AP State Board Notes

Students can go through AP Board 7th Class Science Notes 10th Lesson మన చుట్టూ జరిగే మార్పులు to understand and remember the concept easily.

AP Board 7th Class Science Notes 10th Lesson మన చుట్టూ జరిగే మార్పులు

→ సహజంగా జరుగుతున్న మార్పులు సహజ మార్పులు.

→ రాత్రి పగలు ఏర్పడటం, శిశువు వయోజనుడుగా మారటం సహజ మార్పులు.

→ మానవ ప్రమేయంతో జరిగే మార్పులు మానవ ప్రమేయ మార్పులు.

→ అన్నం వండుట, భవంతులు నిర్మించుట, లడ్డు తయారీ మానవ ప్రమేయ మార్పులు.

→ తక్కువ సమయం పట్టే మార్పులు వేగవంతమైన మార్పులు.

→ పేపర్ కాల్చుట, కేకు కోయుట, టపాసులు పేల్చటం వేగవంతమైన మార్పులు.

→ ఎక్కువ సమయం పట్టే మార్పులు నెమ్మదైన మార్పులు.

→ మొక్క వృక్షంగా మారటం, ఇనుము తుప్పు పట్టటం నెమ్మదైన మార్పులు.

→ కొత్తగా ఏర్పడిన పదార్థం తిరిగి మొదటి పదార్థంగా మార్పు చెందే విధానాన్ని ద్విగత మార్పు అంటారు.

→ మంచునీరుగా మారడం, నీరు ఆవిరిగా మారడం ద్విగత మార్పు.

→ ప్రయోగపరిస్థితులు మార్చినప్పుడు తిరిగి మొదటి పదార్థాన్ని పొందలేనటువంటి మార్పులను అద్విగత మార్పులు అంటారు.

→ పండ్లు పక్వానికి రావడం అద్విగత మార్పు.

→ నిర్ణీత సమయంలో పునరావృతమయ్యే మార్పులను ఆవర్తన మార్పులు అంటారు.

→ క్రమానుగతంగా జరగని మార్పులను మరియు అంచనా వేయలేని మార్పులను అనావర్తన మార్పులు అంటారు.

→ రాత్రి పగలు ఏర్పడడం, ఋతువులు మారడం ఆవర్తన మార్పులు.

→ పూలు పండ్లుగా మారడం, పాలు పెరుగుగా మారడం ఉపయోగకరమైన మార్పులు.

→ ఒక పదార్థం యొక్క పరిమాణం, రంగు మరియు ఆకారంలో మాత్రమే మార్పు జరిగి పదార్థ సంఘటనలో మార్పు జరగని మార్పుని భౌతిక మార్పు అంటారు.

→ వేడిచేసి ద్రావణాల నుంచి కరిగిన ఘన పదార్థాలను వేరుచేసే ప్రక్రియను స్పటికీకరణ అంటారు.

→ పదార్ధ సంఘటనలో మార్పు జరిగి క్రొత్త పదార్ధం ఏర్పడే మార్పును రసాయనిక మార్పు అంటారు.
ఇనుము తుప్పు పట్టడం : ఇనుము + గాలిలోని ఆక్సిజన్ + తేమ → తుప్పు (ఐరన్ ఆక్సైడ్)

→ ఒక లోహంపై జింక్ పూత పూయడాన్ని గాల్వనీకరణం అంటారు.

→ గాల్వనీకరణ ప్రక్రియ ద్వారా లోహాలు తుప్పుపట్టకుండా నిరోధించవచ్చు.

→ గాల్వనీకరణ ప్రక్రియకు క్రోమియం లేదా జింక్ వాడతాము.

→ పదార్థాలు ఆక్సిజన్ తో చర్య పొందడాన్ని ఆక్సీకరణము అంటారు.

→ కూరగాయలను కత్తిరించినపుడు ఇవి ఆక్సీకరణం చెంది రంగు మారతాయి.

→ కొన్ని రకాల మార్పులు పర్యావరణంపై తీవ్ర దుష్ఫలితాలు ఏర్పరుస్తున్నాయి.

→ గ్లోబల్ వార్మింగ్, ఆమ్లవర్షాలు, ఆయిల్‌ కు వంటివి పర్యావరణంలోని హానికర ఫలితాలు.

→ ప్లాస్టిక్ పర్యావరణానికి పెనుప్రమాదంగా మారింది. ”

→ మనం చేసే పనులు ప్రకృతికి, మానవాళికి హాని లేకుండా చూచుకోవాలి.

→ ద్విగత మార్పు : కొత్తగా ఏర్పడిన పదార్థం తిరిగి మొదటి పదార్థంగా మారుటను ద్విగత మార్పు అంటారు.
ఉదా : మైనం కరుగుట.

→ అద్విగత మార్పు : కొత్తగా ఏర్పడిన పదార్థం తిరిగి మొదటి పదార్థంగా మారకపోతే అటువంటి చర్యలను అద్విగత మార్పు అంటారు.
ఉదా : పేపరును మండించటం.

→ ఆవర్తన మార్పు : ఒక నిర్ణీత సమయంలో పునరావృతం అయ్యే మార్పులను ఆవర్తన మార్పులు అంటారు.
ఉదా : సూర్యోదయం.

→ అనావర్తన మార్పు : నిర్ణీత సమయంలో పునరావృతం కాని మార్పులను అనావర్తన మార్పు అంటారు.
ఉదా : గోడకు సున్నం వేయటం.

→ భౌతిక మార్పు : ఒక పదార్థం యొక్క పరిమాణం, రంగు మరియు ఆకారాలలో మాత్రమే మార్పు జరిగి పదార్థ సంఘటనలో మార్పు జరగకపోతే వాటిని భౌతిక మార్పు అంటారు.
ఉదా : మంచు కరగటం

→ స్పటికీకరణ : వేడి చేసి ద్రావణాల నుంచి కరిగిన ఘన పదార్థాలను వేరు చేసే ప్రక్రియను స్పటికీకరణ అంటారు.

→ రసాయన మార్పు : పదార్థ సంఘటనలో మార్పు జరిగి, క్రొత్త పదార్థం ఏర్పడే మార్పులను ‘రసాయనిక మార్పు’ అంటారు.

→ గాల్వనీకరణం : ఒక లోహంపై జింక్ లేదా క్రోమియం పూత వేయడాన్ని గాల్వనీకరణం అంటారు. ఈ ప్రక్రియ లోహాన్ని వాతావరణం నుండి రక్షిస్తుంది.

→ తుప్పు పట్టడం : లోహాలు వాతావరణంలోని ఆక్సిజన్తో చర్యపొంది లోహపు ఆక్సైడు ఏర్పర్చడాన్ని తుప్పు పట్టడం అంటారు. దీనిని ప్రధానంగా ఇనుములో గమనించవచ్చు.

→ గ్లోబల్ వార్మింగ్ : వాయు కాలుష్యం వలన భూ ఉష్ణోగ్రత పెరగడాన్ని గ్లోబల్ వార్మింగ్ అంటారు. దీనికి ప్రధానంగా CO₂, CO లు కారణమౌతున్నాయి.

Students can go through AP Board 7th Class Science Notes 9th Lesson ఉష్ణం, ఉష్ణోగ్రత మరియు శీతోష్ణస్థితి to understand and remember the concept easily.

AP Board 7th Class Science Notes 9th Lesson ఉష్ణం, ఉష్ణోగ్రత మరియు శీతోష్ణస్థితి

→ వేడి వస్తువు నుండి చల్లని వస్తువుకు ప్రవహించే ఒక శక్తి స్వరూపమే ఉష్ణం.

→ వెచ్చదనం లేదా చల్లదనం యొక్క స్థాయిని ఉష్ణోగ్రత అని అంటారు.

→ ఉష్ణోగ్రతను డిగ్రీ సెల్సియస్, డిగ్రీ ఫారన్ హీట్ లేదా కెల్విన్ ప్రమాణములో, థర్మామీటర్ అనే పరికరాన్ని ఉపయోగించి కొలుస్తారు.

→ ఉష్ణోగ్రత యొక్క SI ప్రమాణం కెల్విన్ (K).

→ సెల్సియస్ లేదా సెంటీగ్రేడ్ ను °C అని రాస్తారు.
ఉదా : 20°C.

→ ఫారన్ హీటు °F అని రాస్తారు. ఉదా : 45°F

→ కెల్వినను K గా రాస్తారు. ఉదా : 100 K.

→ ఉష్ణాన్ని తమగుండా ప్రసరింపచేయగల పదార్థ స్వభావాన్ని ‘ఉష్ణవాహకత్వం’ అంటారు.

→ ఉష్ణవాహకత్వం ఆధారంగా పదార్థాలు రెండు రకాలు అవి : 1) ఉత్తమ ఉష్ణవాహకాలు 2) అధమ ఉష్ణ వాహకాలు (బంధకాలు)

→ తమగుండా ఉష్ణాన్ని ప్రసరింపచేసే పదార్థాలను ఉత్తమ ఉష్ణ వాహకాలు అని అంటారు. ఉదాహరణకు అల్యూమినియం, ఇనుము, రాగి మొదలైనవి.

→ తమగుండా ఉష్ణాన్ని సులభంగా ప్రసరింపచేయనివ్వని పదార్థాలను అధమ ఉష్ణ వాహకాలు లేదా ఉష్ణబంధకాలు అంటారు.
ఉదా : నీరు, గాలి, బట్టలు, గాజు, కార్క్ ప్లాస్టిక్.

→ ఉష్ణం మూడు విధానాల్లో బదిలీ చేయబడుతుంది. అవి

1. ఉష్ణవహనం,
2. ఉష్ణ సంవహనం
3. ఉష్ణవికిరణం

→ వాహకం ద్వారా వేడి కొన నుండి చల్లని కొన వైపు ఉష్ణం బదిలీ చేసే ప్రక్రియను ఉష్ణవహనం అని అంటారు.

→ అణువుల చలనం ద్వారా ఉష్ణజనకం నుంచి ఉపరితలానికి ఉష్ణాన్ని బదిలీ చేసే ప్రక్రియను ఉష్ణసంవహనం అని అంటారు.

→ ఒక ప్రదేశం నుంచి మరో ప్రదేశానికి ఉష్ణబదిలీకి దోహదపడే ఇటువంటి పదార్థాలను యానకాలు అని అంటారు.

→ ఉష్ణం తరంగాల రూపంలో బదిలీ చేయబడే ప్రక్రియను “ఉష్ణ వికిరణం” అంటారు.

→ సిక్స్ యొక్క గరిష్ట మరియు కనిష్ట ఉష్ణమాపకమును ఒక రోజులో ఒక ప్రాంతం యొక్క గరిష్ట, కనిష్ట ఉష్ణోగ్రతలను లెక్కించడానికి ఉపయోగిస్తారు.

→ మానవ శరీర సాధారణ ఉష్ణోగ్రత 37°C (98.4 °F).

→ వేడి చేసినప్పుడు గాలి వ్యాకోచిస్తుంది. ఫలితంగా ఎక్కువ స్థలాన్ని ఆక్రమించి, తేలిక అవుతుంది. అందువల్ల చల్లని గాలి కంటే వేడి గాలి తేలికగా ఉంటుంది.

→ ఏదైనా ఉపరితలంపై గాలి ద్వారా ప్రయోగించబడే బలాన్ని గాలి పీడనం అంటారు.

→ గాలిపీడనాన్ని భారమితితో కొలుస్తారు.

→ వర్షపాతాన్ని రెయిన్ గేజ్ ఉపయోగించి మిల్లీమీటర్లలో కొలుస్తారు.

→ ఉష్ణోగ్రత, గాలిపీడనం, వర్షపాతం, గాలివేగం, ఆర్ధతను వాతావరణం యొక్క కొలవగలిగిన అంశాలు అంటారు.

→ గాలిలో ఉండే నీటి ఆవిరి పరిమాణాన్ని ఆర్ధత అంటారు.

→ గాలి ఆర్ధతను కొలవడానికి హైగ్రోమీటర్ ఉపయోగిస్తారు.

→ అధిక ఉష్ణోగ్రత కారణంగా శరీరం ఎక్కువ నీరు కోల్పోవడాన్ని వడదెబ్బ అంటారు.

→ వడదెబ్బ తగిలిన వ్యక్తిని నీడలోనికి తీసుకెళ్ళి, నీటిని తాగించాలి.

→ మన పరిసరాలలో రోజువారి కలిగే గాలిలోని మార్పులను వాతావరణం అంటారు. దీనిలో ఉష్ణోగ్రత, అర్థత, వర్షపాతం వంటి అంశాలు ఉంటాయి.

→ గాలి పీడనాన్ని బారోమీటర్తో కొలుస్తారు.

→ వాతావరణ నివేదిక శాఖ వాతావరణ నివేదికలు రూపొందిస్తుంది. ఇది వర్షాలు, తుఫానుల వంటి ప్రమాదాల గురించి ముందస్తుగా హెచ్చరిస్తుంది.

→ వాతావరణాన్ని అధ్యయనం చేసే శాస్త్రవేత్తలను ‘మెట్రాలజిస్టులు’ అంటారు.

→ 25 సంవత్సరాలు లేదా అంతకంటే ఎక్కువ కాలం యొక్క సగటు వాతావరణ నమూనాను ఆ ప్రదేశం యొక్క “శీతోష్ణస్థితి” అంటారు.

→ శీతోష్ణస్థితి వాతావరణం కంటే భిన్నమైనది. ఇది దీర్ఘకాలిక వాతావరణ సగటు అంచనా.

→ భారతీయ వాతావరణ విభాగం (IMD) మన దేశ శీతోష్ణస్థితిపై అధ్యయనం చేస్తుంది.

→ శీతోష్ణస్థితి యొక్క కొలవగలిగే అంశాలలో అసాధారణ వైవిధ్యాన్ని “శీతోష్ణస్థితి మార్పు” అంటారు.

→ మార్చి 23న ప్రపంచ వాతావరణ దినోత్సవంగా జరుపుకుంటారు.

→ ఉష్ణము : వేడి వస్తువు నుండి చల్లని, వస్తువుకు ప్రవహించే ఒక శక్తి స్వరూపం.

→ ఉష్ణోగ్రత : వెచ్చదనం లేదా చల్లదనం యొక్క స్థాయిని ఉష్ణోగ్రత అంటారు.

→ డిగ్రీ సెల్సియస్ : ఇది ఉష్ణోగ్రత యొక్క ప్రమాణం. దీనిని ‘°C’ గా సూచిస్తారు. సాధారణ శరీర ఉష్ణోగ్రత 36.9°గా ఉంటుంది.

→ ఫారన్ హీట్ : ఉష్ణోగ్రత యొక్క మరొక ప్రమాణం ఫారన్‌హీట్. దీనిని °F గా సూచిస్తారు. సాధారణ శరీర ఉష్ణోగ్రత 98.4 °F గా ఉంటుంది.

→ కెల్విన్ : ఉష్ణోగ్రత యొక్క SI ప్రమాణం కెల్విన్. దీనిని K తో సూచిస్తారు. సాధారణ శరీర ఉష్ణోగ్రత కెల్విన్‌గా ఉంటుంది.

→ ఉత్తమ వాహకాలు : తమగుండా ఉష్టాన్ని ప్రసరింపజేసే పదార్థాలను ఉత్తమ ఉష్ణవాహకాలు అంటారు.
ఉదా : అల్యూమినియం, ఇనుము, రాగి మొదలైనవి.

→ అధమ వాహకాలు : తమగుండా ఉష్ణాన్ని సులభంగా ప్రసరింపజేయని పదార్థాలను అధమ ఉష్ణవాహకాలు లేదా ఉష్ణ బంధకాలు అంటారు.
ఉదా : గాజు, చెక్క ప్లాస్టిక్.

→ ఉష్ణ వహనం : వాహకం వేడి కొన నుండి చల్లని కొన వైపు ఉష్ణం బదిలీ చేసే ప్రక్రియను ఉష్ణవహనం అంటారు. ఎక్కువగా ఘనరూప వాహకాలలో ఇటువంటి ఉష్ణప్రసరణ ఉంటుంది.

→ ఉష్ణ సంవహనం : కణాల చలనం ద్వారా ఉష్ణజనకం నుండి ఉపరితలానికి బదిలీ చేసే ప్రక్రియను ఉష్ణసంవహనం అంటారు. ఇక్కడ ఉష్ణం సంవహన ప్రవాహాలు అని పిలువబడే ప్రవాహాల ద్వారా బదిలీ చేయబడుతుంది. ద్రవాలు మరియు వాయువులలో ఉష్ణము, సంవహన పద్ధతిలో ప్రసారమవుతుంది.

→ ఉష్ణ వికిరణం : ఉష్ణం తరంగాల రూపంలో బదిలీ చేయబడే ప్రక్రియను “ఉష్ణవికిరణం’ అంటారు. ఈ పద్దతిలో యానకం అవసరం లేదు. సూర్యుని నుండి ఉష్ణం భూమికి వికిరణ రూపంలోనే చేరుతుంది.

→ వ్యాకోచం : వేడి చేయటం వలన పదార్థ పరిమాణంలో వచ్చే పెరుగుదలను వ్యాకోచం అంటారు. ఈ సంకోచం : వేడిని కోల్పోవటం వలన వ్యాకోచించిన పదార్థం యథాస్థాయికి చేరడాన్ని సంకోచం అంటారు.

→ ఉష్ణమాపకం : ఉష్ణోగ్రతను కొలవటానికి ఉపయోగించే పరికరాన్ని ఉష్ణమాపకం అంటారు. ఇది వివిధ డిగ్రీ స్కేలును కల్గి ఉండవచ్చు.

→ గాలి పీడనం : వస్తువుల తలాలపై గాలి కలిగించే ఒత్తిడిని గాలి పీడనం అంటారు. సాధారణ గాలి పీడనం విలువ 76 cm.

→ వాతావరణం యొక్క కొలవగలిగే అంశాలు : వాతావరణానికి సంబంధించిన అనేక అంశాలను మనం కొలవగలము. అవి అత్యధిక ఉష్ణోగ్రత, అత్యల్ప ఉష్ణోగ్రత, ఆర్ధత, వర్షపాతం, గాలి వేగం మొదలైనవి.

→ వాతావరణం : ఉష్ణోగ్రత, ఆర్ధత, వర్షపాతం, గాలివేగం లాంటి అంశాలలో రోజువారీ కలిగే మార్పులను వాతావరణం అంటారు. ఇది మారుతూనే ఉంటుంది. ఈ మార్పులు చాలా త్వరగా జరుగుతాయి.

→ ఆర్థత : గాలిలో ఉన్న నీటి ఆవిరి పరిమాణాన్ని అర్థత అంటారు. దీనిని హైగ్రోమీటర్ అనే పరికరంతో కొలుస్తారు.

→ శీతోష్ణస్థితి : 25 సంవత్సరాలు లేదా అంతకంటే ఎక్కువకాలం యొక్క సగటు వాతావరణ నమూనాను ఆ ప్రదేశం యొక్క ‘శీతోష్ణస్థితి’ అంటారు.

Students can go through AP Board 7th Class Science Notes 8th Lesson కాంతితో అద్భుతాలు to understand and remember the concept easily.

AP Board 7th Class Science Notes 8th Lesson కాంతితో అద్భుతాలు

→ కాంతి ఒక శక్తి స్వరూపం.

→ కాంతి వివిధ రకాల వస్తువుల నుండి విడుదల అవుతుంది. వాటిని కాంతి జనకాలు అంటారు.

→ వాటంతట అవే కాంతిని విడుదల చేసే కాంతి జనకాలను సహజ కాంతి జనకాలు అంటారు.

→ మానవ ప్రమేయంతో కాంతిని విడుదలచేసే జనకాలను మానవ ప్రమేయ కాంతి జనకాలు లేదా కృత్రిమ కాంతి జనకాలు అంటారు.

→ కాంతి ప్రయాణించే దారి లేదా మార్గాన్ని కాంతి కిరణం అంటారు.

→ కాంతి కిరణాన్ని బాణపు గుర్తుతో కూడిన సరళరేఖతో సూచిస్తారు.

→ కాంతి కిరణాల సముదాయాన్ని కాంతి కిరణపుంజం అంటారు.

→ ఒకదానికొకటి సమాంతరంగా ప్రయాణించే కాంతి కిరణాల సముదాయాన్ని సమాంతర కాంతి కిరణపుంజం అంటారు.

→ వివిధ దిశల నుండి ప్రయాణిస్తున్న కాంతికిరణాలు ఒక బిందువు వద్ద చేరితే అలాంటి కాంతికిరణ సముదాయాన్ని ‘అభిసరణ కాంతి కిరణపుంజం’ అంటారు.

→ ఒక కాంతి జనకము నుండి వివిధ దిశలలో ప్రయాణించే కాంతికిరణ సముదాయాన్ని ‘అవసరణ కాంతికిరణ పుంజం’ అంటారు.

→ వస్తువుల మీద పడిన కాంతి వెనుకకు మరలుతుంది. ఆ మరలిన కాంతి కంటిని చేరుటవలన ఆ వస్తువులను మనం చూడగలుగుతాం.

→ కాంతి జనకాల నుండి వచ్చిన కాంతికిరణాలు నునుపు లేదా గరుకు తలాలను తాకి వెనుకకు మరలే ప్రక్రియను ‘కాంతి పరావర్తనం’ అంటారు.

→ పరావర్తనలు రెండు రకాలు.

1. క్రమ పరావర్తనం
2. క్రమరహిత పరావర్తనం

→ క్రమ పరావర్తనం నునుపైన మరియు మెరుస్తున్న తలాల నుండి జరుగుతుంది.

→ క్రమరహిత పరావర్తనం గరుకుతలాలపై జరుగుతుంది.

→ పతనకోణం, పరావర్తన కోణానికి సమానం.

→ పతనకిరణం, పరావర్తన కిరణం, తలానికి లంబం ఒకే తలంలో ఉంటాయి.

→ రెండు దర్పణాల మధ్య ఏర్పడే ప్రతిబింబాల సంఖ్య కనుగొనుటకు సూత్రం,
n = ( 360°/θ ) – 1, θ అనేది దర్పణాల మధ్య కోణం.

→ సమతలాలపై కాంతి పరావర్తనం సూత్రం ఆధారంగా పెరిస్కోప్ తయారు చేయబడింది.

→ పుటాకార, కుంభాకార దర్పణాలను గోళాకార దర్పణాలు అంటారు.

→ వస్తువు యొక్క స్థానాన్ని బట్టి పుటాకార దర్పణాలు నిజ మరియు మిథ్యా ప్రతిబింబాలను, పెద్ద, సమాన పరిమాణం గల మరియు చిన్నదైన ప్రతిబింబాలను నిటారు, తలకిందులైన ప్రతిబింబాలను ఏర్పరుస్తాయి.

– కుంభాకార దర్పణాలు కేవలం మిథ్యా, నిటారైన మరియు చిన్నదైన ప్రతిబింబాలను మాత్రమే ఏర్పరుస్తాయి.

→ పుటాకార దర్పణాలు దంతవైద్యులు, కంటివైద్యులు, చెవి, ముక్కు, గొంతు వైద్యనిపుణులు వాడతారు మరియు వాహనాల హెడ్ లైట్లలో కూడా వాడుతారు.

→ కుంభాకార దర్పణాలను వాహనాలలో రియర్‌ వ్యూ మిర్రర్లను, రోడ్డు మలుపుల వద్ద భద్రత దర్పణాలుగా వాడుతారు.

→ వక్రతలాన్ని కలిగి ఉండి కాంతిని తన ద్వారా పంపించగలిగే ఏదైనా పారదర్శక పదార్థాన్ని ‘కటకం’ అంటారు.

→ మధ్యభాగం మందంగా ఉండి అంచులు పలుచగా ఉన్నటువంటి కటకాన్ని కుంభాకార కటకం అంటారు. ఆ మధ్యలో పలుచగా ఉండి అంచుల వెంబడి మందంగా ఉన్న కటకాన్ని ‘పుటాకార కటకం’ అంటారు.

→ సహజ కాంతి జనకాలు : తమంతట తాము కాంతిని విడుదలజేయు జనకాలను సహజ కాంతి జనకాలు అంటారు.

→ కృత్రిమ కాంతి జనకాలు : మానవ ప్రమేయంతో కాంతిని విడుదల చేయు జనకాలను కృత్రిమ కాంతి జనకాలు అంటారు.

→ కాంతి పరావర్తనం : వస్తువులపై పడిన కాంతి అదే యానకంలో తిరిగి వెనుకకు రావడాన్ని కాంతి పరావర్తనం అంటారు.

→ పతన కిరణం : పరావర్తన తలం మీద పడే కాంతి కిరణాన్ని పతన కిరణం అంటారు.

→ పరావర్తన కిరణం : పరావర్తన తలం నుండి వెనుకకు మరలే కాంతికిరణాన్ని పరావర్తన కిరణం అంటారు.

→ క్రమ పరావర్తనం : నునుపైన తలాలపై జరుగు పరావర్తనాన్ని క్రమ పరావర్తనం అంటారు. దీని వలన స్పష్టమైన ప్రతిబింబము ఏర్పడుతుంది.

→ క్రమరహిత పరావర్తనం : గరుకు తలం నుండి జరుగు పరావర్తనాన్ని క్రమరహిత పరావర్తనం అంటారు. దీనిలో ప్రతిబింబాలు అస్పష్టంగా ఏర్పడతాయి.

→ పతన కోణం : పతన కిరణం పరావర్తనం తలం వద్ద చేయు కోణాన్ని పతన కోణం అంటారు.

→ పరావర్తన కోణం : పరావర్తన కిరణం పరావర్తన తలం వద్ద చేయు కోణాన్ని పరావర్తన కోణం అంటారు.

→ లంబము : పరావర్తన బిందువుకు నిలువు కోణాన్ని లంబము అంటారు. ఇది పరావర్తన తలానికి 90° కలిగి ఉంటుంది.

→ పుటాకార దర్పణం : లోపలికి వంచబడిన పరావర్తన తలాలను పుటాకార దర్పణం అంటారు.

→ కుంభాకార దర్పణం : బయటకు వంచబడిన పరావర్తన తలాలను కుంభాకార దర్పణం అంటారు.

→ నిజ ప్రతిబింబం : తెరమీద పట్టగలిగిన ప్రతిబింబాలను నిజ ప్రతిబింబాలు అంటారు.

→ మిథ్యా ప్రతిబింబం : తెర మీద పట్టలేని ప్రతిబింబాలను మిథ్యా ప్రతిబింబాలు అంటారు.

→ కటకం : వక్రతలాలు కలిగిన కాంతి పారదర్శక యానకాన్ని కటకం అంటారు.

→ కాంతి విశ్లేషణ : కాంతి ఏదైనా యానకం ద్వారా ప్రయాణిస్తున్నప్పుడు దానిలోని రంగులు విడిపోయే ప్రక్రియను కాంతి విశ్లేషణ అంటారు.

Students can go through AP Board 7th Class Science Notes 7th Lesson మొక్కలలో ప్రత్యుత్పత్తి to understand and remember the concept easily.

AP Board 7th Class Science Notes 7th Lesson మొక్కలలో ప్రత్యుత్పత్తి

→ తమలాంటి కొత్త జీవుల్ని ఉత్పత్తి చేయడాన్ని, సంఖ్యను పెంచడాన్ని ప్రత్యుత్పత్తి అంటారు.

→ మొక్కలలో విత్తనాలతో జరిగే ప్రత్యుత్పత్తిని లైంగిక ప్రత్యుత్పత్తి అంటారు.

→ మొక్కలలో విత్తనాల ప్రమేయం లేకుండా జరిగే ప్రత్యుత్పత్తిని అలైంగిక ప్రత్యుత్పత్తి అంటారు.

→ అలైంగిక ప్రత్యుత్పత్తిలో శాఖీయోత్పత్తి ఒకటి.

→ కృత్రిమ శాఖీయోత్పత్తి పద్ధతులలో నేలంటు, అంటుకట్టడం ముఖ్యమైనవి.

→ పుష్పం అనేది మొక్క యొక్క లైంగిక భాగం.

→ పుష్పభాగములు పుష్పములో నాలుగు వలయాలుగా అమర్చబడి ఉంటాయి. అవి రక్షక పత్రావళి, ఆకర్షక పత్రావళి, కేసరావళి, అండకోశం.

→ కేసరావళి పుష్పంలోని పురుష ప్రత్యుత్పత్తి భాగం. అండకోశం పుష్పంలోని స్త్రీ ప్రత్యుత్పత్తి భాగం.

→ నాలుగు వలయాలూ ఉన్న పుష్పాలను సంపూర్ణ పుష్పాలు అంటారు.

→ నాలుగు వలయాలలో ఏదైనా వలయం లేని పుష్పాలను అసంపూర్ణ పుష్పాలు అంటారు.

→ సాధారణంగా కేసరావళి, అండకోశం చాలా మొక్కల్లో ఒకే పుష్పంలో ఉంటాయి. ఈ రకమైన పుష్పాలను ద్విలింగ పుష్పాలు అంటారు.

→ కానీ కొన్ని పుష్పాలలో కేసరావళి కాని లేదా అండకోశం కాని ఉంటాయి. ఈ రకమైన పుష్పాలను ఏకలింగ పుష్పాలు అని అంటారు.

→ కేసరావళి మాత్రమే ఉండే ఏకలింగ పుష్పాలను మగ పుష్పాలు అంటారు.

→ అండకోశం మాత్రమే ఉండే ఏకలింగ పుష్పాలను స్త్రీ పుష్పాలు అంటారు.

→ పరాగరేణువులను పరాగకోశాల నుండి కీలాగ్రానికి బదిలీ చేసే ప్రక్రియను పరాగ సంపర్కం అంటారు.
A) పరాగరేణువులు ఒకే పుష్పంలోని పరాగకోశం నుండి, అదే పుష్పంలోని కీలాగ్రానికి చేరినట్లయితే, దానిని స్వపరాగ సంపర్కం అంటారు.
B) ఒక పుష్పంలోని పరాగకోశం నుండి విడుదలైన పరాగరేణువులు మరొక పుష్పంలోని కీలాగ్రాన్ని చేరినప్పుడు జరిగే పరాగ సంపర్కాన్ని ‘పరపరాగ సంపర్కం’ అంటారు.
C) ఫలదీకరణం తరువాత అండాశయం పెద్దదై ఫలంగా మారుతుంది.
D) అండాలు విత్తనాలుగా అభివృద్ధి చెందుతాయి.

→ విత్తన వ్యాప్తి అనే ప్రక్రియ మొక్కలు సహజంగా అనువైన ప్రదేశాలలో తమ సంతతిని అభివృద్ధి చేసే ప్రక్రియ.

→ ప్రత్యుత్పత్తి : తమలాంటి కొత్త జీవుల్ని ఉత్పత్తి చేయడాన్ని ప్రత్యుత్పత్తి అంటారు.

→ శాఖీయ వ్యాప్తి : మొక్కలు శాఖీయ భాగాలైన వేరు, కాండం, పత్రం ద్వారా జరిగే వ్యాప్తిని శాఖీయ వ్యాప్తి అంటారు.

→ ఏకలింగ పుష్పాలు , : కొన్ని పూలలో కేసరావళి గాని లేదా అండకోశం కాని ఏదో ఒకటి మాత్రమే ఉంటుంది. ఇటువంటి పుష్పాలను ఏకలింగ పుష్పాలు అంటారు.
ఉదా : బొప్పాయి.

→ ద్విలింగ పుష్పాలు : సాధారణంగా కేసరావళి మరియు అండకోశం చాలా మొక్కలలో ఒకే పుష్పంలో ఉంటాయి. ఈ రకమైన పుష్పాలను ద్విలింగ పుష్పాలు అంటారు.
ఉదా : మందార.

→ కేసరాలు : మొక్కలలోని పురుష ప్రత్యుత్పత్తి అవయవాలను కేసరాలు అంటారు. ఇవి పుష్పంలోని మూడవ వలయం. సాధారణంగా పొడవుగా, మృదువుగా ఉండే నిర్మాణాలు.

→ అండకోశం : పుష్పంలోని స్త్రీ ప్రత్యుత్పత్తి భాగాన్ని అండకోశం అంటారు. ఇది సన్నని నాళం వంటి నిర్మాణము. దీనిలో అండాశయం, కీలం మరియు కీలాగ్రం అనే భాగాలు ఉంటాయి.

→ పరాగ కోశాలు : ప్రతి కేసరం పైన ఉబ్బిన పెట్టె వంటి నిర్మాణం ఉంటుంది. దీనినే పరాగకోశం అంటారు. దీనిలో పరాగ రేణువులు ఉత్పత్తి అవుతాయి.

→ పరాగ రేణువులు : మొక్కలలోని పురుష సంయోగ బీజాన్ని పరాగ రేణువులు అంటారు. ఇవి పరాగ కోశంలో ఉత్పత్తి అవుతాయి.

→ అండాశయం : పుష్పాసనం (పైన ఉబ్బిన నిర్మాణాన్ని అండాశయం అంటారు. దీనిలో అండాలు ఉంటాయి.

→ ఫలదీకరణం : స్త్రీ, పురుష సంయోగ బీజాల కలయికను ఫలదీకరణ అంటారు.

→ సంయుక్తబీజం ఫలదీకరణ ఫలితంగా ఏర్పడే ద్వయస్థితిక కణాన్ని సంయుక్త బీజం అంటారు. ఇది మొక్కగా అభివృద్ధి చెందును.

→ విత్తనాల వ్యాప్తి : విత్తనాలు ఒక ప్రదేశం నుండి మరొక ప్రదేశానికి విస్తరించటాన్ని విత్తన వ్యాప్తి అంటారు. ఇది మొక్కల మనుగడ అవకాశాన్ని పెంచుతుంది.

Students can go through AP Board 7th Class Science Notes 6th Lesson విద్యుత్ to understand and remember the concept easily.

AP Board 7th Class Science Notes 6th Lesson విద్యుత్

→ విద్యుత్ ఘటం విద్యుత్తును జనింపచేసే వనరు.

→ విద్యుత్ ఘటం రసాయన శక్తిని విద్యుత్ శక్తిగా మార్చుతుంది.

→ రెండు కానీ అంతకంటే ఎక్కువ ఘటాలు కలిసినప్పుడు బ్యాటరీ ఏర్పడును.

→ ఘటములను శ్రేణిలో కలపడం: ఒక ఘటము యొక్క ధనధృవమును, రెండవ ఘటము యొక్క ఋణ ధృవంతో కలుపుతారు.

→ ఘటములను సమాంతరంగా కలపడం: ధనధృవాలన్నీ ఒక బిందువు వద్ద, ఋణ ధృవాలన్ని మరొక బిందువు వద్ద కలుపుతారు.

→ బల్బులను శ్రేణి పద్ధతిలో కలిపినప్పుడు విద్యుత్ ప్రసరణ మార్గం ఒకటే ఉంటుంది. బల్బులను సమాంతరంగా కలిపినప్పుడు అనేక విద్యుత్ ప్రసరణ మార్గాలు ఉంటాయి.

→ విద్యుత్ వాహకంగుండా విద్యుతను ప్రసరింప చేసినప్పుడు ఉష్ణ ఫలితాలు మరియు అయస్కాంత ఫలితాలు ఏర్పడతాయి. ఈ విద్యుత్ ప్రవాహం కారణంగా ఉష్ణం జనించడాన్ని విద్యుత్ యొక్క ఉష్ణ ఫలితము అంటారు. విద్యుత్ యొక్క ఉష్ణ ఫలితమును హీటర్, ఇస్త్రీ పెట్టె, సోల్డరింగ్ చేసే గన్, కెటిల్, ఎలక్ట్రిక్ కుక్కర్ మొదలైన వాటిలో ఉపయోగిస్తారు.

→ విద్యుత్ తీగగుండా ప్రసరించినప్పుడు అది అయస్కాంతం వలే ప్రవర్తిస్తుంది. దీనిని విద్యుత్ యొక్క అయస్కాంత ఫలితము అంటారు.

→ 1 కిలో వాటి = 1000 వాట్లు.

→ ఘటం : రసాయనిక శక్తిని విద్యుత్ శక్తిగా మార్చే పరికరం.

→ బల్బు : విద్యుత్ శక్తిని కాంతి శక్తిగా మార్చే వస్తువు.

→ బ్యాటరీ : విద్యుత్ ఘటాల కలయికను బ్యాటరీ అంటారు.

→ శ్రేణిపద్ధతి : విద్యుత్ వలయంలో బల్బులు లేదా బ్యాటరీలను ఒకదానితో ఒకటి వరుసగా కలిపే పద్ధతి.

→ సమాంతర పద్ధతి : విద్యుత్ వలయంలో పరికరాల ధనధృవాలను ఒక బిందువుకు, ఋణ ధృవాలను మరొక బిందువుకు కలిపే పద్ధతి.

→ ఉష్ణఫలితం : విద్యుత్ ప్రవహించటం ద్వారా ఉష్ణము జనించే ప్రక్రియను ఉష్ణఫలితం అంటారు.
ఉదా : నిక్రోమ్

→ అయస్కాంత ఫలితం : తీగెల ద్వారా విద్యుత్ ప్రవహిస్తున్నప్పుడు దాని చుట్టు అయస్కాంత క్షేత్రం ఏర్పడుతుంది. దీనినే అయస్కాంత ఫలితం అంటారు.

→ విద్యుదయస్కాంతం : విద్యుత్ ప్రవాహం వలన అయస్కాంతాలుగా ప్రవర్తించే పరికరాలను విద్యుదయస్కాంతాలు అంటారు. ఈ ఫలితాన్ని విద్యుదయస్కాంతం అంటారు.

→ M.C.B : మినియేచర్ సర్క్యూట్ బ్రేకరు MCB అంటారు.. ఇది విద్యుత్ వలయంలో స్వయం నియంత్రిత స్విలా పని చేస్తుంది.

→ విద్యుఘాతము : ఒక వ్యక్తి శరీరం గుండా విద్యుత్ ప్రయాణించడాన్ని విద్యుఘాతము అంటారు.

→ ఫ్లోరెసెంట్ ట్యూబ్ : తక్కువ విద్యుత్ ను వాడుకొనే విద్యుత్ జనకం. సాధారణ బల్బువలె వీటిలో నిక్రోమ్ తీగ ఉండదు.

→ కాంపాక్ట్ ఫ్లోరోసెంట్ ల్యాంప్ (CFL) : అతి తక్కువ విద్యుత్ను వాడుకొనే ఆధునిక బల్బు. ఇది L.E.D లు కల్గి ఉంటుంది.

Students can go through AP Board 7th Class Science Notes 3rd Lesson జీవులలో పోషణ to understand and remember the concept easily.

AP Board 7th Class Science Notes 3rd Lesson జీవులలో పోషణ

→ జీవులు ఆహారాన్ని తీసుకునే విధానం మరియు వినియోగాన్ని “పోషణ” అంటారు.

→ జీవులు తమ ఆహారాన్ని తామే స్వయంగా తయారు చేసుకునే పోషణ విధానాన్ని స్వయం పోషణ అని అంటారు.

→ ఇతర జీవులపై ఆహారం కోసం ఆధారపడే పోషణ విధానాన్ని పరపోషణ అంటారు.

→ ఆకుపచ్చటి మొక్కలు సూర్యకాంతి సమక్షంలో పత్రహరితంను ఉపయోగించుకొని కార్బన్ డై ఆక్సైడ్, నీటి నుండి స్వయంగా ఆహారాన్ని తయారుచేసుకునే విధానాన్ని “కిరణజన్య సంయోగ క్రియ” అంటారు.

→ చనిపోయిన మరియు కుళ్ళిన పదార్థాల నుండి జీవులు ద్రవ స్థితిలో పోషకాలను సేకరించే పోషణ విధానాన్ని “పూతికాహార పోషణ” అంటారు.
ఉదా : పుట్టగొడుగులు

→ రెండు జీవుల మధ్య ఆహారం కోసం గల సంబంధంలో ఒక దానికి మేలు జరిగి వేరొక దానికి హాని కల్గించేపోషణ విధానాన్ని పరాన్న జీవనం (పరాన్న జీవ పోషణ) అంటారు.
ఉదా : డాడరు, పేలు

→ జాంతవ భక్షణ అనగా శరీరం వెలుపల నుండి ద్రవ లేదా ఘన రూపంలో ఆహారాన్ని తీసుకొని శరీరం లోపల జీర్ణం చేసుకునే విధానం.

→ జాంతవ భక్షణలోని దశలు అంతర గ్రహణం, జీర్ణక్రియ, శోషణ, స్వాంగీకరణం, మల విసర్జన – జీర్ణం కాని. పదార్థాలు, వ్యర్థ పదార్థాలు శరీరం నుండి బయటకు పోవడం.

→ అమీబా మిద్యాపాదాల సహాయంతో ఆహారాన్ని గ్రహించి, ఆహార రిక్తికలో జీర్ణం చేస్తుంది.

→ మానవ జీర్ణ వ్యవస్థ ఆహారనాళం మరియు జీర్ణ గ్రంధులు కలిగి ఉంటుంది.

→ ఇతర యంత్రాల మాదిరిగానే విసిరే యంత్రం లాంటి మన జీర్ణవ్యవస్థకు కూడా సక్రమ నిర్వహణ అవసరం.

→ స్వయంపోషణ : జీవులు తమ ఆహారాన్ని తామే స్వయంగా తయారుచేసుకొనే పోషణ విధానాన్ని స్వయంపోషణ అంటారు.
ఉదా : మొక్కలు.

→ పత్రహరితం : మొక్కల కణాలలో హరితరేణువులు ఉంటాయి. వీటిలో పత్రహరితం అనే వర్ణక పదార్థం ఉంటుంది. దీని వలన మొక్కలు ఆకుపచ్చగా ఉంటాయి.

→ పరపోషణ : కొన్ని జంతువులు స్వయంగా ఆహారం తయారు చేసుకోలేవు. ఆహారం కోసం ఇతర జీవులపై ఆధారపడే పోషణ విధానాన్ని పరపోషణ అంటారు.
ఉదా : జంతువులు.

→ అతిథేయి : పరాన్నజీవికి ఆహారం ఆశ్రయం అందించే జీవిని అతిథేయి అంటారు.

→ కీటకాహార మొక్క : నత్రజని తక్కువగా ఉన్న నేలలో పెరిగే మొక్కలు కీటకాలను ఆహారంగా తీసుకొంటాయి. వీటిని కీటకాహార మొక్కలు అంటారు.
ఉదా : నెపంథిస్.

→ పోషణ : జీవులు ఆహారాన్ని తీసుకొనే విధానం మరియు వినియోగాన్ని పోషణ అంటారు. పోషణ విధానం వేరు వేరు జంతువులలో వేరు వేరుగా ఉంటుంది.

→ పరాన్నజీవనం : రెండు జీవుల మధ్య ఆహార సంబంధాలలో ఒకదానికి మేలు జరిగి వేరొకదానికి హాని కలిగించే పోషణ విధానాన్ని పరాన్నజీవనం అంటారు.

→ జాంతవ భక్షణ : ద్రవ లేదా ఘన రూప ఆహారాన్ని శరీరంలోనికి తీసుకొని జీర్ణం చేసుకొనే ప్రక్రియను జాంతవ భక్షణ అంటారు.

→ పూతికాహార పోషణ : చనిపోయిన మరియు కుళ్ళిన పదార్థాల నుండి జీవులు ద్రవస్థితిలో పోషకాలను సేకరించే విధానాన్ని పూతికాహార పోషణ అంటారు.
ఉదా : పుట్టగొడుగులు.

→ పత్రరంధ్రము : గాలిలో ఉండే కార్బన్ డై ఆక్సెడ్ పత్రాలపై ఉండే చిన్న రంధ్రాల ద్వారా పత్రంలోనికి ప్రవేశిస్తుంది. ఈ రంధ్రాలనే పత్రరంధ్రాలు అంటారు. వీటి ద్వారా మొక్కల నుండి ఆక్సిజన్ వెలుపలికి వస్తుంది.

→ అంతరగ్రహణం : జీవి ఆహారాన్ని శరీరంలోనికి తీసుకోవటాన్ని అంతర గ్రహణం అంటారు.

→ జీర్ణక్రియ : జీర్ణ రసాల వలన సంక్లిష్ట ఆహారాన్ని సరళ పదార్ధముగా మార్చే ప్రక్రియ.

→ శోషణ : జీర్ణమైన ఆహారం రక్తంలో చేరటం.

→ స్వాంగీకరణ : శోషించుకొన్న ఆహారం శరీరంలో కలిసిపోవటం.

→ విసర్జన : జీర్ణంకాని వ్యర్థ పదార్థాలు శరీరం నుండి బయటకు పంపటం.

→ ఆహారనాళం : మానవ జీర్ణవ్యవస్థలోని కండరయుతమైన పొడవాటి గొట్టాన్ని ఆహారనాళం అంటారు. దీని పొడవు 9 మీటర్లు.

→ మిధ్యా పాదం : అమీబా కణం నుండి బయటకు పొడుచుకొని వచ్చే వ్రేళ్ళ వంటి నిర్మాణాలను మిధ్యా పాదాలు అంటారు. ఇవి చలనానికి ఆహార సంపాదనకు తోడ్పడతాయి.

→ నెమరువేయటం : కొన్ని శాఖాహార జంతువులు విరామ సమయంలో జీర్ణాశయం నుండి ఆహారాన్ని నోటిలోనికి తెచ్చుకొని తీరుబడిగా నమలుతాయి. ఈ ప్రక్రియను నెమరువేయటం అంటారు.

→ నెమరువేసే జీవులు : తిన్న ఆహారాన్ని విరామ సమయంలో తిరిగి నోటిలోనికి తెచ్చుకొని నమిలే జంతువులను నెమరువేసే జీవులు అంటారు.
ఉదా : ఆవు, గేదె.

→ ఆంత్ర చూషకాలు : చిన్నప్రేగు లోపలి పొరలలో వందల సంఖ్యలో వ్రేళ్ళ వంటి నిర్మాణాలు ఉంటాయి. వీటిని ఆంత్ర చూషకాలు అంటారు.

→ పంటి ఎనామిల్ : దంతాలపై పొర మెరిసే లక్షణం కల్గి ఉంటుంది ఈ పొరను ఎనామిల్ అంటారు. ఇది శరీరంలోకెల్లా దృఢమైన పదార్థం.

→ ఎసిడిటి : జీర్ణాశయంలో అధిక ఆమ్లాల ఉత్పత్తి వలన ఏర్పడే అసౌకర్యాన్ని ఎసిడిటి అంటారు. దీనిలో గొంతులో మంట పుల్లని త్రేన్పులు ఉంటాయి.

→ కుంతకాలు : మానవునిలోని ముందువరుస దంతాలను కుంతకాలు అంటారు. వీటి సంఖ్య 4. ఇవి కొరకటానికి తోడ్పడతాయి.

→ రదనికలు : జంతువులలోని కోర పళ్ళను రదనికలు అంటారు. ఇవి ఆహారాన్ని చీల్చటానికి తోడ్పడతాయి. వీటి సంఖ్య 4.

→ అగ్రచర్వణకాలు : వీటినే విసురు దంతాలు అంటారు. ఇవి దవడ చివరలో వెడల్పుగా ఉంటాయి. వీటి సంఖ్య 12.

→ చర్వణకాలు : వీటినే నములు దంతాలు అంటారు. రదనికలకు ప్రక్కన ఉంటాయి. వీటి సంఖ్య 8.

→ మలబద్దకం : మల విసర్జనలోని అసౌకర్యం. ఆహారంలో పీచుపదార్థం లోపించటం వలన మలవిసర్జన ఆలస్యంగా ఇబ్బందికరంగా మారుతుంది.

Students can go through AP Board 7th Class Science Notes 2nd Lesson పదార్థాల స్వభావం to understand and remember the concept easily.

AP Board 7th Class Science Notes 2nd Lesson పదార్థాల స్వభావం

→ పదార్థాలను ఆమ్లాలు, క్షారాలు మరియు తటస్థాలుగా వర్గీకరించవచ్చును.

→ ఆమ్లాలు రుచికి పుల్లగా వుంటాయి. ఉదాహరణ : హైడ్రోక్లోరిక్ ఆమ్లం, సల్ఫ్యూరిక్ ఆమ్లం, నత్రిక్ ఆమ్లంమొదలైనవి.

→ క్షారాలు రుచికి చేదుగాను, జారుడు స్వభావాన్ని కలిగియుంటాయి. ఉదాహరణ : సోడియం హైడ్రాక్సైడ్, మెగ్నీషియం హైడ్రాక్సైడ్, పొటాషియం హైడ్రాక్సైడ్, అల్యూమినియం హైడ్రాక్సైడ్ మొదలైనవి.

→ ఆమ్లాలు, క్షారాలు కాని పదార్థాలను తటస్థ పదార్థాలని అంటారు.

→ నీరు, టేబుల్ ఉప్పు తటస్థ పదార్థాలకు ఉదాహరణ.

→ పదార్థాల స్వభావాన్ని పరీక్షించడానికి సూచికలను వినియోగిస్తారు.

→ పసుపు, మందారం, లిట్మస్ మొదలగువాటిని సహజ సూచికలు అంటారు.

→ మిథైల్ ఆరెంజ్, ఫినాఫ్తలీన్ మొదలగు వాటిని కృత్రిమ సూచికలని అంటారు.

→ ఆమ్లం మరియు క్షారం మధ్య జరిగే చర్యను తటస్థీకరణ చర్య అని అంటారు.

→ తటస్థీకరణ చర్య …… ఆమ్లం + క్షారం → నీరు + లవణం

→ బ్యాటరీలు, ఎరువులు తయారీలో ఆమ్లాలను వినియోగిస్తారు.

→ ఆహారాన్ని నిల్వ చేయడానికి ఆమ్లాన్ని వినియోగిస్తారు.
ఉదా : వెనిగర్

→ సబ్బులు, డిటర్జెంట్లు, పరిశుభ్రం చేసే పదార్థాల తయారీలో క్షారాలను వినియోగిస్తారు.

→ ఫాటీ ఆమ్లాలను ఆల్కలీలకు కలిపి సబ్బును తయారుచేస్తారు.

→ ఆమ్ల క్షార బలాలను తెలుసుకొనుటకు pH స్కేలును ఉపయోగిస్తారు.

→ ఆమ్లం : రుచికి పుల్లగా ఉండే పదార్థాలను ఆమ్లాలు అని అంటారు. ‘ఏసిర్’ అనే లాటిన్ పదానికి అర్థం పులుపు. దీని నుండి యాసిడ్ అనే పదం ఏర్పడింది.
ఉదా : నిమ్మరసం.

→ క్షారం : రుచికి చేదుగా ఉండే పదార్థాలను క్షారాలు అంటారు. ఇవి జారుడు గుణం కలిగి ఉంటాయి.
ఉదా : సబ్బు, టూత్ పేస్ట్.

→ తటస్థ పదార్ధం : ఆమ్లము మరియు క్షారం కాని పదార్థాన్ని తటస్థ పదార్థం అంటారు.
ఉదా : స్వచ్ఛమైన నీరు, ఉప్పు ద్రావణం, చక్కెర ద్రావణం,

→ సూచికలు : ఆమ్ల, క్షారాలను గుర్తించటానికి ఉపయోగపడే పదార్థాలను సూచికలు అంటారు.

→ సహజ సూచికలు : ప్రకృతిలో సహజంగా లభించే సూచికలను సహజ సూచికలు అంటారు.
ఉదా : మందార, పసుపు.

→ కృత్రిమ సూచికలు : ఖనిజ లవణాలను ఉపయోగించి తయారుచేసిన సూచికలను కృత్రిమ సూచికలు అంటారు.
ఉదా : మిథైల్ ఆరంజ్ మరియు ఫినాఫ్తలీన్.

→ ఘ్రాణ సూచికలు : కొన్ని పదార్థాలను ఆమ్లం లేదా క్షారంతో కలిపినపుడు వాటి వాసనలో మార్పు వస్తుంది. ఇటువంటి పదార్థాలను ఝణ సూచికలు అంటారు. ఉదా: ఉల్లిరసం, వెనిల్లా మరియు లవంగనూనె.

→ సార్వత్రిక సూచికలు : వీటినే యూనివర్సల్ సూచికలు అంటారు. ఇవి వివిధ సూచికల మిశ్రమం. వివిధ పదార్థాలతో వేరు వేరు రంగులను ఇస్తాయి.

→ లిట్మస్ : ప్రయోగశాలలో విరివిగా ఉపయోగించే ఆమ్ల క్షార సూచిక. ఇది ఎరుపు మరియు నీలం రంగులలో ఉంటుంది. ఆమ్లాలు ఎరుపు లిట్మసు నీలి రంగుకు, క్షారాలు నీలి లిట్మసు ఎరుపు రంగుకు మార్చుతాయి.

→ pH స్కేలు : ఆమ్ల, క్షార పదార్థాల బలాన్ని తెలుసుకోవటానికి pH స్కేలు వాడతాము. దీనిని ‘సొరెన్ సేన్’ అను శాస్త్రవేత్త రూపొందించాడు. దీని విలువ 0 నుండి 14 వరకు ఉంటుంది.

→ తటస్థీకరణ చర్య : ఆమ్ల క్షారాలు ఒకదానితో ఒకటి చర్య పొందినపుడు వాటి లక్షణాలను కోల్పోతాయి. ఈ ప్రక్రియనే తటస్థీకరణ చర్య అంటారు. దీనిలో లవణం మరియు నీరు ఏర్పడతాయి.

→ లవణం : ఆముక్షారాల తటస్థీకరణ చర్య వలన లవణాలు ఏర్పడతాయి. లవణాలు, రసాయనికంగా తటస్థంగా ఉంటాయి.
ఉదా : ఉప్పు.

→ సబ్బు : సబ్బు అనేది క్షార స్వభావం గల లవణం. దీనిని కొబ్బరినూనే వంటి ఫ్యాటీ ఆమ్లాలను సోడియం హైడ్రాక్సైడ్ లేదా పొటాషియం హైడ్రాక్సైడ్ వంటి క్షారాలు కలిపి తయారుచేస్తారు.

→ యాంటాసిడ్ : యాంటాసిడ్లు క్షార పదార్థాలు. ఇవి తీసుకొన్నప్పుడు జీర్ణాశయంలోని ఆమ్లం తటస్థీకరణ చెంది ఉపశమనం కలుగుతుంది. సాధారణంగా మిల్క్ ఆఫ్ మెగ్నీషియాను యాంటాసిడ్ గా వాడతారు.

→ ఆమ్లవర్షం : ఆమ్ల లక్షణాలు కలిగిన వర్షపు నీటిని ఆమ్లవర్షం అంటారు. వాయుకాలుష్యం దీనికి ప్రధాన కారణం. దీని వలన పంట నష్టం మరియు చారిత్రాత్మక కట్టడాల నాశనం జరుగుతున్నది.

Students can go through AP Board 7th Class Science Notes 1st Lesson ఆహారంతో ఆరోగ్యం to understand and remember the concept easily.

AP Board 7th Class Science Notes 1st Lesson ఆహారంతో ఆరోగ్యం

→ మన ఆహారంలో ఉండే ప్రధాన పోషకాలు కార్బోహైడ్రేట్లు, ప్రోటీన్లు, కొవ్వులు, విటమిన్లు మరియు ఖనిజాలు. అదనంగా, ఆహారంలో పీచుపదార్థాలు మరియు మీరు కూడా ఉంటాయి.

→ కార్బోహైడ్రేట్లు మరియు క్రొవ్వులు ప్రధానంగా మన శరీరానికి శక్తిని అందిస్తాయి.

→ శరీరం యొక్క పెరుగుదల మరియు నిర్వహణ కొరకు ప్రోటీన్లు అవసరం.

→ ఖనిజాలు మరియు విటమిన్లు మన శరీరాన్ని వ్యాధుల నుండి రక్షించడంలో సహాయపడతాయి.

→ సమతుల్య ఆహారం మన శరీరానికి అవసరమైన అన్ని పోషకాలను సరైన పరిమాణంలో, తగినంత మొత్తంలో పీచుపదార్థాలు, నీటిని కూడా అందిస్తుంది.

→ మన ఆహారంలో ఒకటి లేదా అంతకంటే ఎక్కువ పోషకాల లోపం చాలాకాలం పాటు కొనసాగితే అది కొన్ని వ్యాధులు లేదా రుగ్మతలకు కారణం కావచ్చు.

→ క్యాషియార్కర్, మరాస్మస్, రక్తహీనత, గాయిటర్, బెరిబెరి, స్కర్వీ, రికెట్స్ మొదలైనవి బాగా తెలిసిన పోషకాహారలోప వ్యాధులు.

→ ఆరోగ్యవంతమైన ఆహారపు అలవాట్లు మరియు పరిశుభ్రత మన ఆరోగ్య సంరక్షణలో ప్రధాన పాత్ర వహిస్తాయి. డా జంక్ ఫుడ్ అనేక ఆరోగ్య రుగ్మతలకు కారణమవుతుంది. దీన్ని తప్పించాలి.

→ పిండిపదార్థాలు : ఇవి మన శరీరానికి శక్తిని ఇచ్చే ప్రధాన వనరులు. కాబట్టి వీటిని శక్తి పోషకాలు అంటారు. ఇవి మనం తీసుకొనే అనేక ఆహారపదార్థాలలో అధిక భాగాన్ని ఆక్రమిస్తాయి.

→ మాంసకృత్తులు : కండరాలు మరియు ఇతర శరీర అవయవాలు ఏర్పడటానికి అవసరమయ్యే పోషకాలు. కాబట్టి, వాటిని శరీర నిర్మాణ పోషకాలు అంటారు.

→ క్రొవ్వులు : మన శరీరానికి క్రొవ్వు ఇంధన వనరుగా ఉపయోగపడుతుంది. కాబట్టి క్రొవ్వులను శక్తిని ఇచ్చే పోషకాలు అని అంటారు.

→ పీచుపదార్థాలు : చిలగడ దుంపలో ఉండే దారాల వంటి పోగులను పీచుపదార్థాలు అంటారు. ఇవి జీర్ణవ్యవస్థలో ఆహార కదలికకు తోడ్పడి మలబద్దకాన్ని నివారిస్తాయి.

→ సమతుల ఆహారం : అన్ని పోషకాలు అవసరమైన పరిమాణంలో కలిగి ఉన్న ఆహారాన్ని సమతుల ఆహారం అంటారు. ఇది మన శరీరం సమర్థవంతంగా పనిచేయటానికి అవసరమైన పోషకాలను అందిస్తుంది.

→ విటమిన్లు : శరీరానికి అవసరమయ్యే సూక్ష్మపోషకాలు. ఇవి కొవ్వులలో కరిగే వాటిగాను, నీటిలో కరిగే వాటిగాను ఉంటాయి.

→ ఖనిజ లవణాలు . : శరీరానికి అవసరమయ్యే కాల్షియం, ఇనుము వంటి మూలకాలను ఖనిజ లవణాలు అంటారు.

→ మలబద్దకం : మల విసర్జనలోని అసౌకర్యాన్ని మలబద్దకం అంటారు. పీచుపదార్థాలను అధికంగా తీసుకోవటం వలన ఈ సమస్యను అధిగమించవచ్చు.

→ పోషకాహార లోపం : పోషకాల లోపం వలన మన శరీరం యొక్క ఆరోగ్యం దెబ్బతింటుంది. శరీరంలో పోషకాలు లేకపోవడాన్ని పోషకాహార లోపం అంటారు.

→ ఊబకాయం : అధిక పోషకాలు తీసుకోవటం వలన బాగా లావుగా తయారుకావడాన్ని ఊబకాయం అంటారు.

→ జంక్ ఫుడ్ : పిజ్జా, బర్గర్స్, చిప్స్, ఫాస్టఫుడ్స్, నూడుల్స్, కూల్ డ్రింక్స్ మొదలైన వాటిని జంక్ ఫుడ్స్ అంటారు. ఇవి సులభంగా జీర్ణంకావు మరియు జీర్ణవ్యవస్లకు హానికరం.

→ న్యూనతా వ్యాధులు : పోషకాహార లోపం వలన కలిగే వ్యాధులను న్యూనతా వ్యాధులు అంటారు.
ఉదా : రేచీకటి.

→ గాయిటర్ : ఆహారంలో అయోడిన్ లోపం వలన అవటుగ్రంథి పరిమాణంలో పెద్దదిగా మారుతుంది. దీనిని గాయిటర్ అంటారు.

→ రక్తహీనత : శరీరంలో ఐరన్ తగ్గటం వలన రక్త ఉత్పత్తి తగ్గిపోతుంది. దీనిని రక్తహీనత అంటారు.

→ స్కర్వి : విటమిన్-సి లోపం వలన చిగుళ్ళ నుండి రక్తం కారుతుంది. ఈ వ్యాధిని స్కర్వి అంటారు.

→ బెరిబెరి : విటమిన్-బి లోపం వలన కలిగే న్యూనతా వ్యాధి.

→ రికెట్స్ : విటమిన్-డి లోపం వలన ఎముకలు మెత్తబడి వంపు తిరుగుతాయి. ఈ వ్యాధిని ‘రికెట్స్’ అంటారు.

→ S.HIP : School Health Programme

→ N.D.D : National Deworming Day.

Students can go through AP Board 7th Class Science Notes 3rd Lesson Nutrition in Organisms to understand and remember the concept easily.

AP Board 7th Class Science Notes 3rd Lesson Nutrition in Organisms

→ The process of intake and utilization of food by organisms s called nutrition.

→ The mode of nutrition in which organisms make food by themselves is called autotrophic nutrition.

→ The mode of nutrition in which organisms depend on other organisms for food is called Heterotrophic nutrition.

→ The process by which green plants make their own food from carbon dioxide and water by using light energy in the presence of chlorophyll is called Photosynthesis.

→ Leaves work as “food factories of plants”.

→ Chlorophyll captures the energy of the sunlight.

→ Sun light is the source of energy in the process of photosynthesis.

→ Sun is the ultimate source of energy for all living organisms.

→ Water absorbed by the roots are transported to the leaves through the stem.

→ Carbon dioxide from air is taken in to the leaves through stomata.

→ The mode of nutrition in which organisms take in nutrients in solution form from dead and decaying matter is called saprotrophic nutrition. Ex: mashroom

→ The association between two organisms for food in which one organism get benefited and other is vitiated is called parasitism. Ex: dodar, louse

→ The Holozoic Nutrition is the mode of heterotrophic nutrition in which the food is taken in solid or liquid form from the outside and is digested inside the body.

→ The steps involved in holozoic nutrition are Ingestion, Digestion, Absorption, As’simi- lation, Egestion.

→ Amoeba ingests its food with pseudopodia and digest in the food vacuole.

→ The digestive system consists of the alimentary canal and digestive glands.

→ We have four different types of teeth. Incisors, Canines, Premolars and molars.

→ Our digestive system is like a grinding machine like any other machine it also requires proper maintenance.

→ Autotrophic Nutrition : The mode of nutrition in which organisms make food by themselves is called autotrophic nutrition.
Ex: plants

→ Chlorophyll : It’s a colouring pigment present in the chloroplast of plant cell. It is responsible for the green colour of the plants.

→ Heterotrophic Nutrition : The inode of nutrition in which organisms depend on other organisms for food is called Heterotrophic nutrition.
Ex: Animals

→ Host : Organism that provide food and shelter to the parasite is called host.

→ Insectivores plant : Plants growing in the nitrogen deficient soils feed on insects. Such plants are called insectivores plants.
Ex: Nepenthes, drosera

→ Nutrition : The process of. intake and utilization of food by organisms is called nutrition.

→ Parasitic Nutrition : The association between two organisms for food in which ofte organism get benefited and other is vitiated is called parasitism. Ex : dodar, louse

→ Holozoic Nutrition : The Holozoic Nutrition is the mode of heterotrophic nutrition in which the food is taken in solid or liquid form from the outside and is digested inside the body.
Ex: Amoeba, Human being

→ Saprophytic Nutrition : The mode of nutrition in which organisms take in nutrients in solution form from dead and decaying matter is called saprotrophic nutrition.
Ex: mushrooms

→ Stomata : Openings on the lower surface of leaves through which gaseous exchange takes place.

→ Ingestion : The process of faking in of food into the body.

→ Digestion : The process of conversion of food into simple soluble forms.

→ Absorption : The process of transfer of digested food to the blood.

→ Assimilation : The process by which absorbed food become the part of the body.

→ Egestion : The process of removal of undigested food from the body.

→ Alimentary canal : Muscular tube-like structure in the digestive system in which digestive process takes place. Its about 9 meters long.

→ Pseudopodia : These are finger like projections that are pushed out from the body of amoeba. They are helpful for the movements and capturing of food.

→ Rumination : Some herbivores animals swallow their food rapidly with Out chewing and later bring back up into mouth and chew well. This process is called rumination.

→ Ruminants : Animals that perform rumination are called ruminents.

→ Villi : The inner wall of small intestine have thousands of finger-like outgrowths called villi. They absorb the digested food.

→ Tooth enamel : Enamel is the outermost layer of teeth. It is the hardest material in the human body.

→ Acidity : Discomfort caused due to excessive production of acids in the stomach is called acidity.

→ Incisors : The four front teeth in both the upper and lower jaws are called incisors. Their primary function is to cut food. They are 8 in

→ Canines : Canines are the sharp, pointed teeth that ?’t next to the incisors and look like fangs. They help in splitting the food. They are four in number.

→ Premolars : They are located between the molars in the back of the mouth and canine teeth, located in the front. They are used for tearing and crushing food. They are 8 in number.

→ Molars : They are flat teeth in the rear of the mouth. They are best at grinding food. They are 12 in number.

→ Constipation : Irregular bowl movement is referred as constipation. It caused due to deficiency of fibres in food.

Students can go through AP Board 8th Class Maths Notes 7th Lesson పౌనఃపున్య విభాజన పట్టికలు, రేఖాచిత్రములు to understand and remember the concept easily.

AP Board 8th Class Maths Notes 7th Lesson పౌనఃపున్య విభాజన పట్టికలు, రేఖాచిత్రములు

→ కేంద్రీయ స్థాన విలువలు 3 రకాలు. అవి :

1. అంకమధ్యమం
2. మధ్యగతం
3. బాహుళకం

→ అంకమధ్యమం / సరాసరి : ఇది అతి సాధారణంగా ఉపయోగించే కేంద్రస్థాన కొలత.
రాశుల అంకగణిత సగటు = \(\frac{x_{1}+x_{2}+x_{3}+\ldots \ldots \ldots+x_{n}}{n}\) లేక x̄ = \(\frac{\Sigma \mathrm{x}_{\mathrm{i}}}{\mathrm{N}}\) (సూక్ష్మ రూపం) ఇందు Σx_i, అనేది అన్నీ x_i, ల మొత్తాన్ని తెలుపుతుంది. x_i, లో ‘i’ విలువలు 1 నుండి n వరకు తీసుకుంటాం.

→ అంకగణిత మొత్తము = ఊహించిన అంకగణిత మొత్తం + విచలనముల సరాసరి లేక x̄ = A + \(\frac{\Sigma\left(\mathrm{x}_{\mathrm{i}}-\mathrm{A}\right)}{\mathrm{N}}\)

→ అంకగణిత మధ్యమమును సంఖ్యాత్మక దత్తాంశము విశ్లేషించుటకు ఉపయోగిస్తారు.

→ ఆరోహణ లేక అవరోహణ క్రమంలోని దత్తాంశములో మధ్యమరాశిని మధ్యగతం అంటాం.

→ విశ్లేషణపై ప్రభావం చూపు అత్యల్ప అత్యధిక అంత్యరాశులు) రాశులు గల సంఖ్యాత్మక దత్తాంశమును విశ్లేషించుటకు మధ్యగతమును ఉపయోగిస్తారు.

→ దత్తాంశంలో ఎక్కువ సార్లు పునరావృతం అయిన రాశిని బాహుళకం అంటాం. ఒక దత్తాంశమునకు ఎక్కువ బహుళకములు ఉండవచ్చును. అసలే లేకపోవచ్చును.

→ సంఖ్యాత్మక, వివరణాత్మక దత్తాంశములు రెండింటిలోనూ బాహుళకములు ఉపయోగిస్తాం.

→ దత్తాంశములోని రాశులను పౌనఃపున్యములతో సూచించు పట్టికను ‘పౌనఃపున్య విభాజనము’ లేక ‘విభాజన పట్టిక’ అంటారు. దత్తాంశములో ఏదయినా ఒక తరగతి యొక్క దిగువ హద్దుకు సమానం లేక ఎక్కువ విలువ గల దత్తాంశములోని అన్ని రాశుల సంఖ్యను “అవరోహణ సంచిత పౌనఃపున్యము” అంటారు.

→ దత్తాంశములో ఏదయినా ఒక తరగతి యొక్క ఎగువ హద్దు కన్నా తక్కువ విలువ గల దత్తాంశములోని అన్ని రాశుల సంఖ్యను ‘ఆరోహణ సంచిత పౌనఃపున్యము’ అంటారు.

→ ఒక తరగతి యొక్క ఎగువ, దిగువ హద్దుల భేదమును ఆ తరగతి యొక్క ‘తరగతి పొడవు’ లేక ‘తరగతి అంతరము’ అంటారు. దీనిని C తో సూచిస్తారు.

→ ఒక తరగతిలో మొదటి విలువను దిగువ అవధి అని, చివరి విలువను ఎగువ అవధి అని అంటారు.

→ ఒక తరగతి ఎగువ అవధి, తరవాత తరగతి దిగువ అవధుల సరాసరిని ఆ తరగతి ఎగువ హద్దు అంటారు.

→ ఒక తరగతి దిగువ అవధి, దాని ముందున్న తరగతి ఎగువ అవధుల సరాసరిని ఆ తరగతి దిగువ హద్దు అంటారు.

→ మినహాయింపు తరగతుల ఆధారంగా వర్గీకృత పౌనఃపున్య విభాజనమునకు గీచిన రేఖాచిత్రమును పౌనఃపున్య సోపానచిత్రము అంటారు.

→ వర్గీకృత పౌనఃపున్య విభాజనం నందు తరగతి అంతరాలు వేర్వేరుగా ఉన్నప్పుడు సోపాన రేఖాచిత్రములోని దీర్ఘచతురస్రాలను పౌనఃపున్య సాంద్రత ఆధారం చేసుకొని నిర్మించాలి.

→ ఆ తరగతి పొడవు విచ్ఛిన్న/అవిచ్ఛిన్న శ్రేణుల యొక్క తరగతి మధ్య విలువలను, పౌనఃపున్యములను తీసుకొని నిర్మించిన రేఖాచిత్రాన్ని పౌనఃపున్య బహుభుజి అంటారు.

→ పౌనఃపున్య బహుభుజి/వక్రం నందు X – అక్షంపై తరగతి మధ్య విలువలను, Y – అక్షంపై పౌనఃపున్యములను తీసుకోవాలి.

→ ఒకే దత్తాంశమునకు నిర్మించిన సోపాన రేఖాచిత్రము, పౌనఃపున్య బహుభుజిల వైశాల్యములు సమానం.

→ ఒక పౌనఃపున్య విభాజనంలోని దిగువ లేదా ఎగువ హద్దులకు సంబంధిత సంచిత పౌనఃపున్యాలను గుర్తించి గీచిన సున్నిత వక్రములను ‘ఓజివ్ వక్రం’ లేదా ఆరోహణ అవరోహణ సంచిత పౌనఃపున్య వక్రం అంటారు.

Students can go through AP Board 8th Class Maths Notes 6th Lesson వర్గమూలాలు, ఘనమూలాలు to understand and remember the concept easily.

AP Board 8th Class Maths Notes 6th Lesson వర్గమూలాలు, ఘనమూలాలు

→ ప్రతి సంఖ్యను రెండు సమాన కారణాంకాల లబ్ధంగా వ్రాయుటను ఆ సంఖ్య యొక్క వర్గం అంటారు.
ఉదా :

• m = n × n = n²
• 64 = 8 × 8 = 8²

→ వర్గసంఖ్యల యొక్క ఒకట్ల స్థానంలో ఉండు అంకెలు 0, 1, 4, 5, 6, 9.
వర్గసంఖ్యల యొక్క ఒకట్ల స్థానంలో లేని అంకెలు 2, 3, 7, 8.

→ n అంకెలు గల సంఖ్య యొక్క వర్గంలో ఉండు అంకెల సంఖ్య 20 లేదా (2n-1).

→ n బేసి సంఖ్యల మొత్తం = n.

→ ఏదైనా ఒక బేసి సంఖ్య n యొక్క వర్గాన్ని రెండు వరుస సంఖ్యల మొత్తంగా వ్రాయవచ్చు. అనగా
32 = 9 = 4 + 5 = \(\left[\frac{3^{2}-1}{2}+\frac{3^{2}+1}{2}\right]\) లేదా \(\left[\frac{\mathrm{n}^{2}-1}{2}+\frac{\mathrm{n}^{2}+1}{2}\right]\)

→ a, b, c లు మూడు ధన పూర్ణసంఖ్యలు అయిన a + b° = c° అయితే a, b, c లను పైథాగోరియన్ త్రికాలు అంటారు. ఉదా : (3, 4, 5), (5, 12, 13).

→ ఒక వర్గ సంఖ్యను రెండు సమాన కారణాంకాల లబ్ధంగా రాసినపుడు, అందులో ఒక కారణాంకాన్ని ఆ వర్గసంఖ్య యొక్క “వర్గమూలం” అంటారు. వర్గమూలానికి గుర్తు ‘√’.
ఉదా : \(\sqrt[3]{ }\) = 13

→ ఒక సంఖ్యను అదే సంఖ్యచే 3 సార్లు గుణించగా వచ్చు సంఖ్యను దాని ఘనము అంటారు.
ఉదా : x యొక్క ఘనం = x³ = x × x × x

→ దత్తసంఖ్య ఏ సంఖ్య యొక్క ఘనమో కనుగొను ప్రక్రియను ఘనమూలమును కనుగొను ప్రక్రియ అంటారు. ఘనమూలంనకు గుర్తు \(\)
ఉదా : \(\sqrt[3]{64}\) = (4³)^1/3 = 4

Students can go through AP Board 8th Class Maths Notes 5th Lesson అనుపాతముతో రాశులను పోల్చుట to understand and remember the concept easily.

AP Board 8th Class Maths Notes 5th Lesson అనుపాతముతో రాశులను పోల్చుట

→ రెండు నిష్పత్తులను ఒకే నిష్పత్తిగా తెలపడానికి ఆ రెండు నిష్పత్తుల పూర్వపదముల లము మరియు పరపదముల లబ్దముల నిష్పత్తి కనుగొంటాము. దీనినే మనం బహుళ నిష్పత్తి అంటాము.
a: b, c: d లు రెండు నిష్పత్తులైన వాటి బహుళనిష్పత్తి
\(\frac{a}{b} \times \frac{c}{d}=\frac{a c}{b d}\) లేదా ac : bd

→ శాతము అనగా ఒక సంఖ్యను 100 తో పోల్చడం. శాతము అనగా ప్రతీ వందకు లేదా ప్రతీ వందలో అని అర్థము. 100% = \(\frac{100}{100}\) శాతము అనేది హారము 100 గా గల భిన్నము.

→ డిస్కౌంట్ అనేది ప్రకటన వెలపై తగ్గుదల శాతము. వస్తువు ప్రకటన వెలలో తగ్గింపును తగ్గింపు లేదా డిస్కౌంట్ అంటారు. దీనిని మనం వస్తువు ప్రకటన వెల లేదా జాబితా వెలపై లెక్కిస్తాము.

→ లాభము లేదా నష్టము అనేది ఎల్లప్పుడూ కొన్నవెలపై లెక్కిస్తారు.

→ లాభము అనేది కొన్నవెలపై పెరుగుదల శాతము. నష్టము అనేది కొన్నవెలపై తగ్గుదల శాతము.

→ VAT ను వస్తువు అమ్మకం వెలపై లెక్కిస్తారు. దీనిని బిల్లులో కలిపి లెక్కిస్తారు.

→ VAT అనేది ‘ అమ్మకం వెలపై పెరుగుదల శాతము.

→ సాధారణ వడ్డీ అనేది అసలుపై పెరుగుదల శాతము.

→ సాధారణ వడ్డీ (I) = \(\frac{\mathrm{P} \times \mathrm{T} \times \mathrm{R}}{100}\) దీనిలో P = అసలు, T = కాలము (సంవత్సరములలో), R = వడ్డీరేటు P = \(\frac{\mathrm{I} \times 100}{\mathrm{TR}}\)
T = \(\frac{\mathrm{I} \times 100}{\mathrm{PR}}\)
R = \(\frac{\mathrm{I} \times 100}{\mathrm{PT}}\)

→ మొత్తము = అసలు + వడ్డీ
= P + \(\frac{P \times T \times R}{100}\) = P(1 + \(\frac{\mathrm{TR}}{100}\))
A = P + 1

→ చక్రవడ్డీ అనేది మనకు వడ్డీ పై వడ్డీని యిస్తుంది.

→ సంవత్సరముకొకసారి తిరిగి వడ్డీ కట్టు పద్ధతిన ‘n’ సంవత్సరములకు అయ్యే మొత్తము

→ A = P\(\left(1+\frac{\mathrm{R}}{100}\right)^{\mathrm{n}}\)

→ ఎంతకాలము తరువాత వడ్డీని అసలుకు కలుపుతామో దానిని తిరిగి వడ్డీ కట్టెడి కాలవ్యవధి అంటారు. 6 నెలల కొకసారి చక్రవడ్డీని కనుగొనునపుడు సంవత్సరములో తిరిగి వడ్డీ కట్టడి కాలవ్యవధులు రెండు వుంటాయి. అప్పుడు అర్ధ సంవత్సర వడ్డీరేట్లు సంవత్సర వడ్డీ రేటులో సగముంటుంది.

→ Note: 1.615:1 ను “గోల్డెన్ రేషియో” అంటారు. ఈ నిష్పత్తులతో పొడవు, వెడల్పులు కలిగిన దీర్ఘ చతురస్రాకారాలను నిర్మిస్తే అది చూడటానికి చాలా అందంగా ఉంటుందని గ్రీకుల భావన.