Srinivas

Students can go through AP Board 7th Class Science Notes 11th Lesson దారాలు – దుస్తులు to understand and remember the concept easily.

AP Board 7th Class Science Notes 11th Lesson దారాలు – దుస్తులు

→ మేరీనో జాతి గొర్రెలు ఉన్ని కోసం పెంచే గొర్రెలలో ప్రపంచ ప్రఖ్యాతి గాంచినవి.

→ ఆంధ్రప్రదేశ్, కర్ణాటక, తెలంగాణ రాష్ట్రములలో డెక్కనీ జాతి గొర్రెలు మాంసం మరియు ఉన్ని కోసం పెంచే జాతులలో ముఖ్యమైనవి.

→ ప్రధానంగా గొర్రెల ద్వారా మన రాష్ట్రంలో ఉన్నిని పొందుతున్నాము.

→ ‘అంగోరా’ జాతి మేక ఉన్నిని ఇచ్చే మేకలలో ప్రపంచవ్యాప్తంగా ప్రముఖమైనవి.

→ ‘అంగోరా’ మేక నుండి లభించే ఉన్నిని మొహయిర్ అంటారు.

→ ఫ్లీస్‌తో ఊలు దారం తయారు చేస్తారు.

→ జంతువుల నుండి ఊలును దాని క్రింద ఉన్న పలుచని చర్మపు పొరతో పాటుగా పదునైన బ్లేడ్ లేదా కత్తెర వంటి పరికరాలతో తొలగించే పద్ధతిని ఉన్ని కత్తిరించుట లేదా షీరింగ్ అంటారు.

→ జంతువుల ఉన్ని నుండి ఊలు దారాలు తయారు చేసే ప్రక్రియలో ఉన్నిని శుభ్రపరచడం లేదా స్కోరింగ్, నాణ్యమైన ఉన్నిని వేరు చేయడం లేదా సార్టింగ్, రంగు వేయడం, కార్డింగ్, దువ్వడం, స్పిన్నింగ్ దశలు ఉంటాయి.

→ ఉన్నిని మెలిపెడుతూ పొడవైన దారంగా చేయడాన్ని స్పిన్నింగ్ అంటారు.

→ ఊలు దుస్తులను అల్లడం లేదా నేయడం ద్వారా తయారు చేస్తారు.

→ పట్టు మోత్ జీవిత చక్రంలో 4 దశలు ఉంటాయి. అవి- గ్రుడ్డు, డింభకం, ప్యూపా లేదా కకూన్ మరియు ప్రాఢదశ.

→ డింభకాలు లేదా గొంగళి పురుగులను పట్టు పురుగులు అని అంటారు.

→ పట్టు దారంతో ఏర్పడిన గుళిక వంటి నిర్మాణమును కకూన్ లేదా పట్టు కాయ అంటారు.

→ పట్టు దారం పొందటం కోసం పట్టు పురుగులను పెంచడాన్ని పట్టు సంవర్ధనం లేదా సెరీ కల్చర్ అంటారు.

→ మన దేశంలో ఆంధ్రప్రదేశ్ పట్టు సంవర్ధనంలో రెండవ స్థానంలో ఉన్నది.

→ మల్బరీ మాత్రమే కాకుండా టసర్, ఈరీ, మూగా అనేవి భారతదేశంలోని వివిధ ప్రదేశాలలో లభ్యమయ్యే వివిధ పట్టు రకాలు.

→ సిప్లింగ్ ప్రక్రియలలో కకూన్లను ఆవిరిలో ఉంచడం ద్వారా దానిలో ఉన్న డింభకమును చంపుతారు.

→ కకూన్ల నుండి పట్టు దారం తీయడాన్ని రీలింగ్ అంటారు.

→ ఒక కకూన్ నుండి 500-1500 మీటర్ల దారం వస్తుంది.

→ పట్టును అందించే మోత్ యొక్క శాస్త్రీయ నామం ‘బొంబిక్స్ మోరీ’.

→ జంతు దారాలను వాటికి ఉన్న ప్రత్యేక లక్షణాల ద్వారా కనుగొనవచ్చు.

→ జంతు దారాలు ప్రోటీన్లతో తయారవుతాయి.

→ ఊలు దారాలలో కెరాటిన్ ప్రోటీన్ ఉండగా పట్టు దారాలు ఫైబ్రాయిన్ ప్రోటీతో తయారవుతాయి.

→ ఆక్రిలిక్, రేయాన్, నైలాన్, పాలిస్టర్ కొన్ని రకములైన కృత్రిమ దారాలు.

→ పట్టు వలే ఉండే ఆకృతి కారణంగా రేయానను కృత్రిమ పట్టు అని కూడా పిలుస్తారు.

→ కృత్రిమ దారాలతో తయారైన దుస్తులు తక్కువ ధరకు లభిస్తాయి. మరియు వాటిని నిర్వహించడం సులభం.

→ జంతు దారాలతో తయారైన దుస్తులను కీటకాల దాడి నుండి కాపాడుకునే విధంగా భద్రపరుచుకోవాలి.

→ జంతు దారాలు కెరాటిన్, ఫైబ్రాయిన్ అనే ప్రోటీన్లతో తయారవుతాయి.

→ కృత్రిమ దారాలు తేలికగా ఉండి, సహజదారాలతో పోల్చితే ఎక్కువ కాలం మన్నుతాయి.

→ పారాచూట్ తాళ్లను పట్టుతో తయారు చేస్తారు. వీటికున్న బలము, సాగేగుణం వలన వీటిని పారాచూటకు వాడతారు.

→ గంజి పెట్టి ఇస్త్రీ చేయటం ద్వారా నూలువస్త్రాలు, రోలింగ్ చేయటం ద్వారా పట్టువస్త్రాలలోని ముడుతలను పోగొట్టవచ్చు.

→ కీటకాల నుండి దుస్తులను రక్షించటానికి ఫినాఫిలిన్, బోరిక్ ఆమ్లం, గంధం నూనె, లావెండర్ నూనె వంటివి వాడతారు.

→ ప్రపంచ ఆరోగ్య సంస్థ (WHO) సూచనల ప్రకారం మూడు పొరలతో తయారైన వస్త్రంతో చేసిన మాస్కులు కోవిడ్ – 19 బారి నుండి రక్షిస్తాయి.

→ సహజ దారాలతో తయారైన దుస్తులు మన సంస్కృతి, సంప్రదాయాలను ప్రతిబింబించటమే కాకుండా పర్యావరణ హితము మరియు చేనేత రంగానికి చేయూత కూడ.

→ మొహయిర్ : అంగోరా మేక నుండి వచ్చే ఉన్నిని మొహయిర్ అంటారు. ఇది నాణ్యమైన ఉన్ని, దీని నుండి శాలువాలు, కోటులు తయారుచేస్తారు.

→ షీరింగ్ : జంతువుల చర్మం నుండి ఉన్నిని కత్తిరించడాన్ని షీరింగ్ అంటారు. దీనికోసం పదునైన కత్తెర వంటి సాధనం వాడతారు. ప్రస్తుతం గన్ వంటి ఆధునిక పరికరాలను షీరింగ్ కోసం వాడుతున్నారు.

→ స్కోరింగ్ : ఉన్నిని శుభ్రం చేసే ప్రక్రియను స్కోరింగ్ అంటారు. ఈ ప్రక్రియలో ఉన్నికి ఉన్న నూనె, గ్రీజు వంటి పదార్థాలను తొలగించటానికి ఉన్నిని వేడినీటి ట్యాంక్ లో ఉంచి డిటర్జెంట్లతో శుభ్రం చేస్తారు.

→ డైయింగ్ : జంతువుల ఉన్ని బ్లీచింగ్ చేయటం వలన తెల్లగా మార్చుతారు. తరువాత వివిధ రంగులు వేసి అందంగా తయారుచేస్తారు. ఉన్నికి రంగులు వేసే ప్రక్రియను డైయింగ్ అంటారు.

→ కార్డింగ్ : ఉన్నిని దువ్వెన వంటి పరికరంతో దువ్వి మెత్తని కుచ్చులతో కూడిన చుట్టలుగా చేయడాన్ని కార్డింగ్ అంటారు. దీని వలన షీలో ఉన్న ముళ్ళ పుల్లలు వంటివి తొలగిపోతాయి.

→ కూంబింగ్ : దువ్వెన పండ్ల వంటి లోహపు యంత్రాల మధ్య నుండి ప్లీసను లాగుతారు. వెంట్రుకలు ఒకదానికొకటి సమాంతరంగా ఉండేలా కూంబింగ్ ప్రక్రియ చేస్తుంది. ఒకరకంగా చెప్పాలంటే ఇది జుట్టు చిక్కు తీయటం వంటిది.

→ స్పిన్నింగ్ : ఉన్నిని మెలిపెడుతూ పొడవైన దారంగా చేయడాన్ని స్పిన్నింగ్ అంటారు.

→ నిట్టింగ్ : ఉన్ని దారాలను అల్లి దుస్తులు తయారుచేసే ప్రక్రియను నిట్టింగ్ అంటారు. కొన్ని సార్లు ఈ ప్రక్రియలో యంత్రాలను మరికొన్నిసార్లు చేతితోను ఈ పని చేస్తారు.

→ కకూన్ : పట్టుపురుగు అభివృద్ధి దశలో తన చుట్టూ గుళిక వంటి నిర్మాణమును ఏర్పర్చుకొంటుంది. దీనినే కకూన్ లేదా పట్టుకాయ అంటారు. దీనిలోపల పట్టుపురుగు తదుపరి మార్పులు పొందుతుంది.

→ సెరీకల్చర్ : పట్టు గుడ్లు ఉత్పత్తి, పట్టుపురుగుల పెంపకాన్ని సెరీకల్చర్ అంటారు.

→ రీలింగ్ : కకూన్ల నుండి పట్టుదారం తీయడాన్ని రీలింగ్ అంటారు. రీలింగ్ చేయటానికి ప్రత్యేక యంత్రాలను ఉపయోగిస్తారు.

→ బ్లీచ్ : పట్టు దారాలను వివర్ణం చేయటానికి వాటికి బ్లీచింగ్ కలుపుతారు. ఈ ప్రక్రియలో అవి రంగును కోల్పోయి తెల్లగా మారతాయి. ఈ ప్రక్రియనే ‘బ్లీచ్’ అంటారు.

→ స్టిప్లింగ్ : కకూన్ల నుంచి దారాలను తీసే ప్రక్రియలో వాటిని వేడినీటిలో వేసి కకూన్ లోపలి గొంగళి పురుగులను చంపేస్తారు. ఈ ప్రక్రియను స్టింగ్ అంటారు. సిప్లింగ్ చేయకపోతే లోపలి మోత్ కకూనను పగులగొట్టుకొని బయటకు వస్తుంది.

→ కెరాటిన్ : ఊలు దారాలలో ఉండే ప్రోటీన్ పదార్థాన్ని ‘కెరాటిన్’ అంటారు. ఈ పదార్థం చర్మకణాల నుండి ఉత్పత్తి, రోమాలు, గోర్లలో చేరుతుంది.

→ ఫైబ్రాయిన్ : పట్టుదారాలలోని ప్రోటీన్ పదార్థాన్ని ఫైబ్రాయిన్ అంటారు. ఇది సులువుగా కరిగే లక్షణాన్ని కల్గి ఉంటుంది.

→ ఆక్రిలిక్, నైలాన్, రేయాన్ పాలిస్టర్ : ఇవన్నీ కృత్రిమ దారాలు. వీటిని పెట్రోలియం నుండి తీసిన రసాయనాలతో తయారు చేస్తారు. వీటి నుండి తయారైన దుస్తులు దృఢంగా ఉండటంతో పాటు ఎక్కువ కాలం మన్నుతాయి. అయితే సహజ దారాల వంటి మృదుత్వం ఉండదు.

→ కృత్రిమ వస్త్రాలు : ఆక్రిలిక్, రేయాన్, నైలాన్, పాలిస్టర్ వంటి కృత్రిమ రసాయనాలతో తయారు చేసిన బట్టలను కృత్రిమ వస్త్రాలు అంటారు. ఇవి మన్నిక కల్గి ఉన్నప్పటికీ మృదుత్వాన్ని కల్గి ఉండవు.

→ రోలింగ్ : పట్టువస్త్రాల ముడుతలను పోగొట్టే ప్రక్రియను రోలింగ్ అంటారు.

→ పునఃచక్రీయం : వస్తువులను, వాటి రూపం మార్చి తిరిగి వాడుకొనే ప్రక్రియ. ఇది భూమిపై వ్యర్థాలను తగ్గిస్తుంది.

1.

2.

Students can go through AP Board 7th Class Science Notes 10th Lesson మన చుట్టూ జరిగే మార్పులు to understand and remember the concept easily.

AP Board 7th Class Science Notes 10th Lesson మన చుట్టూ జరిగే మార్పులు

→ సహజంగా జరుగుతున్న మార్పులు సహజ మార్పులు.

→ రాత్రి పగలు ఏర్పడటం, శిశువు వయోజనుడుగా మారటం సహజ మార్పులు.

→ మానవ ప్రమేయంతో జరిగే మార్పులు మానవ ప్రమేయ మార్పులు.

→ అన్నం వండుట, భవంతులు నిర్మించుట, లడ్డు తయారీ మానవ ప్రమేయ మార్పులు.

→ తక్కువ సమయం పట్టే మార్పులు వేగవంతమైన మార్పులు.

→ పేపర్ కాల్చుట, కేకు కోయుట, టపాసులు పేల్చటం వేగవంతమైన మార్పులు.

→ ఎక్కువ సమయం పట్టే మార్పులు నెమ్మదైన మార్పులు.

→ మొక్క వృక్షంగా మారటం, ఇనుము తుప్పు పట్టటం నెమ్మదైన మార్పులు.

→ కొత్తగా ఏర్పడిన పదార్థం తిరిగి మొదటి పదార్థంగా మార్పు చెందే విధానాన్ని ద్విగత మార్పు అంటారు.

→ మంచునీరుగా మారడం, నీరు ఆవిరిగా మారడం ద్విగత మార్పు.

→ ప్రయోగపరిస్థితులు మార్చినప్పుడు తిరిగి మొదటి పదార్థాన్ని పొందలేనటువంటి మార్పులను అద్విగత మార్పులు అంటారు.

→ పండ్లు పక్వానికి రావడం అద్విగత మార్పు.

→ నిర్ణీత సమయంలో పునరావృతమయ్యే మార్పులను ఆవర్తన మార్పులు అంటారు.

→ క్రమానుగతంగా జరగని మార్పులను మరియు అంచనా వేయలేని మార్పులను అనావర్తన మార్పులు అంటారు.

→ రాత్రి పగలు ఏర్పడడం, ఋతువులు మారడం ఆవర్తన మార్పులు.

→ పూలు పండ్లుగా మారడం, పాలు పెరుగుగా మారడం ఉపయోగకరమైన మార్పులు.

→ ఒక పదార్థం యొక్క పరిమాణం, రంగు మరియు ఆకారంలో మాత్రమే మార్పు జరిగి పదార్థ సంఘటనలో మార్పు జరగని మార్పుని భౌతిక మార్పు అంటారు.

→ వేడిచేసి ద్రావణాల నుంచి కరిగిన ఘన పదార్థాలను వేరుచేసే ప్రక్రియను స్పటికీకరణ అంటారు.

→ పదార్ధ సంఘటనలో మార్పు జరిగి క్రొత్త పదార్ధం ఏర్పడే మార్పును రసాయనిక మార్పు అంటారు.
ఇనుము తుప్పు పట్టడం : ఇనుము + గాలిలోని ఆక్సిజన్ + తేమ → తుప్పు (ఐరన్ ఆక్సైడ్)

→ ఒక లోహంపై జింక్ పూత పూయడాన్ని గాల్వనీకరణం అంటారు.

→ గాల్వనీకరణ ప్రక్రియ ద్వారా లోహాలు తుప్పుపట్టకుండా నిరోధించవచ్చు.

→ గాల్వనీకరణ ప్రక్రియకు క్రోమియం లేదా జింక్ వాడతాము.

→ పదార్థాలు ఆక్సిజన్ తో చర్య పొందడాన్ని ఆక్సీకరణము అంటారు.

→ కూరగాయలను కత్తిరించినపుడు ఇవి ఆక్సీకరణం చెంది రంగు మారతాయి.

→ కొన్ని రకాల మార్పులు పర్యావరణంపై తీవ్ర దుష్ఫలితాలు ఏర్పరుస్తున్నాయి.

→ గ్లోబల్ వార్మింగ్, ఆమ్లవర్షాలు, ఆయిల్‌ కు వంటివి పర్యావరణంలోని హానికర ఫలితాలు.

→ ప్లాస్టిక్ పర్యావరణానికి పెనుప్రమాదంగా మారింది. ”

→ మనం చేసే పనులు ప్రకృతికి, మానవాళికి హాని లేకుండా చూచుకోవాలి.

→ ద్విగత మార్పు : కొత్తగా ఏర్పడిన పదార్థం తిరిగి మొదటి పదార్థంగా మారుటను ద్విగత మార్పు అంటారు.
ఉదా : మైనం కరుగుట.

→ అద్విగత మార్పు : కొత్తగా ఏర్పడిన పదార్థం తిరిగి మొదటి పదార్థంగా మారకపోతే అటువంటి చర్యలను అద్విగత మార్పు అంటారు.
ఉదా : పేపరును మండించటం.

→ ఆవర్తన మార్పు : ఒక నిర్ణీత సమయంలో పునరావృతం అయ్యే మార్పులను ఆవర్తన మార్పులు అంటారు.
ఉదా : సూర్యోదయం.

→ అనావర్తన మార్పు : నిర్ణీత సమయంలో పునరావృతం కాని మార్పులను అనావర్తన మార్పు అంటారు.
ఉదా : గోడకు సున్నం వేయటం.

→ భౌతిక మార్పు : ఒక పదార్థం యొక్క పరిమాణం, రంగు మరియు ఆకారాలలో మాత్రమే మార్పు జరిగి పదార్థ సంఘటనలో మార్పు జరగకపోతే వాటిని భౌతిక మార్పు అంటారు.
ఉదా : మంచు కరగటం

→ స్పటికీకరణ : వేడి చేసి ద్రావణాల నుంచి కరిగిన ఘన పదార్థాలను వేరు చేసే ప్రక్రియను స్పటికీకరణ అంటారు.

→ రసాయన మార్పు : పదార్థ సంఘటనలో మార్పు జరిగి, క్రొత్త పదార్థం ఏర్పడే మార్పులను ‘రసాయనిక మార్పు’ అంటారు.

→ గాల్వనీకరణం : ఒక లోహంపై జింక్ లేదా క్రోమియం పూత వేయడాన్ని గాల్వనీకరణం అంటారు. ఈ ప్రక్రియ లోహాన్ని వాతావరణం నుండి రక్షిస్తుంది.

→ తుప్పు పట్టడం : లోహాలు వాతావరణంలోని ఆక్సిజన్తో చర్యపొంది లోహపు ఆక్సైడు ఏర్పర్చడాన్ని తుప్పు పట్టడం అంటారు. దీనిని ప్రధానంగా ఇనుములో గమనించవచ్చు.

→ గ్లోబల్ వార్మింగ్ : వాయు కాలుష్యం వలన భూ ఉష్ణోగ్రత పెరగడాన్ని గ్లోబల్ వార్మింగ్ అంటారు. దీనికి ప్రధానంగా CO₂, CO లు కారణమౌతున్నాయి.

Students can go through AP Board 7th Class Science Notes 9th Lesson ఉష్ణం, ఉష్ణోగ్రత మరియు శీతోష్ణస్థితి to understand and remember the concept easily.

AP Board 7th Class Science Notes 9th Lesson ఉష్ణం, ఉష్ణోగ్రత మరియు శీతోష్ణస్థితి

→ వేడి వస్తువు నుండి చల్లని వస్తువుకు ప్రవహించే ఒక శక్తి స్వరూపమే ఉష్ణం.

→ వెచ్చదనం లేదా చల్లదనం యొక్క స్థాయిని ఉష్ణోగ్రత అని అంటారు.

→ ఉష్ణోగ్రతను డిగ్రీ సెల్సియస్, డిగ్రీ ఫారన్ హీట్ లేదా కెల్విన్ ప్రమాణములో, థర్మామీటర్ అనే పరికరాన్ని ఉపయోగించి కొలుస్తారు.

→ ఉష్ణోగ్రత యొక్క SI ప్రమాణం కెల్విన్ (K).

→ సెల్సియస్ లేదా సెంటీగ్రేడ్ ను °C అని రాస్తారు.
ఉదా : 20°C.

→ ఫారన్ హీటు °F అని రాస్తారు. ఉదా : 45°F

→ కెల్వినను K గా రాస్తారు. ఉదా : 100 K.

→ ఉష్ణాన్ని తమగుండా ప్రసరింపచేయగల పదార్థ స్వభావాన్ని ‘ఉష్ణవాహకత్వం’ అంటారు.

→ ఉష్ణవాహకత్వం ఆధారంగా పదార్థాలు రెండు రకాలు అవి : 1) ఉత్తమ ఉష్ణవాహకాలు 2) అధమ ఉష్ణ వాహకాలు (బంధకాలు)

→ తమగుండా ఉష్ణాన్ని ప్రసరింపచేసే పదార్థాలను ఉత్తమ ఉష్ణ వాహకాలు అని అంటారు. ఉదాహరణకు అల్యూమినియం, ఇనుము, రాగి మొదలైనవి.

→ తమగుండా ఉష్ణాన్ని సులభంగా ప్రసరింపచేయనివ్వని పదార్థాలను అధమ ఉష్ణ వాహకాలు లేదా ఉష్ణబంధకాలు అంటారు.
ఉదా : నీరు, గాలి, బట్టలు, గాజు, కార్క్ ప్లాస్టిక్.

→ ఉష్ణం మూడు విధానాల్లో బదిలీ చేయబడుతుంది. అవి

1. ఉష్ణవహనం,
2. ఉష్ణ సంవహనం
3. ఉష్ణవికిరణం

→ వాహకం ద్వారా వేడి కొన నుండి చల్లని కొన వైపు ఉష్ణం బదిలీ చేసే ప్రక్రియను ఉష్ణవహనం అని అంటారు.

→ అణువుల చలనం ద్వారా ఉష్ణజనకం నుంచి ఉపరితలానికి ఉష్ణాన్ని బదిలీ చేసే ప్రక్రియను ఉష్ణసంవహనం అని అంటారు.

→ ఒక ప్రదేశం నుంచి మరో ప్రదేశానికి ఉష్ణబదిలీకి దోహదపడే ఇటువంటి పదార్థాలను యానకాలు అని అంటారు.

→ ఉష్ణం తరంగాల రూపంలో బదిలీ చేయబడే ప్రక్రియను “ఉష్ణ వికిరణం” అంటారు.

→ సిక్స్ యొక్క గరిష్ట మరియు కనిష్ట ఉష్ణమాపకమును ఒక రోజులో ఒక ప్రాంతం యొక్క గరిష్ట, కనిష్ట ఉష్ణోగ్రతలను లెక్కించడానికి ఉపయోగిస్తారు.

→ మానవ శరీర సాధారణ ఉష్ణోగ్రత 37°C (98.4 °F).

→ వేడి చేసినప్పుడు గాలి వ్యాకోచిస్తుంది. ఫలితంగా ఎక్కువ స్థలాన్ని ఆక్రమించి, తేలిక అవుతుంది. అందువల్ల చల్లని గాలి కంటే వేడి గాలి తేలికగా ఉంటుంది.

→ ఏదైనా ఉపరితలంపై గాలి ద్వారా ప్రయోగించబడే బలాన్ని గాలి పీడనం అంటారు.

→ గాలిపీడనాన్ని భారమితితో కొలుస్తారు.

→ వర్షపాతాన్ని రెయిన్ గేజ్ ఉపయోగించి మిల్లీమీటర్లలో కొలుస్తారు.

→ ఉష్ణోగ్రత, గాలిపీడనం, వర్షపాతం, గాలివేగం, ఆర్ధతను వాతావరణం యొక్క కొలవగలిగిన అంశాలు అంటారు.

→ గాలిలో ఉండే నీటి ఆవిరి పరిమాణాన్ని ఆర్ధత అంటారు.

→ గాలి ఆర్ధతను కొలవడానికి హైగ్రోమీటర్ ఉపయోగిస్తారు.

→ అధిక ఉష్ణోగ్రత కారణంగా శరీరం ఎక్కువ నీరు కోల్పోవడాన్ని వడదెబ్బ అంటారు.

→ వడదెబ్బ తగిలిన వ్యక్తిని నీడలోనికి తీసుకెళ్ళి, నీటిని తాగించాలి.

→ మన పరిసరాలలో రోజువారి కలిగే గాలిలోని మార్పులను వాతావరణం అంటారు. దీనిలో ఉష్ణోగ్రత, అర్థత, వర్షపాతం వంటి అంశాలు ఉంటాయి.

→ గాలి పీడనాన్ని బారోమీటర్తో కొలుస్తారు.

→ వాతావరణ నివేదిక శాఖ వాతావరణ నివేదికలు రూపొందిస్తుంది. ఇది వర్షాలు, తుఫానుల వంటి ప్రమాదాల గురించి ముందస్తుగా హెచ్చరిస్తుంది.

→ వాతావరణాన్ని అధ్యయనం చేసే శాస్త్రవేత్తలను ‘మెట్రాలజిస్టులు’ అంటారు.

→ 25 సంవత్సరాలు లేదా అంతకంటే ఎక్కువ కాలం యొక్క సగటు వాతావరణ నమూనాను ఆ ప్రదేశం యొక్క “శీతోష్ణస్థితి” అంటారు.

→ శీతోష్ణస్థితి వాతావరణం కంటే భిన్నమైనది. ఇది దీర్ఘకాలిక వాతావరణ సగటు అంచనా.

→ భారతీయ వాతావరణ విభాగం (IMD) మన దేశ శీతోష్ణస్థితిపై అధ్యయనం చేస్తుంది.

→ శీతోష్ణస్థితి యొక్క కొలవగలిగే అంశాలలో అసాధారణ వైవిధ్యాన్ని “శీతోష్ణస్థితి మార్పు” అంటారు.

→ మార్చి 23న ప్రపంచ వాతావరణ దినోత్సవంగా జరుపుకుంటారు.

→ ఉష్ణము : వేడి వస్తువు నుండి చల్లని, వస్తువుకు ప్రవహించే ఒక శక్తి స్వరూపం.

→ ఉష్ణోగ్రత : వెచ్చదనం లేదా చల్లదనం యొక్క స్థాయిని ఉష్ణోగ్రత అంటారు.

→ డిగ్రీ సెల్సియస్ : ఇది ఉష్ణోగ్రత యొక్క ప్రమాణం. దీనిని ‘°C’ గా సూచిస్తారు. సాధారణ శరీర ఉష్ణోగ్రత 36.9°గా ఉంటుంది.

→ ఫారన్ హీట్ : ఉష్ణోగ్రత యొక్క మరొక ప్రమాణం ఫారన్‌హీట్. దీనిని °F గా సూచిస్తారు. సాధారణ శరీర ఉష్ణోగ్రత 98.4 °F గా ఉంటుంది.

→ కెల్విన్ : ఉష్ణోగ్రత యొక్క SI ప్రమాణం కెల్విన్. దీనిని K తో సూచిస్తారు. సాధారణ శరీర ఉష్ణోగ్రత కెల్విన్‌గా ఉంటుంది.

→ ఉత్తమ వాహకాలు : తమగుండా ఉష్టాన్ని ప్రసరింపజేసే పదార్థాలను ఉత్తమ ఉష్ణవాహకాలు అంటారు.
ఉదా : అల్యూమినియం, ఇనుము, రాగి మొదలైనవి.

→ అధమ వాహకాలు : తమగుండా ఉష్ణాన్ని సులభంగా ప్రసరింపజేయని పదార్థాలను అధమ ఉష్ణవాహకాలు లేదా ఉష్ణ బంధకాలు అంటారు.
ఉదా : గాజు, చెక్క ప్లాస్టిక్.

→ ఉష్ణ వహనం : వాహకం వేడి కొన నుండి చల్లని కొన వైపు ఉష్ణం బదిలీ చేసే ప్రక్రియను ఉష్ణవహనం అంటారు. ఎక్కువగా ఘనరూప వాహకాలలో ఇటువంటి ఉష్ణప్రసరణ ఉంటుంది.

→ ఉష్ణ సంవహనం : కణాల చలనం ద్వారా ఉష్ణజనకం నుండి ఉపరితలానికి బదిలీ చేసే ప్రక్రియను ఉష్ణసంవహనం అంటారు. ఇక్కడ ఉష్ణం సంవహన ప్రవాహాలు అని పిలువబడే ప్రవాహాల ద్వారా బదిలీ చేయబడుతుంది. ద్రవాలు మరియు వాయువులలో ఉష్ణము, సంవహన పద్ధతిలో ప్రసారమవుతుంది.

→ ఉష్ణ వికిరణం : ఉష్ణం తరంగాల రూపంలో బదిలీ చేయబడే ప్రక్రియను “ఉష్ణవికిరణం’ అంటారు. ఈ పద్దతిలో యానకం అవసరం లేదు. సూర్యుని నుండి ఉష్ణం భూమికి వికిరణ రూపంలోనే చేరుతుంది.

→ వ్యాకోచం : వేడి చేయటం వలన పదార్థ పరిమాణంలో వచ్చే పెరుగుదలను వ్యాకోచం అంటారు. ఈ సంకోచం : వేడిని కోల్పోవటం వలన వ్యాకోచించిన పదార్థం యథాస్థాయికి చేరడాన్ని సంకోచం అంటారు.

→ ఉష్ణమాపకం : ఉష్ణోగ్రతను కొలవటానికి ఉపయోగించే పరికరాన్ని ఉష్ణమాపకం అంటారు. ఇది వివిధ డిగ్రీ స్కేలును కల్గి ఉండవచ్చు.

→ గాలి పీడనం : వస్తువుల తలాలపై గాలి కలిగించే ఒత్తిడిని గాలి పీడనం అంటారు. సాధారణ గాలి పీడనం విలువ 76 cm.

→ వాతావరణం యొక్క కొలవగలిగే అంశాలు : వాతావరణానికి సంబంధించిన అనేక అంశాలను మనం కొలవగలము. అవి అత్యధిక ఉష్ణోగ్రత, అత్యల్ప ఉష్ణోగ్రత, ఆర్ధత, వర్షపాతం, గాలి వేగం మొదలైనవి.

→ వాతావరణం : ఉష్ణోగ్రత, ఆర్ధత, వర్షపాతం, గాలివేగం లాంటి అంశాలలో రోజువారీ కలిగే మార్పులను వాతావరణం అంటారు. ఇది మారుతూనే ఉంటుంది. ఈ మార్పులు చాలా త్వరగా జరుగుతాయి.

→ ఆర్థత : గాలిలో ఉన్న నీటి ఆవిరి పరిమాణాన్ని అర్థత అంటారు. దీనిని హైగ్రోమీటర్ అనే పరికరంతో కొలుస్తారు.

→ శీతోష్ణస్థితి : 25 సంవత్సరాలు లేదా అంతకంటే ఎక్కువకాలం యొక్క సగటు వాతావరణ నమూనాను ఆ ప్రదేశం యొక్క ‘శీతోష్ణస్థితి’ అంటారు.

Students can go through AP Board 7th Class Science Notes 8th Lesson కాంతితో అద్భుతాలు to understand and remember the concept easily.

AP Board 7th Class Science Notes 8th Lesson కాంతితో అద్భుతాలు

→ కాంతి ఒక శక్తి స్వరూపం.

→ కాంతి వివిధ రకాల వస్తువుల నుండి విడుదల అవుతుంది. వాటిని కాంతి జనకాలు అంటారు.

→ వాటంతట అవే కాంతిని విడుదల చేసే కాంతి జనకాలను సహజ కాంతి జనకాలు అంటారు.

→ మానవ ప్రమేయంతో కాంతిని విడుదలచేసే జనకాలను మానవ ప్రమేయ కాంతి జనకాలు లేదా కృత్రిమ కాంతి జనకాలు అంటారు.

→ కాంతి ప్రయాణించే దారి లేదా మార్గాన్ని కాంతి కిరణం అంటారు.

→ కాంతి కిరణాన్ని బాణపు గుర్తుతో కూడిన సరళరేఖతో సూచిస్తారు.

→ కాంతి కిరణాల సముదాయాన్ని కాంతి కిరణపుంజం అంటారు.

→ ఒకదానికొకటి సమాంతరంగా ప్రయాణించే కాంతి కిరణాల సముదాయాన్ని సమాంతర కాంతి కిరణపుంజం అంటారు.

→ వివిధ దిశల నుండి ప్రయాణిస్తున్న కాంతికిరణాలు ఒక బిందువు వద్ద చేరితే అలాంటి కాంతికిరణ సముదాయాన్ని ‘అభిసరణ కాంతి కిరణపుంజం’ అంటారు.

→ ఒక కాంతి జనకము నుండి వివిధ దిశలలో ప్రయాణించే కాంతికిరణ సముదాయాన్ని ‘అవసరణ కాంతికిరణ పుంజం’ అంటారు.

→ వస్తువుల మీద పడిన కాంతి వెనుకకు మరలుతుంది. ఆ మరలిన కాంతి కంటిని చేరుటవలన ఆ వస్తువులను మనం చూడగలుగుతాం.

→ కాంతి జనకాల నుండి వచ్చిన కాంతికిరణాలు నునుపు లేదా గరుకు తలాలను తాకి వెనుకకు మరలే ప్రక్రియను ‘కాంతి పరావర్తనం’ అంటారు.

→ పరావర్తనలు రెండు రకాలు.

1. క్రమ పరావర్తనం
2. క్రమరహిత పరావర్తనం

→ క్రమ పరావర్తనం నునుపైన మరియు మెరుస్తున్న తలాల నుండి జరుగుతుంది.

→ క్రమరహిత పరావర్తనం గరుకుతలాలపై జరుగుతుంది.

→ పతనకోణం, పరావర్తన కోణానికి సమానం.

→ పతనకిరణం, పరావర్తన కిరణం, తలానికి లంబం ఒకే తలంలో ఉంటాయి.

→ రెండు దర్పణాల మధ్య ఏర్పడే ప్రతిబింబాల సంఖ్య కనుగొనుటకు సూత్రం,
n = ( 360°/θ ) – 1, θ అనేది దర్పణాల మధ్య కోణం.

→ సమతలాలపై కాంతి పరావర్తనం సూత్రం ఆధారంగా పెరిస్కోప్ తయారు చేయబడింది.

→ పుటాకార, కుంభాకార దర్పణాలను గోళాకార దర్పణాలు అంటారు.

→ వస్తువు యొక్క స్థానాన్ని బట్టి పుటాకార దర్పణాలు నిజ మరియు మిథ్యా ప్రతిబింబాలను, పెద్ద, సమాన పరిమాణం గల మరియు చిన్నదైన ప్రతిబింబాలను నిటారు, తలకిందులైన ప్రతిబింబాలను ఏర్పరుస్తాయి.

– కుంభాకార దర్పణాలు కేవలం మిథ్యా, నిటారైన మరియు చిన్నదైన ప్రతిబింబాలను మాత్రమే ఏర్పరుస్తాయి.

→ పుటాకార దర్పణాలు దంతవైద్యులు, కంటివైద్యులు, చెవి, ముక్కు, గొంతు వైద్యనిపుణులు వాడతారు మరియు వాహనాల హెడ్ లైట్లలో కూడా వాడుతారు.

→ కుంభాకార దర్పణాలను వాహనాలలో రియర్‌ వ్యూ మిర్రర్లను, రోడ్డు మలుపుల వద్ద భద్రత దర్పణాలుగా వాడుతారు.

→ వక్రతలాన్ని కలిగి ఉండి కాంతిని తన ద్వారా పంపించగలిగే ఏదైనా పారదర్శక పదార్థాన్ని ‘కటకం’ అంటారు.

→ మధ్యభాగం మందంగా ఉండి అంచులు పలుచగా ఉన్నటువంటి కటకాన్ని కుంభాకార కటకం అంటారు. ఆ మధ్యలో పలుచగా ఉండి అంచుల వెంబడి మందంగా ఉన్న కటకాన్ని ‘పుటాకార కటకం’ అంటారు.

→ సహజ కాంతి జనకాలు : తమంతట తాము కాంతిని విడుదలజేయు జనకాలను సహజ కాంతి జనకాలు అంటారు.

→ కృత్రిమ కాంతి జనకాలు : మానవ ప్రమేయంతో కాంతిని విడుదల చేయు జనకాలను కృత్రిమ కాంతి జనకాలు అంటారు.

→ కాంతి పరావర్తనం : వస్తువులపై పడిన కాంతి అదే యానకంలో తిరిగి వెనుకకు రావడాన్ని కాంతి పరావర్తనం అంటారు.

→ పతన కిరణం : పరావర్తన తలం మీద పడే కాంతి కిరణాన్ని పతన కిరణం అంటారు.

→ పరావర్తన కిరణం : పరావర్తన తలం నుండి వెనుకకు మరలే కాంతికిరణాన్ని పరావర్తన కిరణం అంటారు.

→ క్రమ పరావర్తనం : నునుపైన తలాలపై జరుగు పరావర్తనాన్ని క్రమ పరావర్తనం అంటారు. దీని వలన స్పష్టమైన ప్రతిబింబము ఏర్పడుతుంది.

→ క్రమరహిత పరావర్తనం : గరుకు తలం నుండి జరుగు పరావర్తనాన్ని క్రమరహిత పరావర్తనం అంటారు. దీనిలో ప్రతిబింబాలు అస్పష్టంగా ఏర్పడతాయి.

→ పతన కోణం : పతన కిరణం పరావర్తనం తలం వద్ద చేయు కోణాన్ని పతన కోణం అంటారు.

→ పరావర్తన కోణం : పరావర్తన కిరణం పరావర్తన తలం వద్ద చేయు కోణాన్ని పరావర్తన కోణం అంటారు.

→ లంబము : పరావర్తన బిందువుకు నిలువు కోణాన్ని లంబము అంటారు. ఇది పరావర్తన తలానికి 90° కలిగి ఉంటుంది.

→ పుటాకార దర్పణం : లోపలికి వంచబడిన పరావర్తన తలాలను పుటాకార దర్పణం అంటారు.

→ కుంభాకార దర్పణం : బయటకు వంచబడిన పరావర్తన తలాలను కుంభాకార దర్పణం అంటారు.

→ నిజ ప్రతిబింబం : తెరమీద పట్టగలిగిన ప్రతిబింబాలను నిజ ప్రతిబింబాలు అంటారు.

→ మిథ్యా ప్రతిబింబం : తెర మీద పట్టలేని ప్రతిబింబాలను మిథ్యా ప్రతిబింబాలు అంటారు.

→ కటకం : వక్రతలాలు కలిగిన కాంతి పారదర్శక యానకాన్ని కటకం అంటారు.

→ కాంతి విశ్లేషణ : కాంతి ఏదైనా యానకం ద్వారా ప్రయాణిస్తున్నప్పుడు దానిలోని రంగులు విడిపోయే ప్రక్రియను కాంతి విశ్లేషణ అంటారు.

Students can go through AP Board 7th Class Science Notes 7th Lesson మొక్కలలో ప్రత్యుత్పత్తి to understand and remember the concept easily.

AP Board 7th Class Science Notes 7th Lesson మొక్కలలో ప్రత్యుత్పత్తి

→ తమలాంటి కొత్త జీవుల్ని ఉత్పత్తి చేయడాన్ని, సంఖ్యను పెంచడాన్ని ప్రత్యుత్పత్తి అంటారు.

→ మొక్కలలో విత్తనాలతో జరిగే ప్రత్యుత్పత్తిని లైంగిక ప్రత్యుత్పత్తి అంటారు.

→ మొక్కలలో విత్తనాల ప్రమేయం లేకుండా జరిగే ప్రత్యుత్పత్తిని అలైంగిక ప్రత్యుత్పత్తి అంటారు.

→ అలైంగిక ప్రత్యుత్పత్తిలో శాఖీయోత్పత్తి ఒకటి.

→ కృత్రిమ శాఖీయోత్పత్తి పద్ధతులలో నేలంటు, అంటుకట్టడం ముఖ్యమైనవి.

→ పుష్పం అనేది మొక్క యొక్క లైంగిక భాగం.

→ పుష్పభాగములు పుష్పములో నాలుగు వలయాలుగా అమర్చబడి ఉంటాయి. అవి రక్షక పత్రావళి, ఆకర్షక పత్రావళి, కేసరావళి, అండకోశం.

→ కేసరావళి పుష్పంలోని పురుష ప్రత్యుత్పత్తి భాగం. అండకోశం పుష్పంలోని స్త్రీ ప్రత్యుత్పత్తి భాగం.

→ నాలుగు వలయాలూ ఉన్న పుష్పాలను సంపూర్ణ పుష్పాలు అంటారు.

→ నాలుగు వలయాలలో ఏదైనా వలయం లేని పుష్పాలను అసంపూర్ణ పుష్పాలు అంటారు.

→ సాధారణంగా కేసరావళి, అండకోశం చాలా మొక్కల్లో ఒకే పుష్పంలో ఉంటాయి. ఈ రకమైన పుష్పాలను ద్విలింగ పుష్పాలు అంటారు.

→ కానీ కొన్ని పుష్పాలలో కేసరావళి కాని లేదా అండకోశం కాని ఉంటాయి. ఈ రకమైన పుష్పాలను ఏకలింగ పుష్పాలు అని అంటారు.

→ కేసరావళి మాత్రమే ఉండే ఏకలింగ పుష్పాలను మగ పుష్పాలు అంటారు.

→ అండకోశం మాత్రమే ఉండే ఏకలింగ పుష్పాలను స్త్రీ పుష్పాలు అంటారు.

→ పరాగరేణువులను పరాగకోశాల నుండి కీలాగ్రానికి బదిలీ చేసే ప్రక్రియను పరాగ సంపర్కం అంటారు.
A) పరాగరేణువులు ఒకే పుష్పంలోని పరాగకోశం నుండి, అదే పుష్పంలోని కీలాగ్రానికి చేరినట్లయితే, దానిని స్వపరాగ సంపర్కం అంటారు.
B) ఒక పుష్పంలోని పరాగకోశం నుండి విడుదలైన పరాగరేణువులు మరొక పుష్పంలోని కీలాగ్రాన్ని చేరినప్పుడు జరిగే పరాగ సంపర్కాన్ని ‘పరపరాగ సంపర్కం’ అంటారు.
C) ఫలదీకరణం తరువాత అండాశయం పెద్దదై ఫలంగా మారుతుంది.
D) అండాలు విత్తనాలుగా అభివృద్ధి చెందుతాయి.

→ విత్తన వ్యాప్తి అనే ప్రక్రియ మొక్కలు సహజంగా అనువైన ప్రదేశాలలో తమ సంతతిని అభివృద్ధి చేసే ప్రక్రియ.

→ ప్రత్యుత్పత్తి : తమలాంటి కొత్త జీవుల్ని ఉత్పత్తి చేయడాన్ని ప్రత్యుత్పత్తి అంటారు.

→ శాఖీయ వ్యాప్తి : మొక్కలు శాఖీయ భాగాలైన వేరు, కాండం, పత్రం ద్వారా జరిగే వ్యాప్తిని శాఖీయ వ్యాప్తి అంటారు.

→ ఏకలింగ పుష్పాలు , : కొన్ని పూలలో కేసరావళి గాని లేదా అండకోశం కాని ఏదో ఒకటి మాత్రమే ఉంటుంది. ఇటువంటి పుష్పాలను ఏకలింగ పుష్పాలు అంటారు.
ఉదా : బొప్పాయి.

→ ద్విలింగ పుష్పాలు : సాధారణంగా కేసరావళి మరియు అండకోశం చాలా మొక్కలలో ఒకే పుష్పంలో ఉంటాయి. ఈ రకమైన పుష్పాలను ద్విలింగ పుష్పాలు అంటారు.
ఉదా : మందార.

→ కేసరాలు : మొక్కలలోని పురుష ప్రత్యుత్పత్తి అవయవాలను కేసరాలు అంటారు. ఇవి పుష్పంలోని మూడవ వలయం. సాధారణంగా పొడవుగా, మృదువుగా ఉండే నిర్మాణాలు.

→ అండకోశం : పుష్పంలోని స్త్రీ ప్రత్యుత్పత్తి భాగాన్ని అండకోశం అంటారు. ఇది సన్నని నాళం వంటి నిర్మాణము. దీనిలో అండాశయం, కీలం మరియు కీలాగ్రం అనే భాగాలు ఉంటాయి.

→ పరాగ కోశాలు : ప్రతి కేసరం పైన ఉబ్బిన పెట్టె వంటి నిర్మాణం ఉంటుంది. దీనినే పరాగకోశం అంటారు. దీనిలో పరాగ రేణువులు ఉత్పత్తి అవుతాయి.

→ పరాగ రేణువులు : మొక్కలలోని పురుష సంయోగ బీజాన్ని పరాగ రేణువులు అంటారు. ఇవి పరాగ కోశంలో ఉత్పత్తి అవుతాయి.

→ అండాశయం : పుష్పాసనం (పైన ఉబ్బిన నిర్మాణాన్ని అండాశయం అంటారు. దీనిలో అండాలు ఉంటాయి.

→ ఫలదీకరణం : స్త్రీ, పురుష సంయోగ బీజాల కలయికను ఫలదీకరణ అంటారు.

→ సంయుక్తబీజం ఫలదీకరణ ఫలితంగా ఏర్పడే ద్వయస్థితిక కణాన్ని సంయుక్త బీజం అంటారు. ఇది మొక్కగా అభివృద్ధి చెందును.

→ విత్తనాల వ్యాప్తి : విత్తనాలు ఒక ప్రదేశం నుండి మరొక ప్రదేశానికి విస్తరించటాన్ని విత్తన వ్యాప్తి అంటారు. ఇది మొక్కల మనుగడ అవకాశాన్ని పెంచుతుంది.

Students can go through AP Board 7th Class Science Notes 6th Lesson విద్యుత్ to understand and remember the concept easily.

AP Board 7th Class Science Notes 6th Lesson విద్యుత్

→ విద్యుత్ ఘటం విద్యుత్తును జనింపచేసే వనరు.

→ విద్యుత్ ఘటం రసాయన శక్తిని విద్యుత్ శక్తిగా మార్చుతుంది.

→ రెండు కానీ అంతకంటే ఎక్కువ ఘటాలు కలిసినప్పుడు బ్యాటరీ ఏర్పడును.

→ ఘటములను శ్రేణిలో కలపడం: ఒక ఘటము యొక్క ధనధృవమును, రెండవ ఘటము యొక్క ఋణ ధృవంతో కలుపుతారు.

→ ఘటములను సమాంతరంగా కలపడం: ధనధృవాలన్నీ ఒక బిందువు వద్ద, ఋణ ధృవాలన్ని మరొక బిందువు వద్ద కలుపుతారు.

→ బల్బులను శ్రేణి పద్ధతిలో కలిపినప్పుడు విద్యుత్ ప్రసరణ మార్గం ఒకటే ఉంటుంది. బల్బులను సమాంతరంగా కలిపినప్పుడు అనేక విద్యుత్ ప్రసరణ మార్గాలు ఉంటాయి.

→ విద్యుత్ వాహకంగుండా విద్యుతను ప్రసరింప చేసినప్పుడు ఉష్ణ ఫలితాలు మరియు అయస్కాంత ఫలితాలు ఏర్పడతాయి. ఈ విద్యుత్ ప్రవాహం కారణంగా ఉష్ణం జనించడాన్ని విద్యుత్ యొక్క ఉష్ణ ఫలితము అంటారు. విద్యుత్ యొక్క ఉష్ణ ఫలితమును హీటర్, ఇస్త్రీ పెట్టె, సోల్డరింగ్ చేసే గన్, కెటిల్, ఎలక్ట్రిక్ కుక్కర్ మొదలైన వాటిలో ఉపయోగిస్తారు.

→ విద్యుత్ తీగగుండా ప్రసరించినప్పుడు అది అయస్కాంతం వలే ప్రవర్తిస్తుంది. దీనిని విద్యుత్ యొక్క అయస్కాంత ఫలితము అంటారు.

→ 1 కిలో వాటి = 1000 వాట్లు.

→ ఘటం : రసాయనిక శక్తిని విద్యుత్ శక్తిగా మార్చే పరికరం.

→ బల్బు : విద్యుత్ శక్తిని కాంతి శక్తిగా మార్చే వస్తువు.

→ బ్యాటరీ : విద్యుత్ ఘటాల కలయికను బ్యాటరీ అంటారు.

→ శ్రేణిపద్ధతి : విద్యుత్ వలయంలో బల్బులు లేదా బ్యాటరీలను ఒకదానితో ఒకటి వరుసగా కలిపే పద్ధతి.

→ సమాంతర పద్ధతి : విద్యుత్ వలయంలో పరికరాల ధనధృవాలను ఒక బిందువుకు, ఋణ ధృవాలను మరొక బిందువుకు కలిపే పద్ధతి.

→ ఉష్ణఫలితం : విద్యుత్ ప్రవహించటం ద్వారా ఉష్ణము జనించే ప్రక్రియను ఉష్ణఫలితం అంటారు.
ఉదా : నిక్రోమ్

→ అయస్కాంత ఫలితం : తీగెల ద్వారా విద్యుత్ ప్రవహిస్తున్నప్పుడు దాని చుట్టు అయస్కాంత క్షేత్రం ఏర్పడుతుంది. దీనినే అయస్కాంత ఫలితం అంటారు.

→ విద్యుదయస్కాంతం : విద్యుత్ ప్రవాహం వలన అయస్కాంతాలుగా ప్రవర్తించే పరికరాలను విద్యుదయస్కాంతాలు అంటారు. ఈ ఫలితాన్ని విద్యుదయస్కాంతం అంటారు.

→ M.C.B : మినియేచర్ సర్క్యూట్ బ్రేకరు MCB అంటారు.. ఇది విద్యుత్ వలయంలో స్వయం నియంత్రిత స్విలా పని చేస్తుంది.

→ విద్యుఘాతము : ఒక వ్యక్తి శరీరం గుండా విద్యుత్ ప్రయాణించడాన్ని విద్యుఘాతము అంటారు.

→ ఫ్లోరెసెంట్ ట్యూబ్ : తక్కువ విద్యుత్ ను వాడుకొనే విద్యుత్ జనకం. సాధారణ బల్బువలె వీటిలో నిక్రోమ్ తీగ ఉండదు.

→ కాంపాక్ట్ ఫ్లోరోసెంట్ ల్యాంప్ (CFL) : అతి తక్కువ విద్యుత్ను వాడుకొనే ఆధునిక బల్బు. ఇది L.E.D లు కల్గి ఉంటుంది.