు
18. రక్త వర్గాలను కనుగొనినది
A) కారల్ లాండ్ స్టీనర్
B) కారల్ ఎరికె
C) మాల్పీజి
D) రాబర్ట్ ఏంజెస్
జవాబు:
A) కారల్ లాండ్ స్టీనర్
19. ఎర్ర రక్తకణములను ఉత్పత్తి చేసేది
A) ఎడిపోసైట్స్
B) హిపారిన్
C) క్లోమము
D) పొడవు ఎముకలనందలి అస్థిమజ్జ
జవాబు:
D) పొడవు ఎముకలనందలి అస్థిమజ్జ
20. ఎర్ర రక్తకణము నందు కేంద్రకము గల జీవులు
A) ఒంటె
B) ఉలాము
C) A & B
D) ఏనుగు
జవాబు:
C) A & B
21. క్రింది వాటిలో కణికాభ కణము
A) న్యూట్రోఫిల్స్
B) మోనోసైట్స్
C) లింఫోసైట్స్
D) ఆస్టియోసైట్స్
జవాబు:
A) న్యూట్రోఫిల్స్
22. ‘చీము’ను ఏర్పరచేవి
A) ఎర్ర రక్తకణములు
B) తెల్ల రక్తకణములు
C) ఎడిపోసైట్స్
D) ఆస్టియోసైట్స్
జవాబు:
B) తెల్ల రక్తకణములు
23. సూక్ష్మ రక్షకభటులు అని వీటిని అంటారు.
A) లింఫోసైట్స్
B) మోనోసైట్స్
C) న్యూట్రోఫిల్స్
D) బేసోఫిల్స్
జవాబు:
A) లింఫోసైట్స్
24. పారిశుద్ధ్య కార్మికులు అని వీటిని అంటారు.
A) లింఫోసైట్స్
B) బేసోఫిల్స్
C) మోనోసైట్స్
D) న్యూట్రోఫిల్స్
జవాబు:
C) మోనోసైట్స్
25. రక్తము గడ్డకట్టుటలో సహాయపడు కణాలు
A) హిపారిన్
B) రక్త ఫలకికలు
C) ఇసినోఫిల్స్
D) బేసోఫిల్స్
జవాబు:
B) రక్త ఫలకికలు
26. “విశ్వ దాతలు” ఈ రక్త వర్గం కలవారు.
A) ‘AB’ రక్తవర్గం
B) ‘B’ రక్తవర్గం
C) ‘O’ రక్తవర్గం
D) ‘A’ రక్తవర్గం
జవాబు:
C) ‘O’ రక్తవర్గం
27. రక్తనాళ వ్యాసాన్ని తగ్గించడానికి లేదా పెంచడానికి ఉపయోగపడే కణజాలం
A) సంయోజక కణజాలం
B) ఉపకళా కణజాలం
C) కండర కణజాలం
D) రక్త కణజాలం
జవాబు:
C) కండర కణజాలం
28. హృదయ కండరాలు గల అవయవం
A) గుండె
B) ఊపిరితిత్తులు
C) ఆహారవాహిక
D) బుగ్గ లోపలి పొర
జవాబు:
A) గుండె
29. మృదు కండరాలు లేదా అనియంత్రిత కండరాలు నియంత్రించునది
A) ఆహారవాహికలో ఆహారం కదలిక
B) రక్తనాళాల కండరాల సంకోచాలు
C) రక్తనాళాల కండరాల వ్యాకోచాలు
D) పైవి అన్నియు
జవాబు:
D) పైవి అన్నియు
30. నియంత్రిత లేదా సంకల్పిత కండరాలకు గల మరియొక పేరు
A) అస్థికండర కణజాలం
B) అరేఖిత కండరాలు
C) నునుపు కండరాలు
D) పైవి అన్నియు
జవాబు:
A) అస్థికండర కణజాలం
31. నాడీకణము నందలి భాగమును గుర్తించుము.
A) కణదేహం
B) ఏక్సాన్
C) డెండ్రైట్
D) పైవి అన్నియు
జవాబు:
D) పైవి అన్నియు
32. నిస్సల్ కణికలు గల నాడీకణ భాగం
A) కణదేహం
B) ఏక్సాన్
C) డెండైటు
D)మెయిలిన్ త్వచం
జవాబు:
A) కణదేహం
33. తెల్లరక్త కణములకు గల మరియొక పేరు
A) ల్యూకోసైట్స్
B) ఎరిత్రోసైట్స్
C) ఆస్టియోసైట్స్
D) ఎడిపోసైట్స్
జవాబు:
A) ల్యూకోసైట్స్
34. ఒక మి.లీ. రక్తంలో ఉండు ఎర్రరక్తకణాల సంఖ్య
A) 6 మిలియన్లు
B) 5 మిలియన్లు
C) 4 మిలియన్లు
D) 3 మిలియన్లు
జవాబు:
B) 5 మిలియన్లు
35. మూత్రపిండ వృక్కనాళాలలో విస్తరించియున్న కణజాలం
A) స్తంభాకార ఉపకళా కణజాలం
B) సూచి ఆకార ఉపకళా కణజాలం
C) ఘనాకార ఉపకళా కణజాలం
D) అండాకార ఉపకళా కణజాలం
జవాబు:
C) ఘనాకార ఉపకళా కణజాలం
36. వాయుగోణులలో, నోటిలోపలి పొరలలో రక్తనాళాలపైన ఉండే కణజాలం
A) పొలుసుల ఉపకళ
B) సరిత ఉపకళ
C) ఘనాకార ఉపకళ
D) స్తంభాకార ఉపకళ
జవాబు:
A) పొలుసుల ఉపకళ
37. చర్మంపైన ఉండే ఉపకళా కణజాలం
A) పొలుసుల ఉపకళ
B) స్తరిత ఉపకళ
C) ఘనాకార ఉపకళ
D) స్తంభాకార ఉపకళ
జవాబు:
B) స్తరిత ఉపకళ
38. మూత్రనాళాలలో, లాలాజల గ్రంథులలో ఉండే కణజాలం
A) పొలుసుల ఉపకళ
B) స్తరిత ఉపకళ
C) ఘనాకార ఉపకళ
D) స్తంభాకార ఉపకళ
జవాబు:
C) ఘనాకార ఉపకళ
39. స్రవించే భాగాలలో, శోషణ జరిగే భాగాలలో ఉండే కణజాలం
A) పొలుసుల ఉపకళ
B) స్తరిత ఉపకళ
C) ఘనాకార ఉపకళ
D) స్తంభాకార ఉపకళ
జవాబు:
D) స్తంభాకార ఉపకళ
40. ఈ క్రింది వానిలో చర్మం నుండి తయారు అయ్యేది
A) గోర్లు
B) పొలుసులు
C) ఈకలు
D) పైవన్నీ
జవాబు:
D) పైవన్నీ
41. రోమాలు, గిట్టలు, కొమ్ములు ఇవన్నీ ఏ కణజాలం నుండి రూపాంతరం చెందుతాయి?
A) ఉపకళా కణజాలం
B) సంయోజక కణజాలం
C) కండర కణజాలం
D) నాడీ కణజాలం
జవాబు:
A) ఉపకళా కణజాలం
42. ఈ క్రింది వానిలో సంయోజక కణజాలానికి సంబంధించిన అసత్య వాక్యం
A) సంయోజక కణజాలం ఇతర కణజాలాలను, అంగాలను కలిపి ఉంచుతుంది.
B) అంతర్భాగాలకు ఆధారాన్ని సమకూరుస్తుంది.
C) శరీర కదలికలకు తోడ్పడుతుంది.
D) శరీర రక్షణ కొవ్వు పదార్థాల నిల్వకు ఉపయోగ పడుతుంది.
జవాబు:
C) శరీర కదలికలకు తోడ్పడుతుంది.
43. ఫెబ్లాస్ట్ కణాలు దీనిలో ఉంటాయి.
A) ఏరియోలార్ కణజాలం
B) ఎడిపోజ్ కణజాలం
C) మృదులాస్థి
D) రక్తం
జవాబు:
A) ఏరియోలార్ కణజాలం
44. కొవ్వులు ఇక్కడ నిల్వ ఉంటాయి.
A) ఏరియోలార్ కణజాలం
B) ఎడిపోజ్ కణజాలం
C) మృదులాస్థి
D) రక్తం
జవాబు:
B) ఎడిపోజ్ కణజాలం
45. ఎముకను స్రవించే కణాలు,
A) ఫైబ్రోబ్లాస్ట్ కణాలు
B) ఆస్టియోసైట్లు
C) ల్యూకోసైటులు
D) మోనోసైటులు
జవాబు:
B) ఆస్టియోసైట్లు
46. ఎముకలో ఉండే లవణాలు
A) కాల్షియం ఫాస్పేట్
B) కాల్షియం కార్బొనేట్
C) పై రెండూ
D) కాల్షియం సల్ఫేట్
జవాబు:
C) పై రెండూ
47. మృదులాస్థి ఇందులో ఉండదు.
A) సకశేరుకాల అస్థిపంజరం
B) సకశేరుకాల పిండం
C) వాయునాళం
D) సొరచేప అస్తిపంజరం
జవాబు:
A) సకశేరుకాల అస్థిపంజరం
48. రెండు ఎముకలను కలిపే నిర్మాణం
A) టెండాన్
B) లిగమెంట్
C) కండరం
D) మృదులాస్థి
జవాబు:
B) లిగమెంట్
49. ఎముకను, కండరాన్ని కలిపే నిర్మాణం
A) టెండాన్
B) లిగమెంట్
C) కండరం
D) మృదులాస్థి
జవాబు:
A) టెండాన్
50. క్రింది వానిలో రక్తానికి సంబంధించిన అసత్య వాక్యం
A) ద్రవరూప సంయోజక కణజాలం
B) తంతువులు లేని సంధాయక కణజాలం
C) కణాలన్నీ ఒకే నిర్దిష్టమైన పనిని నిర్వర్తిస్తాయి.
D) కణాలన్నీ ప్లాస్మాలో తేలియాడుతూ ఉంటాయి.
జవాబు:
C) కణాలన్నీ ఒకే నిర్దిష్టమైన పనిని నిర్వర్తిస్తాయి.
51. మన యొక్క అనారోగ్యాన్ని గుర్తించడానికి ఉపయోగపడే కణజాలం
A) మృదులాస్థి
B) ఎడిపోజ్ కణజాలం
C) రక్తం
D) ఏరియోలార్ కణజాలం
జవాబు:
C) రక్తం
52. గుండె 24 గంటల్లో పంపు చేసే రక్తం
A) 28 వేల లీటర్లు
B) 32 వేల లీటర్లు
C) 36 వేల లీటర్లు
D) 38 వేల లీటర్లు
జవాబు:
C) 36 వేల లీటర్లు
53. గుండె 24 గంటల్లో రకాన్ని పంపు చేసే దూరం
A) 10,000 కి.మీ.
B) 20,000 కి.మీ.
C) 30,000 కి.మీ.
D) 40,000 కి.మీ.
జవాబు:
B) 20,000 కి.మీ.
54. ప్రౌఢ మానవుని శరీరంలో ఉండే మొత్తం రక్తం
A) 5 లీటర్లు
B) 6 లీటర్లు
C) 7 వీటర్లు
D) 8 లీటర్లు
జవాబు:
A) 5 లీటర్లు
55. ఏ జీవి రకం నీలిరంగులో ఉంటుంది?
A) బొద్దింక
B) నత్త
C) గబ్బిలం
D) తిమింగలం.
జవాబు:
B) నత్త
56. ఏ జీవి రక్తం తెలుపురంగులో ఉంటుంది?
A) బొద్దింక
B) నత్త
C) గబ్బిలం
D) తిమింగలం
జవాబు:
A) బొద్దింక
57. రక్తనాళాలలో రక్తం గడ్డకట్టకుండా చేసే పదార్థం
A) హైరోడీన్
B) ప్రోత్రాంబిన్
C) హెపారిన్
D) త్రాంబిన్
జవాబు:
C) హెపారిన్
58. రక్తంలో ఉండేవి
A) నీరు
B) గ్లూకోజ్, ఎమైనో యాసిడ్లు
C) యూరియా, లాక్టిక్ యాసిడ్
D) పైవన్నీ
జవాబు:
D) పైవన్నీ
59. మానవుని ఒక మిల్లీ లీటరు రక్తంలోని ఎర్రరక్త కణాలసంఖ్య
A) 3 మిలియన్లు
B) 5 మిలియన్లు
C) 7 మిలియన్లు
D) 9 మిలియన్లు
జవాబు:
B) 5 మిలియన్లు
60. తల్లి గర్భంలోని శిశువులో ఎర్రరక్త కణాలు ఇక్కడ ఉంటాయి.
A) అస్థిమజ్జ
B) కాలేయం
C) ప్లీహం
D) B మరియు C
జవాబు:
D) B మరియు C
61. వీని ఎర్రరక్త కణాలలో కేంద్రకం ఉంటుంది.
A) తిమింగలం
B) ఒంటె
C) ఇలామా
D) B మరియు C
జవాబు:
D) B మరియు C
62. కేంద్రకం వీనిలో ఉండదు.
A) ఎర్రరక్త కణాలు
B) రక్తఫలకికలు
C) A మరియు B
D) పైవేవీ కాదు
జవాబు:
C) A మరియు B
63. మానవునిలో రక్త వర్గాల సంఖ్య
A) 1
B) 2
C) 3
D) 4
జవాబు:
D) 4
64. ఈ క్రింది వానిలో మానవునిలో రక్తవర్గం కానిది
A) A
B) B
C) C
D) O
జవాబు:
C) C
65. విశ్వగ్రహీతలు అని ఏ రక్త వర్గం వారిని అంటారు?
A) A
B) B
C) AB
D) O
జవాబు:
C) AB
66. అస్థిపంజరంలోని ఎముకలకు అతికి ఉండి కదలికలకు కారణం అయ్యేవి
B) రేఖిత కండరం
A) అస్థి కండరం
C) సంకల్పిత కండరం
D) పైవన్నీ
జవాబు:
D) పైవన్నీ
67. అరేఖిత కండరాలు ఉండని ప్రదేశం
A) రక్తనాళాలు
B) గర్భాశయం
C) కాళ్ళు
D) వాయునాళాలు
జవాబు:
C) కాళ్ళు
68. ఈ క్రింది కణాలకు పునరుత్పత్తి శక్తి లేదు.
A) అస్థి కణాలు
B) నాడీ కణాలు
C) కండర కణాలు
D) చర్మ కణాలు
జవాబు:
B) నాడీ కణాలు
69. నాడి కణాలకు సంబంధించి అసత్య వాక్యం
A) నిస్పల్ కణికలు కలిగి ఉంటాయి.
B) మైలిన్ త్వచంచే ఆవిరించబడి ఉంటాయి.
C) పునరుత్పత్తి చేస్తాయి.
D) సమాచార ప్రసారానికి ఉపయోగపడతాయి.
జవాబు:
C) పునరుత్పత్తి చేస్తాయి.
70. కొల్లాజెన్తో తయారుచేయబడినవి
A) ఎముక
B) లిగమెంట్
C) స్నాయుబంధనం
D) B మరియు C
జవాబు:
D) B మరియు C
71. అమీబా వలె కదులుతూ బాహ్య పదార్థాలను ఎదుర్కొని భక్షించి నశింపచేసేవి
A) మోనోసైట్స్
B) లింఫోసైట్స్
C) నూట్రోఫిల్స్
D) బేసోఫిల్స్
జవాబు:
A) మోనోసైట్స్
72. క్రింది వానిలో సరిగా జతపరచబడని జత ఏది?
1) స్నాయు బంధము – కండరాలను ఎముకతో కలిపే సంధి
2) కొల్లాజన్ – లిగమెంట్
3) కణికాభ కణాలు – న్యూట్రోఫిల్స్
A) 1, 3
B) 2, 3
C) 3 మాత్రమే
D) 1 మాత్రమే
జవాబు:
C) 3 మాత్రమే
73. క్రింది ప్రవచనాలను చదవండి.
a) న్యూట్రోఫిలను సూక్ష్మ రక్షకభటులు అంటారు.
b) మోనోసైట్లను పారిశుద్ధ్య కార్మికులు అంటారు.
A) a సరియైనది b సరియైనది కాదు
B) b సరియైనది a సరియైనది కాదు
C) a మరియు b లు రెండూ సరియైనవి కావు
D) a మరియు b లు రెండూ సరియైనవి
జవాబు:
C) a మరియు b లు రెండూ సరియైనవి కావు
74. మీ రక్తవర్గాలను కనుగొనడంలో కావలసిన పరికరాలలో అవసరములేనిది
A) దూది
B) డిడ్పేసబుల్ సూది
C) బాండేజ్
D) 70% ఆల్కహాల్
జవాబు:
C) బాండేజ్
75. చిత్రాన్ని పరిశీలించి సరైన వాక్యాన్ని ఎన్నుకోండి.
A) ద్రవాభిసరణాన్ని కనుగొనే ప్రయోగ అమరిక
B) పాక్షిక పారగమ్యత్వచాన్ని తయారుచేయడం
C) వ్యాపనాన్ని కనుగొనే ప్రయోగ అమరిక
D) రక్తవర్గాలను గుర్తించుట
జవాబు:
D) రక్తవర్గాలను గుర్తించుట
క్రింది పట్టికను పరిశీలించి ఇచ్చిన ప్రశ్నలకు సరియైన జవాబును గుర్తించండి.
| రక్త కణాలు | అల్ప, అధిక విలువలు |
| తెల్ల రక్త కణాలు | 5.0 – 10.0 × 103 cells/ ul |
| ఎర్ర రక్త కణాలు | 3.5 – 5.5 × 106 cells/ ul |
| HgB | మగ 12 – 16 g/dL; ఆడ 9.9 – 13g/dL |
| రక్తఫలకికలు | 1.0 – 3.0 × 105 cells/ul |
| న్యూట్రోఫిల్స్ | 40 – 75% |
| లింఫోసైట్స్ | 20 – 45% |
| ఇసినోఫిల్స్ | 1 – 6% |
| బేసోఫిల్స్ | 0 – 1% |
| మోనోసైట్ | 0 – 3% |
76. ఈ క్రింది వానిలో రక్తంలో అధికంగా ఉన్నది ఏది?
A) మోనోసైట్స్
B) బేసోఫిల్స్
C) ఇసినోఫిల్స్
D) లింఫోసైట్స్
జవాబు:
D) లింఫోసైట్స్
77. ఈ క్రింది వానిలో రక్తంలో తక్కువగా ఉన్నది ఏది?
A) న్యూట్రోఫిల్స్
B) మోనోసైట్స్
C) బేసోఫిల్స్
D) ఇసినోఫిల్స్
జవాబు:
A) న్యూట్రోఫిల్స్
78. చిత్రంలో ఉన్న ఉపకళా కణజాలం ఏది?
A) ఘనాకార ఉపకళా కణజాలం
B) పొలుసుల ఉపకళా కణజాలం
C) స్తంభాకార ఉపకళా కణజాలం
D) సిలియేటెడ్ ఉపకళా కణజాలం
జవాబు:
D) సిలియేటెడ్ ఉపకళా కణజాలం
79. చిత్రంలో ఉన్న కణజాలాన్ని గుర్తించండి.
A) ఎముక
B) ఏరియోలర్ కణజాలం
C) ఎడిపోజ్ కణజాలం
D) మృదులాస్థి కణజాలం
జవాబు:
B) ఏరియోలర్ కణజాలం
80. చిత్రంలో గుర్తించిన భాగం పేరు రాయండి.
A) ఆక్టాన్
B) డెండ్రైట్
C) మయలీన్ త్వచం
D) నిస్సల్ కణికలు
జవాబు:
A) ఆక్టాన్
81. ఇవ్వబడిన చిత్రంలోని కండర కణజాలం ఏది?
A) రేఖిత కండరాలు
B) అరేఖిత కండరాలు
C) హృదయ కండరాలు
D) పైవేవీకావు
జవాబు:
C) హృదయ కండరాలు
82. హిమోగ్లోబిన్ లోపము వలన వచ్చే వ్యాధులలో క్రింది వానిలో సరియైనది కానిది ఏది?
A) రక్తహీనత
B) గుండె సమస్యలు
C) రక్తం గడ్డకట్టటం
D) వేడి శ్వాస
జవాబు:
C) రక్తం గడ్డకట్టటం
83. అ) ప్రకాష్ రక్తం – anti A ప్రతి రక్షకాలతో గుచ్చకరణం జరపలేదు
ఆ) హాసిత్ రక్తం – anti A ప్రతి రక్షకాలతో మాత్రమే గుచ్చకరణ జరిపింది.
ఇ) ఇద్దరి రక్త నమూనాలు Rh సీరమ్ తో గుచ్చకరణం జరిపాయి. ప్రకాష్, హాసిత్ రక్తవర్గాలు వరుసగా
A) ఇద్దరూ Rh+Ve
B) ఇద్దరూ A+Ve
C) ఇద్దరూ Rh-Ve
D) ప్రకాష్ B+Ve, హాసిత్ A+Ve
జవాబు:
D) ప్రకాష్ B+Ve, హాసిత్ A+Ve
84. పారిశుద్ధ్య కార్మికులు అని ఏ రక్త కణాలను అంటారు?
A) ఇసినోఫిల్స్
B) బేసోఫిల్స్
C) మోనోసైట్స్
D) లింఫోసైట్స్
జవాబు:
C) మోనోసైట్స్
85. అడు చారలను కలిగి వుండే కండరాలు
A) రేఖిత, హృదయ కండరాలు
B) అరేఖిత, హృదయ కండరాలు
C) రేఖిత, అరేఖిత కండరాలు
D) రేఖిత, అరేఖిత, హృదయ కండరాలు
జవాబు:
A) రేఖిత, హృదయ కండరాలు
86. సార్వత్రిక రక్తగ్రహీతలు ఎవరు?
A) రక్తవర్గం – A
B) రక్తవర్గం – AB
C) రక్తవర్గం – O
D) రక్తవర్గం – B
జవాబు:
D) రక్తవర్గం – B
పునరాలోచన
